ປັນຍາຈານ 2:4 - ພຣະຄຳພີສັກສິ

⁴ ຂ້າພະເຈົ້າ​ໄດ້​ເຮັດ​ວຽກງານ​ທີ່​ຍິ່ງໃຫຍ່​ສຳເລັດ ຂ້າພະເຈົ້າ​ໄດ້​ປຸກ​ເຮືອນ​ໄວ້​ຫລາຍ​ຫລັງ ແລະ​ປູກ​ສວນອະງຸ່ນ​ໄວ້​ຫລາຍ​ບ່ອນ​ເພື່ອ​ຕົນເອງ.

ປັນຍາຈານ 2:4 Jak'a apnaqawi uñst'ayäwi

ປະຖົມມະການ 11:4

ພວກເຂົາ​ເວົ້າ​ວ່າ, “ບັດ​ນີ້ ຈົ່ງ​ພາກັນ​ສ້າງ​ເມືອງ​ກັບ​ທັງ​ໃຫ້​ມີ​ຫໍຄອຍ​ທີ່​ມີ​ຍອດ​ສູງ​ຈຸ​ຟ້າ​ສະຫວັນ ເພື່ອ​ພວກເຮົາ​ຈະ​ໄດ້​ສ້າງ​ຊື່ສຽງ​ໄວ້ ແລະ​ຈະ​ບໍ່​ຖືກ​ພັດພາກ​ຈາກ​ກັນ​ໄປ​ທົ່ວ​ເທິງ​ແຜ່ນດິນ​ໂລກນີ້.”

2 ຊາມູເອນ 18:18

ເມື່ອ​ອັບຊາໂລມ​ຍັງ​ມີ​ຊີວິດ​ຢູ່​ນັ້ນ ລາວ​ໄດ້​ສ້າງ​ອະນຸສາວະລີ​ສ່ວນຕົວ​ໄວ້​ທີ່​ຮ່ອມພູ​ຂອງ​ກະສັດ ເພາະ​ລາວ​ບໍ່ມີ​ລູກຊາຍ​ໄວ້​ສືບໜໍ່​ແທນແນວ. ດັ່ງນັ້ນ ອັບຊາໂລມ​ຈຶ່ງ​ເອີ້ນ​ຊື່​ອະນຸສາວະລີ​ນັ້ນ​ຕາມ​ຊື່​ຂອງຕົນ ແລະ​ທຸກ​ວັນ​ນີ້​ກໍ​ຍັງ​ເປັນ​ທີ່​ຮູ້ຈັກ​ກັນ​ວ່າ ອະນຸສາວະລີ​ອັບຊາໂລມ.

1 ກະສັດ 15:19

“ຂໍ​ໃຫ້​ພວກເຮົາ​ເປັນ​ພັນທະມິດ​ກັນ ຕາມ​ທີ່​ພໍ່​ຂອງ​ພວກເຮົາ​ເຄີຍ​ໄດ້​ເປັນ​ມາ​ນັ້ນ. ເງິນ​ແລະ​ຄຳ​ເຫຼົ່ານີ້​ເປັນ​ຂອງຂວັນ​ສຳລັບ​ທ່ານ. ຂໍ​ໃຫ້​ທ່ານ​ເລີກ​ເປັນ​ພັນທະມິດ​ກັບ​ບາອາຊາ​ກະສັດ​ແຫ່ງ​ອິດສະຣາເອນ ເພື່ອ​ວ່າ​ລາວ​ຈະ​ໄດ້​ຖອນ​ກອງທັບ​ຂອງ​ລາວ​ອອກ​ໄປ​ຈາກ​ເຂດແດນ​ຂອງ​ຂ້າພະເຈົ້າ.”

1 ກະສັດ 9:1

ຫລັງຈາກ​ກະສັດ​ໂຊໂລໂມນ​ສ້າງ​ພຣະວິຫານ​ຂອງ​ພຣະເຈົ້າຢາເວ, ຣາຊວັງ ແລະ​ທຸກໆ​ສິ່ງ​ທີ່​ເພິ່ນ​ຢາກ​ສ້າງ​ນັ້ນ​ສຳເລັດ​ລົງ​ແລ້ວ;

2 ຂ່າວຄາວ 26:10

ເພິ່ນ​ໄດ້​ສ້າງ​ຫໍຄອຍ​ທີ່​ມີ​ປ້ອມ​ປ້ອງກັນ​ນອກເມືອງ​ເຊັ່ນກັນ ພ້ອມ​ທັງ​ໄດ້​ຂຸດ​ອ່າງ​ເກັບ​ນໍ້າ​ໄວ້​ດ້ວຍ ຍ້ອນ​ເພິ່ນ​ມີ​ຝູງງົວ​ຢ່າງ​ຫລວງຫລາຍ​ຢູ່​ຕາມ​ຈ້າຍ​ພູ​ແລະ​ຕາມ​ທົ່ງພຽງ. ຍ້ອນ​ເພິ່ນ​ມັກ​ການ​ປູກຝັງ ເພິ່ນ​ຈຶ່ງ​ສົ່ງເສີມ​ປະຊາຊົນ​ໃຫ້​ປູກ​ຕົ້ນອະງຸ່ນ​ຕາມ​ເມືອງ​ພູດອຍ​ແລະ​ໃຫ້​ເຮັດ​ສວນ​ຕາມ​ດິນ​ທີ່​ອຸດົມສົມບູນ.

