ປັນຍາຈານ 2:8 - ພຣະຄຳພີສັກສິ

⁸ ຂ້າພະເຈົ້າ​ຮວບຮວມ​ເອົາ​ເງິນຄຳ​ຈາກ​ຄັງ​ຂອງ​ບັນດາ​ກະສັດ ໃນ​ດິນແດນ​ຕ່າງໆ​ທີ່​ຂ້າພະເຈົ້າ​ໄດ້​ປົກຄອງ. ບັນດາ​ຊາຍ​ຍິງ​ຕ່າງ​ກໍ​ມາ​ຮ້ອງລຳ​ທຳເພງ​ເພື່ອ​ກ່ອມ​ອາຣົມ​ຂ້າພະເຈົ້າ ແລະ​ຂ້າພະເຈົ້າ​ໄດ້​ຜູ້ຍິງ​ທັງໝົດ ທີ່​ຜູ້ຊາຍ​ທັງຫລາຍ​ຕ່າງ​ກໍ​ປາຖະໜາ​ມາ​ເຊີຍຊົມ.

ປັນຍາຈານ 2:8 Jak'a apnaqawi uñst'ayäwi

2 ຊາມູເອນ 19:35

ຂ້ານ້ອຍ​ອາຍຸ​ໄດ້​ແປດສິບ​ປີ​ແລ້ວ; ຄົງ​ບໍ່ມີ​ສິ່ງໃດ​ທີ່​ຈະ​ເຮັດ​ໃຫ້​ຂ້ານ້ອຍ​ມີ​ຄວາມສຸກ​ໄດ້​ດອກ. ເວລາ​ທີ່​ຂ້ານ້ອຍ​ກິນ​ຫລື​ດື່ມ ມັນ​ກໍ​ບໍ່ມີ​ຣົດຊາດ ແລະ​ຂ້ານ້ອຍ​ຟັງ​ສຽງ​ຄົນ​ຮ້ອງເພງ​ກໍ​ບໍ່ໄດ້ຍິນ. ທ່ານ​ຈະ​ລຳບາກ​ຍ້ອນ​ຂ້ານ້ອຍ​ລ້າໆ.

1 ກະສັດ 10:10

ແລ້ວ​ຣາຊີນີ​ກໍໄດ້​ຖວາຍ​ຂອງຂວັນ ທີ່​ນຳ​ມາ​ໃຫ້​ກະສັດ​ໂຊໂລໂມນ ຊຶ່ງ​ມີ​ຄຳ​ໜັກ​ປະມານ​ຫ້າ​ໂຕນ ແລະ​ເຄື່ອງເທດ​ກັບ​ເພັດພອຍ​ເປັນ​ຈຳນວນ​ຫລວງຫລາຍ. ເຄື່ອງເທດ​ທີ່​ຣາຊີນີ​ແຫ່ງ​ເຊບາ​ໄດ້​ມອບ​ໃຫ້​ກະສັດ​ໂຊໂລໂມນ​ນັ້ນ ມີ​ຫລາຍກວ່າ​ທຸກຄັ້ງ​ທີ່​ເພິ່ນ​ເຄີຍ​ໄດ້​ຮັບ​ມາ. (

1 ກະສັດ 10:14

ທຸກ​ປີ​ໃດ​ກະສັດ​ໂຊໂລໂມນ​ໄດ້​ຮັບ​ຄຳ​ໜັກ​ເກືອບ​ເຖິງ​ຊາວຫ້າ​ໂຕນ

1 ກະສັດ 10:21

ຈອກ​ທັງໝົດ​ທີ່​ກະສັດ​ໂຊໂລໂມນ​ໃຊ້​ດື່ມ​ແມ່ນ​ໄດ້​ເຮັດ​ດ້ວຍ​ຄຳ ແລະ​ເຄື່ອງໃຊ້​ທຸກຢ່າງ​ທີ່​ຢູ່​ໃນ​ຫ້ອງ​ໂຖງ​ແຫ່ງ​ດົງ​ເລບານອນ​ກໍ​ເຮັດ​ດ້ວຍ​ຄຳ​ນໍ້າໜຶ່ງ. ບໍ່ມີ​ສິ່ງໃດ​ທີ່​ເຮັດ​ດ້ວຍ​ເງິນ ເພາະ​ເງິນ​ໃນ​ສະໄໝ​ຂອງ​ກະສັດ​ໂຊໂລໂມນ​ຖື​ວ່າ​ເປັນ​ຂອງ​ບໍ່​ມີ​ຄ່າ.

