ເອສະເທີ 6:6 - ພຣະຄຳພີສັກສິ

⁶ ດັ່ງນັ້ນ ຮາມານ​ຈຶ່ງ​ເຂົ້າ​ມາ ແລະ​ກະສັດ​ກໍ​ກ່າວ​ແກ່​ລາວ​ວ່າ, “ມີ​ຄົນ​ຜູ້ໜຶ່ງ ທີ່​ເຮົາ​ຢາກ​ຍ້ອງຍໍ​ໃຫ້ກຽດ​ລາວ​ທີ່ສຸດ. ເຮົາ​ຄວນ​ເຮັດ​ຢ່າງໃດ​ເພື່ອ​ຊາຍ​ຄົນ​ນີ້?” ຮາມານ​ຄິດ​ໃນໃຈ​ວ່າ, “ບັດນີ້​ແມ່ນ​ຜູ້ໃດ​ນໍ ທີ່​ກະສັດ​ຢາກ​ຍ້ອງຍໍ​ໃຫ້ກຽດ​ຫລາຍ​ທີ່ສຸດ​ນັ້ນ? ກໍ​ຕ້ອງ​ແມ່ນ​ເຮົາ​ນີ້ແຫລະ.”

ເອສະເທີ 6:6 Jak'a apnaqawi uñst'ayäwi

ເອສະເທີ 1:15

ເພິ່ນ​ໄດ້​ກ່າວ​ແກ່​ພວກ​ເຫຼົ່ານີ້​ວ່າ, “ເຮົາ​ຄື​ກະສັດ​ແຫ່ງ​ເຊເຊັດ ໄດ້​ໃຊ້​ຄົນ​ໄປ​ຫາ​ຣາຊີນີ​ວາຊະຕີ​ພ້ອມ​ດ້ວຍ​ຄຳສັ່ງ ແຕ່​ຣາຊີນີ​ບໍ່​ຍອມ​ຟັງ ຕາມ​ກົດໝາຍ​ແລ້ວ ພວກເຮົາ​ຄວນ​ເຮັດ​ຢ່າງໃດ​ຕໍ່​ນາງ?”

ເອສະເທີ 5:11

ລາວ​ໄດ້​ເວົ້າ​ອວດ​ຕໍ່​ພວກເຂົາ​ວ່າ ຕົນ​ເປັນ​ຄົນ​ຮັ່ງມີ​ແລະ​ມີ​ລູກຊາຍ​ຫລາຍ​ຄົນ ແລະ​ວ່າ​ກະສັດ​ໄດ້​ແຕ່ງຕັ້ງ​ຕົນ​ໃຫ້​ເປັນ​ຂ້າຣາຊການ​ຊັ້ນສູງ ແລະ​ບອກ​ວ່າ​ຕົນ​ເປັນ​ຄົນ​ສຳຄັນ​ກວ່າ​ຂ້າຣາຊການ​ຄົນອື່ນໆ​ຂອງ​ກະສັດ.

ເອສະເທີ 6:11

ສະນັ້ນ ຮາມານ​ຈຶ່ງ​ໄດ້​ເອົາ​ເສື້ອ​ຄຸມ ແລະ​ມ້າ​ມາ ແລະ​ນຸ່ງ​ເສື້ອ​ນັ້ນ​ໃຫ້​ແກ່​ມໍເດໄກ. ຝ່າຍ​ມໍເດໄກ​ກໍ​ຂຶ້ນ​ຂີ່​ມ້າ ແລະ​ຮາມານ​ກໍ​ເປັນ​ຜູ້​ຈູງ​ມ້າ​ຍ່າງ​ໄປ​ທົ່ວ​ກາງເມືອງ ທັງ​ປະກາດ​ໃຫ້​ປະຊາຊົນ​ຊາບ​ວ່າ: “ເບິ່ງແມ! ກະສັດ​ໃຫ້​ລາງວັນ​ແກ່​ຜູ້​ທີ່​ເພິ່ນ​ຢາກ​ຍ້ອງຍໍ​ໃຫ້ກຽດ ກໍ​ເປັນ​ດັ່ງນີ້ແຫລະ.”

