ປັນຍາຈານ 5:4 - ພຣະຄຳພີສັກສິ

⁴ ສະນັ້ນ ເມື່ອ​ເຈົ້າ​ເຮັດ​ຄຳ​ສາບານ​ກັບ​ພຣະເຈົ້າ ຈົ່ງ​ປະຕິບັດ​ຕາມ​ຄຳ​ສາບານ​ນັ້ນ​ໄວ​ເທົ່າທີ່ຈະ​ໄວ​ໄດ້. ພຣະເຈົ້າ​ບໍ່​ພໍໃຈ​ນຳ​ຄົນໂງ່ຈ້າ. ຈົ່ງ​ເຮັດ​ຕາມ​ຄຳ​ສາບານ​ທີ່​ເຈົ້າ​ວ່າ​ຈະ​ເຮັດ.

ປັນຍາຈານ 5:4 Jak'a apnaqawi uñst'ayäwi

ປະຖົມມະການ 28:20

ແລ້ວ​ຢາໂຄບ​ກໍ​ໄດ້​ສາບານ​ວ່າ, “ຖ້າ​ພຣະເຈົ້າ​ສະຖິດ​ຢູ່​ກັບ​ຂ້ານ້ອຍ ແລະ​ປົກປັກ​ຮັກສາ​ຂ້ານ້ອຍ​ໃນ​ການ​ເດີນທາງ ແລະ​ໃຫ້​ອາຫານ​ແລະ​ເຄື່ອງນຸ່ງຫົ່ມ

ປະຖົມມະການ 35:1

ພຣະເຈົ້າ​ໄດ້​ບອກ​ຢາໂຄບ​ວ່າ, “ຈົ່ງ​ຮີບ​ຕຽມຕົວ​ໄປ​ທີ່​ເບັດເອນ​ດຽວ​ນີ້ ແລະ​ອາໄສ​ຢູ່​ທີ່​ນັ້ນ. ໃນ​ທີ່ນັ້ນ ຈົ່ງ​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າ ອົງ​ທີ່​ໄດ້​ປາກົດ​ແກ່​ເຈົ້າ​ຄາວ​ທີ່​ເຈົ້າ​ກຳລັງ​ໄດ້​ປົບໜີ​ຈາກ​ເອຊາວ ອ້າຍ​ຂອງ​ເຈົ້າ.”

ປະຖົມມະການ 35:3

ພວກເຮົາ​ຈະ​ໜີ​ຈາກ​ທີ່​ນີ້​ໄປ​ຢູ່​ເບັດເອນ; ໃນ​ທີ່ນັ້ນ ຂ້ອຍ​ຈະ​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າ ອົງ​ທີ່​ໄດ້​ຊ່ວຍເຫລືອ​ຂ້ອຍ​ຍາມ​ເດືອດຮ້ອນ ແລະ​ອົງ​ທີ່​ສະຖິດ​ຢູ່​ນຳ​ຂ້ອຍ​ໃນ​ທຸກບ່ອນ​ທີ່​ຂ້ອຍ​ໄປ.”

ເພງ^ສັນລະເສີນ 116:14

ຂ້ານ້ອຍ​ຈະ​ຖວາຍ​ສິ່ງ​ທີ່​ໄດ້​ສາບານ​ໄວ້​ກັບ​ພຣະເຈົ້າຢາເວ ໃນ​ທີ່​ຊຸມນຸມຊົນ​ທັງປວງ​ຂອງ​ພຣະອົງ​ນັ້ນ.

ເພງ^ສັນລະເສີນ 119:106

ຂ້ານ້ອຍ​ຈະ​ຢຶດໝັ້ນ​ຄຳສັນຍາ​ທີ່​ໄດ້​ມີ​ໄວ້ ແລະ​ເຊື່ອຟັງ​ຄຳແນະນຳ​ອັນ​ຖືກຕ້ອງ​ຂອງ​ພຣະອົງ.

