ປັນຍາຈານ 9:5 - ພຣະຄຳພີສັກສິ

⁵ ແມ່ນແລ້ວ ຜູ້​ທີ່​ມີ​ຊີວິດ​ຢູ່​ກໍ​ຮູ້​ວ່າ​ຕົນ​ຈະ​ຕາຍໄປ; ແຕ່​ຜູ້​ທີ່​ຕາຍໄປ​ແລ້ວ​ກໍ​ບໍ່​ຮູ້​ຫຍັງ​ເລີຍ. ພວກເຂົາ​ບໍ່ມີ​ບຳເໜັດ​ໃນ​ພາຍໜ້າ ພວກເຂົາ​ຖືກ​ລືມໄລ​ໄປ​ຢ່າງ​ໝົດສິ້ນ.

ປັນຍາຈານ 9:5 Jak'a apnaqawi uñst'ayäwi

2 ຊາມູເອນ 14:14

ເຮົາ​ທຸກຄົນ​ຈະ​ຕ້ອງ​ຕາຍ. ພວກເຮົາ​ປຽບ​ດັ່ງ​ນໍ້າ​ທີ່​ຖືກ​ສາດ​ໃສ່​ໜ້າ​ດິນ ຊຶ່ງ​ເອົາ​ມາ​ຮວມ​ເຂົ້າ​ກັນ​ບໍ່ໄດ້​ອີກ. ແມ່ນແຕ່​ພຣະເຈົ້າ​ກໍ​ບໍ່ໄດ້​ເຮັດ​ໃຫ້​ຄົນຕາຍ​ຄືນ​ມີ​ຊີວິດ ແຕ່​ຢ່າງໜ້ອຍ​ກະສັດ​ກໍ​ຫາ​ວິທີ​ທາງ​ນຳ​ຄົນ​ທີ່​ຖືກ​ເນລະເທດ​ກັບຄືນ​ມາ​ໄດ້.

ພຣະທຳ​ໂຢບ 14:21

ພວກ​ລູກຊາຍ​ລາວ​ໄດ້​ກຽດ ແຕ່​ລາວ​ພັດ​ບໍ່​ຮູ້​ນຳ ທັງ​ບໍ່ມີ​ຜູ້ໃດ​ບອກ​ລາວ ເມື່ອ​ເຂົາ​ຖືກ​ຂາຍ​ຂີ້ໜ້າ.

ພຣະທຳ​ໂຢບ 30:23

ຂ້ານ້ອຍ​ຮູ້ວ່າ​ພຣະອົງ​ກຳລັງ​ສົ່ງ​ຂ້ານ້ອຍ​ໄປ​ສູ່​ຄວາມຕາຍ ໄປ​ສູ່​ເຄາະກຳ​ທີ່​ຮັກສາ​ໄວ້​ສຳລັບ​ທຸກໆຄົນ​ນັ້ນ.

ເພງ^ສັນລະເສີນ 109:15

ຂໍ​ໃຫ້​ພຣະເຈົ້າຢາເວ​ຈົດຈຳ​ການບາບ​ຂອງ​ພວກເຂົາ​ຢູ່​ສະເໝີ ແຕ່​ຂໍ​ໃຫ້​ພວກເຂົາ​ເອງ​ຖືກ​ລືມໄລ​ໄປ​ຢ່າງ​ໝົດສິ້ນ.

ເພງ^ສັນລະເສີນ 6:5

ໃນ​ແດນ​ມໍຣະນາ​ນັ້ນ​ຈະ​ບໍ່ມີ​ຜູ້ໃດ​ຄິດເຖິງ​ພຣະອົງ ບໍ່ມີ​ຜູ້ໃດ​ສັນລະເສີນ​ພຣະອົງ​ຢູ່​ໃນ​ທີ່ນັ້ນ​ໄດ້.

ເພງ^ສັນລະເສີນ 88:13

ຂ້າແດ່​ພຣະເຈົ້າຢາເວ ຂ້ານ້ອຍ​ຮ້ອງຫາ​ໃຫ້​ຊ່ວຍເຫຼືອ ຂ້ານ້ອຍ​ພາວັນນາ​ອະທິຖານ​ຫາ​ພຣະອົງ​ຢູ່​ທຸກໆເຊົ້າ.

ປັນຍາຈານ 1:11

ບໍ່ມີ​ຜູ້ໃດ​ຈື່​ໄດ້​ວ່າ ມີ​ຫຍັງ​ແດ່​ໄດ້​ເກີດຂຶ້ນ​ໃນ​ອະດີດ ແລະ​ບໍ່ມີ​ຜູ້ໃດ​ໃນ​ອະນາຄົດ​ຈະ​ຈື່ຈຳ​ໄດ້​ວ່າ ມີ​ຫຍັງ​ແດ່​ເກີດຂຶ້ນ​ລະຫວ່າງ​ຊ່ວງນີ້​ແລະ​ຊ່ວງ​ຕໍ່ໄປ.

ປັນຍາຈານ 2:16

ບໍ່ມີ​ຜູ້ໃດ​ຈື່ຈຳ​ຄົນມີ​ປັນຍາ ແລະ​ບໍ່ມີ​ຜູ້ໃດ​ຈື່ຈຳ​ຄົນໂງ່ຈ້າ. ໃນ​ມື້​ທີ່​ຈະ​ມາ​ເຖິງ​ນັ້ນ ຄົນ​ຈະ​ລືມໄລ​ພວກເຂົາ​ໄປ​ໝົດ. ພວກເຮົາ​ທຸກຄົນ​ຕ້ອງ​ຕາຍ ຄື​ທັງ​ຄົນມີ​ປັນຍາ​ແລະ​ຄົນໂງ່ຈ້າ​ດ້ວຍ.

