ເອສະເທີ 5:10 - ພຣະຄຳພີສັກສິ

¹⁰ ແຕ່​ລາວ​ໄດ້​ລະງັບ​ຕົວເອງ​ໄວ້ ແລະ​ຍ່າງ​ເມືອ​ເຮືອນ. ແລ້ວ​ລາວ​ກໍ​ເຊີນ​ເອົາ​ໝູ່​ຂອງ​ລາວ​ມາ​ທີ່​ເຮືອນ ແລະ​ຂໍ​ໃຫ້​ນາງ​ເຊເຣເຊ​ເມຍ​ຂອງຕົນ ມາ​ຮ່ວມ​ນຳ​ພວກເຂົາ​ດ້ວຍ.

ເອສະເທີ 5:10 Jak'a apnaqawi uñst'ayäwi

ປະຖົມມະການ 45:1

ໂຢເຊັບ​ບໍ່​ສາມາດ​ອົດກັ້ນ​ນໍ້າຕາ​ໄວ້​ໄດ້​ຕໍ່ໜ້າ​ຄົນ​ຮັບໃຊ້​ຂອງຕົນ. ສະນັ້ນ ເພິ່ນ​ຈຶ່ງ​ສັ່ງ​ໃຫ້​ພວກເຂົາ​ທັງໝົດ​ອອກ​ໄປ​ຈາກ​ຫ້ອງ. ເມື່ອ​ໂຢເຊັບ​ບອກ​ພວກ​ອ້າຍ​ນ້ອງ​ຂອງຕົນ​ວ່າ ເພິ່ນ​ແມ່ນ​ໃຜ​ນັ້ນ; ບໍ່ມີ​ຄົນອື່ນ​ຢູ່​ໃນ​ທີ່ນັ້ນ​ເລີຍ.

ເອສະເທີ 5:11

ລາວ​ໄດ້​ເວົ້າ​ອວດ​ຕໍ່​ພວກເຂົາ​ວ່າ ຕົນ​ເປັນ​ຄົນ​ຮັ່ງມີ​ແລະ​ມີ​ລູກຊາຍ​ຫລາຍ​ຄົນ ແລະ​ວ່າ​ກະສັດ​ໄດ້​ແຕ່ງຕັ້ງ​ຕົນ​ໃຫ້​ເປັນ​ຂ້າຣາຊການ​ຊັ້ນສູງ ແລະ​ບອກ​ວ່າ​ຕົນ​ເປັນ​ຄົນ​ສຳຄັນ​ກວ່າ​ຂ້າຣາຊການ​ຄົນອື່ນໆ​ຂອງ​ກະສັດ.

ເອສະເທີ 6:13

ລາວ​ໄດ້​ບອກ​ສິ່ງ​ທີ່​ໄດ້​ເກີດຂຶ້ນ​ທັງໝົດ​ແກ່​ເມຍ ແລະ​ໝູ່ເພື່ອນ​ຂອງ​ລາວ. ແລ້ວ​ເມຍ​ລາວ​ພ້ອມທັງ​ໝູ່ເພື່ອນ​ຜູ້​ທີ່​ສະຫລາດ​ກໍ​ບອກ​ລາວ​ວ່າ, “ທ່ານ​ກຳລັງ​ສູນເສຍ​ອຳນາດ​ໃຫ້​ແກ່​ມໍເດໄກ. ລາວ​ເປັນ​ຄົນ​ຢິວ ທ່ານ​ຈະ​ເອົາ​ຊະນະ​ລາວ​ບໍ່ໄດ້​ດອກ. ລາວ​ຈະ​ຕ້ອງ​ເອົາ​ຊະນະ​ທ່ານ​ຢ່າງ​ແນ່ນອນ.”

ປັນຍາຈານ 7:9

ຈົ່ງ​ລະງັບ​ຄວາມ​ໂມໂຫ​ຂອງເຈົ້າ​ໄວ້ ເພາະ​ຄົນໂງ່ຈ້າ​ນັ້ນ​ມີ​ຄວາມ​ໂກດແຄ້ນ​ຢູ່​ໃນໃຈ.