ປັນຍາຈານ 9:13 - ພຣະຄຳພີສັກສິ

¹³ ຂ້າພະເຈົ້າ​ຍັງ​ໄດ້​ເຫັນ​ເປັນ​ປະຈັກຕາ​ສິ່ງໜຶ່ງ​ອີກ ຄື​ຕົວຢ່າງ​ອັນດີ​ກ່ຽວກັບ​ປັນຍາ​ທີ່​ຖື​ກັນ​ຢູ່​ໃຕ້​ດວງ​ຕາເວັນ.

ປັນຍາຈານ 9:13 Jak'a apnaqawi uñst'ayäwi

2 ຊາມູເອນ 20:22

ແລ້ວ​ນາງ​ກໍ​ນຳ​ແຜນການ​ຂອງຕົນ​ໄປ​ບອກ​ຄົນ​ທັງຫລາຍ​ໃນ​ເມືອງ ແລະ​ພວກເຂົາ​ໄດ້​ຕັດ​ເອົາ​ຫົວ​ຂອງ​ເຊບາ​ໂຍນ​ຂ້າມ​ກຳແພງ​ໄປ​ໃຫ້​ໂຢອາບ. ແລ້ວ​ໂຢອາບ​ກໍໄດ້​ເປົ່າແກ​ເຕືອນ​ທະຫານ​ໃຫ້​ໜີໄປ​ຈາກ​ເມືອງ ແລະ​ກັບຄືນ​ສູ່​ບ້ານ​ເມືອງ​ຂອງຕົນ. ສ່ວນ​ໂຢອາບ​ນັ້ນ​ກໍ​ກັບຄືນ​ໄປ​ຫາ​ກະສັດ​ທີ່​ນະຄອນ​ເຢຣູຊາເລັມ.

ປັນຍາຈານ 6:1

ຂ້າພະເຈົ້າ​ໄດ້​ສັງເກດ​ເຫັນ​ວ່າ ຢູ່ໃຕ້​ດວງຕາເວັນ​ມີ​ຄວາມ​ອະຍຸດຕິທຳ​ອັນ​ໜັກໜ່ວງ.

ປັນຍາຈານ 7:15

ຊີວິດ​ຂ້າພະເຈົ້າ​ກໍ​ອະນິຈັງ​ດ້ວຍ, ແຕ່​ຂ້າພະເຈົ້າ​ໄດ້​ເຫັນ​ທຸກສິ່ງ​ໃນ​ຊີວິດ​ຄື ຄົນ​ຊອບທຳ​ຜູ້ໜຶ່ງ​ຕາຍໄປ​ໃນ​ຄວາມ​ຊອບທຳ​ຂອງຕົນ ແລະ​ຄົນຊົ່ວຮ້າຍ​ມີ​ຊີວິດ​ຍືນຍາວ​ໃນ​ການກະທຳ​ຊົ່ວ​ຂອງ​ເຂົາ.

ປັນຍາຈານ 7:19

ປັນຍາ​ເຮັດ​ໃຫ້​ຄົນ​ສະຫລາດ​ຜູ້ໜຶ່ງ​ມີ​ອຳນາດ​ລື່ນກວ່າ​ຜູ້ປົກຄອງ​ສິບ​ຄົນ​ທີ່​ຢູ່​ໃນ​ເມືອງ​ໜຶ່ງ.

ປັນຍາຈານ 8:16

ເມື່ອໃດ​ຂ້າພະເຈົ້າ​ພະຍາຍາມ​ທຳຕົນ​ເປັນ​ຄົນມີ​ປັນຍາ ແລະ​ຮຽນຮູ້​ສິ່ງ​ທີ່​ເປັນ​ຢູ່​ໃນ​ໂລກນີ້ ເມື່ອນັ້ນ​ຂ້າພະເຈົ້າ​ກໍ​ສຳນຶກ​ໃນໃຈ​ໄດ້​ວ່າ ມະນຸດ​ອາດ​ອົດຫລັບ​ອົດນອນ​ຕະຫລອດ​ມື້​ຕະຫລອດ​ຄືນ

