ເອສະເທີ 6:11 - ພຣະຄຳພີສັກສິ

¹¹ ສະນັ້ນ ຮາມານ​ຈຶ່ງ​ໄດ້​ເອົາ​ເສື້ອ​ຄຸມ ແລະ​ມ້າ​ມາ ແລະ​ນຸ່ງ​ເສື້ອ​ນັ້ນ​ໃຫ້​ແກ່​ມໍເດໄກ. ຝ່າຍ​ມໍເດໄກ​ກໍ​ຂຶ້ນ​ຂີ່​ມ້າ ແລະ​ຮາມານ​ກໍ​ເປັນ​ຜູ້​ຈູງ​ມ້າ​ຍ່າງ​ໄປ​ທົ່ວ​ກາງເມືອງ ທັງ​ປະກາດ​ໃຫ້​ປະຊາຊົນ​ຊາບ​ວ່າ: “ເບິ່ງແມ! ກະສັດ​ໃຫ້​ລາງວັນ​ແກ່​ຜູ້​ທີ່​ເພິ່ນ​ຢາກ​ຍ້ອງຍໍ​ໃຫ້ກຽດ ກໍ​ເປັນ​ດັ່ງນີ້ແຫລະ.”

ເອສະເທີ 6:11 Jak'a apnaqawi uñst'ayäwi

ເອຊະຣາ 6:13

ແລ້ວ​ຜູ້ປົກຄອງ​ຕັດເຕໄນ, ເຊຕາກ​ໂບເຊໄນ, ພ້ອມ​ທັງ​ບັນດາ​ເຈົ້າໜ້າທີ່​ດ້ວຍ​ກັນ ກໍ​ປະຕິບັດ​ຕາມ​ຄຳສັ່ງ​ຂອງ​ກະສັດ​ທຸກປະການ.

ເອສະເທີ 6:10

ແລ້ວ​ກະສັດ​ກໍ​ກ່າວ​ແກ່​ຮາມານ​ວ່າ, “ຈົ່ງ​ຟ້າວ​ໄປ​ເອົາ​ເຄື່ອງນຸ່ງ ແລະ​ມ້າ​ມາ ແລະ​ມອບ​ກຽດ​ນີ້​ໃຫ້​ແກ່​ມໍເດໄກ​ຄົນ​ຢິວ. ຈົ່ງ​ເຮັດ​ທຸກສິ່ງ​ສຳລັບ​ລາວ ຕາມ​ທີ່​ເຈົ້າ​ໄດ້​ແນະນຳ​ມາ. ເຈົ້າ​ຈະ​ພົບ​ລາວ​ນັ່ງ​ຢູ່​ທີ່​ທາງ​ເຂົ້າ​ວັງ.”

ເອສະເທີ 6:12

ແລ້ວ​ມໍເດໄກ​ກໍ​ກັບຄືນ​ໄປ​ທີ່​ທາງ​ເຂົ້າ​ວັງ ແລະ​ໃນຂະນະ​ດຽວກັນ​ນັ້ນ​ຮາມານ​ກໍ​ຟ້າວ​ກັບຄືນ​ເມືອ ທັງ​ອັດ​ໜ້າ​ຂອງຕົນ​ໄວ້​ດ້ວຍ​ຄວາມ​ອັບອາຍ.

ເອສະເທີ 8:15

ແລ້ວ​ມໍເດໄກ​ກໍ​ອອກ​ຈາກ​ວັງ. ລາວ​ນຸ່ງ​ເສື້ອ​ລ່າມ​ສີຟ້າ ແລະ​ສີຂາວ​ຂອງ​ກະສັດ ແລະ​ເສື້ອ​ຄຸມ​ທີ່​ເຮັດ​ດ້ວຍ​ຜ້າປ່ານ​ສີມ່ວງ​ເນື້ອ​ລະອຽດ​ດີ​ທັງ​ສວມ​ມົງກຸດ​ຄຳ​ອັນ​ງົດງາມ. ແລ້ວ​ຄົນ​ຕາມ​ຖະໜົນ​ໃນ​ນະຄອນ​ຊູຊາ ຕ່າງ​ກໍ​ຮ້ອງໂຮ​ຂຶ້ນ​ດ້ວຍ​ຄວາມ​ຊົມຊື່ນ​ຍິນດີ.

