ປັນຍາຈານ 7:4 - ພຣະຄຳພີສັກສິ

⁴ ຜູ້ໃດ​ທີ່​ຄິດເຖິງ​ແຕ່​ຄວາມສຸກ​ຢູ່ເລື້ອຍ ຜູ້ນັ້ນ​ກໍ​ເປັນ​ຄົນໂງ່ຈ້າ. ຄົນມີ​ປັນຍາ​ຍ່ອມ​ຄິດເຖິງ​ຄວາມຕາຍ.

ປັນຍາຈານ 7:4 Jak'a apnaqawi uñst'ayäwi

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

1 ກະສັດ 20:16

ການ​ໂຈມຕີ​ໄດ້​ເລີ່ມ​ຂຶ້ນ​ໃນ​ຕອນທ່ຽງ ໃນ​ຂະນະທີ່​ກະສັດ​ເບັນຮາດາດ​ກັບ​ພັນທະມິດ​ຂອງ​ເພິ່ນ​ສາມສິບສອງ​ຄົນ​ກຳລັງ​ດື່ມ​ເຫຼົ້າ​ເມົາ​ຢູ່​ໃນ​ຜ້າເຕັນ.

ປັນຍາຈານ 2:1

ຂ້າພະເຈົ້າ​ໄດ້​ຕັດສິນໃຈ​ທີ່​ຈະ​ເຮັດ​ໃຫ້​ຕົນເອງ​ມີ​ຄວາມ​ພໍໃຈ ແລະ​ຊອກຫາ​ວ່າ​ຄວາມສຸກ​ນັ້ນ​ຄື​ຫຍັງ. ແຕ່​ຂ້າພະເຈົ້າ​ໄດ້​ພົບ​ວ່າ ເລື່ອງ​ນີ້​ກໍ​ອະນິຈັງ​ເໝືອນກັນ.

ປັນຍາຈານ 7:3

ການ​ໂສກເສົ້າ​ກໍດີກວ່າ​ການ​ຫົວເລາະ ມັນ​ອາດ​ເຮັດ​ໃຫ້​ໜ້າ​ເສົ້າໝອງ, ແຕ່​ເຮັດ​ໃຫ້​ເກີດ​ຄວາມ​ເຂົ້າໃຈ​ຢ່າງ​ເລິກເຊິ່ງ.

ປັນຍາຈານ 7:5

ຟັງ​ຄຳ​ຕຳໜິ​ຂອງ​ຄົນມີ​ປັນຍາ ກໍດີກວ່າ​ຟັງ​ເພງ​ຂອງ​ຄົນໂງ່ຈ້າ.

ເອຊາຢາ 21:4

ຂ້າພະເຈົ້າ​ວິນ​ຫົວ​ແລະ​ຢ້ານກົວ​ຈົນ​ສັ່ນເຊັນ. ຂ້າພະເຈົ້າ​ລໍຖ້າ​ໃຫ້​ເຖິງ​ຕອນຄໍ່າ ແຕ່​ຄວາມ​ຢ້ານກົວ​ໃຫຍ່​ພັດ​ປົກຄຸມ​ຂ້າພະເຈົ້າ​ໄວ້.

ເຢເຣມີຢາ 51:39

ພວກເຂົາ​ນັ້ນ​ໂລບມາກ​ໂລພາ​ບໍ? ເຮົາ​ຈະ​ຕຽມ​ງານກິນລ້ຽງ​ສຳລັບ​ພວກເຂົາ ແລະ​ໃຫ້​ພວກເຂົາ​ດື່ມ​ແລະ​ສຸກໃຈ. ພວກເຂົາ​ຈະ​ເຂົ້າ​ໄປ​ນອນ​ແລະ​ຈະ​ບໍ່​ຕື່ນ​ຂຶ້ນ​ຈັກເທື່ອ.

ເຢເຣມີຢາ 51:57

ເຮົາ​ຈະ​ເຮັດ​ໃຫ້​ພວກ​ຜູ້​ປົກຄອງ​ມືນເມົາ ຄື​ນັກປາດ, ພວກ​ເຈົ້ານາຍ ແລະ​ທະຫານ​ດ້ວຍ. ພວກເຂົາ​ຈະ​ໄປ​ນອນ​ແລະ​ຈະ​ບໍ່​ຕື່ນ​ຂຶ້ນ​ຈັກເທື່ອ.” ກະສັດ​ຜູ້​ມີ​ນາມວ່າ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນີ້ແຫຼະ.

ດານີເອນ 5:30

ໃນ​ຄືນ​ນັ້ນເອງ​ເຈົ້າ​ເບັນຊັດຊາເຣ ກະສັດ​ແຫ່ງ​ບາບີໂລນ ໄດ້​ຖືກ​ລອບ​ສັງຫານ;

ໂຮເສອາ 7:5

ໃນ​ງານສະຫລອງ​ສຳລັບ​ກະສັດ​ນັ້ນ ພວກເຂົາ​ໄດ້​ເອົາ​ເຫຼົ້າ​ອະງຸ່ນ​ໃຫ້​ກະສັດ​ກັບ​ພວກ​ຂ້າຣາຊການ​ຂອງ​ເພິ່ນ​ດື່ມ ຈົນ​ມືນເມົາ​ແລະ​ເສຍ​ສະຕິ​ໄປ.

ນາຮູມ 1:10

ພວກເຈົ້າ ນັກ​ດື່ມ​ເຫຼົ້າ​ຈະ​ຖືກ​ເຜົາຜານ​ໝົດ ເໝືອນ​ໄຟ​ໄໝ້​ກໍ​ໜາມ ແລະ​ຫຍ້າແຫ້ງ.

1 ຊາມູເອນ 25:36

ນາງ​ອາບີກາຍ​ກັບຄືນ​ເມືອ​ຫາ​ນາບານ​ທີ່​ກຳລັງ​ກິນລ້ຽງ​ຢ່າງ​ໃຫຍ່ໂຕ ດັ່ງ​ກະສັດ​ຢູ່​ໃນ​ເຮືອນ​ຂອງຕົນ. ລາວ​ກຳລັງ​ມືນເມົາ​ແລະ​ມ່ວນຊື່ນ​ຢູ່. ສະນັ້ນ ນາງ​ອາບີກາຍ​ຈຶ່ງ​ບໍ່ໄດ້​ເວົ້າ​ຫຍັງ​ສູ່​ລາວ​ຟັງ​ຈົນເຖິງ​ມື້ອື່ນ​ເຊົ້າ.

1 ຊາມູເອນ 30:16

ດັ່ງນັ້ນ ລາວ​ຈຶ່ງ​ພາ​ດາວິດ​ໄປ. ພວກ​ນັກປຸ້ນ​ຕ່າງ​ກໍ​ກະຈັດ​ກະຈາຍ​ກັນ​ຢູ່​ທົ່ວ​ແຖບ​ນັ້ນ ທັງ​ກິນ​ທັງ​ດື່ມ​ສະຫລອງ ເນື່ອງ​ຈາກ​ປຸ້ນ​ເຂົ້າຂອງ​ມາ​ໄດ້​ຢ່າງ​ຫລວງຫລາຍ​ຈາກ​ຟີລິດສະຕິນ​ແລະ​ຢູດາຍ.