ປັນຍາຈານ 4:9 - ພຣະຄຳພີສັກສິ

⁹ ສອງ​ຄົນ​ດີກວ່າ​ຄົນດຽວ ເພາະ​ວຽກ​ຂອງ​ເຂົາ​ທີ່​ເຮັດ​ກໍ​ເກີດຜົນ​ດີກວ່າ.

ປັນຍາຈານ 4:9 Jak'a apnaqawi uñst'ayäwi

ປະຖົມມະການ 2:18

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ກ່າວ​ອີກ​ວ່າ, “ບໍ່​ເປັນ​ການ​ສົມຄວນ​ທີ່​ຜູ້ຊາຍ​ຕ້ອງ​ຢູ່​ໂດດດ່ຽວ​ຢ່າງ​ນີ້. ເຮົາ​ຈະ​ສ້າງ​ຜູ້​ຊ່ວຍ​ທີ່​ເໝາະສົມ​ໃຫ້​ລາວ.”

1 ຂ່າວຄາວ 19:12

ໂຢອາບ​ເວົ້າ​ກັບ​ລາວ​ວ່າ, “ຖ້າ​ເຈົ້າ​ເຫັນ​ວ່າ​ພວກ​ຊີເຣຍ​ເອົາ​ຊະນະ​ຂ້ອຍ ໃຫ້​ເຈົ້າ​ມາ​ຊ່ວຍ​ຂ້ອຍ. ແຕ່​ຖ້າ​ພວກ​ອຳໂມນ​ເອົາ​ຊະນະ​ເຈົ້າ ຂ້ອຍ​ຈະ​ໄປ​ຊ່ວຍ​ເຈົ້າ.

ສຸພາສິດ 27:17

ເຫຼັກ​ຝົນ​ເຫຼັກ​ໃຫ້​ຄົມ​ສັນໃດ ການ​ຮຽນຮູ້​ຈາກ​ຜູ້​ອື່ນ​ກໍ​ຝົນ​ຕົນ​ໃຫ້​ສຽບແຫລມ​ສັນນັ້ນ.

ປັນຍາຈານ 4:10

ຖ້າ​ຜູ້ໜຶ່ງ​ໃນ​ສອງ​ຄົນ​ນັ້ນ​ລົ້ມລົງ ຜູ້ໜຶ່ງ​ກໍ​ຊູ​ລາວ​ໃຫ້​ລຸກ​ຂຶ້ນ​ໄດ້. ແຕ່​ຖ້າ​ມີ​ຄົນດຽວ​ແລະ​ລົ້ມລົງ ກໍ​ເປັນ​ໜ້າ​ອີດູຕົນ​ແທ້ໆ ເພາະ​ບໍ່ມີ​ຜູ້ໃດ​ຊ່ວຍ​ລາວ​ເລີຍ.

ປັນຍາຈານ 4:8

ຢູ່ໃຕ້​ດວງຕາເວັນ​ມີ​ຊາຍ​ຄົນ​ໜຶ່ງ​ທີ່​ຢູ່​ຜູ້ດຽວ. ລາວ​ບໍ່ມີ​ລູກ​ແລະ​ບໍ່ມີ​ອ້າຍ​ເອື້ອຍ​ນ້ອງ; ເຖິງ​ປານ​ນັ້ນ ລາວ​ກໍ​ເຮັດ​ວຽກ​ຢູ່​ບໍ່​ເຊົາ​ໂດຍ​ຍັງ​ບໍ່​ພໍໃຈ​ກັບ​ຊັບສິນ​ທີ່​ຕົນ​ມີ​ຢູ່​ນັ້ນ. ລາວ​ເຮັດ​ວຽກ​ຢ່າງ​ໜັກ​ເພື່ອ​ຜູ້ໃດ ໂດຍ​ບໍ່​ຍອມ​ແມ່ນແຕ່​ເຮັດ​ໃຫ້​ຕົນເອງ​ສະໜຸກ​ຈັກດີ້? ອັນ​ນີ້​ກໍ​ອະນິຈັງ​ຄືກັນ ເພາະ​ເປັນ​ການ​ໃຊ້​ຊີວິດ​ຢູ່​ຢ່າງ​ຍາກ​ລຳບາກ.

