ເອເຟໂຊ 6:18 - ພຣະຄຳພີສັກສິ

¹⁸ ຈົ່ງ​ພາວັນນາ​ອະທິຖານ ແລະ​ໄຫວ້ວອນ​ທຸກຢ່າງ ຈົ່ງ​ພາວັນນາ​ອະທິຖານ​ໂດຍ​ພຣະວິນຍານ​ທຸກ​ເວລາ ແລະ​ຈົ່ງ​ເຝົ້າ​ລະວັງ​ໃນ​ການ​ນັ້ນ ດ້ວຍ​ຄວາມ​ພຽນ​ທຸກຢ່າງ ຈົ່ງ​ພາວັນນາ​ອະທິຖານ​ເພື່ອ​ໄພ່ພົນ​ທັງປວງ​ຂອງ​ພຣະເຈົ້າ.

ພຣະຄຳພີລາວສະບັບສະໄໝໃໝ່

¹⁸ ແລະ ຈົ່ງ​ອະທິຖານ​ໃນ​ພຣະວິນຍານ​ໃນ​ທຸກ​ໂອກາດ​ດ້ວຍ​ການອະທິຖານ ແລະ ການ​ຮ້ອງຂໍ​ທຸກ​ຮູບແບບ. ໂດຍ​ຄຳນຶງ​ເຖິງ​ສິ່ງ​ນີ້, ຈົ່ງ​ເຝົ້າລະວັງ​ໃນ​ການອະທິຖານ​ເພື່ອ​ຄົນ​ຂອງ​ອົງພຣະຜູ້ເປັນເຈົ້າ​ຢູ່​ສະເໝີ.

ເອເຟໂຊ 6:18 Jak'a apnaqawi uñst'ayäwi

1 ກະສັດ 8:52

ຂໍ​ພຣະອົງ​ຫລຽວ​ເບິ່ງ​ປະຊາຊົນ​ອິດສະຣາເອນ ແລະ​ກະສັດ​ຂອງ​ພວກເຂົາ ດ້ວຍ​ຄວາມ​ເຫັນອົກ​ເຫັນໃຈ​ເລື້ອຍ​ໄປ​ເຖີດ ແລະ​ເມື່ອໃດ​ທີ່​ພວກເຂົາ​ຮ້ອງຂໍ​ໃຫ້​ພຣະອົງ​ຊ່ວຍເຫລືອ ຂໍໂຜດ​ຟັງ​ຄຳພາວັນນາ​ອະທິຖານ​ຂອງ​ພວກເຂົາ​ດ້ວຍ​ເທີ້ນ

1 ກະສັດ 8:54

ຫລັງຈາກ​ທີ່​ກະສັດ​ໂຊໂລໂມນ​ໄດ້​ພາວັນນາ​ອະທິຖານ​ຕໍ່​ພຣະເຈົ້າຢາເວ​ສິ້ນສຸດ​ລົງ​ແລ້ວ ເພິ່ນ​ໄດ້​ຢືນ​ຂຶ້ນ​ຕໍ່ໜ້າ​ແທ່ນບູຊາ​ບ່ອນ​ທີ່​ເພິ່ນ​ຄຸເຂົ່າ​ລົງ​ແລະ​ຍົກມື​ຂຶ້ນ​ນັ້ນ.

1 ກະສັດ 8:59

ຂໍ​ໃຫ້​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ຊົງໂຜດ​ຈົດຈຳ​ຄຳພາວັນນາ​ອະທິຖານ​ທີ່​ຂ້ານ້ອຍ​ພາວັນນາ​ອະທິຖານ​ຂໍ​ຕໍ່ໜ້າ​ພຣະເຈົ້າຢາເວ​ນີ້​ທັງ​ກາງເວັນ​ແລະ​ກາງຄືນ​ດ້ວຍ​ເທີ້ນ ເພື່ອ​ພຣະອົງ​ຈະຊົງໂຜດ​ເມດຕາ​ຜູ້ຮັບໃຊ້​ຂອງພຣະອົງ ແລະ​ປະຊາຊົນ​ອິດສະຣາເອນ​ຂອງ​ພຣະອົງ ຕາມ​ຄວາມ​ຕ້ອງການ​ຂອງ​ພວກເຂົາ​ໃນ​ແຕ່ລະວັນ.