2 ຂ່າວຄາວ 8:11

ໂຊໂລໂມນ​ໄດ້​ຍ້າຍ​ເມຍ​ຂອງ​ເພິ່ນ ລູກສາວ​ຂອງ​ກະສັດ​ແຫ່ງ​ເອຢິບ​ອອກ​ຈາກ​ເມືອງ​ຂອງ​ດາວິດ ແລະ​ໃຫ້​ໄປ​ຢູ່​ໃນ​ເຮືອນ​ທີ່​ເພິ່ນ​ໄດ້​ສ້າງ​ສຳລັບ​ນາງ​ໂດຍ​ສະເພາະ. ເພິ່ນ​ເວົ້າ​ວ່າ, “ນາງ​ບໍ່​ສົມຄວນ​ຢູ່​ໃນ​ວັງ​ຂອງ​ກະສັດ​ແຫ່ງ​ອິດສະຣາເອນ ເພາະ​ບ່ອນໃດ​ທີ່​ມີ​ຫີບ​ຂອງ​ພຣະເຈົ້າຢາເວ​ກໍ​ເປັນ​ບ່ອນ​ສັກສິດ.”

ເພງ^ສັນລະເສີນ 49:11

ຂຸມຝັງສົບ ເປັນ​ບ້ານ​ເຮືອນ​ຂອງ​ເຂົາ​ຕະຫຼອດໄປ ແມ່ນ​ວ່າ​ຄັ້ງ​ໜຶ່ງ​ພວກເຂົາ​ມີ​ທີ່ດິນ​ເປັນ​ຂອງ​ຕົນເອງ​ກໍຕາມ.

ຍອດເພງ 1:14

ຄົນຮັກ​ຂອງນ້ອງ​ເປັນ​ດັ່ງ​ບັນດາ​ດອກໄມ້​ປ່າ ທີ່​ຈູມບານ​ອອກ​ດອກ​ໃນ​ສວນອະງຸ່ນ​ທີ່​ເອນເກດີ.

ຍອດເພງ 7:12

ພວກເຮົາ​ຈະ​ລຸກ​ແຕ່​ເຊົ້າ​ເພື່ອ​ໄປ​ເບິ່ງ​ເຄືອ​ອະງຸ່ນ ເບິ່ງ​ວ່າ​ເຄືອ​ອະງຸ່ນ​ປົ່ງ​ຍອດ​ແລ້ວ​ຫລື​ບໍ່ ເລາະ​ເບິ່ງ​ຕົ້ນໄມ້ ເບິ່ງ​ຕົ້ນ​ໝາກພີລາ​ທີ່ນັ້ນ​ຄືກັນ ແລະ​ນ້ອງ​ຈະ​ມອບ​ຄວາມຮັກ​ໃຫ້​ແກ່​ອ້າຍ​ທີ່ນັ້ນ.

ເອຊາຢາ 5:1

ເມື່ອ​ຂ້ອຍ​ຮ້ອງເພງ​ນີ້ ຂໍ​ທ່ານ​ຈົ່ງ​ຟັງ​ເອົາ​ເດີ​ ທີ່​ເອີ່ຍ​ເຖິງ​ສວນອະງຸ່ນ​ກັບ​ໝູ່ເພື່ອນ​ຂອງຂ້ອຍ: ເພື່ອນ​ຂອງຂ້ອຍ​ມີ​ສວນອະງຸ່ນ​ຕອນ​ໜຶ່ງ ຊຶ່ງ​ສວນ​ນີ້​ຕັ້ງ​ຢູ່​ຕາມ​ເນີນພູ​ທີ່​ມີ​ດິນ​ດີ.

ດານີເອນ 4:30

ເພິ່ນ​ໄດ້​ກ່າວ​ວ່າ, “ເບິ່ງດູ ນະຄອນ​ບາບີໂລນ​ນີ້​ເປັນ​ເມືອງ​ໃຫຍ່​ຫລາຍ ເຮົາ​ໄດ້​ສ້າງ​ໃຫ້​ເປັນ​ເມືອງ​ຫລວງ​ຂອງເຮົາ ເພື່ອ​ສະແດງ​ເຖິງ​ອຳນາດ ແລະ​ຄວາມ​ຍິ່ງໃຫຍ່ ກຽດຕິຍົດ ແລະ​ສະຫງ່າຣາສີ​ຂອງເຮົາ.”