ປັນຍາຈານ 6:3 - ພຣະຄຳພີສັກສິ

³ ຄົນ​ໜຶ່ງ​ອາດ​ຈະ​ມີ​ລູກ​ເຖິງ​ຮ້ອຍ​ຄົນ ແລະ​ມີ​ຊີວິດ​ຍືນຍາວ​ກໍໄດ້ ເຖິງ​ແມ່ນ​ວ່າ​ລາວ​ຈະ​ມີ​ອາຍຸ​ຍືນຍາວ​ຈັກ​ເທົ່າໃດ​ກໍຕາມ, ແຕ່​ຖ້າ​ລາວ​ບໍ່ໄດ້​ຮັບ​ຄວາມສຸກ​ທີ່​ລາວ​ຄວນ​ໄດ້​ຮັບ ແລະ​ບໍ່ມີ​ຄົນ​ເຮັດ​ພິທີ​ຝັງສົບ​ໃຫ້​ຢ່າງ​ມີ​ກຽດ​ແລ້ວ ຂ້າພະເຈົ້າ​ຂໍ​ບອກ​ວ່າ, ເປັນ​ແອນ້ອຍ​ເກີດ​ມາ​ແລ້ວ​ຕາຍ​ກໍ​ຍັງ​ດີກວ່າ.

ປັນຍາຈານ 6:3 Jak'a apnaqawi uñst'ayäwi

ປະຖົມມະການ 33:5

ເມື່ອ​ເອຊາວ​ມືນ​ຕາ​ຂຶ້ນ​ເຫັນ​ພວກ​ແມ່ຍິງ ແລະ​ເດັກນ້ອຍ ລາວ​ຈຶ່ງ​ຖາມ​ວ່າ, “ຄົນ​ທີ່​ມາ​ນຳ​ເຈົ້າ​ນີ້​ແມ່ນ​ໃຜ?” ຢາໂຄບ​ຕອບ​ວ່າ, “ທ່ານເອີຍ ພວກ​ເຫຼົ່ານີ້​ແມ່ນ​ລູກ​ຂອງ​ນ້ອງ​ເອງ ທີ່​ພຣະເຈົ້າ​ໂຜດ​ປະທານ​ໃຫ້.”

ປະຖົມມະການ 47:9

ຢາໂຄບ​ຕອບ​ວ່າ, “ຊີວິດ​ທີ່​ທ່ອງທ່ຽວ​ໄປມາ​ຂອງ​ຂ້ານ້ອຍ ມີ​ຢູ່ 130 ປີ. ເປັນ​ເວລາສັ້ນ​ແລະ​ລຳບາກ ບໍ່​ຄື​ຊີວິດ​ທີ່​ທ່ອງທ່ຽວ​ໄປມາ​ຂອງ​ບັນພະບຸລຸດ​ຂອງ​ຂ້ານ້ອຍ.”

2 ກະສັດ 10:1

ກະສັດ​ອາຮາບ​ມີ​ລູກຫລານ​ເຈັດສິບ​ຄົນ ທີ່​ນະຄອນ​ຊາມາເຣຍ. ເຢຮູ​ໄດ້​ຂຽນ​ຈົດໝາຍ​ສົ່ງ​ໄປ​ຫາ​ບັນດາ​ຜູ້ປົກຄອງ​ເມືອງ, ບັນດາ​ຜູ້ນຳ​ປະຊາຊົນ ແລະ​ບັນດາ​ຜູ້​ເບິ່ງແຍງ​ລູກຫລານ​ຂອງ​ກະສັດ​ອາຮາບ. ຈົດໝາຍ​ນັ້ນ​ມີ​ເນື້ອຄວາມ​ດັ່ງນີ້:

2 ກະສັດ 9:35

ແຕ່​ພວກ​ທີ່​ອອກ​ໄປ​ຝັງ​ຊາກສົບ​ຂອງ​ນາງ​ບໍ່ໄດ້​ພົບ​ຫຍັງ​ໝົດ ນອກຈາກ​ກະໂຫລກ​ຫົວ, ກະດູກ​ມື ແລະ​ກະດູກ​ຕີນ.