1 ກະສັດ 9:3

ພຣະເຈົ້າຢາເວ​ໄດ້​ກ່າວ​ແກ່​ເພິ່ນ​ວ່າ, “ເຮົາ​ໄດ້ຍິນ​ຄຳພາວັນນາ​ອະທິຖານ​ຂອງ​ເຈົ້າ​ແລ້ວ ເຮົາ​ຂໍ​ຮັບ​ເອົາ​ວິຫານ​ທີ່​ເຈົ້າ​ໄດ້​ສ້າງ​ນີ້ ໃຫ້​ເປັນ​ບ່ອນ​ນະມັດສະການ​ເຮົາ​ຕະຫລອດໄປ. ເຮົາ​ຈະ​ເບິ່ງແຍງ​ຮັກສາ ແລະ​ປ້ອງກັນ​ວິຫານ​ນັ້ນ​ຕະຫລອດ​ເວລາ.

ເອສະເທີ 4:8

ລາວ​ຍັງ​ເອົາ​ສຳເນົາ​ຄຳ​ປະກາດ​ສັ່ງ​ທຳລາຍ​ລ້າງຜານ​ຊາວຢິວ ທີ່​ອອກ​ດຳລັດ​ໃນ​ນະຄອນ​ຊູຊາ​ໃຫ້​ຮາທາດ. ມໍເດໄກ​ຂໍ​ລາວ​ໃຫ້​ຖື​ເອົາ​ສຳເນົາ​ຄຳ​ປະກາດ​ນັ້ນ​ໄປ​ຫາ​ເອສະເທີ ແລະ​ອະທິບາຍ​ສະຖານະການ​ສູ່​ນາງ​ຟັງ ແລະ​ບອກ​ນາງ​ໄປ​ຂໍຮ້ອງ​ນຳ​ກະສັດ​ໃຫ້​ເມດຕາ​ຊົນຊາດ​ຂອງ​ນາງ.

ພຣະທຳ​ໂຢບ 27:10

ພວກເຂົາ​ປາຖະໜາ​ແຕ່​ຄວາມ​ຊົມຊື່ນ​ຍິນດີ ຈຶ່ງ​ໄດ້​ພາວັນນາ​ອະທິຖານ​ຫາ​ພຣະອົງ​ຢູ່​ບໍ່​ຂາດ.

ເພງ^ສັນລະເສີນ 4:1

ເມື່ອ​ຂ້ານ້ອຍ​ພາວັນນາ​ອະທິຖານ​ຫາ​ໂຜດ​ຕອບ​ແດ່ ໂອ ຂ້າແດ່​ພຣະເຈົ້າ ພຣະ​ຜູ້​ປ້ອງກັນ​ຂອງ​ຂ້ານ້ອຍ ເມື່ອ​ເດືອດຮ້ອນ​ໂຜດ​ຊ່ວຍ​ແດ່ ບັດນີ້​ໂຜດ​ເມດຕາ ແລະ​ຟັງ​ຄຳ​ພາວັນນາ​ອະທິຖານ​ຂອງ​ຂ້ານ້ອຍ​ແດ່ທ້ອນ.

ເພງ^ສັນລະເສີນ 6:9

ພຣະເຈົ້າຢາເວ​ໄດ້​ຟັງ​ສຽງ​ຮ້ອງຂໍ​ຂອງຂ້ອຍ​ແລ້ວ. ພຣະເຈົ້າຢາເວ​ຈະ​ຕອບ​ຄຳພາວັນນາ​ອະທິຖານ​ຂອງຂ້ອຍ.

ເອຊາຢາ 26:16

ຂ້າແດ່​ພຣະເຈົ້າຢາເວ ພຣະອົງ​ລົງໂທດ​ຄົນ​ຂອງ​ພຣະອົງ ພວກເຂົາ​ໄດ້​ພາວັນນາ​ອະທິຖານ​ດ້ວຍ​ຈິດໃຈ​ທີ່​ເຈັບປວດ.

