ປັນຍາຈານ 8:8 - ພຣະຄຳພີສັກສິ

⁸ ບໍ່ມີ​ຜູ້ໃດ​ຊ່ວຍ​ຕົນ​ບໍ່​ໃຫ້​ຕາຍ​ໄດ້ ຫລື​ແກ່​ຍາວ​ວັນ​ຕາຍ​ຂອງຕົນ​ອອກ​ໄປ​ໄດ້. ເປັນ​ການ​ຮົບ​ທີ່​ພວກເຮົາ​ໜີພົ້ນ​ບໍ່ໄດ້ ແລະ​ພວກເຮົາ​ກໍ​ສໍ້ໂກງ​ບໍ່ໄດ້​ດ້ວຍ.

ປັນຍາຈານ 8:8 Jak'a apnaqawi uñst'ayäwi

2 ຊາມູເອນ 14:14

ເຮົາ​ທຸກຄົນ​ຈະ​ຕ້ອງ​ຕາຍ. ພວກເຮົາ​ປຽບ​ດັ່ງ​ນໍ້າ​ທີ່​ຖືກ​ສາດ​ໃສ່​ໜ້າ​ດິນ ຊຶ່ງ​ເອົາ​ມາ​ຮວມ​ເຂົ້າ​ກັນ​ບໍ່ໄດ້​ອີກ. ແມ່ນແຕ່​ພຣະເຈົ້າ​ກໍ​ບໍ່ໄດ້​ເຮັດ​ໃຫ້​ຄົນຕາຍ​ຄືນ​ມີ​ຊີວິດ ແຕ່​ຢ່າງໜ້ອຍ​ກະສັດ​ກໍ​ຫາ​ວິທີ​ທາງ​ນຳ​ຄົນ​ທີ່​ຖືກ​ເນລະເທດ​ກັບຄືນ​ມາ​ໄດ້.

2 ກະສັດ 7:15

ເຂົາ​ທັງຫລາຍ​ຈຶ່ງ​ໄດ້​ຕິດຕາມ​ໄປ​ຈົນເຖິງ​ແມ່ນໍ້າ​ຈໍແດນ. ເມື່ອ​ເດີນທາງ​ໄປ​ນັ້ນ ພວກເຂົາ​ພົບ​ເຫັນ​ເຄື່ອງນຸ່ງ ແລະ​ເຄື່ອງໃຊ້​ທີ່​ຊາວ​ຊີເຣຍ​ໄດ້​ປະຖິ້ມ​ໄວ້​ຕາມ​ທາງ ຕອນ​ພວກເຂົາ​ໄດ້​ປົບໜີໄປ. ຄົນ​ເຫຼົ່ານີ້​ຈຶ່ງ​ກັບ​ມາ​ລາຍງານ​ຕໍ່​ກະສັດ.

ພຣະທຳ​ໂຢບ 14:5

ຊົ່ວຊີວິດ​ຂອງ​ພວກ​ຂ້ານ້ອຍ​ນັ້ນ ຖືກ​ກຳນົດ​ໄວ້​ແຕ່​ຫົວທີ ຄື​ຈຳນວນ​ເດືອນ​ປີ ທີ່​ພວກ​ຂ້ານ້ອຍ​ຈະ​ມີ​ຊີວິດ​ຢູ່.

ພຣະທຳ​ໂຢບ 34:14

ຖ້າ​ພຣະເຈົ້າ​ສົນໃຈ​ໃນ​ແຕ່​ພຣະອົງ​ເອງ ແລະ​ເອົາ​ລົມຫາຍໃຈ​ຄືນ​ໄປ​ຢ່າງ​ໝົດສິ້ນ

ເພງ^ສັນລະເສີນ 89:48

ແມ່ນ​ຜູ້ໃດ​ຈະ​ມີ​ຊີວິດ​ຢູ່​ຄໍ້າຟ້າ​ໄດ້? ມະນຸດ​ຈະ​ຮັກສາ​ຕົນ​ໃຫ້​ພົ້ນ​ຈາກ ຂຸມຝັງສົບ​ໄດ້​ຢ່າງ​ໃດ​ແດ່?

