ປັນຍາຈານ 7:3 - ພຣະຄຳພີສັກສິ

³ ການ​ໂສກເສົ້າ​ກໍດີກວ່າ​ການ​ຫົວເລາະ ມັນ​ອາດ​ເຮັດ​ໃຫ້​ໜ້າ​ເສົ້າໝອງ, ແຕ່​ເຮັດ​ໃຫ້​ເກີດ​ຄວາມ​ເຂົ້າໃຈ​ຢ່າງ​ເລິກເຊິ່ງ.

ປັນຍາຈານ 7:3 Jak'a apnaqawi uñst'ayäwi

ເພງ^ສັນລະເສີນ 119:67

ແຕ່ກ່ອນ ພຣະອົງ​ລົງໂທດ​ເພາະ​ຂ້ານ້ອຍ​ໄດ້​ເຮັດ​ຜິດ ແຕ່​ບັດນີ້ ຂ້ານ້ອຍ​ເຊື່ອຟັງ​ຖ້ອຍຄຳ​ຂອງ​ພຣະອົງ.

ເພງ^ສັນລະເສີນ 119:71

ການ​ຖືກ​ລົງໂທດ​ນັ້ນ​ເປັນ​ການດີ​ແກ່​ຂ້ານ້ອຍ ເພາະ​ເຮັດ​ໃຫ້​ຂ້ານ້ອຍ​ຮຽນຮູ້​ເຖິງ​ຂໍ້ຄຳສັ່ງ​ຂອງ​ພຣະອົງ.

ປັນຍາຈານ 2:2

ຂ້າພະເຈົ້າ​ໄດ້​ພົບ​ວ່າ​ການ​ຫົວເລາະ​ກໍ​ເປັນ​ການ​ໂງ່ຈ້າ ແລະ​ຄວາມ​ສະໜຸກ​ວ່າ​ນຳ​ປະໂຫຍດ​ອັນໃດ​ມາ​ສູ່​ເຮົາ.

ປັນຍາຈານ 7:4

ຜູ້ໃດ​ທີ່​ຄິດເຖິງ​ແຕ່​ຄວາມສຸກ​ຢູ່ເລື້ອຍ ຜູ້ນັ້ນ​ກໍ​ເປັນ​ຄົນໂງ່ຈ້າ. ຄົນມີ​ປັນຍາ​ຍ່ອມ​ຄິດເຖິງ​ຄວາມຕາຍ.

ດານີເອນ 10:19

ເພິ່ນ​ກ່າວ​ວ່າ, “ພຣະເຈົ້າ​ຮັກ​ເຈົ້າ. ດັ່ງນັ້ນ ຢ່າ​ໃຫ້​ສິ່ງໃດ​ເຮັດ​ໃຫ້​ເຈົ້າ​ອຸກໃຈ​ຫລື​ຢ້ານກົວ​ເລີຍ.” ເມື່ອ​ເພິ່ນ​ໄດ້​ກ່າວ​ດັ່ງນີ້​ແລ້ວ ຂ້າພະເຈົ້າ​ກໍ​ຮູ້ສຶກ​ມີ​ແຮງ​ຂຶ້ນ ແລະ​ເວົ້າ​ວ່າ, “ນາຍ​ເອີຍ ຈົ່ງ​ບອກ​ສິ່ງ​ທີ່​ທ່ານ​ຈະ​ຕ້ອງ​ກ່າວ​ນັ້ນ​ສູ່​ຂ້ານ້ອຍ​ຟັງ​ແດ່. ທ່ານ​ໄດ້​ເຮັດ​ໃຫ້​ຂ້ານ້ອຍ​ມີ​ແຮງ​ຂຶ້ນ​ແດ່​ແລ້ວ.”

ລູກາ 6:21

ພວກເຈົ້າ​ທີ່​ອຶດຢາກ​ດຽວ​ນີ້ ກໍ​ເປັນ​ສຸກ, ເພາະວ່າ ພຣະເຈົ້າ​ຈະ​ຊົງ​ໂຜດ​ ໃຫ້​ພວກເຈົ້າ​ອີ່ມ​ເຕັມ ພວກເຈົ້າ​ທີ່​ຮ້ອງ​ໄຫ້​ດຽວ​ນີ້​ກໍ​ເປັນ​ສຸກ, ເພາະວ່າ ພວກເຈົ້າ​ຈະ​ໄດ້​ຫົວ.”

ລູກາ 6:25

ວິບັດ​ມີ​ແກ່​ພວກເຈົ້າ ທີ່​ອີ່ມ​ເຕັມ​ດຽວ​ນີ້ ເພາະວ່າ​ພວກເຈົ້າ​ຈະ​ອຶດຢາກ ວິບັດ​ມີ​ແກ່​ພວກເຈົ້າ ທີ່​ກຳລັງ​ຫົວ​ ຢູ່​ດຽວ​ນີ້ ເພາະ​ພວກເຈົ້າ​ຈະ​ທຸກໂສກ​ ແລະ​ຮ້ອງ​ໄຫ້.”

2 ໂກຣິນໂທ 4:17

ຝ່າຍ​ຄວາມ​ທຸກ​ລຳບາກ​ອັນ​ເບົາບາງ​ແລະ​ຊົ່ວຄາວ​ນີ້ ກໍ​ກຳລັງ​ຈັດຕຽມ​ພວກເຮົາ​ໃຫ້​ມີ​ສະຫງ່າຣາສີ​ອັນ​ຍິ່ງໃຫຍ່​ຖາວອນ​ຕະຫລອດໄປ ຈົນ​ຫາ​ທີ່​ປຽບ​ບໍ່ໄດ້.