ດານີເອນ 6:10

ເມື່ອ​ດານີເອນ​ຮູ້ວ່າ​ໜັງສື​ຄຳສັ່ງ​ໄດ້​ເຊັນ​ລົງ​ໄປ​ແລ້ວ ເພິ່ນ​ກໍ​ກັບຄືນ​ເມືອ​ເຮືອນ​ຂອງຕົນ. ໃນ​ຫ້ອງ​ຊັ້ນ​ເທິງ​ຂອງ​ເຮືອນ​ນັ້ນ ມີ​ປ່ອງຢ້ຽມ​ຢູ່​ສາມ​ປ່ອງ​ປິ່ນໜ້າ​ໃສ່​ນະຄອນ​ເຢຣູຊາເລັມ. ຢູ່​ທີ່​ນັ້ນ​ດັ່ງ​ທີ່​ເຄີຍ​ປະຕິບັດ​ມາ ດານີເອນ​ໄດ້​ຄຸເຂົ່າ​ລົງ​ຕໍ່ໜ້າ​ປ່ອງຢ້ຽມ​ທີ່​ໄຂ​ໄວ້, ພາວັນນາ​ອະທິຖານ ແລະ​ໂມທະນາ​ຂອບ​ພຣະຄຸນ​ຕໍ່​ພຣະເຈົ້າ​ຂອງເພິ່ນ ວັນ​ລະ​ສາມ​ເທື່ອ ດັ່ງ​ທີ່​ເພິ່ນ​ເຄີຍ​ປະຕິບັດ​ມາ​ແຕ່ກ່ອນ.

ດານີເອນ 9:20

ຂ້າພະເຈົ້າ​ໄດ້​ສືບຕໍ່​ກ່າວ ແລະ​ພາວັນນາ​ອະທິຖານ ໂດຍ​ສາລະພາບ​ບາບ​ຂອງ​ຂ້າພະເຈົ້າ ແລະ​ບາບ​ຂອງ​ຊາວ​ອິດສະຣາເອນ​ປະຊາຊົນ​ຂອງ​ຂ້າພະເຈົ້າ ແລະ​ຂໍຮ້ອງ​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ ສຳລັບ​ພູເຂົາ​ອັນ​ສັກສິດ​ຂອງ​ພຣະເຈົ້າ​ຂອງ​ຂ້າພະເຈົ້າ.

ໂຮເສອາ 12:4

ຄື​ລາວ​ໄດ້​ຕໍ່ສູ້​ກັບ​ເທວະດາ​ຈົນ​ຊະນະ. ລາວ​ໄດ້​ຮ້ອງໄຫ້​ແລະ​ຂໍ​ພອນ. ທີ່​ເບັດເອນ ພຣະເຈົ້າ​ໄດ້​ລົງ​ມາ​ຫາ​ຢາໂຄບ​ຜູ້​ເປັນ​ບັນພະບຸລຸດ​ຂອງ​ພວກເຮົາ ແລະ​ຢູ່​ທີ່​ນັ້ນ​ພຣະອົງ​ໄດ້​ກ່າວ​ແກ່​ລາວ.

ເຊກາຣີຢາ 12:10

ເຮົາ​ຈະ​ເຮັດ​ໃຫ້​ເຊື້ອສາຍ​ຂອງ​ກະສັດ​ດາວິດ ແລະ​ຊາວ​ເຢຣູຊາເລັມ​ຄົນອື່ນໆ ເຕັມ​ໄປ​ດ້ວຍ​ຈິດໃຈ​ເມດຕາ ແລະ​ຮັກ​ການພາວັນນາ​ອະທິຖານ. ພວກເຂົາ​ຈະ​ແນມເບິ່ງ​ຜູ້​ທີ່​ພວກເຂົາ​ແທງ​ຈົນຕາຍ ແລະ​ພວກເຂົາ​ຈະ​ໄວ້ທຸກ​ໃຫ້​ເພິ່ນ​ດັ່ງ​ຄົນ​ທີ່​ໄວ້ທຸກ​ໃຫ້​ແກ່​ລູກຊາຍ​ໂທນ​ຂອງຕົນ. ພວກເຂົາ​ຈະ​ໄວ້​ທຸກຢ່າງ​ຂົມຂື່ນ ດັ່ງ​ຄົນ​ທີ່​ໄວ້ທຸກ​ໃຫ້​ແກ່​ລູກຊາຍກົກ​ຂອງຕົນ.

