ປັນຍາຈານ 8:11 - ພຣະຄຳພີສັກສິ

¹¹ ເປັນຫຍັງ​ຄົນ​ຈຶ່ງ​ພ້ອມ​ທີ່​ຈະ​ເຮັດ​ຊົ່ວ​ກັນ​ແທ້? ກໍ​ເພາະ​ຄົນ​ທີ່​ເຮັດ​ຊົ່ວ​ນັ້ນ​ບໍ່ໄດ້​ຖືກ​ລົງໂທດ​ໃຫ້​ໄວ​ທັນການ.

ປັນຍາຈານ 8:11 Jak'a apnaqawi uñst'ayäwi

2 ຊາມູເອນ 11:15

ເພິ່ນ​ຂຽນ​ວ່າ​ດັ່ງນີ້: “ໃຫ້​ທ່ານ​ສົ່ງ​ອູຣິຢາ​ໄປ​ແນວໜ້າ ບ່ອນ​ທີ່​ມີ​ການ​ສູ້ຮົບ​ກັນ​ຢ່າງ​ດຸເດືອດ​ທີ່ສຸດ, ແລ້ວ​ໃຫ້​ຍົກທັບ​ຖອຍ ແລະ​ປ່ອຍ​ໃຫ້​ອູຣິຢາ​ຖືກ​ຂ້າ​ຕາຍ.”

ພຣະທຳ​ໂຢບ 24:23

ພຣະອົງ​ອາດ​ປ່ອຍ​ພວກເຂົາ​ໃຫ້​ມີ​ຊີວິດ​ຢູ່​ຢ່າງ​ປອດໄພ ແຕ່​ພຣະອົງ​ເຝົ້າ​ແນມເບິ່ງ​ພວກເຂົາ​ທຸກ​ເວລາ​ບໍ່​ຂາດ.

ເພງ^ສັນລະເສີນ 10:4

ຄົນຊົ່ວຮ້າຍ​ບໍ່​ສະແຫວງ​ຫາ​ພຣະອົງ​ເລີຍ ດ້ວຍ​ຄວາມຈອງ​ຫອງ ພວກເຂົາ​ຄິດ​ວ່າ, “ບໍ່ມີ​ພຣະເຈົ້າ.”

ເພງ^ສັນລະເສີນ 10:6

ພວກເຂົາ​ຄິດ​ໃນ​ໃຈ​ຂອງ​ພວກເຂົາ​ເອງ​ວ່າ, “ພວກເຮົາ​ຈະ​ບໍ່​ພາດທ່າ​ເສຍທີ ພວກເຮົາ​ຈະ​ບໍ່​ພົບ​ຄວາມ​ເດືອດຮ້ອນ​ຈັກເທື່ອ.”

ເພງ^ສັນລະເສີນ 86:15

ຂ້າແດ່​ອົງພຣະ​ຜູ້​ເປັນເຈົ້າ ແຕ່​ພຣະອົງ​ເປັນ​ພຣະເຈົ້າ​ຊົງ​ພຣະເມດຕາ ແລະ​ຊົງພຣະຄຸນ ບໍ່​ຮ້າຍ​ງ່າຍ ແລະ​ມີ​ຄວາມຮັກ​ອັນໝັ້ນຄົງ ແລະ​ສັດຊື່​ຢູ່​ສະເໝີ.

ອົບພະຍົບ 34:6

ແລ້ວ​ພຣະເຈົ້າຢາເວ​ກໍ​ຍ່າງ​ຜ່ານ​ໂມເຊ​ໄປ​ພ້ອມ​ທັງ​ປະກາດ​ວ່າ, “ພຣະເຈົ້າຢາເວ ພຣະເຈົ້າຢາເວ ພຣະເຈົ້າ​ອົງ​ເຕັມ​ໄປ​ດ້ວຍ​ຄວາມ​ເມດຕາ​ແລະ​ເຕັມລົ້ນ​ດ້ວຍ​ພຣະຄຸນ ຜູ້​ບໍ່​ຮ້າຍ​ງ່າຍ ແລະ​ຜູ້​ສຳແດງ​ຄວາມຮັກ​ອັນ​ໝັ້ນຄົງ​ແລະ​ສັດຊື່.

ອົບພະຍົບ 8:15

ເມື່ອ​ກະສັດ​ຟາໂຣ​ເຫັນ​ວ່າ​ຝູງ​ກົບ​ໄດ້​ຕາຍໄປ​ໝົດ​ແລ້ວ ເພິ່ນ​ຈຶ່ງ​ມີ​ໃຈ​ແຂງ​ກະດ້າງ​ດື້ດຶງ​ເໝືອນ​ເດີມ ແລະ​ບໍ່​ຍອມ​ຟັງ​ໂມເຊ ແລະ​ອາໂຣນ​ອີກ​ຕໍ່ໄປ ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້​ທຸກປະການ.