1 ຂ່າວຄາວ 28:5

ພຣະເຈົ້າຢາເວ​ໄດ້​ໃຫ້​ຂ້າພະເຈົ້າ​ມີ​ລູກຊາຍ​ຫລາຍ​ຄົນ ແລະ​ໃນ​ພວກ​ລູກຊາຍ​ທັງໝົດ​ຂອງ​ຂ້າພະເຈົ້າ​ນັ້ນ ພຣະອົງ​ກໍໄດ້​ເລືອກເອົາ​ໂຊໂລໂມນ​ໃຫ້​ຂຶ້ນ​ເປັນ​ຜູ້ປົກຄອງ​ຊາດ​ອິດສະຣາເອນ ອານາຈັກ​ຂອງ​ພຣະເຈົ້າຢາເວ.

2 ຂ່າວຄາວ 11:21

ເຣໂຫໂບອາມ​ມີ​ເມຍ​ທັງໝົດ ສິບແປດ​ຄົນ​ແລະ​ມີ​ເມຍນ້ອຍ​ຫົກສິບ​ຄົນ; ເພິ່ນ​ມີ​ລູກຊາຍ​ຊາວແປດ​ຄົນ ແລະ​ລູກສາວ​ຫົກສິບ​ຄົນ. ໃນ​ບັນດາ​ເມຍໃຫຍ່​ແລະ​ເມຍນ້ອຍ​ທັງໝົດ​ນັ້ນ ເພິ່ນ​ຮັກ​ນາງ​ມາອາກາ​ຫລາຍກວ່າ​ໝູ່

ເອສະເທີ 5:11

ລາວ​ໄດ້​ເວົ້າ​ອວດ​ຕໍ່​ພວກເຂົາ​ວ່າ ຕົນ​ເປັນ​ຄົນ​ຮັ່ງມີ​ແລະ​ມີ​ລູກຊາຍ​ຫລາຍ​ຄົນ ແລະ​ວ່າ​ກະສັດ​ໄດ້​ແຕ່ງຕັ້ງ​ຕົນ​ໃຫ້​ເປັນ​ຂ້າຣາຊການ​ຊັ້ນສູງ ແລະ​ບອກ​ວ່າ​ຕົນ​ເປັນ​ຄົນ​ສຳຄັນ​ກວ່າ​ຂ້າຣາຊການ​ຄົນອື່ນໆ​ຂອງ​ກະສັດ.

ເອສະເທີ 7:10

ດັ່ງນັ້ນ ຮາມານ​ຈຶ່ງ​ຖືກ​ແຂວນຄໍ​ໃສ່​ບ່ອນ​ທີ່​ລາວ​ເອງ​ໄດ້​ສ້າງ​ຂຶ້ນ ເພື່ອ​ແຂວນຄໍ​ມໍເດໄກ. ແລ້ວ​ຄວາມ​ໂກດຮ້າຍ​ຂອງ​ກະສັດ​ກໍໄດ້​ເຢັນລົງ.

ພຣະທຳ​ໂຢບ 3:11

ຂ້ານ້ອຍ​ຢາກ​ຕາຍ​ແຕ່​ຄາວ​ຢູ່​ໃນ​ທ້ອງ​ມານດາ ຫລື​ຕາຍ​ແຕ່​ເວລາ​ທີ່​ຂ້ານ້ອຍ​ໄດ້​ເກີດ​ມາ​ພຸ້ນ.

ພຣະທຳ​ໂຢບ 3:16

ຫລື​ວ່າ​ບໍ່ມີ​ຂ້ານ້ອຍ​ເລີຍ​ກໍ​ຄົງ​ດີກວ່າ ໃຫ້​ເປັນ​ດັ່ງ​ແອນ້ອຍ​ວາຍຊີບ​ຢູ່​ໃນ​ທ້ອງ​ມານດາ.

ເພງ^ສັນລະເສີນ 58:8

ຂໍ​ໃຫ້​ພວກເຂົາ​ເປັນ​ດັ່ງ​ທາກ​ທີ່​ຖືກ​ລະລາຍ​ເປັນ​ເມືອກ​ໄປ ຂໍ​ໃຫ້​ພວກເຂົາ​ເປັນ​ເໝືອນ​ເດັກ​ທີ່​ເກີດ​ໃໝ່​ຕາຍໄປ​ໂດຍ​ບໍ່​ເຫັນ​ແສງ​ສະຫວ່າງ.