ມັດທາຍ 17:21

“ແຕ່​ຜີ​ແນວ​ນີ້​ບໍ່ເຄີຍ​ຖືກ​ຂັບ​ອອກ ເວັ້ນ​ແຕ່​ດ້ວຍ​ການ​ພາວັນນາ​ອະທິຖານ ແລະ​ການ​ຖືສິນ​ອົດອາຫານ.”]

ມັດທາຍ 26:41

ຈົ່ງ​ເຝົ້າ​ລະວັງ ແລະ​ພາວັນນາ​ອະທິຖານ​ຢູ່ ເພື່ອ​ພວກເຈົ້າ​ຈະ​ບໍ່​ຕົກ​ໃນ​ການ​ທົດລອງ ຈິດໃຈ​ພ້ອມ​ຢູ່​ແລ້ວ​ກໍ​ຈິງ ແຕ່​ຮ່າງກາຍ​ກໍ​ອ່ອນແຮງ.”

ມາຣະໂກ 13:33

ຈົ່ງ​ເຝົ້າ​ລະວັງ​ຢູ່ ແລະ​ພາວັນນາ​ອະທິຖານ​ຢູ່​ສະເໝີ ເພາະ​ເຈົ້າ​ທັງຫລາຍ​ບໍ່​ຮູ້​ວ່າ ເວລາ​ນັ້ນ​ຈະ​ມາ​ເຖິງ​ເມື່ອໃດ.

ມາຣະໂກ 14:38

ແລ້ວ​ພຣະອົງ​ກໍ​ກ່າວ​ແກ່​ພວກເພິ່ນ​ວ່າ, “ຈົ່ງ​ເຝົ້າ​ລະວັງ ແລະ​ພາວັນນາ​ອະທິຖານ​ຢູ່ ເພື່ອ​ຈະ​ບໍ່​ຕົກ​ໃນ​ການ​ທົດລອງ ຈິດໃຈ​ພ້ອມ​ຢູ່​ແລ້ວ​ກໍ​ຈິງ ແຕ່​ຮ່າງກາຍ​ກໍ​ອ່ອນແຮງ.”

ລູກາ 21:36

ດັ່ງນັ້ນ ຈົ່ງ​ເຝົ້າ​ລະວັງ ແລະ​ພາວັນນາ​ອະທິຖານ​ຢູ່​ທຸກ​ເວລາ, ເພື່ອ​ວ່າ ພວກເຈົ້າ​ຈະ​ມີ​ກຳລັງ​ພົ້ນ​ຈາກ​ເຫດການ​ທຸກຢ່າງ ທີ່​ໃກ້​ຈະ​ເກີດຂຶ້ນ​ນັ້ນ ແລະ​ຢືນ​ຢູ່​ຕໍ່ໜ້າ​ບຸດ​ມະນຸດ​ໄດ້.”

ລູກາ 22:46

ພຣະອົງ​ກ່າວ​ແກ່​ພວກເພິ່ນ​ວ່າ, “ເປັນຫຍັງ​ຈຶ່ງ​ຍັງ​ນອນ​ຫລັບ​ຢູ່? ຈົ່ງ​ລຸກ​ຂຶ້ນ ແລະ​ພາວັນນາ​ອະທິຖານ ເພຶ່ອ​ພວກເຈົ້າ​ຈະ​ບໍ່​ຕົກ​ໃນ​ການ​ທົດລອງ.”