ອົບພະຍົບ 8:32

ເຖິງ​ປານ​ນັ້ນ​ກໍຕາມ ກະສັດ​ຟາໂຣ​ຍັງ​ໃຈ​ແຂງ​ກະດ້າງ​ດື້ດຶງ​ຢູ່ ແລະ​ບໍ່​ຍອມ​ປ່ອຍ​ໃຫ້​ຊາວ​ອິດສະຣາເອນ​ໄປ.

ປັນຍາຈານ 9:3

ຊາຕາກຳ​ອັນດຽວ​ມາ​ສູ່​ທຸກຄົນ​ສະເໝີ​ໜ້າ​ກັນ ແລະ​ອັນ​ນີ້​ແມ່ນ​ຜິດ​ຈາກ​ເຫດການ​ໃດໆ ທີ່​ເກີດຂຶ້ນ​ຢູ່​ໃຕ້​ດວງ​ຕາເວັນ. ຕາບໃດ​ທີ່​ມະນຸດ​ມີ​ຊີວິດ​ຢູ່ ຕາບນັ້ນ​ຄວາມຄິດ​ຂອງ​ເຂົາ​ກໍ​ເຕັມ​ໄປ​ດ້ວຍ​ຄວາມຊົ່ວ​ແລະ​ຄວາມ​ບ້າບໍ ແລະ​ພວກເຂົາ​ກໍ​ຕາຍໄປ​ໃນ​ທັນໃດນັ້ນ.

ເອຊາຢາ 26:10

ເຖິງ​ວ່າ​ພຣະອົງ​ເມດຕາ​ຕໍ່​ຄົນຊົ່ວຮ້າຍ​ກໍຕາມ ພວກເຂົາ​ກໍ​ບໍ່ເຄີຍ​ຮຽນຮູ້​ທີ່​ຈະ​ເຮັດ​ໃນ​ສິ່ງ​ທີ່​ຖືກຕ້ອງ. ເຖິງ​ວ່າ​ບ່ອນນີ້​ຈະ​ເປັນ​ດິນແດນ ບ່ອນ​ທີ່​ຄົນ​ຊອບທຳ​ອາໄສ​ຢູ່​ກໍຕາມ; ພວກເຂົາ​ກໍ​ຍັງ​ເຮັດ​ໃນ​ສິ່ງ​ທີ່​ຜິດພາດ​ສະເໝີ​ມາ ພວກເຂົາ​ບໍ່​ຍອມ​ຮັບຮູ້​ຄວາມ​ຍິ່ງໃຫຍ່​ຂອງ​ພຣະເຈົ້າຢາເວ.

ເອຊາຢາ 57:11

ອົງພຣະ​ຜູ້​ເປັນເຈົ້າ​ຖາມ​ວ່າ, “ບັນດາ​ພະ​ເຫຼົ່ານີ້ ທີ່​ເຮັດ​ໃຫ້​ພວກເຈົ້າ​ຢ້ານ​ນັ້ນ​ເປັນ​ຜູ້ໃດ ຈຶ່ງ​ເຮັດ​ໃຫ້​ພວກເຈົ້າ​ເວົ້າ​ຕົວະ​ແລະ​ລືມໄລ​ເຮົາ​ໄປ​ຢ່າງ​ໝົດສິ້ນ? ພວກເຈົ້າ​ເຊົາ​ໃຫ້ກຽດ​ເຮົາ​ຍ້ອນ​ເຮົາ​ມິດງຽບ​ຢູ່​ຕັ້ງ​ດົນນານ​ຊັ້ນບໍ?

ເຢເຣມີຢາ 48:11

ພຣະເຈົ້າຢາເວ​ກ່າວ​ວ່າ, “ໂມອາບ​ເຄີຍ​ຢູ່​ຢ່າງ​ປອດໄພ ແລະ​ບໍ່ເຄີຍ​ຖືກ​ຈັບ​ໄປ​ເປັນ​ຊະເລີຍ​ຈັກເທື່ອ. ໂມອາບ​ເປັນ​ດັ່ງ​ເຫຼົ້າ​ອະງຸ່ນ​ທີ່​ຖືກ​ປະໄວ້​ບໍ່ມີ​ຜູ້ໃດ​ລົບກວນ ແລະ​ບໍ່ເຄີຍ​ຖືກ​ຖອກ​ຈາກ​ໄຫ​ໜຶ່ງ​ໃສ່​ອີກ​ໄຫ​ໜຶ່ງ​ຈັກເທື່ອ. ຣົດຊາດ​ບໍ່ເຄີຍ​ເສື່ອມເສຍ ແລະ​ຊີມ​ຣົດ​ເທື່ອໃດ​ກໍດີ​ເທື່ອນັ້ນ.