ເພງ^ສັນລະເສີນ 22:25

ຂ້ານ້ອຍ​ຈະ​ສັນລະເສີນ​ພຣະອົງ ໃນ​ທີ່​ຊຸມນຸມ​ໃຫຍ່ ສຳລັບ​ສິ່ງ​ທີ່​ພຣະອົງ​ໄດ້​ກະທຳ​ນັ້ນ ຂ້ານ້ອຍ​ຈະ​ຖວາຍບູຊາ​ຕາມ​ທີ່​ໄດ້​ສາບານ​ໄວ້ ຢູ່​ຊ້ອງໜ້າ​ພວກ​ທີ່​ນະມັດສະການ​ພຣະອົງ

ເພງ^ສັນລະເສີນ 50:14

ຈົ່ງ​ຖວາຍ​ໂມທະນາ​ຂອບພຣະຄຸນ​ເປັນ​ເຄື່ອງ​ບູຊາ​ແກ່​ພຣະເຈົ້າ ຖວາຍ​ແກ່​ຜູ້​ຊົງຣິດ​ອຳນາດ​ຍິ່ງໃຫຍ່​ຕາມ​ທີ່​ເຈົ້າ​ສາບານ​ໄວ້.

ເພງ^ສັນລະເສີນ 76:11

ຈົ່ງ​ຖວາຍ​ແກ່​ພຣະເຈົ້າຢາເວ ພຣະເຈົ້າ​ຂອງເຈົ້າ ຕາມ​ທີ່​ໄດ້​ສັນຍາ​ໄວ້ ຈົ່ງ​ໃຫ້​ຊົນຊາດ​ໃກ້ຄຽງ ນຳ​ຂອງຂວັນ​ມາ​ຖວາຍ​ແກ່​ພຣະອົງ​ສາ ເພາະ​ພຣະອົງ​ໃຫ້​ມະນຸດ​ຢຳເກງ​ພຣະອົງ​ແລ້ວ.

ສຸພາສິດ 20:25

ຈົ່ງ​ຄິດ​ໃຫ້​ຖ້ວນຖີ່​ກ່ອນ​ຈຶ່ງ​ສັນຍາ​ຕໍ່​ພຣະເຈົ້າ​ວ່າ​ຈະ​ຖວາຍບູຊາ ຕໍ່ມາ​ອາດ​ຈະ​ເສຍໃຈ​ຕາມ​ພາຍຫລັງ​ກໍໄດ້.

ເອຊາຢາ 19:21

ພຣະເຈົ້າຢາເວ​ຈະ​ປາກົດ​ພຣະອົງເອງ​ໃຫ້​ຊາວ​ເອຢິບ​ໄດ້​ເຫັນ ແລ້ວ​ໃນວັນນັ້ນ​ພວກເຂົາ​ກໍ​ຈະ​ຮັບຮູ້​ພຣະເຈົ້າຢາເວ ແລະ​ນະມັດສະການ​ພຣະອົງ ທັງ​ຈະ​ນຳ​ເຄື່ອງບູຊາ​ມາ​ຖວາຍ​ແກ່​ພຣະອົງ​ດ້ວຍ. ພວກເຂົາ​ຈະ​ເຮັດ​ສັນຍາ​ສາບານຕົວ​ໄວ້​ກັບ​ພຣະເຈົ້າຢາເວ ແລະ​ກະທຳ​ໃຫ້​ສັນຍາ​ນັ້ນ​ສຳເລັດ​ແລ້ວ.

ໂຢນາ 2:9

ແຕ່​ຂ້ານ້ອຍ​ຈະ​ຮ້ອງເພງ​ໂມທະນາ​ຂອບພຣະຄຸນ ແລະ​ຈະ​ຖວາຍ​ເຄື່ອງບູຊາ​ແກ່​ພຣະອົງ ແລະ​ເຮັດ​ຕາມ​ສິ່ງ​ທີ່​ຂ້ານ້ອຍ​ໄດ້​ສັນຍາ ຄວາມພົ້ນ​ມີມາ​ໂດຍ​ທາງ​ພຣະເຈົ້າຢາເວ.”

