ອົບພະຍົບ 1:11 - ພຣະຄຳພີສັກສິ

¹¹ ດັ່ງນັ້ນ ຊາວ​ເອຢິບ​ຈຶ່ງ​ແຕ່ງຕັ້ງ​ຄົນ​ຄຸມ​ດູແລ​ຊາວ​ອິດສະຣາເອນ ໃຫ້​ເຮັດ​ວຽກ​ໜັກ​ຈົນ​ໝົດ​ເຮື່ອແຮງ ແລະ​ໝົດ​ກຳລັງໃຈ ພວກເຂົາ​ໄດ້​ສ້າງ​ເມືອງ​ປີທົມ​ແລະ​ເມືອງ​ຣາມາເຊັດ ເພື່ອ​ເປັນ​ສາງ​ໄວ້​ເຂົ້າ​ຂອງ​ກະສັດ​ຟາໂຣ.

ອົບພະຍົບ 1:11 Jak'a apnaqawi uñst'ayäwi

ປະຖົມມະການ 15:13

ພຣະອົງ​ຈຶ່ງ​ກ່າວ​ແກ່​ເພິ່ນ​ວ່າ, “ເຊື້ອສາຍ​ຂອງ​ເຈົ້າ​ຈະ​ເປັນ​ຄົນ​ຕ່າງດ້າວ​ຢູ່​ໃນ​ຕ່າງ​ດິນແດນ​ໜຶ່ງ ພວກເຂົາ​ຈະ​ຕົກ​ເປັນ​ທາດຮັບໃຊ້​ຢູ່​ໃນ​ທີ່ນັ້ນ ແລະ​ຈະ​ຖືກ​ກົດຂີ່​ຢ່າງ​ທາລຸນ​ເປັນ​ເວລາ​ສີ່ຮ້ອຍ​ປີ.

ປະຖົມມະການ 47:11

ໂຢເຊັບ​ໄດ້​ຈັດ​ທີ່ດິນ​ໃຫ້​ພໍ່​ກັບ​ພວກ​ອ້າຍ​ຂອງຕົນ​ຢູ່​ໃນ​ປະເທດ​ເອຢິບ ໂດຍ​ເລືອກ​ເອົາ​ດິນ​ຕອນ​ດີທີ່ສຸດ​ຢູ່​ໃກ້​ກັບ​ເມືອງ​ຣາມາເຊັດ ໃຫ້​ເປັນ​ສົມບັດ​ຂອງ​ພວກເຂົາ​ຕາມ​ທີ່​ກະສັດ​ໄດ້​ສັ່ງ.

1 ກະສັດ 9:19

ແລະ​ອີກ​ຫລາຍ​ເມືອງ​ສຳລັບ​ໄວ້​ສະບຽງ​ອາຫານ ຫລາຍ​ເມືອງ​ສຳລັບ​ໄວ້​ມ້າ ແລະ​ລົດຮົບ​ທັງຫລາຍ​ຂອງ​ເພິ່ນ ແລະ​ສຳລັບ​ທຸກສິ່ງ​ທີ່​ເພິ່ນ​ຢາກ​ຈະ​ສ້າງ​ໃນ​ນະຄອນ​ເຢຣູຊາເລັມ, ໃນ​ເລບານອນ ແລະ​ໃນ​ບ່ອນ​ຕ່າງໆ​ຂອງ​ອານາຈັກ​ຂອງ​ເພິ່ນ.

2 ຂ່າວຄາວ 16:4

ເບັນຮາດາດ​ໄດ້​ຕົກລົງ​ເຮັດ​ຕາມ​ຄຳ​ສະເໜີ​ຂອງ​ອາສາ ໂດຍ​ໄດ້​ສົ່ງ​ບັນດາ​ນາຍ​ທະຫານ​ຜູ້​ບັນຊາການ​ກອງທັບ​ໄປ​ໂຈມຕີ​ເມືອງ​ຕ່າງໆ​ຂອງ​ອິດສະຣາເອນ. ພວກເຂົາ​ໄດ້​ຢຶດ​ເມືອງ​ຕ່າງໆ ເຊັ່ນ: ອີໂຢນ, ດານ, ອາເບນ​ເບັດ​ມາອາກາ ແລະ​ເມືອງ​ທັງໝົດ​ຂອງ​ເນັບທາລີ ທີ່​ເປັນ​ບ່ອນ​ລຳລຽງ​ສະບຽງ​ອາຫານ.

