ເອເຟໂຊ 6:3 - ພຣະຄຳພີສັກສິ

³ ເພື່ອ​ເຈົ້າ​ຈະ​ຢູ່ເຢັນ​ເປັນສຸກ ແລະ​ມີ​ອາຍຸ​ໝັ້ນຍືນ​ໃນ​ດິນແດນ​ນີ້.

ພຣະຄຳພີລາວສະບັບສະໄໝໃໝ່

³ “ເພື່ອ​ວ່າ​ພວກເຈົ້າ​ຈະ​ຢູ່ເຢັນເປັນສຸກ ແລະ ມີຊີວິດ​ຍືນຍາວ​ຢູ່​ເທິງ​ແຜ່ນດິນໂລກ”.

ເອເຟໂຊ 6:3 Jak'a apnaqawi uñst'ayäwi

ເອຊາຢາ 3:10

ຝ່າຍ​ຄົນ​ຊອບທຳ​ຈະ​ມີ​ຄວາມສຸກ ແລະ​ສິ່ງ​ທັງຫລາຍ​ຈະ​ເປັນ​ໄປ​ໂດຍ​ດີ​ສຳລັບ​ພວກເຂົາ. ພວກເຂົາ​ສາມາດ​ທີ່​ຈະ​ສະໜຸກ​ຢູ່​ກັບ​ສິ່ງ​ທີ່​ຫາ​ມາ​ໄດ້.

ເຢເຣມີຢາ 35:7

ພວກເຈົ້າ​ຢ່າ​ສ້າງ​ເຮືອນ ຫລື​ເຮັດ​ໄຮ່​ເຮັດ​ນາ ຫລື​ເຮັດ​ສວນອະງຸ່ນ ຫລື​ຊື້​ສິ່ງ​ເຫຼົ່ານີ້, ແຕ່​ພວກເຈົ້າ​ຈະ​ອາໄສ​ຢູ່​ໃນ​ຜ້າເຕັນ​ເລື້ອຍໄປ ເພື່ອ​ພວກເຈົ້າ​ຈະ​ໄດ້​ຢູ່​ຢ່າງ​ຍາວນານ​ໃນ​ດິນແດນ​ນີ້​ດັ່ງ​ຊາວ​ຕ່າງດ້າວ.’

ເຢເຣມີຢາ 42:6

ເຖິງ​ແມ່ນ​ວ່າ​ຂໍ້ຄຳສັ່ງ​ນັ້ນ​ຈະ​ພໍໃຈ​ພວກເຮົາ ຫລື​ບໍ່​ກໍຕາມ ພວກເຮົາ​ກໍ​ຈະ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ຄື​ອົງ​ທີ່​ພວກເຮົາ​ກຳລັງ​ຂໍຮ້ອງ​ທ່ານ​ໃຫ້​ພາວັນນາ​ອະທິຖານ​ຫາ​ນັ້ນ. ທຸກສິ່ງ​ຈະ​ເປັນ​ໄປ​ໂດຍ​ດີ​ສຳລັບ​ພວກເຮົາ ຖ້າ​ພວກເຮົາ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ.”

ເອເຟໂຊ 6:2

“ຈົ່ງ​ນັບຖື​ບິດາ​ມານດາ​ຂອງຕົນ” ນີ້​ເປັນ​ຄຳສັ່ງ​ຂໍ້​ຕົ້ນ​ທີ່​ມີ​ພຣະສັນຍາ​ໄວ້​ດ້ວຍ,

ເອເຟໂຊ 6:4

ຝ່າຍ​ພໍ່​ແມ່​ຢ່າ​ເຮັດ​ໃຫ້​ລູກ​ຂອງຕົນ​ຂັດເຄືອງ​ໃຈ ແຕ່​ຈົ່ງ​ອົບຮົມ​ສັ່ງສອນ​ພວກເຂົາ​ຕາມ​ລະບຽບ ແລະ​ຫລັກ​ຄຳສັ່ງສອນ​ທຸກຢ່າງ​ຂອງ​ອົງພຣະ​ຜູ້​ເປັນເຈົ້າ.

ພຣະບັນຍັດສອງ 12:25

ຖ້າ​ພວກເຈົ້າ​ເຊື່ອຟັງ​ຄຳສັ່ງ​ນີ້ ພຣະເຈົ້າຢາເວ​ກໍ​ຈະ​ພໍໃຈ ແລະ​ພວກເຈົ້າ​ຈະ​ຢູ່ເຢັນ​ເປັນສຸກ​ຕະຫລອດ​ທັງ​ເຊື້ອສາຍ​ຂອງ​ພວກເຈົ້າ.

ພຣະບັນຍັດສອງ 12:28

ຈົ່ງ​ລະວັງ​ໃຫ້​ດີ ແລະ​ຈົ່ງ​ເຊື່ອຟັງ​ຢ່າງ​ສັດຊື່​ໃນ​ທຸກໆ​ສິ່ງ​ທີ່​ຂ້າພະເຈົ້າ​ໄດ້​ສັ່ງ​ພວກເຈົ້າ; ແລ້ວ​ພວກເຈົ້າ​ພ້ອມ​ທັງ​ລູກຫລານ​ກໍ​ຈະ​ຢູ່ເຢັນ​ເປັນສຸກ​ຕະຫລອດໄປ ເພາະ​ພວກເຈົ້າ​ກະທຳ​ສິ່ງ​ທີ່​ຖືກຕ້ອງ​ແລະ​ສິ່ງ​ທີ່​ພໍໃຈ ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.”