ລູກາ 3:26

ນາຄາຍ​ເປັນ​ລູກຊາຍ​ຂອງ​ມາອາດ, ມາອາດ​ເປັນ​ລູກຊາຍ​ຂອງ​ມັດຕາເທຍ, ມັດຕາເທຍ​ເປັນ​ລູກຊາຍ​ຂອງ​ເຊເມອີນ, ເຊເມອີນ​ເປັນ​ລູກຊາຍ​ຂອງ​ໂຢເຊັກ, ໂຢເຊັກ​ເປັນ​ລູກຊາຍ​ຂອງ​ໂຢດາ,

ລູກາ 3:37

ລາເມັກ​ເປັນ​ລູກຊາຍ​ຂອງ​ເມທູເສລາ, ເມທູເສລາ​ເປັນ​ລູກຊາຍ​ຂອງ​ເອນົກ, ເອນົກ​ເປັນ​ລູກຊາຍ​ຂອງ​ຢາເຣັດ, ຢາເຣັດ​ເປັນ​ລູກຊາຍ​ຂອງ​ມະຫາລາເລນ, ມະຫາລາເລນ​ເປັນ​ລູກຊາຍ​ຂອງ​ເກນານ,

ກິດຈະການ 1:14

ຄົນ​ເຫຼົ່ານີ້​ທັງໝົດ​ໄດ້​ຮ່ວມ​ໃຈ​ກັນ​ພາວັນນາ​ອະທິຖານ​ປະຈຳ​ສະໝໍ່າ​ສະເໝີ ໂດຍ​ມີ​ພວກ​ແມ່ຍິງ ມາຣີ​ແມ່​ຂອງ​ພຣະເຢຊູເຈົ້າ ແລະ​ພວກ​ນ້ອງຊາຍ​ຂອງ​ພຣະອົງ​ກໍ​ຮ່ວມ​ຢູ່​ດ້ວຍ.

ກິດຈະການ 10:2

ໂກເນລີໂອ​ເປັນ​ຜູ້​ຖື​ສາສະໜາ​ຢ່າງ​ຖືກຕ້ອງ ແລະ​ທຸກຄົນ​ໃນ​ຄອບຄົວ​ຂອງ​ເພິ່ນ ຕ່າງ​ກໍ​ຢຳເກງ​ພຣະເຈົ້າ ເພິ່ນ​ເຄີຍ​ໃຫ້​ທານ​ຢ່າງ​ຫລວງຫລາຍ ເພື່ອ​ຊ່ວຍ​ຜູ້​ຍາກຈົນ ແລະ​ພາວັນນາ​ອະທິຖານ​ຫາ​ພຣະເຈົ້າ​ຢ່າງ​ສະໝໍ່າ​ສະເໝີ​ບໍ່ໄດ້​ຂາດ.

ກິດຈະການ 12:5

ດັ່ງນັ້ນ ເປໂຕ​ຈຶ່ງ​ຖືກ​ຄຸມຂັງ​ໄວ້​ຢູ່​ໃນ​ຄຸກ ແຕ່​ພີ່ນ້ອງ​ທີ່​ເຊື່ອ​ໃນ​ຄຣິສຕະຈັກ​ໄດ້​ພາວັນນາ​ອະທິຖານ​ຕໍ່​ພຣະເຈົ້າ ເພື່ອ​ເປໂຕ​ດ້ວຍ​ໃຈ​ຮ້ອນຮົນ.

ກິດຈະການ 6:4

ສ່ວນ​ພວກເຮົາ ກໍ​ຈະ​ອຸທິດ​ເວລາ​ທັງໝົດ​ໃສ່​ໃນ​ການ​ພາວັນນາ​ອະທິຖານ ແລະ​ການ​ສັ່ງສອນ​ພຣະທຳ.”

ໂຣມ 12:12

ຈົ່ງ​ຊົມຊື່ນ​ຍິນດີ​ໃນ​ຄວາມຫວັງ ຈົ່ງ​ອົດທົນ​ໃນ​ຄວາມ​ຍາກ​ລຳບາກ ຈົ່ງ​ພາວັນນາ​ອະທິຖານ​ຢູ່​ບໍ່​ຂາດ.