2 ຂ່າວຄາວ 8:4

ພ້ອມ​ທັງ​ໄດ້​ສ້າງ​ປ້ອມ​ປ້ອງກັນ​ເມືອງ​ປານມີຣາ​ຢູ່​ໃນ​ຖິ່ນ​ແຫ້ງແລ້ງ​ກັນດານ. ເພິ່ນ​ໄດ້​ສ້າງ​ເມືອງ​ທັງໝົດ​ໃນ​ຮາມັດ​ຂຶ້ນ​ໃໝ່ ເພື່ອ​ໃຊ້​ເປັນ​ສູນກາງ​ສະສົມ​ສະບຽງ​ອາຫານ.

ເພງ^ສັນລະເສີນ 105:13

ພວກເພິ່ນ​ທ່ອງທ່ຽວ​ຈາກ​ປະເທດ​ນີ້​ສູ່​ປະເທດ​ອື່ນ ຈາກ​ອານາຈັກ​ນີ້​ໄປ​ສູ່​ອານາຈັກ​ອື່ນ​ອີກ.

ເພງ^ສັນລະເສີນ 129:1

ໃຫ້​ອິດສະຣາເອນ​ກ່າວ​ເຖີດ​ວ່າ, “ພວກເຂົາ​ໄດ້​ໃຫ້​ຂ້ານ້ອຍ​ທຸກຍາກ​ຢ່າງໜັກ ຕັ້ງແຕ່​ຍັງ​ໜຸ່ມນ້ອຍ​ເປັນ​ຕົ້ນມາ.

ເພງ^ສັນລະເສີນ 129:2

ພວກເຂົາ​ຂົ່ມເຫັງ​ຢ່າງ​ໂຫດຮ້າຍ​ແຕ່​ຄາວ​ຍັງ​ໜຸ່ມ​ມາ ແຕ່​ວ່າ​ພວກເຂົາ​ເອົາ​ຊະນະ​ຂ້ານ້ອຍ​ບໍ່ໄດ້​ເລີຍ.

ເພງ^ສັນລະເສີນ 68:13

(ເປັນຫຍັງ​ບາງຄົນ​ໃນ​ພວກເຈົ້າ​ຈຶ່ງ​ຢູ່​ໃນ​ຄອກ​ແກະ​ມື້​ທີ່​ສູ້ຮົບ​ນັ້ນ?) ເຖິງ​ປານ​ນັ້ນ​ເໝືອນ​ດັ່ງ​ນົກ​ກາງແກ​ໃຊ້​ເງິນ​ເຄືອບ​ປີກ ແລະ​ຂົນ​ຂອງ​ມັນ​ເຄືອບ​ດ້ວຍ​ຄຳສົດ.

ເພງ^ສັນລະເສີນ 81:6

“ເຮົາ​ໄດ້​ເອົາ​ພາລະໜັກ​ອອກ​ຈາກ​ບ່າ​ພວກເຈົ້າ ເຮົາ​ໄດ້​ໃຫ້​ພວກເຈົ້າ​ວາງ​ຫາບ​ດິນຈີ່​ລົງ​ແລ້ວ.

ອົບພະຍົບ 1:14

ຊາວ​ເອຢິບ​ໄດ້​ບັງຄັບ​ຊາວ​ອິດສະຣາເອນ ໃຫ້​ເຜົາ​ດິນຈີ່ ແລະ​ເຮັດ​ວຽກ​ກໍ່ສ້າງ ທັງ​ເຮັດ​ວຽກ​ໜັກ​ທຸກ​ຊະນິດ​ຢູ່​ຕາມ​ທົ່ງນາ ໂດຍ​ບໍ່ມີ​ຄວາມ​ເມດຕາປານີ​ແຕ່​ຢ່າງ​ໃດ​ເລີຍ.

ອົບພະຍົບ 2:11

ຢູ່ມາ​ວັນໜຶ່ງ ເມື່ອ​ໂມເຊ​ໃຫຍ່​ແລ້ວ ລາວ​ກໍໄດ້​ອອກ​ໄປ​ຢ້ຽມຢາມ​ຄົນ​ທີ່​ເປັນ​ຊົນຊາດ​ດຽວກັນ​ຄື ຊາວ​ເຮັບເຣີ ແລະ​ລາວ​ໄດ້​ເຫັນ​ພວກເຂົາ​ຖືກ​ບັງຄັບ​ໃຫ້​ເຮັດ​ວຽກ​ໜັກ​ຫລາຍ. ລາວ​ຍັງ​ໄດ້​ເຫັນ​ຄົນ​ເອຢິບ​ຜູ້ໜຶ່ງ​ຕົບຕີ​ຄົນ​ເຮັບເຣີ​ຜູ້ໜຶ່ງ ທີ່​ເປັນ​ຊົນຊາດ​ດຽວກັນ​ກັບ​ຕົນ.

