ເອສະເທີ 1:4 - ພຣະຄຳພີສັກສິ

⁴ ເປັນ​ເວລາ​ຫົກ​ເດືອນ​ເຕັມ ທີ່​ເພິ່ນ​ໄດ້​ສະແດງ​ຄວາມຮັ່ງມີ​ຂອງ​ສຳນັກ​ແຫ່ງ​ຈັກກະພັດ ຕະຫລອດ​ທັງ​ຄວາມ​ງົດງາມ ແລະ​ການ​ຄອງ​ອຳນາດ​ໃຫ້​ແກ່​ບັນດາ​ຜູ້​ທີ່​ຖືກ​ເຊີນ​ມາ​ໄດ້​ເຫັນ.

ເອສະເທີ 1:4 Jak'a apnaqawi uñst'ayäwi

1 ຂ່າວຄາວ 29:25

ພຣະເຈົ້າຢາເວ​ໄດ້​ເຮັດ​ໃຫ້​ຊົນຊາດ​ທັງໝົດ​ເກງກົວ​ກະສັດ​ໂຊໂລໂມນ ແລະ​ພຣະອົງ​ໄດ້​ບັນດານ​ໃຫ້​ເພິ່ນ​ມີ​ກຽດ​ຍິ່ງໃຫຍ່​ກວ່າ​ກະສັດ​ໃດໆ​ທີ່​ປົກຄອງ​ປະເທດ​ອິດສະຣາເອນ.

ເອສະເທີ 1:3

ໃນ​ຣາຊການ​ປີ​ທີ​ສາມ ເພິ່ນ​ໄດ້​ຈັດ​ງານ​ກິນລ້ຽງ​ຢ່າງ​ໃຫຍ່ໂຕ​ຂຶ້ນ ສຳລັບ​ບັນດາ​ຂ້າຣາຊການ​ແລະ​ພວກ​ບໍລິຫານງານ​ທັງໝົດ​ຂອງ​ເພິ່ນ. ກອງທັບ​ຂອງ​ເປີເຊຍ​ແລະ​ເມເດຍ​ກໍ​ຢູ່​ໃນ​ທີ່ນັ້ນ ຕະຫລອດ​ທັງ​ບັນດາ​ຜູ້​ປົກຄອງ​ແຂວງ ແລະ​ພວກ​ຂຸນນາງ​ປະຈຳ​ແຂວງ​ຕ່າງໆ.

ເອສະເທີ 1:5

ຫລັງຈາກ​ນັ້ນ ກະສັດ​ກໍໄດ້​ຈັດ​ງານ​ກິນລ້ຽງ​ຢ່າງ​ໃຫຍ່ໂຕ​ຂຶ້ນ ທີ່​ເມືອງ​ເອກຊູຊາ​ສຳລັບ​ທຸກຄົນ ບໍ່​ວ່າ​ຮັ່ງມີ​ຫລື​ຍາກຈົນ. ງານກິນລ້ຽງ​ນີ້​ໄດ້​ຈັດຂຶ້ນ​ໃນ​ເດີ່ນ​ຂອງ​ສວນ​ຂອງ​ຣາຊວັງ ແລະ​ດຳເນີນ​ໄປ​ຕະຫລອດ​ໜຶ່ງ​ອາທິດ.

ພຣະທຳ​ໂຢບ 40:10

ຖ້າດັ່ງນັ້ນ ຈົ່ງ​ລຸກ​ຂຶ້ນ​ດ້ວຍ​ກຽດ​ສັກສີ ເອົາ​ສະຫງ່າງາມ​ແລະ​ສະຫງ່າຣາສີ​ຫຸ້ມ​ຕົວ​ເຈົ້າ​ໄວ້.

ເພງ^ສັນລະເສີນ 145:5

ພວກເຂົາ​ຈະ​ກ່າວ​ເຖິງ​ຣິດອຳນາດ​ທັງ​ສະຫງ່າຣາສີ​ຂອງ​ພຣະອົງ ຂ້ານ້ອຍ​ຈະ​ຮໍ່າເພິງ​ເຖິງ​ການ​ອັດສະຈັນ​ນັ້ນ.

ເພງ^ສັນລະເສີນ 21:5

ເພາະ​ພຣະອົງ​ຊ່ວຍເຫຼືອ​ເພິ່ນ​ຈຶ່ງ​ມີ​ກຽດ​ສັກສີ ພຣະອົງ​ໃຫ້​ເພິ່ນ​ມີ​ຊື່ສຽງ​ແລະ​ຣິດອຳນາດ.

ເພງ^ສັນລະເສີນ 45:3

ຈົ່ງ​ຂັດ​ດາບ​ເຖີດ ກະສັດ​ຜູ້​ເກັ່ງກ້າ​ເອີຍ ທ່ານ​ຜູ້​ມີ​ຊື່​ລືນາມ​ແລະ​ສະຫງ່າ​ຜ່າເຜີຍ​ດ້ວຍ.

