ປັນຍາຈານ 8:7 - ພຣະຄຳພີສັກສິ

⁷ ບໍ່ມີ​ຜູ້ໃດ​ໃນ​ພວກເຮົາ​ຮູ້ຈັກ​ສິ່ງ​ທີ່​ກຳລັງ​ເກີດຂຶ້ນ ແລະ​ບໍ່ມີ​ຜູ້ໃດ​ບອກ​ພວກເຮົາ​ໄດ້.

ປັນຍາຈານ 8:7 Jak'a apnaqawi uñst'ayäwi

ເອສະເທີ 5:12

ຮາມານ​ເວົ້າ​ຕໍ່ໄປ​ອີກ​ວ່າ, “ຍິ່ງ​ໄປ​ກວ່າ​ນີ້​ອີກ ຣາຊີນີ​ເອສະເທີ​ຍັງ​ໄດ້​ຈັດ​ງານກິນລ້ຽງ​ສຳລັບ​ກະສັດ ແລະ​ຂ້ອຍເອງ​ແຕ່ເທົ່ານັ້ນ ແລະ​ຣາຊີນີ​ຍັງ​ໄດ້​ເຊີນ​ກະສັດ ແລະ​ຂ້ອຍ​ໄປ​ອີກ​ໃນ​ມື້ອື່ນ.

ສຸພາສິດ 24:22

ຄົນ​ຢ່າງນັ້ນ​ກໍ​ຈະ​ຖືກ​ທຳລາຍ​ໄດ້​ໃນ​ຊົ່ວ​ບຶດດຽວ ແລະ​ຜູ້ໃດ​ຮູ້​ບໍ່​ວ່າ​ແມ່ນ​ໄພພິບັດ​ຢ່າງໃດ​ທີ່​ພຣະອົງ​ທັງສອງ​ນຳມາ?

ສຸພາສິດ 27:1

ຢ່າ​ອວດ​ເຖິງ​ເລື່ອງ​ຂອງ​ມື້ອື່ນ ເພາະ​ເຈົ້າ​ບໍ່​ຮູ້​ວ່າ​ຈະ​ມີ​ຫຍັງ​ເກີດຂຶ້ນ​ແຕ່ລະວັນ.

ສຸພາສິດ 29:1

ຄົນ​ທີ່​ສືບຕໍ່​ດື້ດ້ານ​ຕໍ່​ຄຳ​ບອກສອນ ກໍ​ຈະ​ຫຼົ້ມຈົມ​ຈົນ​ເຫລືອແກ້​ໃນ​ມື້​ໜຶ່ງ.

ປັນຍາຈານ 10:14

ຄົນໂງ່ຈ້າ​ນັ້ນ​ເວົ້າ​ບໍ່​ຮູ້ຈັກ​ສຸດ. ບໍ່ມີ​ຜູ້ໃດ​ຮູ້​ສິ່ງ​ທີ່​ຈະ​ເກີດຂຶ້ນ​ໃນ​ຂັ້ນ​ຕໍ່ໄປ ແລະ​ບໍ່ມີ​ຜູ້ໃດ​ບອກ​ພວກເຮົາ​ໄດ້​ວ່າ ຈະ​ມີ​ຫຍັງ​ເກີດຂຶ້ນ​ຕາມ​ມາ ຫລັງຈາກ​ທີ່​ພວກເຮົາ​ຕາຍໄປ​ແລ້ວ.

ປັນຍາຈານ 3:22

ສະນັ້ນ ຂ້າພະເຈົ້າ​ຈຶ່ງ​ສຳນຶກ​ໄດ້​ວ່າ ສິ່ງ​ດີທີ່ສຸດ​ທີ່​ມະນຸດ​ເຮັດ​ໄດ້ ແມ່ນ​ສະໜຸກ​ຢູ່​ກັບ​ສິ່ງ​ທີ່​ຕົນ​ຫາ​ມາ​ໄດ້ ເຂົາ​ເຮັດ​ສິ່ງໃດ​ບໍ່ໄດ້​ອີກ​ແລ້ວ. ບໍ່ມີ​ທາງ​ທີ່​ມະນຸດ​ຈະ​ຮູ້​ໄດ້​ວ່າ ມີ​ສິ່ງໃດ​ແດ່​ຈະ​ເກີດຂຶ້ນ​ຫລັງຈາກ​ຕົນ​ຕາຍໄປ​ແລ້ວ.