ອົບພະຍົບ 3:7

ແລ້ວ​ພຣະເຈົ້າຢາເວ​ກໍ​ກ່າວ​ຕໍ່ໄປ​ອີກ​ວ່າ, “ເຮົາ​ໄດ້​ເຫັນ​ປະຊາຊົນ​ຂອງເຮົາ ຖືກ​ກົດຂີ່​ຢ່າງ​ໃດ​ແລ້ວ​ຢູ່​ໃນ​ປະເທດ​ເອຢິບ. ເຮົາ​ໄດ້ຍິນ​ພວກເຂົາ​ຮ້ອງ​ຫາ​ເຮົາ ໃຫ້​ຊ່ວຍກູ້​ພວກເຂົາ​ຈາກ​ບັນດາ​ນາຍຄຸມ​ຂອງ​ພວກເຂົາ. ເຮົາ​ຮູ້​ເຫັນ​ຄວາມ​ທົນທຸກ​ຂອງ​ພວກເຂົາ​ທຸກຢ່າງ.

ອົບພະຍົບ 5:10

ແລ້ວ​ຜູ້​ຄຸມງານ ແລະ​ຫົວໜ້າ​ຄົນງານ​ກໍໄດ້​ອອກ​ມາ ແລະ​ເວົ້າ​ກັບ​ຊາວ​ອິດສະຣາເອນ​ວ່າ, “ຕໍ່ໄປນີ້ ກະສັດ​ຟາໂຣ​ຈະ​ບໍ່​ໃຫ້​ເຟືອງ​ແກ່​ພວກເຈົ້າ​ອີກ.

ອົບພະຍົບ 5:15

ຕໍ່ມາ ພວກ​ຫົວໜ້າ​ຄົນງານ​ຊາວ​ອິດສະຣາເອນ ກໍໄດ້​ເຂົ້າ​ໄປ​ຮ້ອງທຸກ​ຕໍ່​ກະສັດ​ຟາໂຣ​ວ່າ, “ດ້ວຍເຫດໃດ​ທ່ານ​ຈຶ່ງ​ເຮັດ​ກັບ​ພວກ​ຄົນ​ຮັບໃຊ້​ຂອງທ່ານ​ຢ່າງ​ນີ້?

ອົບພະຍົບ 5:8

ແຕ່​ເຮັດ​ດິນຈີ່​ໃຫ້​ໄດ້​ຈຳນວນ​ເທົ່າ​ເດີມ ບໍ່​ໃຫ້​ຫລຸດ​ແມ່ນແຕ່​ກ້ອນ​ດຽວ. ພວກເຂົາ​ກຽດຄ້ານ ດ້ວຍເຫດນີ້ ພວກເຂົາ​ຈຶ່ງ​ມາ​ຂໍ​ອະນຸຍາດ​ນຳ​ເຮົາ ເພື່ອ​ໄປ​ຂ້າ​ສັດ​ຖວາຍບູຊາ​ແກ່​ພຣະເຈົ້າ​ຂອງ​ພວກເຂົາ

ສຸພາສິດ 27:4

ຄວາມ​ໂກດຮ້າຍ​ຄື​ການ​ຫ້ຽມໂຫດ​ແລະ​ການ​ທຳລາຍ, ແຕ່​ຄວາມ​ອິດສາ​ບໍ່ມີ​ຫຍັງ​ປຽບປານ​ເທົ່າ.

ຈົດບັນຊີ 20:15

ແລະ​ບັນພະບຸລຸດ​ຂອງ​ພວກ​ຂ້າພະເຈົ້າ​ໄດ້​ໄປ​ທີ່​ປະເທດ​ເອຢິບ ບ່ອນ​ທີ່​ພວກເພິ່ນ​ໄດ້​ອາໄສ​ຢູ່​ເປັນ​ເວລາ​ຫລາຍ​ປີ. ຊາວ​ເອຢິບ​ໄດ້​ກົດຂີ່​ຂົ່ມເຫັງ​ບັນພະບຸລຸດ​ຂອງ​ພວກ​ຂ້າພະເຈົ້າ ຕະຫລອດ​ທັງ​ພວກ​ຂ້າພະເຈົ້າ​ດ້ວຍ

ພຣະບັນຍັດສອງ 26:6

ຊາວ​ເອຢິບ​ໄດ້​ເຮັດ​ຕໍ່​ພວກ​ຂ້ານ້ອບ​ຢ່າງ​ໂຫດຮ້າຍ ແລະ​ໄດ້​ຂົ່ມເຫັງ​ພວກ​ຂ້ານ້ອຍ​ໃຫ້​ເຮັດ​ວຽກ​ເໝືອນ​ດັ່ງ​ຂ້າທາດ.