ເພງ^ສັນລະເສີນ 93:1

ພຣະເຈົ້າຢາເວ​ຊົງ​ເປັນ​ກະສັດ ພຣະເຈົ້າຢາເວ​ຊົງ​ຫົ່ມ​ດ້ວຍ​ພຣະ​ສະຫງ່າຣາສີ​ແລະ​ພະລັງ. ແຜ່ນດິນ​ໂລກ​ຕັ້ງ​ຢູ່​ບ່ອນ​ເກົ່າ​ຢ່າງ​ໝັ້ນຄົງ​ດີ ແລະ​ບໍ່​ສາມາດ​ເໜັງຕີງ​ຍ້າຍ​ໄປມາ​ໄດ້.

ເອຊາຢາ 39:2

ກະສັດ​ເຮເຊກີຢາ​ໄດ້​ຕ້ອນຮັບ​ຄະນະທູດ​ເປັນ​ຢ່າງດີ ແລະ​ພາ​ເລາະຊົມ​ບ່ອນ​ຮັກສາ​ຊັບສົມບັດ​ຂອງຕົນ​ເຊັ່ນ: ເງິນ, ຄຳ, ເຄື່ອງເທດ​ກັບ​ເຄື່ອງຫອມ ແລະ​ອາວຸດ​ຍຸດທະພັນ​ທັງໝົດ​ໃນ​ກອງທັບ. ບໍ່ມີ​ບ່ອນໃດ​ໃນ​ຄັງ​ມ້ຽນເຄື່ອງ​ຫລື​ບ່ອນ​ອື່ນໆ​ໃນ​ຣາຊອານາຈັກ ທີ່​ເພິ່ນ​ບໍ່ໄດ້​ພາ​ພວກເຂົາ​ເລາະຊົມ.

ເອເຊກຽນ 28:5

ເຈົ້າ​ໄດ້​ເຮັດ​ທຸລະກິດ​ຢ່າງ​ຫລັກແຫລມ​ແລະ​ສືບຕໍ່​ໄດ້​ກຳໄລ. ເຈົ້າ​ຊ່າງ​ອວດອົ່ງ​ທະນົງ​ຕົວ​ກັບ​ຊັບສົມບັດ​ຂອງ​ເຈົ້າ​ແທ້ໆ​ນໍ.

ດານີເອນ 4:30

ເພິ່ນ​ໄດ້​ກ່າວ​ວ່າ, “ເບິ່ງດູ ນະຄອນ​ບາບີໂລນ​ນີ້​ເປັນ​ເມືອງ​ໃຫຍ່​ຫລາຍ ເຮົາ​ໄດ້​ສ້າງ​ໃຫ້​ເປັນ​ເມືອງ​ຫລວງ​ຂອງເຮົາ ເພື່ອ​ສະແດງ​ເຖິງ​ອຳນາດ ແລະ​ຄວາມ​ຍິ່ງໃຫຍ່ ກຽດຕິຍົດ ແລະ​ສະຫງ່າຣາສີ​ຂອງເຮົາ.”

ດານີເອນ 4:36

ເມື່ອ​ຈິດໃຈ​ເຮົາ​ເປັນ​ປົກກະຕິ​ແລ້ວ ກຽດຕິຍົດ​ແລະ​ສະຫງ່າຣາສີ​ຂອງເຮົາ ທັງ​ຄວາມ​ຍິ່ງໃຫຍ່​ຂອງ​ອານາຈັກ​ຂອງເຮົາ​ກໍໄດ້​ຖືກ​ມອບ​ຄືນ​ໃຫ້​ເຮົາ. ບັນດາ​ຂ້າຣາຊການ ແລະ​ພວກ​ເຈົ້ານາຍ​ຂອງເຮົາ​ຖືກ​ມອບ​ຄືນ​ໃຫ້​ແກ່​ເຮົາ​ອີກ ຊຶ່ງ​ເປັນ​ກຽດ​ອັນ​ຍິ່ງໃຫຍ່​ກວ່າ​ຄາວ​ກ່ອນ.

ດານີເອນ 5:18

ພຣະເຈົ້າ​ອົງ​ສູງສຸດ​ໄດ້​ແຕ່ງຕັ້ງ​ເຈົ້າ​ເນບູ​ກາດເນັດຊາ​ບິດາ​ຂອງທ່ານ ໃຫ້​ເປັນ​ກະສັດ​ຜູ້​ຍິ່ງໃຫຍ່ ທັງ​ໃຫ້​ເພິ່ນ​ມີ​ກຽດຕິຍົດ ແລະ​ສະຫງ່າຣາສີ.

ມັດທາຍ 4:8

ອີກເທື່ອໜຶ່ງ ມານຮ້າຍ​ກໍ​ພາ​ພຣະເຢຊູເຈົ້າ​ຂຶ້ນ​ໄປ​ເທິງ​ຍອດ​ພູ​ທີ່​ສູງສຸດ​ແຫ່ງ​ໜຶ່ງ ແລະ​ສຳແດງ​ບັນດາ​ອານາຈັກ​ແຫ່ງ​ໂລກນີ້​ກັບ​ຄວາມ​ຍິ່ງໃຫຍ່​ທັງໝົດ​ໃຫ້​ພຣະອົງ​ເຫັນ.