ໂຣມ 8:15

ດ້ວຍວ່າ, ພຣະວິນຍານ​ທີ່​ພຣະເຈົ້າ​ໄດ້​ໂຜດ​ໃຫ້​ພວກເຈົ້າ​ນັ້ນ ຈະ​ບໍ່​ເຮັດ​ໃຫ້​ພວກເຈົ້າ​ເປັນ​ທາດ ຊຶ່ງ​ກໍ່​ໃຫ້​ເກີດ​ຄວາມ​ຢ້ານກົວ, ແຕ່​ພຣະວິນຍານ​ເຮັດ​ໃຫ້​ພວກເຈົ້າ​ເປັນ​ລູກ​ຂອງ​ພຣະເຈົ້າ ໂດຍ​ຣິດອຳນາດ​ແຫ່ງ​ພຣະວິນຍານ​ບໍຣິສຸດເຈົ້າ​ນັ້ນ ພວກເຮົາ​ຈຶ່ງ​ເອີ້ນ​ພຣະເຈົ້າ​ວ່າ, “ອັບບາ” ຄື​ພຣະບິດາເຈົ້າ.

ຄາລາເຕຍ 4:6

ແລະ​ເພາະ​ເຈົ້າ​ທັງຫລາຍ​ເປັນ​ບຸດ​ຂອງ​ພຣະເຈົ້າ​ແລ້ວ ພຣະອົງ​ຈຶ່ງ​ຊົງ​ໃຊ້​ພຣະວິນຍານ​ແຫ່ງ​ພຣະບຸດ​ຂອງ​ພຣະອົງ​ເຂົ້າ​ມາ​ໃນ​ໃຈ​ຂອງ​ພວກເຮົາ ແລ້ວ​ຮ້ອງ​ວ່າ, “ອັບບາ” ຄື “ພຣະບິດາເຈົ້າ.”

ເອເຟໂຊ 1:16

ເຮົາ​ຈຶ່ງ​ໂມທະນາ​ຂອບພຣະຄຸນ​ພຣະເຈົ້າ​ຢູ່​ສະເໝີ​ບໍ່ຂາດ​ສຳລັບ​ພວກເຈົ້າ ແລະ​ລະນຶກເຖິງ​ພວກເຈົ້າ​ເມື່ອ​ເຮົາ​ພາວັນນາ​ອະທິຖານ.

ເອເຟໂຊ 2:22

ໃນ​ພຣະອົງ​ນັ້ນ ພວກເຈົ້າ​ກຳລັງ​ຖືກ​ກໍ່​ຂຶ້ນ​ໃຫ້​ເປັນ​ທີ່​ສະຖິດ​ຂອງ​ພຣະເຈົ້າ ໂດຍ​ພຣະວິນຍານ​ເໝືອນກັນ.

ເອເຟໂຊ 3:18

ພວກເຈົ້າ​ກໍ​ຈະ​ມີ​ຄວາມ​ສາມາດ​ເຂົ້າໃຈ ພ້ອມ​ກັບ​ໄພ່ພົນ​ທັງປວງ​ຂອງ​ພຣະອົງ ເຖິງ​ຄວາມ​ກວ້າງ, ຄວາມ​ຍາວ, ຄວາມ​ສູງ ແລະ​ຄວາມ​ເລິກ,

ເອເຟໂຊ 3:8

ໃນ​ບັນດາ​ໄພ່ພົນ​ຂອງ​ພຣະເຈົ້າ​ທັງໝົດ​ນັ້ນ ຂ້າພະເຈົ້າ​ເປັນ​ຜູ້​ຕໍ່າຕ້ອຍ​ທີ່ສຸດ​ກວ່າ​ຜູ້​ທີ່​ເລັກນ້ອຍ​ທີ່ສຸດ, ເຖິງ​ປານນັ້ນ ພຣະອົງ​ກໍ​ຍັງ​ໂຜດ​ປະທານ​ພຣະຄຸນ​ນີ້​ແກ່​ຂ້າພະເຈົ້າ ຄື​ໃຫ້​ຂ້າພະເຈົ້າ​ປະກາດ​ຂ່າວປະເສີດ​ແກ່​ຄົນຕ່າງຊາດ ເຖິງ​ຄວາມ​ບໍຣິບູນ​ອັນ​ຫາ​ທີ່​ປຽບ​ບໍ່ໄດ້​ຂອງ​ພຣະຄຣິດ,