ປັນຍາຈານ 7:2

ໄປ​ເຮືອນ​ທີ່​ມີ​ການ​ໄວ້ທຸກ​ກໍດີກວ່າ​ໄປ​ເຮືອນ​ທີ່​ມີ​ການ​ກິນລ້ຽງ ເພາະ​ຜູ້​ທີ່​ຍັງ​ມີ​ຊີວິດ​ຢູ່​ຈະ​ໄດ້​ສຳນຶກ​ສະເໝີ​ວ່າ ຄວາມຕາຍ​ພວມ​ລໍ​ຖ້າ​ທຸກຄົນ​ຢູ່.

ປັນຍາຈານ 8:10

ແມ່ນແລ້ວ ຂ້າພະເຈົ້າ​ໄດ້​ເຫັນ​ພວກ​ຄົນຊົ່ວ​ຖືກ​ຝັງ​ໄວ້​ໃນ​ຂຸມຝັງສົບ, ແຕ່​ເວລາ​ກັບ​ຈາກ​ປ່າຊ້າ ຄົນ​ຕ່າງ​ກໍ​ຍົກຍ້ອງ​ພວກເຂົາ​ໃນ​ທຸກ​ເມືອງ ທີ່​ພວກເຂົາ​ໄດ້​ເຮັດ​ການຊົ່ວ​ນັ້ນ ຊ່າງ​ອະນິຈັງ​ແທ້.

ປັນຍາຈານ 9:10

ບໍ່​ວ່າ​ຈະ​ເຮັດ​ສິ່ງໃດ​ກໍຕາມ ຈົ່ງ​ເຮັດ​ສິ່ງ​ນັ້ນ​ຢ່າງ​ເຕັມ​ກຳລັງ ເພາະ​ໃນ​ແດນ​ຂອງ​ຄົນຕາຍ​ນັ້ນ​ຈະ​ບໍ່ມີ​ການກະທຳ, ບໍ່ມີ​ຄວາມຄິດ, ບໍ່ມີ​ຄວາມຮູ້, ບໍ່ມີ​ປັນຍາ​ໃດໆ ແລະ​ໃນ​ບ່ອນນັ້ນແຫລະ​ທີ່​ພວກເຈົ້າ​ຈະ​ໄປ.

ປັນຍາຈານ 9:4

ແຕ່​ຜູ້ໃດ​ຜູ້ໜຶ່ງ​ທີ່​ມີ​ຊີວິດ​ຢູ່​ໃນ​ໂລກ​ຄົນ​ເປັນ​ນີ້ ກໍ​ມີ​ຄວາມຫວັງ​ບາງ​ຢ່າງ; ໝາ​ທີ່​ຍັງ​ມີ​ຊີວິດ​ຢູ່​ກໍດີກວ່າ​ໂຕສິງ​ທີ່​ຕາຍໄປ​ແລ້ວ.

ເອຊາຢາ 26:14

ບັດນີ້ ພວກເຂົາ​ຕາຍໄປ​ແລ້ວ​ແລະ​ບໍ່ມີ​ຊີວິດ​ຢູ່ ແລະ​ວິນຍານ​ຂອງ​ພວກເຂົາ​ກໍ​ຈະ​ບໍ່​ຟື້ນ​ຄືນ​ມາ​ເລີຍ ເພາະ​ພຣະອົງ​ໄດ້​ລົງໂທດ​ແລະ​ທຳລາຍ​ພວກເຂົາ ແລະ​ບໍ່ມີ​ຜູ້ໃດ​ຈະ​ລະລຶກ​ເຖິງ​ພວກເຂົາ​ອີກ​ຕໍ່ໄປ.

ເອຊາຢາ 63:16

ພຣະອົງ​ເປັນ​ພຣະບິດາ​ຂອງ​ພວກ​ຂ້ານ້ອຍ. ອັບຣາຮາມ​ແລະ​ຢາໂຄບ ບັນພະບຸລຸດ​ຂອງ​ພວກ​ຂ້ານ້ອຍ​ບໍ່​ຍອມ​ຮັບຮູ້​ພວກ​ຂ້ານ້ອຍ; ແຕ່​ພຣະອົງ​ຄື​ພຣະເຈົ້າຢາເວ​ເປັນ​ພຣະບິດາ​ຂອງ​ພວກ​ຂ້ານ້ອຍ ນາມຊື່​ຂອງ​ພຣະອົງ​ແມ່ນ​ພຣະຜູ້ໄຖ່​ຂອງ​ພວກ​ຂ້ານ້ອຍ​ຕະຫລອດ​ມາ.

ລູກາ 20:32

ໃນທີ່ສຸດ ຍິງ​ນັ້ນ​ກໍໄດ້​ຕາຍໄປ​ເໝືອນກັນ.

ເຮັບເຣີ 9:27

ມະນຸດ​ທຸກຄົນ​ຖືກ​ຊົງ​ກຳນົດ​ໄວ້​ແລ້ວ​ວ່າ, ຈະ​ຕ້ອງ​ຕາຍ​ເທື່ອ​ດຽວ ແລະ​ຫລັງຈາກ​ນັ້ນ​ຈະ​ຖືກ​ມີ​ການ​ພິພາກສາ​ສັນໃດ