ເພງ^ສັນລະເສີນ 9:17

ຄວາມຕາຍ​ຄື​ຈຸດຈົບ​ຂອງ​ຄົນຊົ່ວຮ້າຍ​ທຸກຄົນ ເປັນ​ຂອງ​ຄົນ​ທີ່​ບໍ່​ຍອມຮັບ​ເອົາ​ພຣະເຈົ້າ.

ສຸພາສິດ 12:3

ມະນຸດ​ບໍ່​ຫ່ອນ​ຕັ້ງ​ຢູ່​ໄດ້​ດ້ວຍ​ການຊົ່ວ​ທີ່​ຕົນ​ກະທຳ, ແຕ່​ຮາກຖານ​ຂອງ​ຄົນ​ຊອບທຳ​ຈະ​ຢືນ​ຢູ່​ຢ່າງ​ໝັ້ນຄົງ.

ສຸພາສິດ 14:32

ຄວາມຊົ່ວ​ຈ່ອງ​ຄົນ​ຊົ່ວຮ້າຍ​ລົງ, ແຕ່​ຄວາມດີ​ກໍ​ປ້ອງກັນ​ຄົນດີ​ໄວ້.

ປັນຍາຈານ 3:21

ຜູ້ໃດ​ຢັ້ງຢືນ​ໄດ້​ວ່າ ວິນຍານ​ຂອງ​ມະນຸດ​ນັ້ນ​ຂຶ້ນ​ໄປ​ສູ່​ເທິງ​ຟ້າ ແລະ​ວິນຍານ​ຂອງ​ສັດ​ລົງ​ໄປ​ສູ່​ພື້ນດິນ?

ປັນຍາຈານ 8:13

ແຕ່​ສຳລັບ​ຄົນຊົ່ວ​ທຸກສິ່ງ​ຈະ​ບໍ່​ເປັນ​ໄປ​ໂດຍ​ດີ. ຊີວິດ​ພວກເຂົາ​ເປັນ​ດັ່ງ​ເງົາ ແລະ​ພວກເຂົາ​ຈະ​ຕ້ອງ​ຕາຍ​ແຕ່​ຍັງ​ໜຸ່ມ ເພາະ​ພວກເຂົາ​ບໍ່ໄດ້​ຢຳເກງ​ພຣະເຈົ້າ.”

ປັນຍາຈານ 9:12

ເຈົ້າ​ຮູ້​ບໍ່ໄດ້​ຈັກເທື່ອ​ວ່າ ຜຽນ​ຂອງ​ເຈົ້າ​ຈະ​ມາ​ຮອດ​ເມື່ອໃດ. ດັ່ງ​ນົກ​ທີ່​ຖືກ​ແຮ້ວ​ຢ່າງ​ກະທັນຫັນ ດັ່ງ​ປາ​ທີ່​ຖືກ​ມອງ ເຮົາ​ຖືກ​ບ້ວງແຮ້ວ​ແຫ່ງ​ຄວາມ​ຊົ່ວຮ້າຍ​ໃນ​ຊົ່ວ​ບຶດດຽວ ໃນ​ເວລາ​ທີ່​ບໍ່​ຄາດຝັນ.

ເອຊາຢາ 28:15

ພວກເຈົ້າ​ເວົ້າ​ອວດ​ວ່າ ພວກເຈົ້າ​ໄດ້​ເຮັດ​ຂໍ້​ສັນຍາ​ກັບ​ຄວາມຕາຍ ແລະ​ບັນລຸ​ຂໍ້​ຕົກລົງ​ໄປ​ສູ່​ແດນ​ມໍຣະນາ. ພວກເຈົ້າ​ແນ່ໃຈ​ວ່າ​ເມື່ອ​ຄວາມ​ຈິບຫາຍ​ມາ ມັນ​ຈະ​ຫວິດ​ໄປ​ຈາກ​ພວກເຈົ້າ​ຍ້ອນ​ພວກເຈົ້າ​ເພິ່ງ​ຄຳເວົ້າ​ຕົວະ ແລະ​ເພິ່ງ​ການ​ຫລອກລວງ​ເພື່ອ​ຮັກສາ​ພວກເຈົ້າ​ໃຫ້​ປອດໄພ.