ມັດທາຍ 6:13

ແລະ​ຂໍ​ຢ່າ​ພາ​ຂ້ານ້ອຍ​ເຂົ້າ​ໄປ​ ໃນ​ການ​ທົດລອງ ແຕ່​ຂໍ​ຊົງ​ໂຜດ​ໃຫ້​ພົ້ນ​ຈາກ​ມານຊົ່ວຮ້າຍ [ເຫດ​ວ່າ ຣາຊອານາຈັກ ຣິດອຳນາດ ແລະ ພຣະຣັດສະໝີ​ກໍ​ເປັນ​ຂອງ​ພຣະອົງ​ສືບໆໄປ​ເປັນນິດ ອາແມນ’]

ໂຣມ 9:23

ແລະ​ເພື່ອ​ສຳແດງ​ສະຫງ່າຣາສີ​ອັນ​ອຸດົມສົມບູນ​ຂອງ​ພຣະອົງ ແກ່​ບັນດາ​ຜູ້​ທີ່​ເປັນ​ພາຊະນະ​ແຫ່ງ​ຄວາມ​ເມດຕາ ຄື​ຄົນ​ເຫຼົ່ານັ້ນ ທີ່​ພຣະອົງ​ໄດ້​ຊົງ​ຈັດຕຽມ​ໄວ້​ກ່ອນ ເພື່ອ​ຮັບ​ສະຫງ່າຣາສີ​ນັ້ນ.

ເອເຟໂຊ 1:18

ແລະ​ຂໍ​ຊົງ​ໂຜດ​ໃຫ້​ຕາ​ພາຍ​ໃນ​ຂອງ​ເຈົ້າ​ທັງຫລາຍ​ສະຫວ່າງ​ຂຶ້ນ ເພື່ອ​ພວກເຈົ້າ​ຈະ​ໄດ້​ຮູ້​ວ່າ ໃນ​ການ​ທີ່​ພຣະອົງ​ຊົງ​ເອີ້ນ​ພວກເຈົ້າ​ນັ້ນ ພຣະອົງ​ໄດ້​ຊົງ​ປະທານ​ຄວາມຫວັງ​ອັນ​ໃດ​ແກ່​ພວກເຈົ້າ ແລະ​ຮູ້​ວ່າ​ມໍຣະດົກ​ຂອງ​ພຣະອົງ​ສຳລັບ​ພວກ​ໄພ່ພົນ​ຂອງ​ພຣະອົງ​ນັ້ນ ມີ​ສະຫງ່າຣາສີ​ອັນ​ອຸດົມສົມບູນ​ພຽງ​ໃດ.

ໂກໂລຊາຍ 1:27

ພຣະເຈົ້າ​ຊົງ​ມີ​ພຣະ​ປະສົງ​ທີ່​ຈະ​ສຳແດງ​ໃຫ້​ໄພ່ພົນ​ເຫຼົ່ານັ້ນ​ຮູ້​ວ່າ ໃນ​ທ່າມກາງ​ຄົນຕ່າງຊາດ ອັນ​ໃດ​ເປັນ​ຄວາມ​ຮັ່ງມີ​ຂອງ​ສະຫງ່າຣາສີ​ແຫ່ງ​ຂໍ້​ເລິກລັບ ຄື​ທີ່​ພຣະຄຣິດ​ຊົງ​ສະຖິດ​ຢູ່​ໃນ​ເຈົ້າ​ທັງຫລາຍ ຊຶ່ງ​ເປັນ​ເຫດ​ໃຫ້​ຫວັງ​ວ່າ​ຈະ​ໄດ້​ເຖິງ​ສະຫງ່າຣາສີ​ນັ້ນ.

ພຣະນິມິດ 4:11

“ຂ້າແດ່​ອົງພຣະ​ຜູ້​ເປັນເຈົ້າ ແລະ​ພຣະເຈົ້າ​ຂອງ​ຂ້ານ້ອຍ​ທັງຫລາຍ ພຣະອົງ​ຊົງ​ສົມຄວນ​ທີ່​ຈະ​ໄດ້​ຮັບ ສະຫງ່າຣາສີ ກຽດຕິຍົດ ແລະ ຣິດເດດ ເພາະວ່າ​ພຣະອົງ​ໄດ້​ຊົງ​ສ້າງ​ ສັບພະທຸກສິ່ງ​ທັງປວງ. ແລະ​ສັບພະທຸກສິ່ງ​ທັງປວງ​ນັ້ນ ກໍ​ຊົງ​ສ້າງ​ຂຶ້ນ​ແລ້ວ ແລະ​ດຳລົງ​ຢູ່​ຕາມ​ຊອບ​ພຣະໄທ ຂອງ​ພຣະອົງ.”