ເອສະເທີ 3:11 - ພຣະຄຳພີສັກສິ

¹¹ ກະສັດ​ໄດ້​ບອກ​ລາວ​ວ່າ, “ປະຊາຊົນ ແລະ​ເງິນ​ຂອງ​ພວກເຂົາ​ກໍ​ເປັນ​ຂອງ​ເຈົ້າ ຈົ່ງ​ເຮັດ​ກັບ​ພວກເຂົາ​ຕາມ​ໃຈຊອບ​ເທີ້ນ.”

ເອສະເທີ 3:11 Jak'a apnaqawi uñst'ayäwi

ເອສະເທີ 3:10

ກະສັດ​ຈຶ່ງ​ຖອດ​ແຫວນ​ຂອງ​ເພິ່ນ​ອອກ ຊຶ່ງ​ໃຊ້​ປະທັບ​ຂໍ້​ປະກາດ​ໃຫ້​ເປັນ​ທາງການ ແລະ​ໄດ້​ມອບ​ປະກາດ​ນັ້ນ​ໃຫ້​ສັດຕູ​ຂອງ​ຊາວຢິວ ຄື​ຮາມານ​ລູກຊາຍ​ຂອງ​ຮາມເມດາທາ ຜູ້​ເປັນ​ເຊື້ອສາຍ​ຂອງ​ອາກັກ.

ເອສະເທີ 3:12

ດັ່ງນັ້ນ ໃນ​ວັນ​ທີ​ສິບສາມ​ຂອງ​ເດືອນ​ທີໜຶ່ງ ຮາມານ​ຈຶ່ງ​ເອີ້ນ​ພວກ​ເລຂາທິການ​ຂອງ​ກະສັດ​ມາ ແລະ​ໃຫ້​ພວກເຂົາ​ຂຽນ ແລະ​ແປ​ປະກາດ​ນັ້ນ​ອອກ​ເປັນ​ຫລາຍ​ພາສາ ຕາມ​ແບບ​ຂຽນ​ທີ່​ມີ​ໃຊ້​ໃນ​ອານາຈັກ ແລະ​ສົ່ງ​ໃຫ້​ພວກ​ຜູ້ປົກຄອງ​ແຂວງ, ພວກ​ຜູ້​ປົກຄອງ​ເມືອງ ແລະ​ພວກ​ຂ້າຣາຊການ​ທຸກຄົນ. ປະກາດ​ນີ້​ໄດ້​ອອກ​ໃນ​ນາມ​ຂອງ​ກະສັດ​ເຊເຊັດ ແລະ​ປະທັບຕາ​ໃສ່​ດ້ວຍ​ແຫວນ​ຂອງ​ເພິ່ນ.

ເພງ^ສັນລະເສີນ 73:7

ຈິດໃຈ​ຂອງ​ພວກເຂົາ​ເທ​ແຕ່​ຄວາມ​ຊົ່ວຮ້າຍ​ອອກ​ມາ ແລະ​ຄວາມຄິດ​ກໍ​ມີ​ແຕ່​ອຸບາຍ​ອັນ​ຊົ່ວຮ້າຍ.

ເຢເຣມີຢາ 26:14

ສຳລັບ​ຂ້າພະເຈົ້າ​ນັ້ນ​ແມ່ນ​ຢູ່​ໃນ​ກຳມື​ຂອງ​ພວກທ່ານ​ແລ້ວ ຈົ່ງ​ເຮັດ​ກັບ​ຂ້າພະເຈົ້າ​ຕາມ​ທີ່​ພວກທ່ານ​ເຫັນດີ​ແລະ​ຖືກຕ້ອງ​ເທີ້ນ.

ເຢເຣມີຢາ 40:4

ບັດນີ້ ຂ້ອຍ​ຈະ​ແກ້​ໂສ້​ທີ່​ລ່າມ​ເຈົ້າ​ອອກ ແລະ​ປົດປ່ອຍ​ເຈົ້າ​ໃຫ້​ເປັນ​ອິດສະຫລະ. ຖ້າ​ເຈົ້າ​ຢາກ​ໄປ​ບາບີໂລນ​ນຳ​ຂ້ອຍ ເຈົ້າ​ກໍ​ໄປ​ໄດ້ ແລະ​ຂ້ອຍ​ຈະ​ເບິ່ງແຍງ​ເຈົ້າ. ແຕ່​ຖ້າ​ເຈົ້າ​ບໍ່​ຢາກ​ໄປ ກໍ​ບໍ່​ຈຳເປັນ​ຕ້ອງ​ໄປ. ເຈົ້າ​ເລືອກ​ໄປ​ທີ່ໃດ​ກໍໄດ້​ໃນ​ທົ່ວ​ດິນແດນ​ນີ້ ແລະ​ເຈົ້າ​ໄປ​ທີ່ໃດ​ກໍໄດ້​ຕາມ​ທີ່​ເຈົ້າ​ຕ້ອງການ.”

ລູກາ 23:25

ເພິ່ນ​ໄດ້​ປ່ອຍ​ຄົນ​ທີ່​ພວກເຂົາ​ຕ້ອງການ ຄື​ຜູ້​ທີ່​ຖືກ​ຂັງ​ຄຸກ​ຢູ່​ເພາະ​ການ​ຈະລາຈົນ​ແລະ​ຂ້າ​ຄົນ ແລະ​ເພິ່ນ​ໄດ້​ມອບ​ພຣະເຢຊູເຈົ້າ​ໃຫ້​ພວກເຂົາ​ເອົາ​ໄປ​ເຮັດ​ຕາມ​ຄວາມ​ຕ້ອງການ​ຂອງ​ພວກເຂົາ.