ປັນຍາຈານ 2:9 - ພຣະຄຳພີສັກສິ

⁹ ຈິງແທ້ ຂ້າພະເຈົ້າ​ຍິ່ງໃຫຍ່ ຍິ່ງໃຫຍ່​ກວ່າ​ຄົນ​ໃດໆ ທີ່​ໄດ້​ອາໄສ​ຢູ່​ໃນ​ນະຄອນ​ເຢຣູຊາເລັມ​ກ່ອນ​ຂ້າພະເຈົ້າ ແລະ​ປັນຍາ​ກໍໄດ້​ດຳລົງ​ຢູ່​ກັບ​ຂ້າພະເຈົ້າ.

ປັນຍາຈານ 2:9 Jak'a apnaqawi uñst'ayäwi

1 ກະສັດ 10:23

ກະສັດ​ໂຊໂລໂມນ​ຮັ່ງມີ ແລະ​ສະຫລາດ​ຫລາຍກວ່າ​ກະສັດ​ທັງໝົດ​ທີ່​ແຜ່ນດິນ​ໂລກ.

1 ກະສັດ 10:7

ແຕ່​ຂ້ານ້ອຍ​ບໍ່​ເຊື່ອ​ຈົນ​ໄດ້​ມາ​ເຫັນ​ດ້ວຍ​ຕົນເອງ ສິ່ງ​ທີ່​ຂ້ານ້ອຍ​ໄດ້ຍິນ​ນັ້ນ​ບໍ່​ຮອດ​ເຄິ່ງ​ໜຶ່ງ​ຂອງ​ສະຕິປັນຍາ​ນີ້; ທ່ານ​ມີ​ສະຕິປັນຍາ ແລະ​ຊັບສົມບັດ​ຫລາຍກວ່າ​ທີ່​ຂ້ານ້ອຍ​ໄດ້ຍິນ​ມາ.

1 ກະສັດ 3:12

ເຮົາ​ຈະ​ເຮັດ​ຕາມ​ສິ່ງ​ທີ່​ເຈົ້າ​ໄດ້​ຂໍ​ມາ. ເຮົາ​ຈະ​ໃຫ້​ເຈົ້າ​ມີ​ສະຕິປັນຍາ ແລະ​ຄວາມ​ເຂົ້າໃຈ​ເໜືອກວ່າ​ຄົນ​ໃດໆ​ທີ່​ເຄີຍ​ມີ​ມາ​ກ່ອນ ແລະ​ຈະ​ບໍ່ມີ​ຜູ້ໃດ​ມີ​ສະຕິປັນຍາ​ຄື​ເຈົ້າ​ອີກ​ຈັກເທື່ອ.

1 ຂ່າວຄາວ 29:25

ພຣະເຈົ້າຢາເວ​ໄດ້​ເຮັດ​ໃຫ້​ຊົນຊາດ​ທັງໝົດ​ເກງກົວ​ກະສັດ​ໂຊໂລໂມນ ແລະ​ພຣະອົງ​ໄດ້​ບັນດານ​ໃຫ້​ເພິ່ນ​ມີ​ກຽດ​ຍິ່ງໃຫຍ່​ກວ່າ​ກະສັດ​ໃດໆ​ທີ່​ປົກຄອງ​ປະເທດ​ອິດສະຣາເອນ.

2 ຂ່າວຄາວ 1:1

ໂຊໂລໂມນ​ລູກຊາຍ​ຂອງ​ກະສັດ​ດາວິດ​ໄດ້​ປົກຄອງ​ຊາດ​ອິດສະຣາເອນ​ຢ່າງ​ໝັ້ນຄົງ ແລະ​ພຣະເຈົ້າຢາເວ ພຣະເຈົ້າ​ຂອງ​ເພິ່ນ ກໍ​ເຮັດ​ໃຫ້​ເພິ່ນ​ມີ​ອຳນາດ​ຫລາຍ​ຂຶ້ນ.

ປັນຍາຈານ 1:16

ຂ້າພະເຈົ້າ​ເຄີຍ​ເວົ້າ​ກັບ​ຕົນເອງ​ວ່າ, “ເຮົາ​ກາຍເປັນ​ຄົນ​ສຳຄັນ ທັງ​ມີ​ປັນຍາ​ກວ່າ​ຄົນ​ໃດໆ ທີ່​ເຄີຍ​ປົກຄອງ​ນະຄອນ​ເຢຣູຊາເລັມ​ມາ​ກ່ອນ​ເຮົາ. ເຮົາ​ຮູ້ຈັກ​ປັນຍາ​ແລະ​ຄວາມຮູ້​ແທ້​ນັ້ນ​ວ່າ​ເປັນ​ຢ່າງໃດ.”

ປັນຍາຈານ 5:11

ເຈົ້າ​ຮັ່ງມີ​ຫລາຍ​ເທົ່າໃດ ເຈົ້າ​ກໍ​ຕ້ອງ​ລ້ຽງ​ຫລາຍ​ຄົນ​ເທົ່ານັ້ນ. ສິ່ງ​ທັງໝົດ​ທີ່​ເຈົ້າ​ໄດ້​ຮັບ​ນັ້ນ ກໍ​ພຽງແຕ່​ຄວາມຮູ້​ທີ່​ວ່າ​ຕົນ​ຮັ່ງມີ.