1 ກະສັດ 11:3

ກະສັດ​ໂຊໂລໂມນ​ມີ​ເມຍ​ທີ່​ເປັນ​ເຈົ້າຍິງ​ເຈັດຮ້ອຍ​ຄົນ ແລະ​ຍັງ​ມີ​ເມຍນ້ອຍ​ສາມຮ້ອຍ​ຄົນ. ພວກ​ຍິງ​ເຫຼົ່ານີ້​ໄດ້​ເຮັດ​ໃຫ້​ເພິ່ນ​ຫັນໜີ​ຈາກ​ພຣະເຈົ້າ

1 ກະສັດ 14:27

ດັ່ງນັ້ນ ກະສັດ​ເຣໂຫໂບອາມ​ຈຶ່ງ​ໄດ້​ເຮັດ​ໂລ້​ທອງສຳຣິດ​ໄວ້​ແທນ, ແລ້ວ​ມອບ​ໃຫ້​ພວກ​ນາຍ​ທະຫານ​ປະຈຳວັງ​ເກັບ​ຮັກສາ​ໄວ້.

1 ກະສັດ 9:14

ກະສັດ​ຮີຣາມ​ໄດ້​ສົ່ງ​ຄຳ​ໄປ​ໃຫ້​ກະສັດ​ໂຊໂລໂມນ ໜັກ​ເກືອບ​ຫ້າພັນ​ກິໂລກຼາມ.

1 ກະສັດ 9:28

ພວກເຂົາ​ຂີ່​ເຮືອ​ໄປ​ເມືອງ​ໂອເຟຍ ແລະ​ໄດ້​ນຳ​ເອົາ​ຄຳ​ໜັກ​ປະມານ​ສິບຫ້າ​ໂຕນ ມາ​ໃຫ້​ກະສັດ​ໂຊໂລໂມນ.

1 ຂ່າວຄາວ 25:1

ກະສັດ​ດາວິດ​ແລະ​ບັນດາ​ຜູ້ນຳ​ຂອງ​ຊາວ​ເລວີ​ໄດ້​ເລືອກ​ຫົວໜ້າ​ຕະກຸນ ເພື່ອ​ໃຫ້​ນຳ​ການ​ນະມັດສະການ ມີ​ດັ່ງນີ້: ອາສັບ, ເຮມານ ແລະ​ເຢດູທູນ. ພວກເຂົາ​ປະກາດ​ຖ້ອຍຄຳ​ຂອງ​ພຣະເຈົ້າ ປະສົມ​ປະສານ​ກັບ​ການ​ບັນເລງ​ພິນ ແລະ​ຕົບແສ່ງ. ລາຍຊື່​ຂອງ​ບຸກຄົນ​ທີ່​ໄດ້​ຖືກ​ຄັດເລືອກ​ໃຫ້​ນຳ​ການ​ນະມັດສະການ ພ້ອມ​ກັບ​ໜ້າທີ່​ຂອງ​ແຕ່ລະ​ກຸ່ມ​ທີ່​ຕົນ​ສັງກັດ​ຢູ່​ມີ​ດັ່ງນີ້:

1 ຂ່າວຄາວ 25:6

ລູກຊາຍ​ທຸກຄົນ​ຕົບແສ່ງ​ກັບ​ດີດພິນ​ພາຍໃຕ້​ການ​ຊີ້ນຳ​ຂອງ​ຜູ້​ເປັນ​ພໍ່ ເພື່ອ​ປະສົມ​ປະສານ​ການ​ນະມັດສະການ​ໃນ​ວິຫານ​ຂອງ​ພຣະເຈົ້າຢາເວ. ສ່ວນ​ອາສັບ, ເຢດູທູນ ແລະ​ເຮມານ ແມ່ນ​ຢູ່​ໃຕ້​ຄຳສັ່ງ​ຂອງ​ກະສັດ.

