ປັນຍາຈານ 5:11 - ພຣະຄຳພີສັກສິ

¹¹ ເຈົ້າ​ຮັ່ງມີ​ຫລາຍ​ເທົ່າໃດ ເຈົ້າ​ກໍ​ຕ້ອງ​ລ້ຽງ​ຫລາຍ​ຄົນ​ເທົ່ານັ້ນ. ສິ່ງ​ທັງໝົດ​ທີ່​ເຈົ້າ​ໄດ້​ຮັບ​ນັ້ນ ກໍ​ພຽງແຕ່​ຄວາມຮູ້​ທີ່​ວ່າ​ຕົນ​ຮັ່ງມີ.

ປັນຍາຈານ 5:11 Jak'a apnaqawi uñst'ayäwi

ປະຖົມມະການ 12:16

ຍ້ອນ​ຊາຣາຍ ກະສັດ​ເອຢິບ​ຈຶ່ງ​ປະຕິບັດ​ຕໍ່​ອັບຣາມ​ເປັນ​ຢ່າງດີ ແລະ​ຍັງ​ມອບ​ຝູງແກະ, ຝູງແບ້, ຝູງງົວ, ຝູງ​ອູດ ແລະ​ຄົນ​ຮັບໃຊ້​ຊາຍຍິງ​ໃຫ້​ດ້ວຍ.

ປະຖົມມະການ 13:2

ອັບຣາມ​ເປັນ​ຄົນ​ຮັ່ງມີ; ເພິ່ນ​ມີ​ຝູງແກະ, ຝູງແບ້ ແລະ​ຝູງງົວ ພ້ອມ​ທັງ​ເງິນຄຳ​ຢ່າງ​ຫລວງຫລາຍ.

ສຸພາສິດ 23:5

ເພາະວ່າ​ເງິນ​ຂອງ​ເຈົ້າ​ອາດ​ສູນເສຍ​ໄປ​ໃນ​ພັບຕາ​ດຽວ​ກໍໄດ້ ເໝືອນ​ກັບ​ວ່າ​ມັນ​ມີ​ປີກ​ບິນ​ໄປ​ສູ່​ຟ້າ​ອາກາດ​ໄດ້​ດັ່ງ​ນົກອິນຊີ.

ປັນຍາຈານ 11:9

ຄົນໜຸ່ມ​ເອີຍ ຈົ່ງ​ສະໜຸກ​ຢູ່​ໃນ​ຄວາມ​ໜຸ່ມແໜ້ນ​ຂອງເຈົ້າ. ຈົ່ງ​ຫາ​ຄວາມສຸກ​ເມື່ອ​ເຈົ້າ​ຍັງ​ໜຸ່ມແໜ້ນ​ຢູ່ ຈົ່ງ​ເຮັດ​ທຸກສິ່ງ​ທີ່​ເຈົ້າ​ຕ້ອງການ​ຢາກ​ເຮັດ ແລະ​ທຸກສິ່ງ​ທີ່​ເຈົ້າ​ພໍໃຈ​ເຮັດ​ດ້ວຍ. ແຕ່​ຈົ່ງ​ຈຳ​ໄວ້​ວ່າ ພຣະເຈົ້າ​ຈະ​ຕັດສິນ​ທຸກໆສິ່ງ​ທີ່​ເຈົ້າ​ໄດ້​ເຮັດ​ນັ້ນ.

ປັນຍາຈານ 2:9

ຈິງແທ້ ຂ້າພະເຈົ້າ​ຍິ່ງໃຫຍ່ ຍິ່ງໃຫຍ່​ກວ່າ​ຄົນ​ໃດໆ ທີ່​ໄດ້​ອາໄສ​ຢູ່​ໃນ​ນະຄອນ​ເຢຣູຊາເລັມ​ກ່ອນ​ຂ້າພະເຈົ້າ ແລະ​ປັນຍາ​ກໍໄດ້​ດຳລົງ​ຢູ່​ກັບ​ຂ້າພະເຈົ້າ.

ປັນຍາຈານ 5:12

ຄົນ​ເຮັດ​ວຽກ​ອາດ​ມີ ຫລື​ອາດ​ບໍ່ມີ​ກິນ​ພຽງພໍ​ກໍໄດ້ ແຕ່​ຢ່າງໜ້ອຍ​ລາວ​ກໍ​ນອນ​ຫລັບ​ໄດ້​ໃນ​ຕອນ​ກາງຄືນ. ສ່ວນ​ເສດຖີ​ຜູ້​ທີ່​ມີ​ຊັບສົມບັດ​ອັນ​ຫລວງຫລາຍ ກໍ​ມີ​ແຕ່​ວິຕົກ​ກັງວົນ​ຈົນ​ນອນ​ບໍ່​ຫລັບ​ຍ້ອນ.

ປັນຍາຈານ 6:9

ທຸກສິ່ງ​ລ້ວນແຕ່​ອະນິຈັງ​ທັງສິ້ນ ແລະ​ເປັນ​ດັ່ງ​ການ​ແລ່ນ​ໄລ່​ໄປ​ຕາມ​ລົມ. ການ​ພໍໃຈ​ກັບ​ສິ່ງ​ທີ່​ຕົນ​ມີ​ຢູ່ ກໍດີກວ່າ​ການ​ປ່ອຍຕົວ​ເລື້ອຍ​ໄປ​ຕາມ​ຕັນຫາ​ຂອງຕົນ.

ເຢເຣມີຢາ 17:11

ຜູ້​ທີ່​ໄດ້​ເງິນຄຳ​ມາ​ໃນ​ທາງ​ບໍ່​ສຸດຈະຫລິດ ກໍ​ເປັນ​ດັ່ງ​ນົກ​ຟັກໄຂ່​ທີ່​ບໍ່​ອອກລູກ ໃນ​ຊີວິດ​ບັ້ນກາງ​ລາວ​ຈະ​ເສຍ​ຄວາມຮັ່ງມີ​ໄປ ໃນ​ຊີວິດ​ບັ້ນປາຍ​ຈະ​ບໍ່ມີ​ຫຍັງ​ແຕ່​ກາຍເປັນ​ບ້າ.

ຮາບາກຸກ 2:13

ບັນດາ​ຊົນຊາດ​ທີ່​ພວກເຈົ້າ​ໄດ້​ເຂົ້າ​ຄອບຄອງ​ນັ້ນ ເຮັດ​ວຽກ​ອິດອ່ອນ​ໝົດ​ກຳລັງ​ໂດຍ​ບໍ່ມີ​ປະໂຫຍດ ແລະ​ສິ່ງ​ທັງໝົດ​ທີ່​ພວກເຂົາ​ໄດ້​ສ້າງ​ຂຶ້ນ​ມາ​ນັ້ນ​ກໍ​ຖືກ​ໄຟ​ເຜົາຜານ​ກ້ຽງ. ອົງພຣະ​ຜູ້​ເປັນເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກະທຳການ​ນີ້.

1 ໂຢຮັນ 2:16

ເພາະ​ສາລະພັດ​ທີ່​ມີ​ຢູ່​ໃນ​ໂລກ ຄື​ຕັນຫາ​ຂອງ​ເນື້ອກາຍ ຕັນຫາ​ຂອງ​ຕາ ແລະ​ຄວາມ​ອວດອ້າງ​ເປົ່າໆ​ໃນ​ຊີວິດ​ນີ້ ບໍ່ໄດ້​ເກີດ​ມາ​ຈາກ​ພຣະບິດາເຈົ້າ ແຕ່​ເກີດ​ມາ​ຈາກ​ໂລກ.