ເອເຟໂຊ 6:19

ແລະ​ພາວັນນາ​ອະທິຖານ​ເພື່ອ​ຂ້າພະເຈົ້າ​ດ້ວຍ ເພື່ອ​ຈະ​ຊົງ​ໂຜດ​ໃຫ້​ຂ້າພະເຈົ້າ​ເກີດ​ມີ​ໃຈ​ກ້າຫານ ອອກ​ປາກ​ສະແດງ​ຂໍ້​ລັບເລິກ​ເລື່ອງ​ຂ່າວປະເສີດ,

ຟີລິບປອຍ 1:4

ທຸກ​ຄັ້ງ​ທີ່​ເຮົາ​ພາວັນນາ​ອະທິຖານ ເພື່ອ​ພວກເຈົ້າ​ທຸກຄົນ ເຮົາ​ກໍ​ພາວັນນາ​ອະທິຖານ​ດ້ວຍ​ຄວາມ​ຊົມຊື່ນ​ຍິນດີ,

ຟີລິບປອຍ 4:6

ຢ່າ​ທຸກຮ້ອນ​ໃຈ​ດ້ວຍ​ສິ່ງໃດ​ເລີຍ ແຕ່​ຈົ່ງ​ທູນ​ເລື່ອງ​ຄວາມ​ປາຖະໜາ​ທຸກຢ່າງ​ຂອງ​ພວກເຈົ້າ ຕໍ່​ພຣະເຈົ້າ​ດ້ວຍ​ການ​ພາວັນນາ​ອະທິຖານ ດ້ວຍ​ການ​ອ້ອນວອນ​ທູນ​ຂໍ ແລະ​ດ້ວຍ​ຈິດໃຈ​ໂມທະນາ​ຂອບພຣະຄຸນ.

ໂກໂລຊາຍ 1:3

ເມື່ອ​ພວກເຮົາ​ພາວັນນາ​ອະທິຖານ​ເພື່ອ​ພວກເຈົ້າ​ນັ້ນ ພວກເຮົາ​ກໍ​ໂມທະນາ​ຂອບພຣະຄຸນ​ພຣະເຈົ້າ ພຣະບິດາເຈົ້າ​ຂອງ​ອົງ​ພຣະເຢຊູ​ຄຣິດເຈົ້າ​ຂອງ​ພວກເຮົາ​ຢູ່​ສະເໝີ.

ໂກໂລຊາຍ 1:4

ດ້ວຍວ່າ, ພວກເຮົາ​ໄດ້ຍິນ​ເຖິງ​ຄວາມເຊື່ອ​ຂອງ​ພວກເຈົ້າ​ໃນ​ພຣະຄຣິດເຈົ້າ​ເຢຊູ ແລະ​ເຖິງ​ເລື່ອງ​ຄວາມຮັກ​ຂອງ​ພວກເຈົ້າ ທີ່​ມີ​ຕໍ່​ໄພ່ພົນ​ຂອງ​ພຣະເຈົ້າ​ທຸກຄົນ.

ໂກໂລຊາຍ 4:2

ຈົ່ງ​ອຸທິດ​ຕົວ​ໃນ​ການ​ພາວັນນາ​ອະທິຖານ ຈົ່ງ​ເຝົ້າ​ລະວັງ​ຢູ່​ໂດຍ​ການ​ໂມທະນາ​ຂອບພຣະຄຸນ​ພຣະເຈົ້າ.

1 ເທສະໂລນິກ 5:17

ຈົ່ງ​ພາວັນນາ​ອະທິຖານ​ຢູ່​ທຸກ​ເວລາ,

1 ຕີໂມທຽວ 2:1

ເຫດສະນັ້ນ​ກ່ອນ​ສິ່ງ​ອື່ນ​ໃດ ເຮົາ​ຂໍຮ້ອງ​ເຈົ້າ​ທັງຫລາຍ ໃຫ້​ພາວັນນາ​ອະທິຖານ ໄຫວ້ວອນ ທູນຂໍ ແລະ​ຂອບພຣະຄຸນ​ພຣະເຈົ້າ​ເພື່ອ​ຄົນ​ທັງປວງ

