ປັນຍາຈານ 7:25 - ພຣະຄຳພີສັກສິ

²⁵ ແຕ່​ຂ້າພະເຈົ້າ​ໄດ້​ອຸທິດ​ຊີວິດ​ໃສ່​ການ​ສຶກສາ​ແລະ​ການ​ຫາຄວາມຮູ້; ຂ້າພະເຈົ້າ​ຕັ້ງໃຈ​ຄົ້ນຄ້ວາ​ຊອກຫາ​ປັນຍາ ແລະ​ຕອບ​ບັນຫາ​ຕ່າງໆ​ທັງ​ຊອກ​ຮຽນຮູ້​ວ່າ ຄວາມ​ໂງ່ຈ້າ​ນັ້ນ​ມັນ​ຊົ່ວຊ້າ​ແລະ​ບ້າ​ບໍ່ມີ​ສະຕິ​ສໍ່າໃດ.

ປັນຍາຈານ 7:25 Jak'a apnaqawi uñst'ayäwi

ປະຖົມມະການ 34:7

ແລະ​ເປັນ​ເວລາ​ພໍດີ​ກັບ​ທີ່​ພວກ​ລູກຊາຍ​ຂອງ​ຢາໂຄບ​ພາກັນ​ກັບ​ມາ​ແຕ່​ທົ່ງນາ. ເມື່ອ​ຮູ້​ວ່າ​ນາງ​ດີນາ​ຖືກ​ຂົ່ມຂືນ. ພວກເຂົາ​ຈຶ່ງ​ຄຽດແຄ້ນ ແລະ​ທຸກໃຈ​ຫລາຍ​ທີ່​ຊີເຄມ​ໄດ້​ເຮັດ​ເຊັ່ນນັ້ນ ອັນ​ເປັນ​ການ​ໝິ່ນປະໝາດ​ຄົນ​ອິດສະຣາເອນ ໂດຍ​ໄດ້​ຂົ່ມຂືນ​ລູກສາວ​ຂອງ​ຢາໂຄບ.

2 ຊາມູເອນ 13:12

ນາງ​ຕອບ​ວ່າ, “ບໍ່ໄດ້​ດອກ​ອ້າຍ​ເອີຍ ຢ່າ​ບັງຄັບ​ນ້ອງ​ເຮັດ​ສິ່ງ​ທີ່​ອັບອາຍ​ຢ່າງ​ນີ້​ເລີຍ ເລື່ອງ​ຢ່າງ​ນີ້​ເຂົາ​ບໍ່​ໄດ້ກະທຳ​ໃນ​ຊາດ​ອິດສະຣາເອນ; ຂໍ​ຢ່າ​ເຮັດ​ສິ່ງ​ຊົ່ວຊ້າ​ຢ່າງ​ນີ້​ເລີຍ

ສຸພາສິດ 17:12

ພົບ​ໝີແມ່​ທີ່​ລູກນ້ອຍ​ຖືກ​ລັກ​ໄປ ກໍດີກວ່າ​ພົບ​ຄົນໂງ່ຈ້າ​ທີ່​ອັບ​ປັນຍາ.

ສຸພາສິດ 26:11

ຄົນ​ໂງ່ຈ້າ​ທີ່​ເຮັດ​ສິ່ງ​ໂງ່ໆ​ເປັນ​ຄັ້ງ​ທີ​ສອງ ກໍ​ເທົ່າກັບ​ໝາ​ຄືນ​ໄປ​ເລຍ​ກິນ​ຮາກ.

ປັນຍາຈານ 10:13

ລາວ​ເລີ່ມ​ເວົ້າ​ດ້ວຍ​ຖ້ອຍຄຳ​ອັນ​ໂງ່ງ່າວ ແລະ​ລາວ​ກໍ​ມ້ວນທ້າຍ​ດ້ວຍ​ຄຳເວົ້າ​ແບບ​ບ້າບໍ.