ພຣະບັນຍັດສອງ 22:7

ພວກເຈົ້າ​ອາດ​ຈະ​ເອົາ​ລູກ​ນົກ​ໄປ​ໄດ້​ແຕ່​ປ່ອຍ​ແມ່​ຂອງ​ມັນ​ໄປ ເພື່ອ​ວ່າ​ພວກເຈົ້າ​ຈະ​ມີ​ຊີວິດ​ຢູ່​ຍືນຍາວ​ແລະ​ຈະເລີນ​ຮຸ່ງເຮືອງ.

ພຣະບັນຍັດສອງ 4:40

ຈົ່ງ​ປະຕິບັດ​ຕາມ​ກົດບັນຍັດ​ແລະ​ຂໍ້​ຄຳສັ່ງ​ທຸກ​ຂໍ້​ຂອງ​ພຣະອົງ ທີ່​ຂ້າພະເຈົ້າ​ໄດ້​ໃຫ້​ພວກເຈົ້າ​ໃນວັນນີ້ ແລະ​ພວກເຈົ້າ​ພ້ອມ​ລູກຫລານ​ກໍ​ຈະ​ຢູ່ເຢັນ​ເປັນ​ສຸກ. ພວກເຈົ້າ​ຈະ​ສືບຕໍ່​ອາໄສ​ຢູ່​ໃນ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ກຳລັງ​ຈະ​ມອບ​ໃຫ້​ພວກເຈົ້າ​ນີ້​ຕະຫລອດໄປ.”

ພຣະບັນຍັດສອງ 5:16

ຈົ່ງ​ນັບຖື​ພໍ່​ແມ່​ຂອງ​ພວກເຈົ້າ ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ໄວ້ ເພື່ອ​ວ່າ​ພວກເຈົ້າ​ຈະ​ຢູ່ເຢັນ​ເປັນ​ສຸກ ແລະ​ພວກເຈົ້າ​ຈະ​ມີ​ອາຍຸ​ໝັ້ນຍືນ​ຢູ່​ໃນ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້​ພວກເຈົ້າ​ນັ້ນ.

ພຣະບັນຍັດສອງ 5:33

ຈົ່ງ​ດຳເນີນ​ຕາມ​ວິຖີ​ທາງ​ທັງໝົດ ຊຶ່ງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ພວກເຈົ້າ​ໄວ້ ເພື່ອ​ວ່າ​ພວກເຈົ້າ​ຈະ​ຢູ່ເຢັນ​ເປັນສຸກ​ຈະເລີນ​ຮຸ່ງເຮືອງ ແລະ​ມີ​ຊີວິດ​ຍືນຍາວ​ໃນ​ດິນແດນ​ທີ່​ພວກເຈົ້າ​ກຳລັງ​ຈະ​ເຂົ້າ​ໄປ​ຄອບຄອງ​ນັ້ນ.”

ພຣະບັນຍັດສອງ 6:18

ຈົ່ງ​ເຮັດ​ແຕ່​ສິ່ງ​ທີ່​ພຣະເຈົ້າຢາເວ​ເຫັນ​ວ່າ​ດີ​ແລະ​ຖືກຕ້ອງ ແລ້ວ​ພວກເຈົ້າ​ກໍ​ຈະ​ຢູ່ເຢັນ​ເປັນ​ສຸກ. ພວກເຈົ້າ​ຈະ​ໄດ້​ຮັບ​ດິນແດນ​ອັນ​ອຸດົມສົມບູນ​ແລະ​ຮັ່ງມີ ທີ່​ພຣະເຈົ້າຢາເວ​ໄດ້​ສັນຍາ​ໄວ້​ກັບ​ປູ່ຍ່າຕາຍາຍ​ຂອງ​ພວກເຈົ້າ​ເປັນ​ກຳມະສິດ

ພຣະບັນຍັດສອງ 6:3

ປະຊາຊົນ​ອິດສະຣາເອນ​ເອີຍ ຈົ່ງ​ເຊື່ອຟັງ​ແລະ​ປະຕິບັດ​ຕາມ​ກົດບັນຍັດ​ຂອງ​ອົງພຣະ​ຜູ້​ເປັນເຈົ້າ ແລ້ວ​ພວກເຈົ້າ​ກໍ​ຈະ​ຢູ່ເຢັນ​ເປັນສຸກ ແລະ​ກາຍເປັນ​ຊົນຊາດ​ໜຶ່ງ​ທີ່​ມີ​ອຳນາດ ພວກເຈົ້າ​ຈະ​ມີ​ຊີວິດ​ຢູ່​ໃນ​ດິນແດນ​ທີ່​ອຸດົມສົມບູນ​ແລະ​ຮັ່ງມີ ຕາມ​ທີ່​ພຣະ​ຜູ້​ເປັນເຈົ້າ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ​ໄດ້​ສັນຍາ​ໄວ້.

ນາງຣຸດ 3:1

ຕໍ່ມາ ນາງ​ນາໂອມີ​ກໍ​ເວົ້າ​ກັບ​ນາງຣຸດ​ວ່າ, “ແມ່​ຕ້ອງ​ຊອກຫາ​ຜົວ​ໃຫ້​ເຈົ້າ ເພື່ອ​ເຈົ້າ​ຈະ​ມີ​ຄອບຄົວ​ເປັນ​ຂອງ​ຕົນເອງ.