ເອເຟໂຊ 4:8 - ພຣະຄຳພີສັກສິ

⁸ ດັ່ງ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ເມື່ອ​ພຣະອົງ​ໄດ້​ສະເດັດ​ຂຶ້ນ​ໄປ​ເຖິງ​ທີ່​ສູງສຸດ ໄດ້​ຊົງ​ນຳ​ພວກ​ຊະເລີຍ​ໄປ​ດ້ວຍ ແລະ ຊົງ​ໂຜດ​ຂອງ​ປະທານ​ຕ່າງໆ​ໃຫ້ ແກ່​ມວນ​ມະນຸດ​ສະໂລກ.”

ພຣະຄຳພີລາວສະບັບສະໄໝໃໝ່

⁸ ເຫດສະນັ້ນ ຈຶ່ງ​ມີ​ພຣະຄຳ​ກ່າວ​ໄວ້​ວ່າ: “ເມື່ອ​ພຣະອົງ​ໄດ້​ຂຶ້ນ​ສູ່​ເບື້ອງ​ເທິງ, ພຣະອົງ​ໄດ້​ນຳເອົາ​ບັນດາ​ຊະເລີຍ​ຫລາຍ​ຄົນ​ໄປ​ດ້ວຍ ແລະ ມອບ​ຂອງປະທານ​ໃຫ້​ແກ່​ປະຊາຊົນ​ຂອງ​ພຣະອົງ”.

ເອເຟໂຊ 4:8 Jak'a apnaqawi uñst'ayäwi

ເອສະເທີ 2:18

ແລ້ວ​ກະສັດ​ກໍ​ຈັດ​ງານ​ກິນລ້ຽງ​ຢ່າງ​ໃຫຍ່ໂຕ​ຂຶ້ນ ເພື່ອ​ເປັນ​ກຽດ​ແກ່​ນາງ​ເອສະເທີ ແລະ​ໄດ້​ເຊີນ​ບັນດາ​ຂ້າຣາຊການ​ພ້ອມ​ທັງ​ພວກ​ບໍລິຫານ​ທຸກຄົນ​ຂອງຕົນ ມາ​ຮ່ວມ​ໃນ​ງານ​ນີ້. ເພິ່ນ​ໄດ້​ປະກາດ​ໃຫ້​ມື້​ນັ້ນ​ເປັນ​ມື້​ຢຸດ​ພັກ ໃນ​ທຸກ​ແຂວງ ແລະ​ເພິ່ນ​ໄດ້​ແຈກ​ຂອງຂວັນ​ໃຫ້​ຄົນ​ຢ່າງ​ໃຈ​ກວ້າງຂວາງ ສົມ​ກັບ​ເປັນ​ກະສັດ.

ເພງ^ສັນລະເສີນ 68:18

ພຣະອົງ​ຂຶ້ນ​ໄປ​ສູ່​ບ່ອນ​ສູງສຸດ​ໂດຍ​ນຳ​ ພວກ​ຊະເລີຍ​ຫລາຍ​ຄົນ​ມາ​ພ້ອມ​ກັບ​ພຣະອົງ ພຣະອົງ​ຮັບ​ເອົາ​ຂອງຂວັນ​ຈາກ​ພວກ​ກະບົດ​ຕໍ່ສູ້ ພຣະເຈົ້າຢາເວ ພຣະເຈົ້າ​ກຳລັງ​ຢູ່​ທີ່ນັ້ນ.

ສຸພາສິດ 30:4

ຜູ້ໃດ​ທີ່​ມີ​ຄວາມ​ຮອບຮູ້ ກ່ຽວກັບ​ສະຫວັນ​ແດ່​ເດ? ຜູ້ໃດ​ແດ່​ທີ່​ເຄີຍ​ໃຊ້​ມື​ຂອງຕົນ​ຈັບ​ລົມ? ຫລື​ເອົາ​ຜ້າ​ມາ​ຫໍ່​ນໍ້າ​ເໝືອນ​ດັ່ງ​ຫໍ່​ສິ່ງຂອງ​ໄດ້? ຫລື​ໝາຍ​ເຂດແດນ​ທີ່​ເທິງ​ແຜ່ນດິນ​ໂລກ​ເຮົາ? ເພິ່ນ​ຄື​ໃຜ? ເຈົ້າ​ຮູ້​ບໍ່​ໃຜ​ເປັນ​ລູກ​ຂອງ​ເພິ່ນ?