ປັນຍາຈານ 6:12

ຊີວິດ​ມະນຸດ​ຜ່ານ​ພົ້ນ​ໄປ​ດັ່ງ​ເງົາ. ໃຜ​ຮູ້​ໄດ້​ແດ່​ວ່າ​ມີ​ຫຍັງ​ດີ​ສຳລັບ​ມະນຸດ​ຢູ່​ໃນ​ໂລກ​ອະນິຈັງ​ອັນ​ສັ້ນໆ​ນີ້? ໃຜ​ຮູ້​ໄດ້​ແດ່​ວ່າ​ຈະ​ມີ​ຫຍັງ​ເກີດຂຶ້ນ​ຢູ່​ໃຕ້​ດວງ​ຕາເວັນ ຫລັງຈາກ​ທີ່​ລາວ​ຕາຍໄປ​ແລ້ວ?

ປັນຍາຈານ 7:14

ເມື່ອ​ທຸກສິ່ງ​ເປັນ​ໄປ​ໂດຍ​ດີ ຈົ່ງ​ຍິນດີ​ເຖີດ, ແຕ່​ເມື່ອ​ຄວາມ​ເດືອດຮ້ອນ​ມາ​ເຖິງ ຈົ່ງ​ລະນຶກ​ວ່າ ພຣະເຈົ້າ​ໃຫ້​ທັງ​ຄວາມ​ເດືອດຮ້ອນ​ແລະ​ຄວາມ​ຍິນດີ ດັ່ງນັ້ນ ເຈົ້າ​ຈະ​ຮູ້​ບໍ່ໄດ້​ຈັກເທື່ອ​ວ່າ ອະນາຄົດ​ຈະ​ມີ​ເຫດການ​ຫຍັງ​ເກີດຂຶ້ນ.

ປັນຍາຈານ 9:1

ເຫດສະນັ້ນ ຂ້າພະເຈົ້າ​ຈຶ່ງ​ຄິດ​ຕຶກຕອງ​ເຖິງ​ເລື່ອງນີ້​ຢ່າງ​ໜັກ​ຢູ່​ຕັ້ງ​ດົນນານ ແລະ​ເຫັນ​ໄດ້​ວ່າ​ພຣະເຈົ້າ​ຄວບຄຸມ​ການກະທຳ​ຕ່າງໆ​ຂອງ​ຄົນມີ​ປັນຍາ ແລະ​ຂອງ​ຄົນ​ຊອບທຳ​ທັງຫລາຍ ແມ່ນແຕ່​ຄວາມຮັກ​ແລະ​ຄວາມ​ກຽດຊັງ​ຂອງ​ເຂົາເຈົ້າ. ບໍ່ມີ​ຜູ້ໃດ​ຮູ້ຈັກ​ວ່າ​ມີ​ຫຍັງ​ລໍຖ້າ​ຢູ່​ເບື້ອງໜ້າ​ຂອງຕົນ.

ປັນຍາຈານ 9:12

ເຈົ້າ​ຮູ້​ບໍ່ໄດ້​ຈັກເທື່ອ​ວ່າ ຜຽນ​ຂອງ​ເຈົ້າ​ຈະ​ມາ​ຮອດ​ເມື່ອໃດ. ດັ່ງ​ນົກ​ທີ່​ຖືກ​ແຮ້ວ​ຢ່າງ​ກະທັນຫັນ ດັ່ງ​ປາ​ທີ່​ຖືກ​ມອງ ເຮົາ​ຖືກ​ບ້ວງແຮ້ວ​ແຫ່ງ​ຄວາມ​ຊົ່ວຮ້າຍ​ໃນ​ຊົ່ວ​ບຶດດຽວ ໃນ​ເວລາ​ທີ່​ບໍ່​ຄາດຝັນ.

ມັດທາຍ 24:44

ເຫດສະນັ້ນ ພວກເຈົ້າ​ກໍ​ເໝືອນກັນ​ຈົ່ງ​ຕຽມພ້ອມ​ຢູ່​ສະເໝີ ເພາະວ່າ​ບຸດ​ມະນຸດ​ຈະ​ມາ​ໃນ​ໂມງ​ທີ່​ພວກເຈົ້າ​ບໍ່​ຄາດຄິດ.”

ມັດທາຍ 24:50

ແລ້ວ​ວັນ​ໜຶ່ງ ນາຍ​ຂອງ​ຄົນ​ຮັບໃຊ້​ຜູ້​ນັ້ນ​ກໍ​ຈະ​ກັບ​ມາ ໂດຍ​ທີ່​ລາວ​ບໍ່​ຄາດຄິດ ແລະ​ໃນ​ເວລາ​ທີ່​ລາວ​ບໍ່​ຮູ້