ປັນຍາຈານ 7:9 - ພຣະຄຳພີສັກສິ

⁹ ຈົ່ງ​ລະງັບ​ຄວາມ​ໂມໂຫ​ຂອງເຈົ້າ​ໄວ້ ເພາະ​ຄົນໂງ່ຈ້າ​ນັ້ນ​ມີ​ຄວາມ​ໂກດແຄ້ນ​ຢູ່​ໃນໃຈ.

ປັນຍາຈານ 7:9 Jak'a apnaqawi uñst'ayäwi

ປະຖົມມະການ 4:8

ຕໍ່ມາ ກາອິນ​ໄດ້​ເວົ້າ​ກັບ​ອາເບັນ​ນ້ອງຊາຍ​ຂອງຕົນ​ວ່າ, “ເຮົາ​ພາກັນ​ໄປ​ຍ່າງ​ຫລິ້ນ​ທີ່​ທົ່ງນາ​ເທາະ.” ເມື່ອ​ສອງ​ອ້າຍ​ນ້ອງ​ໄປ​ທີ່​ທົ່ງນາ ກາອິນ​ກໍ​ໂດດ​ໃສ່​ນ້ອງຊາຍ​ຂອງຕົນ​ແລະ​ຂ້າ​ລາວ​ເສຍ.

2 ຊາມູເອນ 13:22

ສ່ວນ​ອັບຊາໂລມ​ກໍ​ກຽດຊັງ​ອຳໂນນ​ຫລາຍ​ທີ່ສຸດ ຈົນ​ລາວ​ບໍ່​ຍອມ​ເວົ້າຈາ​ກັບ​ອຳໂນນ​ອີກ​ຕໍ່ໄປ ຍ້ອນ​ລາວ​ໄດ້​ຂົ່ມຂືນ​ຕາມາ ນ້ອງສາວ​ຂອງຕົນ.

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

2 ຊາມູເອນ 13:32

ແຕ່​ໂຢນາດາບ ລູກຊາຍ​ຂອງ​ຊາມມາ ແລະ​ຫລານຊາຍ​ຂອງ​ກະສັດ​ດາວິດ​ບອກ​ວ່າ, “ຂ້າແດ່​ພະຣາຊາ ພວກເຂົາ​ບໍ່ໄດ້​ຂ້າ​ລູກຊາຍ​ຂອງ​ກະສັດ​ໝົດ​ທຸກຄົນ​ດອກ ມີ​ແຕ່​ອຳໂນນ​ເທົ່ານັ້ນ​ຕາຍ. ຍ້ອນ​ວ່າ​ອັບຊາໂລມ​ຕັ້ງໃຈ​ທີ່​ຈະ​ກະທຳ​ການ​ແກ້ແຄ້ນ​ນີ້ ຕັ້ງແຕ່​ມື້​ທີ່​ອຳໂນນ​ໄດ້​ຂົ່ມຂືນ​ຕາມາ​ນ້ອງສາວ​ຂອງ​ເພິ່ນ​ພຸ້ນ.

2 ຊາມູເອນ 19:43

ຊາວ​ອິດສະຣາເອນ​ໄດ້ຕອບ​ປະຊາຊົນ​ຊາວ​ຢູດາ​ວ່າ, “ເຖິງ​ແມ່ນ​ກະສັດ​ດາວິດ​ເປັນ​ຍາດພີ່ນ້ອງ​ທີ່​ສະໜິດ​ໃນ​ພວກເຈົ້າ​ກໍຕາມ, ແຕ່​ພວກຂ້ອຍ​ກໍ​ມີ​ສ່ວນ​ໃນ​ເພິ່ນ​ຫລາຍກວ່າ​ພວກເຈົ້າ​ເຖິງ​ສິບ​ເທົ່າ. ເປັນຫຍັງ​ພວກເຈົ້າ​ຈຶ່ງ​ດູຖູກ​ພວກຂ້ອຍ? ຢ່າ​ລືມ​ວ່າ​ແມ່ນ​ພວກຂ້ອຍ​ທີ່​ເປັນ​ພວກ​ທຳອິດ​ອອກ​ປາກ​ເຊີນ​ເອົາ​ກະສັດ​ກັບຄືນ​ມາ.” ແຕ່​ຄຳເວົ້າ​ຂອງ​ຊາວ​ຢູດາ​ມີ​ນໍ້າໜັກ​ແຮງກວ່າ​ຄຳເວົ້າ​ຂອງ​ຊາວ​ອິດສະຣາເອນ.

ສຸພາສິດ 14:17

ຄົນ​ໃຈຮ້ອນ​ເຮັດ​ສິ່ງ​ທີ່​ໂງ່ຈ້າ​ໃຫ້​ເຫັນ ແລະ​ຄົນ​ທີ່​ມີ​ເລ່ຫລ່ຽມ​ກໍ​ເປັນ​ໜ້າ​ກຽດຊັງ.

ສຸພາສິດ 14:29

ຜູ້​ທີ່​ມິດງຽບ​ສໍ່​ໃຫ້​ເຫັນ​ເຖິງ​ປັນຍາ, ແຕ່​ຜູ້​ທີ່​ໂອຫັງ​ກໍ​ທັ່ງ​ຄວາມ​ໂງ່ຈ້າ​ອອກ​ມາ​ໃຫ້​ຮູ້.