ເອສະເທີ 6:5

ດັ່ງນັ້ນ ພວກ​ຄົນ​ຮັບໃຊ້​ຈຶ່ງ​ຕອບ​ວ່າ, “ຮາມານ​ຢູ່​ນີ້​ເດ ລາວ​ກຳລັງ​ລໍ​ຖ້າ​ພົບ​ທ່ານ​ຢູ່.” ກະສັດ​ກ່າວ​ວ່າ, “ບອກ​ໃຫ້​ລາວ​ເຂົ້າ​ມາ​ທີ່​ນີ້.”

ເອສະເທີ 6:7

ສະນັ້ນ ລາວ​ຈຶ່ງ​ຕອບ​ກະສັດ​ວ່າ, “ຈົ່ງ​ເອົາ​ເສື້ອຄຸມ​ຂອງ​ພະຣາຊາ​ນຸ່ງ​ໃຫ້​ຊາຍ​ຄົນ​ນັ້ນ ຄື​ເສື້ອຄຸມ​ທີ່​ທ່ານ​ເອງ​ນຸ່ງ​ນັ້ນ. ຈົ່ງ​ເອົາ​ເຄື່ອງເອ້ ປະຈຳ​ວັງ​ເອ້​ໃສ່​ເທິງ​ມ້າ​ຂອງທ່ານ.

ເອສະເທີ 6:9

ໃຫ້​ຜູ້ໜຶ່ງ​ໃນ​ພວກ​ຂຸນນາງ​ຊັ້ນສູງ​ຂອງທ່ານ​ເປັນ​ຜູ້​ຊ່ວຍ​ນຸ່ງ​ເຄື່ອງ​ໃຫ້​ລາວ ແລ້ວ​ໃຫ້​ລາວ​ຂຶ້ນ​ຂີ່​ມ້າ​ຜ່ານ​ກາງເມືອງ​ໄປ. ໃຫ້​ເຈົ້ານາຍ​ຄົນ​ນັ້ນ​ປ່າວ​ປະກາດ ໃນ​ຂະນະທີ່​ພວກເຂົາ​ຍ່າງ​ໄປ​ວ່າ, ‘ເບິ່ງແມ! ກະສັດ​ໃຫ້​ລາງວັນ​ແກ່​ຜູ້​ທີ່​ເພິ່ນ​ຢາກ​ຍ້ອງຍໍ​ໃຫ້ກຽດ​ກໍ​ເປັນ​ຢ່າງນີ້​ແຫລະ.”’

ເພງ^ສັນລະເສີນ 35:27

ຂໍ​ໃຫ້​ຄົນ​ທີ່​ຢາກ​ເຫັນ​ຂ້ານ້ອຍ​ຖືກ​ປ່ອຍ​ຕົວ​ໄປ ໄດ້​ໂຮຮ້ອງ​ຍິນດີ​ຊໍ້າແລ້ວ​ຊໍ້າອີກ​ວ່າ, “ພຣະເຈົ້າຢາເວ​ຍິ່ງໃຫຍ່ ພຣະອົງ​ພໍໃຈ​ທີ່​ເຫັນ ຄວາມຈະເລີນ​ຮຸ່ງເຮືອງ​ຂອງ​ຜູ້ຮັບໃຊ້​ຂອງ​ພຣະອົງ.”

ສຸພາສິດ 1:32

ຄົນໂງ່ຈ້າ​ຕາຍ​ຍ້ອນ​ຂາດ​ປັນຍາ ແລະ​ຄວາມປະໝາດ​ຂອງ​ຄົນໂງ່​ກໍ​ເປັນ​ທາງ​ສູ່​ຄວາມ​ຈິບຫາຍ​ວາຍວອດ.

ສຸພາສິດ 16:18

ຄວາມ​ອວດຕົວ​ຈອງຫອງ​ນຳ​ໄປ​ສູ່​ການທຳລາຍ ແລະ​ຄຳເວົ້າ​ຫຍາບຊ້າ​ກໍ​ນຳ​ໄປ​ສູ່​ການ​ຫຼົ້ມຈົມ.

ສຸພາສິດ 18:12

ການ​ອວດດີ​ນັ້ນ​ນຳ​ຄົນ​ໄປ​ສູ່​ໄພພິບັດ ການ​ຖ່ອມຕົວ​ນຳ​ຄົນ​ໃຫ້​ມີ​ກຽດ.

ສຸພາສິດ 30:13

ຜູ້​ທີ່​ຄິດ​ວ່າ​ຕົນ​ເປັນ​ຄົນ​ດີເລີດ ດີເລີດ​ສໍ່າໃດ​ກັນເດ ຄົນ​ຢ່າງນີ້​ກໍມີ.

