ອົບພະຍົບ 12:26 - ພຣະຄຳພີສັກສິ

²⁶ ເມື່ອ​ພວກ​ລູກຫລານ​ຖາມ​ວ່າ, ‘ພິທີ​ນີ້​ມີ​ຄວາມໝາຍ​ວ່າ​ຢ່າງ​ໃດ?’

ອົບພະຍົບ 12:26 Jak'a apnaqawi uñst'ayäwi

ເພງ^ສັນລະເສີນ 145:4

ຈົ່ງ​ໃຫ້​ຄົນ​ຊົ່ວອາຍຸນີ້​ເວົ້າ​ເຖິງ​ພຣະ​ຣາຊກິດ​ຂອງ​ພຣະອົງ​ສູ່​ຄົນ​ອີກ​ຊົ່ວ​ອາຍຸໜຶ່ງ​ຟັງ ແລະ​ປະກາດ​ກິດຈະການ​ອັນ​ຍິ່ງໃຫຍ່​ທີ່​ໄດ້​ຊົງ​ກະທຳ​ນັ້ນ.

ເພງ^ສັນລະເສີນ 44:1

ຂ້າແດ່​ພຣະເຈົ້າ ພວກ​ຂ້ານ້ອຍ​ໄດ້ຍິນ​ຄຳ​ເວົ້າ​ດ້ວຍ​ຫູ​ຂອງຕົນເອງ ປູ່ຍ່າຕາຍາຍ​ຂອງ​ພວກ​ຂ້ານ້ອຍ​ກໍໄດ້​ບອກ​ເຖິງ​ເລື່ອງ​ນີ້ ຄື​ໃນ​ຄາວ​ຂອງ​ພວກເພິ່ນ​ນັ້ນ​ພຣະອົງ​ໄດ້​ເຮັດ​ສິ່ງ​ຍິ່ງໃຫຍ່​ຫລາຍ ເປັນ​ເຫດການ​ທີ່​ຜ່ານ​ມາ​ແຕ່​ດົນນານ​ແລ້ວ:

ອົບພະຍົບ 10:2

ແລ້ວ​ພວກເຈົ້າ​ກໍ​ຈະ​ໄດ້​ເລົ່າ​ສູ່​ພວກ​ລູກຫລານ​ຟັງ​ວ່າ ເຮົາ​ໄດ້​ກະທຳ​ໃຫ້​ຊາວ​ເອຢິບ​ໂງ່ງ່າວ​ພຽງ​ໃດ ເມື່ອ​ເຮົາ​ໄດ້​ເຮັດ​ການ​ອັດສະຈັນ​ຕ່າງໆ​ເຫຼົ່ານັ້ນ. ພວກເຈົ້າ​ທຸກຄົນ​ຈະ​ໄດ້​ຮູ້​ວ່າ ເຮົາ​ແມ່ນ​ພຣະເຈົ້າຢາເວ.”

ອົບພະຍົບ 12:25

ເມື່ອ​ພວກເຈົ້າ​ເຂົ້າ​ໄປ​ໃນ​ດິນແດນ​ທີ່​ພຣະເຈົ້າຢາເວ​ໄດ້​ສັນຍາ​ວ່າ ຈະ​ມອບ​ໃຫ້​ພວກເຈົ້າ​ນັ້ນ ພວກເຈົ້າ​ຕ້ອງ​ໄດ້​ຈັດ​ພິທີ​ນີ້​ຂຶ້ນ.

ອົບພະຍົບ 13:22

ຕະຫລອດ​ການ​ເດີນທາງ​ນັ້ນ ເສົາເມກ​ໄດ້​ຊີ້​ທາງ​ໃນ​ເວລາ​ກາງເວັນ ແລະ​ເສົາໄຟ​ໄດ້​ຊີ້​ທາງ​ໃນ​ເວລາ​ກາງຄືນ.