ປັນຍາຈານ 9:11

ຂ້າພະເຈົ້າ​ຍັງ​ເຫັນ​ຫລາຍໆ​ສິ່ງ​ອີກ​ຢູ່ໃຕ້​ດວງຕາເວັນ. ນັກແລ່ນ​ໄວ​ບໍ່ແມ່ນ​ຈະ​ໄດ້​ຊະນະ​ໃນ​ການ​ແຂ່ງຂັນ​ສະເໝີ​ໄປ ແລະ​ຄົນ​ກ້າຫານ​ຫລາຍ​ບໍ່ແມ່ນ​ຈະ​ຕີ​ຊະນະ​ໃນ​ສະໜາມຮົບ​ສະເໝີ​ໄປ. ຄົນມີ​ປັນຍາ​ບໍ່ແມ່ນ​ຈະ​ທຳມາ​ຫາກິນ​ລ້ຽງຊີບ​ຢ່າງ​ສະດວກ​ສະບາຍ​ສະເໝີ​ໄປ; ຄົນສະຫລາດ​ບໍ່ແມ່ນ​ຈະ​ຮັ່ງມີ​ເປັນດີ​ສະເໝີ​ໄປ ແລະ​ຄົນ​ທີ່​ມີ​ຄວາມ​ສາມາດ​ບໍ່ແມ່ນ​ຈະ​ໄດ້​ຂຶ້ນ​ສູ່​ຕຳແໜ່ງ​ສູງ​ສະເໝີ​ໄປ. ແຕ່​ກຳນົດ​ເວລາ​ແລະ​ໂອກາດ​ເກີດຂຶ້ນ​ກັບ​ທຸກໆ​ຄົນ.

ປັນຍາຈານ 9:12

ເຈົ້າ​ຮູ້​ບໍ່ໄດ້​ຈັກເທື່ອ​ວ່າ ຜຽນ​ຂອງ​ເຈົ້າ​ຈະ​ມາ​ຮອດ​ເມື່ອໃດ. ດັ່ງ​ນົກ​ທີ່​ຖືກ​ແຮ້ວ​ຢ່າງ​ກະທັນຫັນ ດັ່ງ​ປາ​ທີ່​ຖືກ​ມອງ ເຮົາ​ຖືກ​ບ້ວງແຮ້ວ​ແຫ່ງ​ຄວາມ​ຊົ່ວຮ້າຍ​ໃນ​ຊົ່ວ​ບຶດດຽວ ໃນ​ເວລາ​ທີ່​ບໍ່​ຄາດຝັນ.

ປັນຍາຈານ 9:14

ຄັ້ງໜຶ່ງ ມີ​ເມືອງນ້ອຍ​ແຫ່ງໜຶ່ງ​ທີ່​ມີ​ປະຊາຊົນ​ບໍ່​ຫລາຍ. ກະສັດ​ຜູ້ໜຶ່ງ​ທີ່​ມີ​ອຳນາດ​ຫລາຍ​ໄດ້​ໂຈມຕີ​ເມືອງນີ້. ເພິ່ນ​ປິດລ້ອມ​ເມືອງ​ໄວ້ ແລະ​ຕຽມ​ທະລຸ​ກຳແພງ​ເມືອງ.

ດານີເອນ 2:14

ຕໍ່ມາ ດານີເອນ​ໄດ້​ໄປ​ຫາ​ອາຣີໂອກ ຜູ້​ບັນຊາການ​ທະຫານ​ຍາມ​ປະຈຳ​ກະສັດ ຄື​ຜູ້​ທີ່​ຮັບ​ສັ່ງ​ໃຫ້​ດຳເນີນການ​ປະຫານ. ດານີເອນ​ໄດ້​ໃຊ້​ຄຳເວົ້າ​ຢ່າງ​ລະມັດ​ລະວັງ