ເອສະເທີ 7:3 - ພຣະຄຳພີສັກສິ

³ ແລ້ວ​ຣາຊີນີ​ເອສະເທີ​ກໍ​ຕອບ​ວ່າ, “ຖ້າ​ພະຣາຊາ​ພໍໃຈ​ອະນຸຍາດ​ໃຫ້ ຕາມ​ຄຳ​ຂໍຮ້ອງ​ຢ່າງ​ຖ່ອມຕົວ​ຂອງ​ຂ້ານ້ອຍ​ນີ້​ແລ້ວ ຄວາມ​ປາຖະໜາ​ຂອງ​ຂ້ານ້ອຍ​ກໍ​ຄື​ວ່າ: ໃຫ້​ຂ້ານ້ອຍ​ກັບ​ປະຊາຊົນ​ຂອງ​ຂ້ານ້ອຍ​ມີ​ຊີວິດ​ຢູ່.

ເອສະເທີ 7:3 Jak'a apnaqawi uñst'ayäwi

1 ກະສັດ 20:31

ພວກ​ຂ້າຣາຊການ​ຂອງ​ເພິ່ນ​ໄດ້​ເຂົ້າ​ມາ​ບອກ​ວ່າ, “ພວກ​ຂ້ານ້ອຍ​ໄດ້ຍິນ​ວ່າ​ກະສັດ​ແຫ່ງ​ອິດສະຣາເອນ​ມີ​ໃຈ​ເມດຕາ. ດັ່ງນັ້ນ ຈົ່ງ​ໃຫ້​ພວກ​ຂ້ານ້ອຍ​ເອົາ​ຜ້າ​ກະສອບ​ຮັດ​ແອວ ແລະ​ເອົາ​ເຊືອກ​ຄ້ອງຄໍ​ໄປ​ຫາ​ເພິ່ນ ແລະ​ບາງທີ​ເພິ່ນ​ຈະ​ໄວ້​ຊີວິດ​ຂອງທ່ານ​ກໍໄດ້.”

2 ກະສັດ 1:13

ເທື່ອໜຶ່ງ​ອີກ​ກະສັດ​ໄດ້​ໃຊ້​ນາຍ​ທະຫານ​ຜູ້ໜຶ່ງ​ໄປ ພ້ອມ​ທັງ​ທະຫານ​ຫ້າສິບ​ຄົນ. ນາຍ​ທະຫານ​ໄດ້​ຂຶ້ນ​ໄປ​ທີ່​ເທິງ​ເນີນພູ​ຄຸເຂົ່າ​ລົງ​ຕໍ່ໜ້າ​ເອລີຢາ ແລະ​ວິງວອນ​ຂໍ​ຕໍ່​ເພິ່ນ​ວ່າ, “ຄົນ​ຂອງ​ພຣະເຈົ້າ​ເອີຍ ຂໍໂຜດ​ເມດຕາ​ຂ້ານ້ອຍ ແລະ​ຄົນ​ຂອງ​ຂ້ານ້ອຍ​ແດ່ທ້ອນ ຈົ່ງ​ໄວ້​ຊີວິດ​ຂອງ​ພວກ​ຂ້ານ້ອຍ​ດ້ວຍ​ເທີ້ນ

ເອສະເທີ 4:8

ລາວ​ຍັງ​ເອົາ​ສຳເນົາ​ຄຳ​ປະກາດ​ສັ່ງ​ທຳລາຍ​ລ້າງຜານ​ຊາວຢິວ ທີ່​ອອກ​ດຳລັດ​ໃນ​ນະຄອນ​ຊູຊາ​ໃຫ້​ຮາທາດ. ມໍເດໄກ​ຂໍ​ລາວ​ໃຫ້​ຖື​ເອົາ​ສຳເນົາ​ຄຳ​ປະກາດ​ນັ້ນ​ໄປ​ຫາ​ເອສະເທີ ແລະ​ອະທິບາຍ​ສະຖານະການ​ສູ່​ນາງ​ຟັງ ແລະ​ບອກ​ນາງ​ໄປ​ຂໍຮ້ອງ​ນຳ​ກະສັດ​ໃຫ້​ເມດຕາ​ຊົນຊາດ​ຂອງ​ນາງ.