ເອຊາຢາ 42:1

ພຣະເຈົ້າ​ກ່າວ​ວ່າ, “ນີ້​ຄື​ຜູ້ຮັບໃຊ້​ທີ່​ເຮົາ​ໃຫ້​ກຳລັງ” “ຜູ້​ທີ່​ເຮົາ​ໄດ້​ເລືອກເອົາ​ແລະ​ພໍໃຈ​ນຳ​ດ້ວຍ. ເຮົາ​ໃຫ້​ລາວ​ເຕັມ​ໄປ​ດ້ວຍ​ພຣະວິນຍານ​ຂອງເຮົາ ລາວ​ຈະ​ນຳ​ຄວາມ​ຍຸດຕິທຳ​ມາ​ສູ່​ທຸກ​ຊົນຊາດ.

ເຢເຣມີຢາ 32:41

ເຮົາ​ຈະ​ເຮັດ​ດີ​ຕໍ່​ພວກເຂົາ​ດ້ວຍ​ຄວາມ​ເຕັມໃຈ ແລະ​ເຮົາ​ກໍ​ຈະ​ໃຫ້​ພວກເຂົາ​ຢູ່​ໃນ​ດິນແດນ​ນີ້​ຕະຫລອດໄປ.

ໂອບາດີຢາ 1:3

ຄວາມ​ອວດອົ່ງ​ຂອງເຈົ້າ​ໄດ້​ລໍ້ລວງ​ເຈົ້າ​ເອງ ເມືອງເອກ​ມີ​ປ້ອມ​ກຳແພງ​ສ້າງ​ດ້ວຍ​ຫີນດານ; ເຮືອນ​ຂອງເຈົ້າ​ກໍ​ຖືກ​ສ້າງ​ທີ່​ເທິງ​ພູເຂົາ​ສູງ​ທັງຫລາຍ ສະນັ້ນ ເຈົ້າ​ຈຶ່ງ​ຄິດວ່າ, ‘ໃຜ​ຈະ​ດຶງ​ຂ້ອຍ​ລົງ​ໄດ້?’

ມັດທາຍ 3:17

ແລ້ວ​ກໍ​ມີ​ສຽງ​ໜຶ່ງ​ດັງ​ມາ​ຈາກ​ທ້ອງຟ້າ​ວ່າ, “ທ່ານ​ຜູ້​ນີ້​ເປັນ​ບຸດ​ທີ່​ຮັກ​ຂອງເຮົາ​ເອງ ເຮົາ​ພໍໃຈ​ນຳ​ເພິ່ນ​ຫລາຍ.”

ລູກາ 14:9

ຖ້າ​ເປັນ​ດັ່ງນັ້ນ, ເຈົ້າພາບ​ຜູ້​ທີ່​ເຊີນ​ເຈົ້າ​ທັງສອງ ກໍ​ຈະ​ມາ​ເວົ້າ​ກັບ​ເຈົ້າ​ວ່າ, ‘ຈົ່ງ​ໃຫ້​ບ່ອນ​ທີ່​ເຈົ້າ​ນັ່ງ​ຢູ່​ແກ່​ຜູ້​ນີ້.’ ແລ້ວ​ເຈົ້າ​ກໍ​ຕ້ອງ​ຍ້າຍ​ໄປ​ນັ່ງ​ບ່ອນ​ຕໍ່າ​ທີ່ສຸດ ດ້ວຍ​ຄວາມ​ອັບອາຍ.

ໂຢຮັນ 5:23

ເພື່ອ​ຄົນ​ທັງປວງ​ຈະ​ຖວາຍ​ກຽດ​ແດ່​ພຣະບຸດ ເໝືອນ​ດັ່ງ​ທີ່​ພວກເຂົາ​ໄດ້​ຖວາຍ​ກຽດ​ແດ່​ພຣະບິດາເຈົ້າ ຜູ້​ທີ່​ບໍ່​ຖວາຍ​ກຽດ​ແດ່​ພຣະບຸດ ຜູ້ນັ້ນ​ກໍ​ບໍ່​ຖວາຍ​ກຽດ​ແດ່​ພຣະບິດາເຈົ້າ ຜູ້​ທີ່​ໄດ້​ໃຊ້​ພຣະບຸດ​ມາ.