ອົບພະຍົບ 13:7 - ພຣະຄຳພີສັກສິ

⁷ ໃນ​ເວລາ​ເຈັດ​ວັນ​ນີ້ ຢ່າ​ກິນ​ເຂົ້າຈີ່​ມີ​ເຊື້ອ​ແປ້ງ​ຢ່າງ​ເດັດຂາດ ແລະ​ທັງ​ຢ່າ​ໃຫ້​ມີ​ເຂົ້າຈີ່​ທີ່​ມີ​ເຊື້ອ​ແປ້ງ​ໃດໆ ຕາມ​ເຮືອນ​ໃນ​ດິນແດນ​ທີ່​ພວກເຈົ້າ​ອາໄສ​ຢູ່​ນັ້ນ.

ອົບພະຍົບ 13:7 Jak'a apnaqawi uñst'ayäwi

ອົບພະຍົບ 12:15

ຈົ່ງ​ກິນ​ເຂົ້າຈີ່ ບໍ່ມີ​ເຊື້ອແປ້ງ​ໃຫ້​ຄົບ​ເຕັມ​ເຈັດ​ວັນ. ໃນ​ວັນ​ທຳອິດ ໃຫ້​ເອົາ​ເຊື້ອແປ້ງ​ທັງໝົດ​ໃນ​ເຮືອນ​ຖິ້ມ ເພາະວ່າ​ຖ້າ​ຜູ້ໃດ​ຜູ້ໜຶ່ງ​ກິນ​ເຂົ້າຈີ່ ມີ​ເຊື້ອແປ້ງ​ໃນ​ເຈັດ​ວັນ​ນັ້ນ ຈະ​ບໍ່ໄດ້​ເປັນ​ປະຊາຊົນ​ຂອງເຮົາ​ອີກ​ຕໍ່ໄປ.

ອົບພະຍົບ 12:19

ໃນ​ເຈັດ​ວັນ​ນີ້ ຢ່າ​ໃຫ້​ມີ​ເຊື້ອແປ້ງ​ຢູ່​ໃນ​ເຮືອນ. ຖ້າ​ຄົນ​ໃດ​ຄົນ​ໜຶ່ງ​ກິນ​ເຂົ້າຈີ່​ມີ​ເຊື້ອແປ້ງ ບໍ່​ວ່າ​ເປັນ​ຄົນ​ຕ່າງດ້າວ ຫລື​ເປັນ​ຄົນ​ອິດສະຣາເອນ​ກໍຕາມ ລາວ​ຈະ​ບໍ່ໄດ້​ເປັນ​ປະຊາຊົນ​ຂອງເຮົາ​ອີກ​ຕໍ່ໄປ.”

ມັດທາຍ 16:6

ພຣະເຢຊູເຈົ້າ​ໄດ້​ບອກ​ເຕືອນ​ພວກເພິ່ນ​ວ່າ, “ຈົ່ງ​ລະວັງ ສັງເກດ​ໃຫ້​ດີ​ຕໍ່​ເຊື້ອແປ້ງ​ຂອງ​ພວກ​ຟາຣີຊາຍ​ແລະ​ພວກ​ຊາດູກາຍ.”

1 ໂກຣິນໂທ 5:8

ດ້ວຍເຫດນັ້ນ ເຮົາ​ທັງຫລາຍ​ຈຶ່ງ​ຖື​ປັດສະຄາ​ນັ້ນ, ບໍ່ແມ່ນ​ດ້ວຍ​ເຊື້ອ​ເກົ່າ ຫລື​ເຊື້ອ​ຂອງ​ຄວາມ​ຊົ່ວຮ້າຍ, ແຕ່​ດ້ວຍ​ເຂົ້າຈີ່​ບໍ່ມີ​ເຊື້ອແປ້ງ ຄື​ຄວາມ​ສັດຊື່​ແລະ​ຄວາມຈິງ.

ພຣະບັນຍັດສອງ 16:4

ເປັນ​ເວລາ​ເຈັດ​ວັນ​ນີ້ ຢ່າ​ໃຫ້​ຜູ້ໃດ​ໃນ​ດິນແດນ​ຂອງ​ພວກເຈົ້າ​ມີ​ເຊື້ອແປ້ງ​ຢູ່​ໃນ​ເຮືອນ ແລະ​ຊີ້ນ​ສັດ​ທີ່​ຂ້າ​ໃນ​ຕອນແລງ​ຂອງ​ມື້​ທີ​ໜຶ່ງ​ນັ້ນ ຕ້ອງ​ກິນ​ໃຫ້​ໝົດ​ໃນ​ຄືນ​ນັ້ນ.

ໂຢຊວຍ 5:11

ຕໍ່​ຈາກ​ວັນ​ປັດສະຄາ ແມ່ນ​ວັນ​ທຳອິດ​ຊຶ່ງ​ພວກເຂົາ​ໄດ້​ກິນ​ແຕ່​ສິ່ງ​ທີ່​ຊາວ​ການາອານ​ໄດ້​ປູກ​ຄື: ເຂົ້າ​ຂົ້ວ​ກັບ​ເຂົ້າຈີ່​ບໍ່ມີ​ເຊື້ອແປ້ງ.