ເອສະເທີ 8:2 - ພຣະຄຳພີສັກສິ

² ກະສັດ​ຈຶ່ງ​ຖອດ​ແຫວນ​ທີ່​ມີ​ກາປະທັບ​ມອບ​ໃຫ້​ມໍເດໄກ (ແຫວນ​ນີ້​ໄດ້​ເອົາ​ຄືນ​ມາ​ຈາກ​ຮາມານ). ຣາຊີນີ​ເອສະເທີ​ຍັງ​ໄດ້​ມອບ​ຊັບສິນ​ຂອງ​ຮາມານ​ໃຫ້​ມໍເດໄກ​ເປັນ​ຜູ້​ຮັບຜິດຊອບ.

ເອສະເທີ 8:2 Jak'a apnaqawi uñst'ayäwi

ປະຖົມມະການ 41:42

ແລ້ວ​ກະສັດ​ກໍ​ຖອດ​ແຫວນ​ແຫ່ງ​ອຳນາດ​ອອກ​ຈາກ​ນິ້ວມື​ຂອງຕົນ ແລະ​ສຸບ​ໃສ່​ນິ້ວມື​ຂອງ​ໂຢເຊັບ. ເພິ່ນ​ເອົາ​ເສື້ອ​ໂຕ​ງາມ​ທີ່ສຸດ​ໃຫ້​ໂຢເຊັບ​ນຸ່ງ ແລະ​ເອົາ​ສາຍສ້ອຍ​ຄຳ​ຄ້ອງ​ຄໍ​ໃຫ້.

ເອສະເທີ 10:2

ພາລະກິດ​ອັນ​ສຳຄັນ​ແລະ​ຍິ່ງໃຫຍ່​ທັງໝົດ​ທີ່​ເພິ່ນ​ໄດ້​ກະທຳ ແລະ​ເລື່ອງລາວ​ທັງໝົດ​ຂອງ​ການ​ແຕ່ງຕັ້ງ​ມໍເດໄກ ໃຫ້​ເປັນ​ຂ້າຣາຊການ​ຊັ້ນ​ຜູ້ໃຫຍ່ ແມ່ນ​ໄດ້​ຖືກ​ບັນທຶກ​ໄວ້​ໃນ​ປຶ້ມ​ປະຫວັດສາດ​ທາງ​ຣາຊການ​ຂອງ​ບັນດາ​ກະສັດ​ແຫ່ງ​ເປີເຊຍ​ແລະ​ເມເດຍ.

ເອສະເທີ 3:10

ກະສັດ​ຈຶ່ງ​ຖອດ​ແຫວນ​ຂອງ​ເພິ່ນ​ອອກ ຊຶ່ງ​ໃຊ້​ປະທັບ​ຂໍ້​ປະກາດ​ໃຫ້​ເປັນ​ທາງການ ແລະ​ໄດ້​ມອບ​ປະກາດ​ນັ້ນ​ໃຫ້​ສັດຕູ​ຂອງ​ຊາວຢິວ ຄື​ຮາມານ​ລູກຊາຍ​ຂອງ​ຮາມເມດາທາ ຜູ້​ເປັນ​ເຊື້ອສາຍ​ຂອງ​ອາກັກ.

ເອສະເທີ 8:3

ຕໍ່ມາ ຣາຊີນີ​ເອສະເທີ​ກໍໄດ້​ກ່າວ​ຕໍ່​ກະສັດ​ອີກ ໂດຍ​ຂາບລົງ​ທີ່​ຕີນ​ຂອງ​ເພິ່ນ​ທັງ​ຮ້ອງໄຫ້. ຣາຊີນີ​ຮ້ອງ​ຂໍ​ເພິ່ນ​ໃຫ້​ເຮັດ​ສິ່ງໃດ​ສິ່ງໜຶ່ງ​ລົງ​ໄປ ເພື່ອ​ຢຸດຢັ້ງ​ແຜນການ​ອັນ​ຊົ່ວຮ້າຍ​ຂອງ​ຮາມານ ເຊື້ອສາຍ​ຂອງ​ອາກັກ ຜູ້​ທີ່​ໄດ້​ປະພຶດ​ຊົ່ວ​ຕໍ່ສູ້​ຊາວຢິວ.

ເພງ^ສັນລະເສີນ 37:34

ຈົ່ງ​ມີ​ຄວາມຫວັງ​ໃນ​ພຣະເຈົ້າຢາເວ ແລະ​ຈົ່ງ​ເຊື່ອຟັງ​ຂໍ້ຄຳສັ່ງ​ເຖີດ; ພຣະອົງ​ຈະ​ໃຫ້ກຽດ​ເຈົ້າ​ໂດຍ​ໄດ້​ຮັບ​ດິນແດນ ເຈົ້າ​ຈະ​ເຫັນ​ຄົນຊົ່ວ​ຖືກ​ຂັບໄລ່​ອອກໄປ​ສິ້ນ.

ດານີເອນ 2:48

ແລ້ວ​ກະສັດ​ກໍໄດ້​ມອບ​ຕຳແໜ່ງ​ສູງ​ໃຫ້​ດານີເອນ​ຕຳແໜ່ງ​ໜຶ່ງ ທັງ​ມອບ​ຂອງຂວັນ​ທີ່​ສະຫງ່າງາມ​ຫລາຍ​ຢ່າງ​ໃຫ້​ແກ່​ລາວ ແລະ​ແຕ່ງຕັ້ງ​ລາວ​ໃຫ້​ເປັນ​ຜູ້ປົກຄອງ​ແຂວງ​ບາບີໂລນ ແລະ​ເປັນ​ຫົວໜ້າ​ພວກ​ທີ່ປຶກສາ​ທັງໝົດ​ປະຈຳ​ກະສັດ.

ລູກາ 15:22

ແຕ່​ຜູ້​ເປັນ​ພໍ່​ເອີ້ນ​ບັນດາ​ຄົນ​ຮັບໃຊ້​ຂອງຕົນ​ມາ ເພິ່ນ​ເວົ້າ​ວ່າ, ‘ໄວໆ ຟ້າວ​ເອົາ​ເຄື່ອງ​ຢ່າງດີ​ທີ່ສຸດ​ມາ​ໃຫ້​ລູກ​ຂອງເຮົາ​ນຸ່ງ ຈົ່ງ​ເອົາ​ແຫວນ​ມາ​ສວມ​ໃສ່​ນິ້ວ​ມື ແລະ​ສຸບ​ເກີບ​ໃສ່​ຕີນ​ໃຫ້​ລູກ​ຂອງເຮົາ.