ເອສະເທີ 3:10 - ພຣະຄຳພີສັກສິ

¹⁰ ກະສັດ​ຈຶ່ງ​ຖອດ​ແຫວນ​ຂອງ​ເພິ່ນ​ອອກ ຊຶ່ງ​ໃຊ້​ປະທັບ​ຂໍ້​ປະກາດ​ໃຫ້​ເປັນ​ທາງການ ແລະ​ໄດ້​ມອບ​ປະກາດ​ນັ້ນ​ໃຫ້​ສັດຕູ​ຂອງ​ຊາວຢິວ ຄື​ຮາມານ​ລູກຊາຍ​ຂອງ​ຮາມເມດາທາ ຜູ້​ເປັນ​ເຊື້ອສາຍ​ຂອງ​ອາກັກ.

ເອສະເທີ 3:10 Jak'a apnaqawi uñst'ayäwi

ປະຖົມມະການ 41:42

ແລ້ວ​ກະສັດ​ກໍ​ຖອດ​ແຫວນ​ແຫ່ງ​ອຳນາດ​ອອກ​ຈາກ​ນິ້ວມື​ຂອງຕົນ ແລະ​ສຸບ​ໃສ່​ນິ້ວມື​ຂອງ​ໂຢເຊັບ. ເພິ່ນ​ເອົາ​ເສື້ອ​ໂຕ​ງາມ​ທີ່ສຸດ​ໃຫ້​ໂຢເຊັບ​ນຸ່ງ ແລະ​ເອົາ​ສາຍສ້ອຍ​ຄຳ​ຄ້ອງ​ຄໍ​ໃຫ້.

ເອສະເທີ 3:1

ໃນ​ເວລາ​ຕໍ່ມາ ກະສັດ​ເຊເຊັດ​ໄດ້​ເລື່ອນຊັ້ນ​ຊາຍ​ຄົນ​ໜຶ່ງ​ຊື່​ວ່າ​ຮາມານ​ເປັນ​ລູກຊາຍ​ຂອງ​ຮາມເມດາທາ ເປັນ​ເຊື້ອສາຍ​ຄົນ​ໜຶ່ງ​ຂອງ​ອາກັກ. ໃຫ້​ມີ​ຕຳແໜ່ງ​ສູງຂື້ນ​ແລະ​ໃຫ້​ນັ່ງ​ສູງ​ກວ່າ​ເຈົ້ານາຍ​ທັງຫລາຍ​ທີ່​ຢູ່​ນຳກັນ.

ເອສະເທີ 3:11

ກະສັດ​ໄດ້​ບອກ​ລາວ​ວ່າ, “ປະຊາຊົນ ແລະ​ເງິນ​ຂອງ​ພວກເຂົາ​ກໍ​ເປັນ​ຂອງ​ເຈົ້າ ຈົ່ງ​ເຮັດ​ກັບ​ພວກເຂົາ​ຕາມ​ໃຈຊອບ​ເທີ້ນ.”

ເອສະເທີ 3:9

ຂ້າແດ່​ພະຣາຊາ ຖ້າ​ທ່ານ​ເຫັນພ້ອມ ຂໍ​ທ່ານ​ຈົ່ງ​ອອກ​ຄຳສັ່ງ​ສັງຫານ​ຄົນ​ເຫຼົ່ານີ້​ເສຍ. ຖ້າ​ທ່ານ​ເຮັດ​ຕາມ ຂ້ານ້ອຍ​ຂໍ​ຮັບຮອງ​ວ່າ​ຈະ​ສາມາດ​ນຳ​ເງິນ 340 ໂຕນ ເຂົ້າ​ມາ​ໄວ້​ໃນ​ຄັງຫລວງ​ໄດ້ ເພື່ອ​ບໍລິຫານ​ຣາຊການ​ຂອງ​ອານາຈັກ.”

ເອສະເທີ 7:6

ເອສະເທີ​ຕອບ​ວ່າ, “ສັດຕູ​ຂອງ​ພວກ​ຂ້ານ້ອຍ ຜູ້​ຂົ່ມເຫັງ​ພວກ​ຂ້ານ້ອຍ ກໍ​ຄື​ຮາມານ​ຊາຍ​ຊົ່ວຊ້າ​ຄົນ​ນີ້.” ຮາມານ​ປະເຊີນ​ໜ້າ​ກັບ​ກະສັດ ແລະ​ຣາຊີນີ ດ້ວຍ​ຄວາມ​ສະທ້ານ​ຢ້ານກົວ​ຈົນ​ຕົວສັ່ນ.

ເອສະເທີ 8:2

ກະສັດ​ຈຶ່ງ​ຖອດ​ແຫວນ​ທີ່​ມີ​ກາປະທັບ​ມອບ​ໃຫ້​ມໍເດໄກ (ແຫວນ​ນີ້​ໄດ້​ເອົາ​ຄືນ​ມາ​ຈາກ​ຮາມານ). ຣາຊີນີ​ເອສະເທີ​ຍັງ​ໄດ້​ມອບ​ຊັບສິນ​ຂອງ​ຮາມານ​ໃຫ້​ມໍເດໄກ​ເປັນ​ຜູ້​ຮັບຜິດຊອບ.

ເອສະເທີ 8:8

ແຕ່ວ່າ​ຄຳ​ປະກາດ​ທີ່​ໃຊ້​ອອກ​ໄປ​ໃນ​ນາມ​ຂອງ​ກະສັດ ແລະ​ທັງ​ປະທັບຕາ​ດ້ວຍ​ກາປະທັບ​ຂອງ​ກະສັດ​ນັ້ນ​ຈະ​ລົບລ້າງ​ບໍ່ໄດ້. ເຖິງ​ຢ່າງ​ໃດ​ກໍຕາມ ໃຫ້​ຣາຊີນີ​ຂຽນ​ຈົດໝາຍ​ໄປ​ຫາ​ຊາວຢິວ​ຕາມ​ໃຈຊອບ ໃຫ້​ຂຽນ​ໃນ​ນາມ​ຂອງເຮົາ ແລະ​ປະທັບ​ກາ​ຂອງ​ກະສັດ​ໃສ່.”