ເອສະເທີ 5:8

ຖ້າ​ພະຣາຊາ​ເມດຕາ ພໍ​ທີ່​ຈະ​ໃຫ້​ຕາມ​ຄຳ​ຂໍຮ້ອງ​ຂອງ​ຂ້ານ້ອຍ​ໄດ້​ແລ້ວ ຂ້ານ້ອຍ​ຢາກ​ໃຫ້​ທ່ານ​ກັບ​ຮາມານ​ມາ​ເປັນ​ແຂກ​ໃນ​ງານ​ກິນລ້ຽງ ທີ່​ຂ້ານ້ອຍ​ຈະ​ຈັດຂຶ້ນ​ອີກ​ສຳລັບ​ທ່ານ​ໃນ​ມື້ອື່ນ. ໃນ​ເວລາ​ນັ້ນ ຂ້ານ້ອຍ​ຈຶ່ງ​ຈະ​ບອກ​ທ່ານ​ວ່າ ຂ້ານ້ອຍ​ຕ້ອງການ​ຫຍັງ.”

ເອສະເທີ 7:7

ກະສັດ​ລຸກ​ຢືນ​ຂຶ້ນ​ທັງ​ໃຈຮ້າຍ​ຫລາຍ ແລະ​ອອກ​ຈາກ​ຫ້ອງ​ໜີໄປ​ຂ້າງ​ນອກ​ທີ່​ສວນ​ອຸທະຍານ. ຮາມານ​ເຫັນ​ວ່າ​ກະສັດ​ຕັ້ງໃຈ​ຈະ​ລົງໂທດ​ຕົນ​ເພາະ​ເລື່ອງ​ນີ້; ສະນັ້ນ ລາວ​ຈຶ່ງ​ຢູ່​ຮ້ອງຂໍ​ຣາຊີນີ​ເອສະເທີ​ໃຫ້​ໄວ້​ຊີວິດ​ຕົນ.

ເອສະເທີ 8:5

“ຂ້າແດ່​ພະຣາຊາ ຖ້າ​ທ່ານ​ພໍໃຈ ແລະ​ເປັນຫ່ວງ​ຂ້ານ້ອຍ ແລະ​ຖ້າ​ທ່ານ​ເຫັນ​ວ່າ​ເປັນ​ການ​ຖືກຕ້ອງ ກໍ​ຂໍ​ທ່ານ​ອອກ​ຄຳສັ່ງ​ເປັນ​ທາງການ ເພື່ອ​ກີດກັ້ນ​ບໍ່​ໃຫ້​ຄຳສັ່ງ​ຂອງ​ຮາມານ​ຖືກ​ນຳ​ໄປ​ປະຕິບັດ ຄື​ຄຳສັ່ງ​ຂອງ​ລູກຊາຍ​ຂອງ​ຮາມເມດາທາ ຜູ້​ທີ່​ເປັນ​ເຊື້ອສາຍ​ຂອງ​ອາກັກ ເພື່ອ​ທຳລາຍ​ລ້າງຜານ​ຊາວຢິວ​ທຸກຄົນ​ໃນ​ອານາຈັກ​ນີ້.

ພຣະທຳ​ໂຢບ 2:4

ມານຊາຕານ​ຈຶ່ງ​ໂຕ້​ຕອບ​ພຣະເຈົ້າຢາເວ​ຄືນ​ວ່າ, “ມະນຸດ​ຍ່ອມ​ສະລະ​ທຸກສິ່ງ​ເພື່ອ​ໃຫ້​ຊີວິດ​ຕົນ​ຍັງ​ຢູ່.

ເຢເຣມີຢາ 38:26

ຈົ່ງ​ບອກ​ພວກເຂົາ​ພຽງແຕ່​ວ່າ ເຈົ້າ​ຂໍຮ້ອງ​ເຮົາ​ບໍ່​ໃຫ້​ສົ່ງ​ເຈົ້າ​ກັບຄືນ​ໄປ​ຕາຍ​ທີ່​ຄຸກ​ເທົ່ານັ້ນ.”