2 ຂ່າວຄາວ 9:11

ກະສັດ​ໂຊໂລໂມນ​ໄດ້​ໃຊ້​ໄມ້​ນັ້ນ​ເຮັດ​ຂັ້ນໄດ​ວິຫານ​ຂອງ​ພຣະເຈົ້າຢາເວ ແລະ​ເຮັດ​ວັງ​ຂອງ​ເພິ່ນ​ເອງ ທັງ​ເຮັດ​ພິນນ້ອຍ ແລະ​ພິນໃຫຍ່​ໃຫ້​ພວກ​ນັກດົນຕຼີ. ໃນ​ດິນແດນ​ແຫ່ງ​ຢູດາຍ​ບໍ່ເຄີຍ​ເຫັນ​ເຊັ່ນນີ້​ມາ​ກ່ອນ​ເລີຍ.

ເອຊະຣາ 2:65

ຄົນ​ຮັບໃຊ້​ຊາຍ​ຍິງ​ຂອງ​ພວກເຂົາ 7.337 ຄົນ; ນັກດົນຕຼີ​ຊາຍ​ຍິງ - 200 ຄົນ

ປັນຍາຈານ 1:2

ປັນຍາຈານ​ໄດ້​ເວົ້າ​ວ່າ, ອະນິຈັງ ອະນິຈັງ ຊີວິດ​ນີ້​ອະນິຈັງ ທຸກສິ່ງ​ລ້ວນແຕ່​ອະນິຈັງ​ທັງສິ້ນ.

ດານີເອນ 3:15

ແຕ່​ບັດນີ້ ພໍ​ພວກເຈົ້າ​ໄດ້ຍິນ​ສຽງ​ແກ, ສຽງ​ປີ່, ສຽງ​ພິນໃຫຍ່, ສຽງ​ກະຈັບປີ່, ສຽງ​ພິນນ້ອຍ ແລະ​ສຽງດົນຕຼີ​ອື່ນໆ​ດັງ​ຂຶ້ນ ໃຫ້​ພາກັນ​ກົ້ມ​ລົງ ແລະ​ຂາບໄຫວ້​ຮູບປັ້ນ​ນັ້ນ. ຖ້າ​ພວກເຈົ້າ​ບໍ່​ຂາບໄຫວ້ ພວກເຈົ້າ​ຈະ​ຕ້ອງ​ຖືກ​ໂຍນ​ເຂົ້າ​ເຕົາໄຟ​ອັນ​ຮ້ອນ​ທັນທີ. ພວກເຈົ້າ​ຄິດວ່າ ຈະ​ມີ​ພະ​ອົງໃດ​ຊ່ວຍ​ພວກເຈົ້າ​ໃຫ້​ພົ້ນ​ໄດ້​ຊັ້ນບໍ?”

ດານີເອນ 3:5

ພວກທ່ານ​ຈະ​ໄດ້ຍິນ​ສຽງ​ແກ, ສຽງ​ປີ່, ສຽງ​ພິນໃຫຍ່, ສຽງ​ກະຈັບປີ່ ແລະ​ສຽງ​ພິນນ້ອຍ; ແລ້ວ​ສຽງ​ເຄື່ອງ​ດົນຕຼີ​ອື່ນໆ​ກໍ​ຈະ​ດັງ​ປະສານກັນ​ໄປ. ພໍ​ສຽງ​ດົນຕຼີ​ດັງ​ຂຶ້ນ ໃຫ້​ພວກທ່ານ​ກົ້ມ​ຂາບໄຫວ້​ຮູບປັ້ນ​ເປັນ​ຄຳ ທີ່​ກະສັດ​ເນບູ​ກາດເນັດຊາ​ໄດ້​ຕັ້ງ​ຂຶ້ນ.

ດານີເອນ 3:7

ເພາະສະນັ້ນ ພໍ​ສຽງ​ດົນຕຼີ​ດັງ​ຂຶ້ນ ປະຊາຊົນ​ຈາກ​ທຸກ​ຊົນຊາດ, ທຸກ​ເຊື້ອຊາດ ແລະ​ທຸກ​ພາສາ ກໍໄດ້​ຂາບໄຫວ້​ຮູບປັ້ນ​ເປັນ​ຄຳ ທີ່​ກະສັດ​ເນບູ​ກາດເນັດຊາ​ໄດ້​ຕັ້ງ​ຂຶ້ນ.

ອາໂມດ 6:5

ພວກເຈົ້າ​ມັກ​ແຕ່ງ​ເພງ​ດັ່ງ​ດາວິດ​ໄດ້​ແຕ່ງ ແລະ​ມັກ​ດີດ​ກິດຕາ​ບັນເລງ​ເພງ​ນັ້ນ​ໄປ​ພ້ອມ.