ປັນຍາຈານ 2:12

ໃນທີ່ສຸດ ກະສັດ​ຄົນ​ໜຶ່ງ​ກໍ​ເຮັດ​ໄດ້​ພຽງແຕ່​ສິ່ງ​ທີ່​ບັນດາ​ກະສັດ​ຄົນ​ກ່ອນໆ​ໄດ້​ເຮັດ​ມາ​ເທົ່ານັ້ນ. ສະນັ້ນ ຂ້າພະເຈົ້າ​ຈຶ່ງ​ຕັ້ງຕົ້ນ​ຄິດເຖິງ​ຄວາມໝາຍ​ຂອງ​ຄຳ​ວ່າ​ມີ​ປັນຍາ ລວມ​ທັງ​ຄຳ​ວ່າ​ເສຍ​ສະຕິ ແລະ​ຄຳ​ວ່າ​ໂງ່ຈ້າ​ນັ້ນ.

ປັນຍາຈານ 2:15

ຂ້າພະເຈົ້າ​ນຶກ​ໃນໃຈ​ວ່າ, “ສິ່ງ​ທີ່​ເກີດຂຶ້ນ​ກັບ​ຄົນໂງ່ຈ້າ​ນັ້ນ ກໍ​ຈະ​ເກີດຂຶ້ນ​ກັບ​ຂ້າພະເຈົ້າ​ຄືກັນ. ດັ່ງນັ້ນ ຂ້າພະເຈົ້າ​ຈຶ່ງ​ໄດ້​ຫຍັງ​ແດ່ ທີ່​ເປັນ​ຄົນມີ​ປັນຍາ​ຫຼາຍ​ທີ່ສຸດ?” ຂ້າພະເຈົ້າ​ຕອບ​ວ່າ, “ບໍ່ໄດ້​ຫຍັງ​ເລີຍ ທຸກສິ່ງ​ລ້ວນແຕ່​ອະນິຈັງ​ທັງສິ້ນ.”

ປັນຍາຈານ 2:20

ສະນັ້ນ ຂ້າພະເຈົ້າ​ຈຶ່ງ​ຄິດ​ເສຍໃຈ​ທີ່​ຕົນ​ໄດ້​ເຮັດ​ວຽກ​ຢ່າງ​ໜັກໜ່ວງ​ຢູ່ໃຕ້​ດວງຕາເວັນ.

ປັນຍາຈານ 7:27

ແມ່ນແລ້ວ ປັນຍາຈານ​ກ່າວ​ຈາ ຂ້າພະເຈົ້າ​ໄດ້​ຄົ້ນພົບ​ເລື່ອງນີ້ ເທື່ອລະ​ເລັກ​ລະໜ້ອຍ​ໃນ​ຂະນະທີ່​ຂ້າພະເຈົ້າ​ກຳລັງ​ຊອກຫາ​ຄຳຕອບ.

ໂຢຊວຍ 7:13

ຈົ່ງ​ລຸກ​ຂຶ້ນ ໄປ​ເຮັດ​ພິທີ​ຊຳລະ​ປະຊາຊົນ​ໃຫ້​ບໍຣິສຸດ ແລະ​ຕຽມ​ພວກເຂົາ​ໃຫ້​ພ້ອມ​ທີ່​ຈະ​ເຂົ້າ​ມາ​ພົບ​ເຮົາ. ຈົ່ງ​ບອກ​ພວກເຂົາ​ໃຫ້​ຕຽມພ້ອມ​ໃນ​ມື້ອື່ນ ເພາະ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ກ່າວ​ດັ່ງນີ້, ‘ຊາດ​ອິດສະຣາເອນ​ເອີຍ ພວກເຈົ້າ​ໄດ້​ລັກ​ເອົາ​ບາງສິ່ງ​ບາງຢ່າງ​ທີ່​ເຮົາ​ໄດ້​ສັ່ງ​ໃຫ້​ທຳລາຍ​ນັ້ນ ມາ​ເປັນ​ຂອງຕົນ ພວກເຈົ້າ​ຈະ​ສູ້ຮົບ​ເຫຼົ່າ​ສັດຕູ​ບໍ່ໄດ້ ຈົນກວ່າ​ພວກເຈົ້າ​ຈະ​ທຳລາຍ​ສິ່ງ​ເຫຼົ່ານັ້ນ​ເສຍ.’