ສຸພາສິດ 16:32

ມີ​ຄວາມ​ອົດທົນ​ກໍ​ດີກວ່າ​ມີ​ອຳນາດ ຄວບຄຸມ​ຕົນເອງ​ໄດ້​ກໍ​ດີກວ່າ​ຄວບຄຸມ​ເມືອງ​ທັງໝົດ.

ສຸພາສິດ 25:8

ເມື່ອ​ເຈົ້າ​ເຫັນ​ເຖິງ​ບາງ​ສິ່ງ​ຢ່າ​ຟ້າວ​ແລ່ນ​ໄປ​ສານ, ຕໍ່ມາ ຖ້າ​ພະຍານ​ຄົນອື່ນ​ຢືນຢັນ​ວ່າ​ເຈົ້າ​ຜິດ ເຈົ້າ​ຈະ​ເຮັດ​ຢ່າງໃດ​ໄດ້?

ປັນຍາຈານ 7:10

ຢ່າ​ຖາມ​ເລີຍ​ວ່າ, “ເປັນຫຍັງ​ສະໄໝ​ກ່ອນ​ຈຶ່ງ​ດີກວ່າ​ສະໄໝ​ນີ້?” ມັນ​ບໍ່ແມ່ນ​ຄຳຖາມ​ທີ່​ສະຫລາດ.

ໂຢນາ 4:3

ແຕ່​ບັດນີ້ ພຣະເຈົ້າຢາເວ​ເອີຍ ຈົ່ງ​ປ່ອຍ​ໃຫ້​ຂ້ານ້ອຍ​ຕາຍ​ເສຍ. ຂ້ານ້ອຍ​ຕາຍໄປ​ກໍດີກວ່າ​ທີ່​ຈະ​ມີ​ຊີວິດ​ຢູ່.”

ໂຢນາ 4:8

ຫລັງຈາກ​ຕາເວັນ​ໄດ້​ຂຶ້ນ​ແລ້ວ ພຣະເຈົ້າ​ກໍ​ບັນດານ​ໃຫ້​ລົມຮ້ອນ​ພັດ​ມາ​ແຕ່​ທາງທິດ​ຕາເວັນອອກ ແລະ​ໂຢນາ​ເກືອບ​ສະຫລົບ​ໄປ ຍ້ອນ​ຄວາມຮ້ອນ​ຂອງ​ແສງ​ແດດ​ເຜົາ. ສະນັ້ນ ເພິ່ນ​ຈຶ່ງ​ຄິດ​ຢາກ​ຕາຍ. ເພິ່ນ​ເວົ້າ​ວ່າ, “ຂ້ານ້ອຍ​ຕາຍໄປ​ກໍດີກວ່າ​ທີ່​ຈະ​ມີ​ຊີວິດ​ຢູ່.”

ໂຢນາ 4:9

ແຕ່​ພຣະເຈົ້າ​ໄດ້ກ່າວ​ຕໍ່​ໂຢນາ​ວ່າ, “ເຈົ້າ​ມີ​ສິດ​ຫຍັງ​ທີ່​ຈະ​ໂກດຮ້າຍ​ໃຫ້​ຕົ້ນໄມ້​ນີ້?” ໂຢນາ​ຕອບ​ພຣະເຈົ້າ​ວ່າ, “ຂ້ານ້ອຍ​ມີ​ສິດ​ທຸກຢ່າງ​ທີ່​ຈະ​ໂກດຮ້າຍ ໂກດຮ້າຍ​ຈົນ​ຂ້ານ້ອຍ​ຕາຍໄປ.”

ມາຣະໂກ 6:19

ດັ່ງນັ້ນ ນາງ​ເຮໂຣເດຍ​ຈຶ່ງ​ຄຽດແຄ້ນ​ໃຫ້​ໂຢຮັນ ແລະ​ຕ້ອງການ​ຂ້າ​ລາວ ແຕ່​ນາງ​ເຮັດ​ບໍ່ໄດ້​ຍ້ອນ​ເຮໂຣດ​ຢ້ານຢຳ​ໂຢຮັນ, ເພາະວ່າ​ໂຢຮັນ​ເປັນ​ຄົນ​ດີ ແລະ​ບໍຣິສຸດ​ສັດຊື່. ດັ່ງນັ້ນ ເຮໂຣດ​ຈຶ່ງ​ປ້ອງກັນ​ລາວ​ໄວ້.

ມາຣະໂກ 6:24

ດັ່ງນັ້ນ ຍິງ​ສາວ​ຈຶ່ງ​ອອກ​ໄປ​ຖາມ​ແມ່​ຂອງຕົນ​ວ່າ, “ລູກ​ຈະ​ຂໍ​ສິ່ງໃດ​ດີ?” ແມ່​ຈຶ່ງ​ຕອບ​ວ່າ, “ຂໍ​ຫົວ​ຂອງ​ໂຢຮັນ​ບັບຕິສະໂຕ”.

ຢາໂກໂບ 1:19

ພີ່ນ້ອງ​ທີ່ຮັກ​ທັງຫລາຍ​ຂອງເຮົາ​ເອີຍ, ຈົ່ງ​ຈົດຈຳ​ຂໍ້​ນີ້​ໄວ້ ຄື​ໃຫ້​ທຸກຄົນ​ວ່ອງໄວ​ໃນ​ການ​ຟັງ, ຊ້າ​ໃນ​ການ​ເວົ້າ, ຊ້າ​ໃນ​ການ​ຄຽດຮ້າຍ,