ເອຊາຢາ 28:18

ຂໍ້​ສັນຍາ​ທີ່​ພວກເຈົ້າ​ໄດ້​ເຮັດ​ກັບ​ຄວາມຕາຍ​ຈະ​ຖືກ​ທຳລາຍ ແລະ​ຂໍ້​ຕົກລົງ​ທີ່​ພວກເຈົ້າ​ໄດ້​ເຮັດ​ກັບ​ແດນ​ມໍຣະນາ​ກໍ​ຈະ​ຖືກ​ຍົກເລີກ. ເມື່ອ​ຄວາມ​ຈິບຫາຍ​ມາເຖິງ ມັນ​ຈະ​ຢຽບຢໍ່າ​ພວກເຈົ້າ​ລົງ.

ເອຊາຢາ 47:10

ເຈົ້າ​ເຊື່ອໝັ້ນ​ໃນ​ຄວາມ​ຊົ່ວຊ້າ​ຂອງເຈົ້າ​ນໍ ເຈົ້າ​ຄິດວ່າ​ບໍ່ມີ​ຜູ້ໜຶ່ງ​ຜູ້ໃດ​ເບິ່ງ​ເຫັນ​ເຈົ້າ​ໄດ້. ປັນຍາ​ຂອງເຈົ້າ ແລະ​ຄວາມຮູ້​ຂອງ​ເຈົ້າເອງ ໄດ້​ພາ​ໃຫ້​ເຈົ້າ​ເດີນ​ໄປ​ໃນ​ທາງ​ຜິດ​ສາ​ແລ້ວ; ເຈົ້າ​ຈຶ່ງ​ຄິດວ່າ ‘ຂ້ອຍ​ຄື​ພຣະເຈົ້າ​ອົງ​ໜຶ່ງ​ໃດ ແລະ​ບໍ່ມີ​ຜູ້ໜຶ່ງ​ຜູ້ໃດ​ທີ່​ຄ້າຍຄື​ກັບ​ຂ້ອຍ.’

1 ໂກຣິນໂທ 15:43

ເມື່ອ​ຫວ່ານ​ລົງ​ນັ້ນ​ບໍ່ມີ​ຍົດ ເມື່ອ​ຄືນ​ຂຶ້ນ​ມາ​ກໍ​ມີ​ສະຫງ່າຣາສີ ເມື່ອ​ຫວ່ານ​ລົງ​ກໍ​ອ່ອນ​ກຳລັງ ເມື່ອ​ຄືນ​ຂຶ້ນ​ມາ​ກໍ​ມີ​ຣິດອຳນາດ.

2 ໂກຣິນໂທ 13:4

ເພາະ​ເຖິງ​ແມ່ນ​ວ່າ ພຣະອົງ​ຊົງ​ຖືກ​ຄຶງ​ໄວ້​ເນື່ອງ​ຈາກ​ຄວາມ​ອ່ອນແອ​ກໍ​ຈິງ ພຣະອົງ​ກໍ​ຍັງ​ຊົງພຣະຊົນ​ຢູ່​ເພາະ​ຣິດອຳນາດ​ຂອງ​ພຣະເຈົ້າ ເພາະວ່າ​ເຮົາ​ກໍ​ອ່ອນແອ​ດ້ວຍ​ກັນ​ກັບ​ພຣະອົງ, ແຕ່​ເພື່ອ​ພວກເຈົ້າ ເຮົາ​ກໍ​ມີ​ຊີວິດ​ເປັນ​ຢູ່​ດ້ວຍ​ກັນ​ກັບ​ພຣະອົງ ເພາະ​ຣິດອຳນາດ​ຂອງ​ພຣະເຈົ້າ.

ເຮັບເຣີ 9:27

ມະນຸດ​ທຸກຄົນ​ຖືກ​ຊົງ​ກຳນົດ​ໄວ້​ແລ້ວ​ວ່າ, ຈະ​ຕ້ອງ​ຕາຍ​ເທື່ອ​ດຽວ ແລະ​ຫລັງຈາກ​ນັ້ນ​ຈະ​ຖືກ​ມີ​ການ​ພິພາກສາ​ສັນໃດ