ເອເຟໂຊ 4:11

ຂອງ​ພຣະ​ຣາຊທານ​ຂອງ​ພຣະອົງ ກໍ​ຄື​ໃຫ້​ບາງຄົນ​ເປັນ​ອັກຄະສາວົກ, ບາງຄົນ​ເປັນ​ຜູ້​ປະກາດ​ພຣະທຳ, ບາງຄົນ​ເປັນ​ຜູ້​ປະກາດ​ຂ່າວປະເສີດ, ບາງຄົນ​ເປັນ​ສິດຍາພິບານ ແລະ ຄູ​ສາສະໜາ.

ໂກໂລຊາຍ 2:15

ໂດຍ​ໄມ້ກາງແຂນ​ນັ້ນ ພຣະອົງ​ໄດ້​ຊົງ​ປົດ​ວິນຍານ​ຄອບຄອງ ແລະ​ອຳນາດ​ວິນຍານ​ຊົ່ວ​ທັງຫລາຍ​ເສຍ ແລະ​ໄດ້​ຊົງ​ປະຈານ​ພວກເຂົາ​ຢ່າງ​ເປີດເຜີຍ ໂດຍ​ນຳ​ພວກເຂົາ​ເປັນ​ຊະເລີຍ​ໃນ​ຂະບວນ​ແຫ່ງ​ໄຊຊະນະ​ຂອງ​ພຣະອົງ.

ພວກ^ຜູ້ປົກຄອງ 5:12

ຈົ່ງ​ນຳໜ້າ​ໄປ​ເຖີດ ເດໂບຣາ​ເອີຍ ຈົ່ງ​ນຳໜ້າ​ໄປ ຈົ່ງ​ນຳໜ້າ​ໄປ ພ້ອມ​ທັງ​ຮ້ອງລຳ​ທຳເພງ ຈົ່ງ​ນຳໜ້າ​ໄປ​ເຖີດ ຈົ່ງ​ອອກໜ້າ​ບາຣັກ​ທ້າວ ລູກຊາຍ​ຂອງ​ອາບີໂນອາມ ໄປ​ກ່ອນ ຈົ່ງ​ເອົາ​ພວກ​ຊະເລີຍ​ຂອງ​ເຈົ້າ ນຳໜ້າ​ອອກ​ໄປ

1 ຊາມູເອນ 30:26

ເມື່ອ​ດາວິດ​ກັບຄືນ​ມາ​ເຖິງ​ເມືອງ​ຊິກລັກ​ແລ້ວ ເພິ່ນ​ຈຶ່ງ​ຈັດ​ເອົາ​ສິ່ງຂອງ​ທີ່​ກູ້​ຄືນມາ​ໄດ້​ນັ້ນ​ສົ່ງ​ໃຫ້​ພວກ​ໝູ່ເພື່ອນ​ຂອງເພິ່ນ ທີ່​ເປັນ​ເຖົ້າແກ່​ຢູ່​ໃນ​ຢູດາຍ​ດ້ວຍ ແລະ​ຝາກ​ຖ້ອຍຄຳ​ໄປ​ພ້ອມ​ວ່າ, “ອັນນີ້​ແມ່ນ​ຂອງຂວັນ​ສຳລັບ​ພວກເຈົ້າ ຊຶ່ງ​ແມ່ນ​ສິ່ງ​ທີ່​ກູ້​ຄືນມາ​ໄດ້​ຈາກ​ພວກ​ສັດຕູ​ຂອງ​ພຣະເຈົ້າຢາເວ.”