2 ຕີໂມທຽວ 1:3

ເຮົາ​ໂມທະນາ​ຂອບພຣະຄຸນ​ພຣະເຈົ້າ ອົງ​ທີ່​ເຮົາ​ຮັບໃຊ້​ດ້ວຍ​ໃຈ​ສຳນຶກ​ຜິດແລະຊອບ​ອັນ​ເສາະໃສ ດັ່ງ​ບັນພະບຸລຸດ​ຂອງເຮົາ​ໄດ້​ປະຕິບັດ​ມາ ເຮົາ​ໂມທະນາ​ຂອບພຣະຄຸນ​ພຣະອົງ​ຢູ່​ສະເໝີ ເມື່ອ​ເຮົາ​ລະນຶກເຖິງ​ເຈົ້າ​ໃນ​ຄຳ​ພາວັນນາ​ອະທິຖານ​ຂອງເຮົາ​ທັງ​ກາງຄືນ​ແລະ​ກາງເວັນ.

ຟີເລໂມນ 1:5

ເພາະ​ເຮົາ​ໄດ້​ຮັບ​ຂ່າວ​ເລື່ອງ​ຄວາມຮັກ​ແລະ​ຄວາມເຊື່ອ​ຂອງ​ເຈົ້າ ທີ່​ເຈົ້າ​ມີ​ຕໍ່​ອົງ​ພຣະເຢຊູເຈົ້າ ແລະ​ຕໍ່​ບັນດາ​ໄພ່ພົນ​ທັງປວງ​ຂອງ​ພຣະເຈົ້າ.

ເຮັບເຣີ 5:7

ຝ່າຍ​ພຣະບຸດ​ນັ້ນ ຂະນະ​ເມື່ອ​ຊົງ​ເປັນ​ມະນຸດ​ຢູ່ ພຣະອົງ​ໄດ້​ຊົງ​ຖວາຍ​ຄຳ​ພາວັນນາ​ອະທິຖານ ແລະ​ໄຫວ້ວອນ​ດ້ວຍ​ການ​ຮ້ອງໄຫ້​ຢ່າງ​ໜັກ ແລະ​ມີ​ນໍ້າຕາ​ໄຫລ​ຮ້ອງຂໍ​ຕໍ່​ພຣະເຈົ້າ ຜູ້​ຊົງ​ສາມາດ​ໂຜດ​ໃຫ້​ພຣະອົງ​ພົ້ນ​ຈາກ​ຕາຍ​ໄດ້ ແລະ​ຊົງ​ນ້ອມ​ຮັບ​ຟັງ ເນື່ອງ​ດ້ວຍ​ຄວາມ​ຢຳເກງ​ຂອງ​ພຣະອົງ.

1 ເປໂຕ 4:7

ອະວະສານ​ຂອງ​ທຸກສິ່ງ​ທັງປວງ​ໃກ້​ຈະ​ມາ​ເຖິງ​ແລ້ວ, ເຫດສະນັ້ນ ເຈົ້າ​ທັງຫລາຍ ຈົ່ງ​ມີ​ສະຕິ​ອັນ​ດີ​ແລະ​ຄອຍ​ລະວັງຕົວ ສຳລັບ​ການ​ພາວັນນາ​ອະທິຖານ.

ຢູດາ 1:20

ບັນດາ​ເພື່ອນ​ທີ່ຮັກ​ຂອງເຮົາ​ເອີຍ, ຈົ່ງ​ສ້າງ​ຕົວ​ເອງ​ຂຶ້ນ​ເທິງ​ຄວາມເຊື່ອ​ອັນ​ບໍຣິສຸດ​ຂອງ​ພວກເຈົ້າ, ຈົ່ງ​ພາວັນນາ​ອະທິຖານ​ໃນ​ຣິດອຳນາດ​ຂອງ​ພຣະວິນຍານ​ບໍຣິສຸດເຈົ້າ.

1 ຊາມູເອນ 1:12

ນາງ​ຮັນນາ​ພາວັນນາ​ອະທິຖານ​ຕໍ່ໜ້າ​ພຣະເຈົ້າຢາເວ​ເປັນ​ເວລາ​ຍາວນານ ສ່ວນ​ເອລີ​ນັ້ນ​ກໍ​ເຝົ້າ​ສັງເກດ​ເບິ່ງ​ປາກ​ຂອງ​ນາງ.