ຮັກກາຍ 1:14

ພຣະເຈົ້າຢາເວ​ໄດ້​ບັນດົນ​ໃຈ​ທຸກຄົນ​ໃຫ້​ຊ່ວຍ​ກັນ​ສ້າງ​ພຣະວິຫານ: ເຊຣຸບບາເບນ​ລູກຊາຍ​ຂອງ​ເຊອານຕີເອນ ຜູ້ປົກຄອງ​ຢູດາຍ; ເຢຊູອາ​ລູກຊາຍ​ຂອງ​ໂຢຊາດັກ ມະຫາ​ປະໂຣຫິດ, ຕະຫລອດ​ທັງ​ປະຊາຊົນ​ທຸກຄົນ ທີ່​ໄດ້​ກັບ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ. ພວກເຂົາ​ໄດ້​ເລີ່ມ​ສ້າງ​ວິຫານ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ພວກເຂົາ

ຈົດບັນຊີ 11:14

ຂ້ານ້ອຍ​ບໍ່​ສາມາດ​ຮັບຜິດຊອບ​ຄົນ​ທັງໝົດ​ເຫຼົ່ານີ້​ໂດຍ​ຕົນເອງ​ໄດ້​ດອກ ມັນ​ເຫລືອບ່າ​ກວ່າແຮງ​ຂອງ​ຂ້ານ້ອຍ​ແທ້ໆ.

ມາຣະໂກ 6:7

ພຣະອົງ​ໄດ້​ເອີ້ນ​ສາວົກ​ສິບສອງ​ຄົນ​ມາ ແລະ​ໃຊ້​ພວກເພິ່ນ​ອອກ​ໄປ​ເປັນ​ຄູ່ໆ ໂດຍ​ໃຫ້​ພວກເພິ່ນ​ມີ​ສິດ​ອຳນາດ​ເໜືອ​ບັນດາ​ຜີຊົ່ວຮ້າຍ

ໂຢຮັນ 4:36

ຜູ້​ທີ່​ກ່ຽວເຂົ້າ​ກໍ​ກຳລັງ​ຮັບ​ຄ່າຈ້າງ ແລະ​ຮວບຮວມ​ເອົາ​ຜົນລະປູກ​ໄວ້​ສຳລັບ​ຊີວິດ​ນິຣັນດອນ ເພື່ອ​ທັງ​ຜູ້​ຫວ່ານ ແລະ​ຜູ້​ເກັບກ່ຽວ​ຈະ​ຊົມຊື່ນ​ຍິນດີ​ນຳກັນ.

ກິດຈະການ 13:2

ຂະນະທີ່​ພວກ​ພີ່ນ້ອງ​ກຳລັງ​ນະມັດສະການ​ອົງພຣະ​ຜູ້​ເປັນເຈົ້າ ແລະ​ຖືສິນ​ອົດອາຫານ​ຢູ່​ນັ້ນ ພຣະວິນຍານ​ບໍຣິສຸດເຈົ້າ​ໄດ້​ບອກ​ກັບ​ພວກເພິ່ນ​ວ່າ, “ຈົ່ງ​ຄັດ​ເອົາ​ບາຣະນາບາ​ກັບ​ໂຊໂລ​ໄວ້​ໃຫ້​ເຮົາ ສຳລັບ​ພາລະກິດ​ທີ່​ເຮົາ​ໄດ້​ເອີ້ນ​ໃຫ້​ພວກເຂົາ​ເຮັດ​ນັ້ນ.”

2 ໂຢຮັນ 1:8

ເຫດສະນັ້ນ ພວກເຈົ້າ​ຈົ່ງ​ລະວັງຕົວ​ໃຫ້​ດີ ເພື່ອ​ວ່າ​ພວກເຈົ້າ​ຈະ​ບໍ່​ເສຍ​ປະໂຫຍດ​ໃນ​ສິ່ງ​ທີ່​ພວກເຈົ້າ​ໄດ້​ກະທຳ​ນັ້ນ ແຕ່​ຈະ​ໄດ້​ຮັບ​ບຳເໜັດ​ເຕັມ​ສ່ວນ.

ນາງຣຸດ 2:12

ຂໍ​ໃຫ້​ພຣະເຈົ້າຢາເວ​ຕອບແທນ​ຄຸນງາມ​ຄວາມດີ​ທີ່​ເຈົ້າ​ໄດ້​ສ້າງ​ມາ​ນັ້ນ​ເຖີດ. ຂໍ​ໃຫ້​ເຈົ້າ​ໄດ້​ຮັບ​ບຳເໜັດ​ອັນ​ລົ້ນເຫລືອ​ຈາກ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ອົງ​ທີ່​ເຈົ້າ​ມາ​ເພິ່ງພາ​ອາໄສ​ນີ້​ເທີ້ນ.”