ເອສະເທີ 3:9 - ພຣະຄຳພີສັກສິ

⁹ ຂ້າແດ່​ພະຣາຊາ ຖ້າ​ທ່ານ​ເຫັນພ້ອມ ຂໍ​ທ່ານ​ຈົ່ງ​ອອກ​ຄຳສັ່ງ​ສັງຫານ​ຄົນ​ເຫຼົ່ານີ້​ເສຍ. ຖ້າ​ທ່ານ​ເຮັດ​ຕາມ ຂ້ານ້ອຍ​ຂໍ​ຮັບຮອງ​ວ່າ​ຈະ​ສາມາດ​ນຳ​ເງິນ 340 ໂຕນ ເຂົ້າ​ມາ​ໄວ້​ໃນ​ຄັງຫລວງ​ໄດ້ ເພື່ອ​ບໍລິຫານ​ຣາຊການ​ຂອງ​ອານາຈັກ.”

ເອສະເທີ 3:9 Jak'a apnaqawi uñst'ayäwi

ປະຖົມມະການ 23:16

ອັບຣາຮາມ​ໄດ້​ຕົກລົງ​ຊື້​ທີ່ດິນ​ນັ້ນ​ນຳ​ເອຟະໂຣນ ໂດຍ​ຈ່າຍ​ເງິນ​ຈຳນວນ 400 ຫລຽນ ຊ້ອງໜ້າ​ຊາວ​ຮິດຕີ ຕາມ​ອັດຕາ​ເງິນ​ທີ່​ໃຊ້​ກັນ​ໃນ​ທ້ອງ​ຕະຫລາດ.

ເອສະເທີ 3:10

ກະສັດ​ຈຶ່ງ​ຖອດ​ແຫວນ​ຂອງ​ເພິ່ນ​ອອກ ຊຶ່ງ​ໃຊ້​ປະທັບ​ຂໍ້​ປະກາດ​ໃຫ້​ເປັນ​ທາງການ ແລະ​ໄດ້​ມອບ​ປະກາດ​ນັ້ນ​ໃຫ້​ສັດຕູ​ຂອງ​ຊາວຢິວ ຄື​ຮາມານ​ລູກຊາຍ​ຂອງ​ຮາມເມດາທາ ຜູ້​ເປັນ​ເຊື້ອສາຍ​ຂອງ​ອາກັກ.

ເອສະເທີ 3:8

ຮາມານ​ຈຶ່ງ​ບອກ​ກະສັດ​ເຊເຊັດ​ວ່າ, “ຍັງ​ມີ​ຄົນ​ຊາດ​ໜຶ່ງ​ທີ່​ກະຈັດ​ກະຈາຍ​ຢູ່​ທົ່ວ​ໄປ ຕາມ​ທຸກ​ແຂວງ​ໃນ​ອານາຈັກ​ຂອງທ່ານ. ພວກເຂົາ​ຢຶດຖື​ປະເພນີ​ທີ່​ບໍ່​ຄື​ກັບ​ຄົນອື່ນໆ. ຍິ່ງ​ໄປ​ກວ່າ​ນີ້​ອີກ ພວກເຂົາ​ບໍ່ໄດ້​ປະຕິບັດ​ຕາມ​ກົດໝາຍ​ຂອງ​ອານາຈັກ; ດັ່ງນັ້ນ ຈຶ່ງ​ບໍ່​ເປັນ​ຜົນ​ດີ​ທີ່​ທ່ານ​ຕ້ອງ​ອົດທົນ​ກັບ​ຄົນ​ເຫຼົ່ານີ້.

ເອສະເທີ 4:7

ມໍເດໄກ​ໄດ້​ບອກ​ລາວ​ທຸກສິ່ງ​ຕາມ​ທີ່​ເກີດຂຶ້ນ​ນັ້ນ ແລະ​ບອກ​ເຖິງ​ຈຳນວນ​ເງິນ​ທີ່​ຮາມານ​ໄດ້​ສັນຍາ​ຈະ​ໃສ່​ໃນ​ຄັງ​ຫລວງ ຖ້າ​ຊາວຢິວ​ທຸກຄົນ​ຖືກ​ຂ້າ.

ເອສະເທີ 7:4

ປະຊາຊົນ​ຂອງ​ຂ້ານ້ອຍ​ແລະ​ຂ້ານ້ອຍ​ເອງ​ໄດ້​ຖືກ​ຂາຍ​ເພື່ອ​ໃຫ້​ຖືກ​ສັງຫານໝູ່. ຖ້າ​ບໍ່ມີ​ຫຍັງ​ຮ້າຍແຮງ​ກວ່າ​ການ​ຖືກ​ຂາຍ​ໄປ​ເປັນ​ທາດຮັບໃຊ້ ຂ້ານ້ອຍ​ຈະ​ມິດ​ຢູ່ ແລະ​ຈະ​ບໍ່​ລົບກວນ​ທ່ານ​ໃນ​ເລື່ອງ​ນີ້; ແຕ່​ພວກ​ຂ້ານ້ອຍ​ກຳລັງ​ຈະ​ຖືກ​ທຳລາຍ​ລ້າງຜານ​ໃຫ້​ສູນສິ້ນໄປ.”

ດານີເອນ 3:8

ມີ​ຊາວ​ບາບີໂລນ​ບາງຄົນ​ໄດ້​ສວຍ​ໂອກາດ​ນີ້​ກ່າວ​ຟ້ອງ​ຊາວຢິວ.

ມັດທາຍ 18:24

ເມື່ອ​ເພິ່ນ​ເລີ່ມຕົ້ນ​ຄິດ​ບັນຊີ​ຢູ່ ກໍ​ມີ​ຜູ້ຮັບໃຊ້​ຄົນ​ໜຶ່ງ​ຖືກ​ນຳ​ຕົວ​ເຂົ້າ​ມາ ເພາະ​ລາວ​ເປັນ​ໜີ້​ເພິ່ນ​ໝື່ນ​ຕະລັນຕົນ.