ສຸພາສິດ 17:6

ພໍ່ເຖົ້າ​ແມ່ເຖົ້າ​ພູມໃຈ​ໃນ​ລູກຫລານ​ຂອງຕົນ ດັ່ງ​ພວກ​ລູກ​ທີ່​ພູມໃຈ​ໃນ​ຕົວ​ຜູ້​ເປັນ​ພໍ່​ແມ່.

ປັນຍາຈານ 4:3

ແຕ່​ດີກວ່າ​ທັງສອງ​ຢ່າງ​ນັ້ນ ແມ່ນ​ຜູ້​ທີ່​ຍັງ​ບໍ່​ທັນ​ໄດ້​ເກີດ​ມາ ຄື​ຜູ້​ທີ່​ບໍ່ເຄີຍ​ໄດ້​ເຫັນ​ຄວາມ​ຊົ່ວຮ້າຍ​ຢູ່ໃຕ້​ດວງຕາເວັນ.

ປັນຍາຈານ 6:4

ແອນ້ອຍ​ເກີດ​ມາ​ບໍ່ໄດ້​ຮັບ​ປະໂຫຍດ​ຫຍັງ ແລະ​ບໍ່ມີ​ຜູ້ໃດ​ລະນຶກ​ຄິດເຖິງ​ລາວ​ເລີຍ.

ເຢເຣມີຢາ 22:19

ພວກເຂົາ​ຈະ​ໃຫ້ກຽດ​ຝັງສົບ​ລາວ​ໄວ້​ດັ່ງ​ຝັງ​ໂຕ​ລາ ໂດຍ​ຈະ​ລາກ​ໂຍນ​ຖິ້ມ​ໄປ​ນອກ​ປະຕູ​ນະຄອນ​ພຸ້ນ.”

ເຢເຣມີຢາ 36:30

ສະນັ້ນ ບັດນີ້ ພຣະເຈົ້າຢາເວ​ຈຶ່ງ​ກ່າວ​ແກ່​ເຢໂຮຍອາກິມ​ວ່າ ເຈົ້າ​ຈະ​ບໍ່ມີ​ເຊື້ອສາຍ​ຄົນໃດ​ຂອງເຈົ້າ​ໄດ້​ປົກຄອງ​ຣາຊອານາຈັກ​ຂອງ​ດາວິດ​ຈັກເທື່ອ. ຊາກສົບ​ຂອງ​ເຈົ້າ​ຈະ​ຖືກ​ໂຍນ​ອອກ​ໄປ ແລະ​ປະ​ໃຫ້​ຕາກ​ແດດ​ຍາມ​ກາງເວັນ ແລະ​ຕາກ​ໝອກ​ຍາມ​ກາງຄືນ.

ເຢເຣມີຢາ 8:2

ແທນ​ທີ່​ກະດູກ​ເຫຼົ່ານີ້​ຈະ​ຖືກ​ຮິບໂຮມ ແລະ​ຖືກ​ຝັງ​ໄວ້; ແຕ່​ມັນ​ຈະ​ຖືກ​ປະ​ໃຫ້​ເປັນ​ຝຸ່ນ ຢາຍ​ເດຍລະດາດ​ຢູ່​ຕາມ​ໜ້າດິນ. ມັນ​ຈະ​ຖືກ​ປະປ່ອຍ​ໃຫ້​ຕາກ​ແສງ​ຕາເວັນ, ແສງ​ດວງເດືອນ ແລະ​ແສງ​ດວງດາວ​ອື່ນໆ ທີ່​ປະຊາຊົນ​ເຫຼົ່ານີ້​ບູຊາ​ແລະ​ຮັບໃຊ້ ໂດຍ​ຂໍ​ຄຳ​ປຶກສາ​ແລະ​ຂາບໄຫວ້.

ມັດທາຍ 26:24

ບຸດ​ມະນຸດ​ຈະ​ຕາຍໄປ​ຕາມ​ທີ່​ມີ​ຂຽນ​ໄວ້​ໃນ​ພຣະຄຳພີ​ເຖິງ​ເລື່ອງ​ເພິ່ນ, ແຕ່​ໄພພິບັດ​ຈະ​ຕົກ​ຖືກ​ຜູ້​ທີ່​ທໍລະຍົດ​ຕໍ່​ບຸດ​ມະນຸດ ຖ້າ​ຄົນ​ຜູ້​ນີ້​ບໍ່​ເກີດ​ມາ​ກໍ​ຈະ​ເປັນ​ການ​ດີກວ່າ.”