ອົບພະຍົບ 10:3 - ພຣະຄຳພີສັກສິ3 ສະນັ້ນ ໂມເຊແລະອາໂຣນຈຶ່ງໄດ້ເຂົ້າໄປພົບກະສັດຟາໂຣ ແລະກ່າວຕໍ່ເພິ່ນວ່າ, “ພຣະເຈົ້າຢາເວ ພຣະເຈົ້າຂອງຊາວເຮັບເຣີກ່າວວ່າ, ‘ເຈົ້າຍັງຈະແຂງຂໍ້ຕໍ່ເຮົາອີກດົນນານປານໃດ? ຈົ່ງປ່ອຍປະຊາຊົນຂອງເຮົາໄປ ເພື່ອວ່າພວກເຂົາຈະໄດ້ນະມັດສະການເຮົາ. Uka jalj uñjjattʼäta |
ອົບພະຍົບ 10:3
28 Jak'a apnaqawi uñst'ayäwi
ເພາະເຈົ້າໄດ້ຍອມຟັງແລະເຈົ້າໄດ້ຖ່ອມຕົວຕໍ່ໜ້າພຣະເຈົ້າຢາເວ ເຈົ້າຈີກເຄື່ອງນຸ່ງຂອງເຈົ້າແລະຮ້ອງໄຫ້ ເມື່ອເຈົ້າໄດ້ຍິນເຖິງການຂູ່ເຂັນ ທີ່ເຮົາຈະລົງໂທດນະຄອນເຢຣູຊາເລັມ ແລະປະຊາຊົນໃນເມືອງ. ເຮົາຈະເຮັດໃຫ້ເມືອງນີ້ເປັນໜ້າຢ້ານກົວ ຄືເປັນບ່ອນທີ່ຄົນຈະໃຊ້ຊື່ເມືອງນີ້ເປັນຄຳສາບແຊ່ງ. ແຕ່ເຮົາໄດ້ຍິນຄຳພາວັນນາອະທິຖານຂອງເຈົ້າ ພຣະເຈົ້າຢາເວກ່າວດັ່ງນີ້.
ຄຳພາວັນນາອະທິຖານຂອງກະສັດພ້ອມທັງຄຳຕອບຂອງພຣະເຈົ້າ ແລະເລື່ອງການເຮັດບາບຕ່າງໆກ່ອນເພິ່ນກັບໃຈໃໝ່ ເຊັ່ນ: ການກະທຳຊົ່ວຂອງເພິ່ນ, ບ່ອນຂາບໄຫວ້ຂອງຄົນບໍ່ນັບຖືພຣະເຈົ້າ ສັນຍາລັກຂອງເຈົ້າແມ່ອາເຊຣາ ຊຶ່ງເພິ່ນໄດ້ເຮັດຂຶ້ນ ແລະຮູບເຄົາຣົບທີ່ເພິ່ນຂາບໄຫວ້ ແມ່ນໄດ້ບັນທຶກໄວ້ໃນ ປຶ້ມປະຫວັດສາດຂອງພວກຜູ້ທຳນວາຍ.
ຖ້າປະຊາຊົນຂອງເຮົາຜູ້ທີ່ພວກເຂົາເອີ້ນກັນໂດຍຊື່ຂອງເຮົາຖ່ອມຕົວລົງ, ພາວັນນາອະທິຖານ, ຊອກຫາໜ້າເຮົາ ພ້ອມທັງກັບໃຈໃໝ່ ແລະຫັນໜີຈາກຄວາມຊົ່ວທີ່ພວກເຂົາກຳລັງເຮັດຢູ່; ແລ້ວທີ່ສະຫວັນ ເຮົາກໍຈະຟັງຄຳພາວັນນາອະທິຖານຂອງພວກເຂົາ, ໃຫ້ອະໄພການບາບຂອງພວກເຂົາ ແລະເຮັດໃຫ້ດິນແດນຂອງພວກເຂົາຈະເລີນຮຸ່ງເຮືອງຂຶ້ນໃໝ່.
ຈົ່ງລະວັງໃຫ້ດີ ຢ່າປະຕິເສດບໍ່ຍອມຟັງພຣະອົງຜູ້ຊົງກ່າວຢູ່ນັ້ນ ເພາະຖ້າຄົນທັງຫລາຍທີ່ປະຕິເສດ ບໍ່ຍອມຟັງຄຳເຕືອນຂອງພຣະອົງໃນໂລກນີ້ ເຂົາກໍບໍ່ມີທາງພົ້ນໂທດທີ່ເຂົາປະຕິເສດນັ້ນ ພວກເຮົາຜູ້ອວ່າຍໜ້າຈາກພຣະອົງ ຜູ້ຊົງເຕືອນຈາກສະຫວັນ ກໍຈະບໍ່ພົ້ນໂທດຫລາຍກວ່າເຂົາເຫຼົ່ານັ້ນເສຍອີກ.
Anuncios ukanaka