ມາລາກີ 1:10

“ເຮົາ​ຢາກ​ໃຫ້​ມີ​ຜູ້ໜຶ່ງ​ໃນ​ພວກເຈົ້າ​ອັດ​ປະຕູ​ພຣະວິຫານ​ໄວ້ ເພື່ອ​ປ້ອງກັນ​ບໍ່​ໃຫ້​ພວກເຈົ້າ​ເຂົ້າ​ໄປ​ໄຕ້​ໄຟ​ຢ່າງ​ບໍ່ມີ​ປະໂຫຍດ ທີ່​ເທິງ​ແທ່ນບູຊາ​ຂອງເຮົາ. ເຮົາ​ບໍ່​ພໍໃຈ​ນຳ​ພວກເຈົ້າ,” ພຣະເຈົ້າຢາເວ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ແລະ​ເຮົາ​ຈະ​ບໍ່​ຮັບ​ເຄື່ອງບູຊາ​ຂອງ​ພວກເຈົ້າ​ທີ່​ນຳ​ມາ​ຖວາຍ​ແກ່​ເຮົາ.

ຈົດບັນຊີ 30:2

ເມື່ອ​ຊາຍ​ຄົນ​ໜຶ່ງ​ບະບົນ​ໄວ້​ວ່າ​ຈະ​ຖວາຍ​ສິ່ງໃດ​ສິ່ງໜຶ່ງ​ໃຫ້​ແກ່​ພຣະເຈົ້າຢາເວ ຫລື​ສາບານ​ວ່າ​ຈະ​ລະເວັ້ນ​ຈາກ​ສິ່ງໃດ​ສິ່ງໜຶ່ງ; ລາວ​ຕ້ອງ​ບໍ່​ເຮັດ​ຜິດ​ຄຳສັນຍາ, ແຕ່​ຈະ​ຕ້ອງ​ເຮັດ​ຕາມ​ທີ່​ໄດ້​ເວົ້າ​ໄວ້​ທຸກປະການ.

ມັດທາຍ 5:33

“ອັນ​ໜຶ່ງ​ອີກ ເຈົ້າ​ທັງຫລາຍ​ໄດ້ຍິນ​ຄຳ​ທີ່​ກ່າວ​ແກ່​ຄົນ​ໃນ​ສະໄໝ​ບູຮານ​ວ່າ, ‘ຢ່າ​ເຮັດ​ຜິດ​ຕໍ່​ຄຳ​ສາບານ, ແຕ່​ຈົ່ງ​ປະຕິບັດ​ຕາມ​ທີ່​ຕົນ​ໄດ້​ສາບານ​ໄວ້​ກັບ​ອົງພຣະ​ຜູ້​ເປັນເຈົ້າ.’

ເຮັບເຣີ 10:6

ເຄື່ອງ​ເຜົາບູຊາ ແລະ​ເຄື່ອງ​ບູຊາ ລຶບລ້າງ​ບາບ​ນັ້ນ ພຣະອົງ​ບໍ່​ຊົງ​ພໍພຣະໄທ

ພວກ^ຜູ້ປົກຄອງ 11:35

ພໍ​ເຢັບທາ​ຫລຽວເຫັນ​ນາງ ລາວ​ຈຶ່ງ​ຈີກ​ເສື້ອຜ້າ​ຂອງຕົນ​ດ້ວຍ​ຄວາມທຸກໃຈ ແລະ​ເວົ້າ​ວ່າ, “ລູກເອີຍ! ຫົວໃຈ​ພໍ່​ແທບ​ຈະ​ແຕກ​ຕາຍ​ສາ​ແລ້ວ ເປັນຫຍັງ​ຈຶ່ງ​ແມ່ນ​ລູກ​ທີ່​ເຮັດ​ໃຫ້​ພໍ່​ໄດ້​ຮັບ​ຄວາມ​ເຈັບປວດ​ເຊັ່ນນີ້? ພໍ່​ໄດ້​ສັນຍາ​ໄວ້​ຢ່າງ​ໜັກແໜ້ນ​ກັບ​ພຣະເຈົ້າຢາເວ​ແລ້ວ ແລະ​ພໍ່​ເອງ​ຖອນ​ຄຳສັນຍາ​ນີ້​ຄືນ​ບໍ່ໄດ້.”