ເອສະເທີ 9:3

ຕາມ​ທີ່​ຈິງ​ແລ້ວ ບັນດາ​ຂ້າຣາຊການ​ປະຈຳ​ແຂວງ​ທຸກຄົນ​ຄື: ພວກ​ຜູ້​ປົກຄອງ​ແຂວງ, ພວກ​ຜູ້​ປົກຄອງ​ເມືອງ ແລະ​ພວກ​ຜູ້​ຕາງໜ້າ​ຂອງ​ກະສັດ ຕ່າງ​ກໍໄດ້​ຊ່ວຍເຫລືອ​ຊາວ​ຢິວ ເພາະ​ທຸກຄົນ​ຕ່າງ​ກໍ​ຢ້ານກົວ​ມໍເດໄກ.

ສຸພາສິດ 27:18

ຜູ້​ທີ່​ບົວລະບັດ​ຕົ້ນ​ໝາກເດື່ອເທດ ກໍ​ຈະ​ໄດ້​ກິນ​ໝາກ​ຂອງ​ມັນ. ຄົນ​ຮັບໃຊ້​ທີ່​ບົວລະບັດ​ນາຍ​ຂອງຕົນ​ກໍ​ຈະ​ໄດ້​ຮັບ​ກຽດ.

ເອຊາຢາ 60:14

ພວກ​ລູກຊາຍ​ຂອງ​ຄົນ​ທີ່​ກົດຂີ່​ເຈົ້າ​ກໍ​ຈະ​ມາ ກົ້ມ​ຂາບລົງ​ເພື່ອ​ໃຫ້​ຄວາມນັບຖື​ແກ່​ເຈົ້າ. ຜູ້​ທີ່​ເຄີຍ​ຫຍໍ້ຫຍັນ​ເຈົ້າ​ແຕ່​ເມື່ອກ່ອນ​ເມື່ອຫລັງ ກໍ​ຈະ​ນະມັດສະການ​ເຮົາ​ທີ່​ແທບ​ຕີນ​ເຈົ້າ. ພວກເຂົາ​ຈະ​ເອີ້ນ​ເຈົ້າ​ວ່າ, ‘ນະຄອນ​ຂອງ​ພຣະເຈົ້າຢາເວ’ ‘ຊີໂອນ ເມືອງ​ຂອງ​ອົງ​ບໍຣິສຸດ​ແຫ່ງ​ຊາດ​ອິດສະຣາເອນ.’

ລູກາ 1:52

ພຣະອົງ​ຊົງ​ປົດ​ຜູ້ປົກຄອງ​ຜູ້​ມີ​ອຳນາດ ລົງ​ຈາກ​ບ່ອນ​ນັ່ງ ແລະ​ໄດ້​ຊົງ​ຍົກ​ຜູ້​ຕໍ່າຕ້ອຍ​ຂຶ້ນ.

ພຣະນິມິດ 3:9

ເບິ່ງແມ! ສ່ວນ​ກຸ່ມ​ຄົນ​ທີ່​ເປັນ​ພັກພວກ​ຂອງ​ມານຊາຕານ ຄື​ຄົນ​ເວົ້າ​ຕົວະ​ເຫຼົ່ານັ້ນ​ທີ່​ອ້າງ​ວ່າ​ເປັນ​ຢິວ​ແຕ່​ບໍ່​ເປັນ​ນັ້ນ ເຮົາ​ຈະ​ໃຫ້​ພວກເຂົາ​ມາ​ຂາບ​ທີ່​ຕີນ​ຂອງ​ເຈົ້າ ແລະ​ຈະ​ໃຫ້​ພວກເຂົາ​ທຸກຄົນ​ຮູ້ຈັກ​ວ່າ​ຝ່າຍ​ເຮົາ​ໄດ້​ຮັກ​ເຈົ້າ.