ເອຊາຢາ 38:19

ແມ່ນ​ຜູ້​ທີ່​ມີ​ຊີວິດ​ຢູ່​ເທົ່ານັ້ນ​ທີ່​ສັນລະເສີນ​ພຣະອົງ ດັ່ງ​ທີ່​ຂ້ານ້ອຍ​ສັນລະເສີນ​ພຣະອົງ​ຢູ່​ດຽວນີ້. ດັ່ງ​ພໍ່​ແມ່​ບອກສອນ​ພວກ​ລູກໆ​ຂອງຕົນ ເຖິງ​ຄວາມສັດຊື່​ຂອງ​ພຣະອົງ​ໃຫ້​ເຂົາ​ໄດ້​ຮູ້.

ເອເຟໂຊ 6:4

ຝ່າຍ​ພໍ່​ແມ່​ຢ່າ​ເຮັດ​ໃຫ້​ລູກ​ຂອງຕົນ​ຂັດເຄືອງ​ໃຈ ແຕ່​ຈົ່ງ​ອົບຮົມ​ສັ່ງສອນ​ພວກເຂົາ​ຕາມ​ລະບຽບ ແລະ​ຫລັກ​ຄຳສັ່ງສອນ​ທຸກຢ່າງ​ຂອງ​ອົງພຣະ​ຜູ້​ເປັນເຈົ້າ.

ພຣະບັນຍັດສອງ 11:19

ຈົ່ງ​ສັ່ງສອນ​ລູກຫລານ​ໃຫ້​ຮໍ່າຮຽນ​ເອົາ. ຈົ່ງ​ກ່າວ​ຕໍ່​ພວກເຂົາ​ເຖິງ​ກົດບັນຍັດ​ເຫຼົ່ານີ້ ບໍ່​ວ່າ​ເມື່ອ​ພວກເຈົ້າ​ຢູ່​ໃນ​ເຮືອນ​ຫຼື​ເມື່ອ​ຈາກ​ບ້ານ​ໄປ​ກໍດີ ເມື່ອ​ພວກເຈົ້າ​ນອນ​ພັກຜ່ອນ​ຫຼື​ເມື່ອ​ພວກເຈົ້າ​ລຸກ​ຂຶ້ນ​ກໍດີ.

ພຣະບັນຍັດສອງ 32:7

ຈົ່ງ​ລະນຶກເຖິງ​ອະດີດ ເວລາ​ນານ​ຜ່ານ​ມາ; ຖາມ​ເບິ່ງ​ບັນດາ​ບິດາ ໃຫ້​ເລົ່າ​ສິ່ງ​ທີ່​ໄດ້​ເກີດ​ມາ ສູ່​ຟັງ​ເບິ່ງ ຖາມ​ເບິ່ງ​ພວກ​ຄົນ​ເຖົ້າ ຄົນ​ຊາຣາ​ທີ່​ເກີດ​ກ່ອນ; ບອກ​ເພິ່ນ​ຢ້ອນ​ເລົ່າ​ເລື່ອງ ໃນ​ອະດີດ​ສູ່​ຟັງ​ແດ່ແມ

ພຣະບັນຍັດສອງ 6:20

ໃນ​ພາຍ​ໜ້າ ພວກ​ລູກຫລານ​ຂອງ​ພວກເຈົ້າ​ຈະ​ຖາມ​ວ່າ, ‘ດ້ວຍເຫດໃດ ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຈຶ່ງ​ສັ່ງ​ໃຫ້​ເຊື່ອຟັງ​ກົດບັນຍັດ​ເຫຼົ່ານີ້?’

ພຣະບັນຍັດສອງ 6:7

ຈົ່ງ​ສັ່ງສອນ​ລູກຫຼານ​ຂອງ​ພວກເຈົ້າ​ໃຫ້​ຮຽນຮູ້​ເອົາ. ໃຫ້​ພວກເຈົ້າ​ເວົ້າ​ຫລຳໄປ​ຫລຳມາ ບໍ່​ວ່າ​ເມື່ອ​ຢູ່​ໃນ​ເຮືອນ​ຫລື​ທຽວທາງ​ກໍດີ ເມື່ອ​ພັກຜ່ອນ​ຫລື​ເຮັດວຽກ​ກໍດີ.