ປັນຍາຈານ 12:7 - ພຣະຄຳພີສັກສິ

⁷ ຮ່າງກາຍ​ຂອງ​ພວກເຮົາ​ຈະ​ກັບ​ເປັນ​ຂີ້ຝຸ່ນ​ດິນ​ອີກ ແລະ​ຈິດວິນຍານ​ຂອງ​ພວກເຮົາ​ກໍ​ຈະ​ກັບຄືນ​ໄປ​ຫາ​ພຣະເຈົ້າ ຜູ້​ຊົງ​ປະທານ​ໃຫ້​ນັ້ນ.

ປັນຍາຈານ 12:7 Jak'a apnaqawi uñst'ayäwi

ປະຖົມມະການ 18:27

ອັບຣາຮາມ​ໄດ້ຕອບ​ແລະ​ກ່າວ​ຕື່ມ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ຂໍໂຜດ​ຍົກໂທດ​ໃຫ້​ແກ່​ຂ້ານ້ອຍ ທີ່​ກ້າ​ກ່າວ​ຕໍ່​ພຣະອົງ​ອີກ. ຂ້ານ້ອຍ​ເປັນ​ພຽງແຕ່​ມະນຸດ​ເທົ່ານັ້ນ ແລະ​ບໍ່ມີ​ສິດ​ທີ່​ຈະ​ກ່າວ​ຫຍັງ.

ປະຖົມມະການ 2:7

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ເອົາ​ຂີ້ດິນ​ແຕ່​ພື້ນດິນ ມາ​ປັ້ນ​ເປັນ​ຊາຍ ແລະ​ເປົ່າ​ລົມຫາຍໃຈ​ໃສ່​ຮູ​ດັງ​ຂອງ​ຊາຍ​ທີ່​ຖືກ​ປັ້ນ​ຂຶ້ນ​ມາ​ນັ້ນ​ໃຫ້​ມີ​ຊີວິດ ແລະ​ຊາຍ​ທີ່​ຖືກ​ປັ້ນ​ນັ້ນ​ກໍໄດ້​ເລີ່ມ​ມີ​ຊີວິດ.

ປະຖົມມະການ 3:19

ເຈົ້າ​ຈະ​ເຮັດ​ວຽກ​ໜັກ​ຈົນ​ເຫື່ອ​ໄຫລ​ໄຄ​ຍ້ອຍ​ອອກ​ມາ; ເພື່ອ​ຈະ​ເຮັດ​ໃຫ້​ດິນ​ເກີດຜົນ​ພຽງພໍ​ລ້ຽງ​ຊີວິດ​ເຈົ້າ. ຈົນກວ່າ​ເຈົ້າ​ຄືນ​ໄປ​ສູ່​ດິນ​ທີ່​ເຈົ້າ​ຖືກ​ສ້າງ​ຂຶ້ນ​ມາ; ເຈົ້າ​ຖືກ​ສ້າງ​ມາ​ແຕ່​ດິນ ເຈົ້າ​ຈະ​ຄືນ​ໄປ​ເປັນ​ດິນ​ອີກ.”

ພຣະທຳ​ໂຢບ 20:11

ຮ່າງກາຍ​ຂອງ​ພວກເຂົາ​ເຄີຍ​ໜຸ່ມແໜ້ນ​ແລະ​ແຂງແຮງ ແຕ່​ກໍ​ຈະ​ຖືກ​ປ່ຽນແປງ​ໃຫ້​ເປັນ​ຂີ້ຝຸ່ນ​ດິນ​ໄວໆ​ນີ້.

ພຣະທຳ​ໂຢບ 7:21

ຈົນ​ວ່າ​ພຣະອົງ​ຍົກໂທດ​ໃຫ້​ຂ້ານ້ອຍ​ບໍ່​ໄດ້ບໍ? ຈົນ​ພຣະອົງ​ອະໄພ​ຄວາມຜິດ​ໃຫ້​ຂ້ານ້ອຍ​ບໍ່ໄດ້. ຍັງ​ບໍ່ດົນດອກ ຂ້ານ້ອຍ​ຈະ​ໄປ​ຢູ່​ໃນ​ຂຸມຝັງສົບ ຈາກ​ໄປ​ເມື່ອ​ພຣະອົງ​ແນມຫາ​ຂ້ານ້ອຍ​ຢູ່.”

ເພງ^ສັນລະເສີນ 103:14

ພຣະອົງ​ຮູ້​ດີ​ວ່າ​ພວກເຮົາ​ຖືກ​ສ້າງ​ມາ​ຢ່າງໃດ ແລະ​ຈົດຈຳ​ໄວ້​ວ່າ​ພວກເຮົາ​ເປັນ​ພຽງແຕ່​ຂີ້ຝຸ່ນ​ດິນ​ເທົ່ານັ້ນ.

ເພງ^ສັນລະເສີນ 104:29

ເວລາ​ພຣະອົງ​ຫັນໜ້າ​ໜີ​ມັນ​ກໍ​ເກີດ​ຢ້ານກົວ ເມື່ອ​ຖອດ​ລົມຫາຍໃຈ​ຄືນ ພວກ​ມັນ​ກໍ​ຕາຍ​ແລະ​ກັບ​ກາຍເປັນ​ຂີ້ດິນ​ອີກ.

ເພງ^ສັນລະເສີນ 146:4

ເວລາ​ພວກເຂົາ​ຕາຍ​ກໍ​ຈະ​ກັບຄືນ​ເປັນ​ຂີ້ຝຸ່ນ​ດິນ ແລ້ວ​ແຜນການ​ຂອງ​ພວກເຂົາ​ທັງໝົດ​ກໍ​ເຖິງ​ທີ່​ຈົບສິ້ນ.

ເພງ^ສັນລະເສີນ 31:6

ຜູ້​ທີ່​ຂາບໄຫວ້​ຮູບເຄົາຣົບ​ນັ້ນ ພຣະອົງ​ກຽດຊັງ​ຫລາຍ ແຕ່​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ.

ເພງ^ສັນລະເສີນ 90:3

ພຣະອົງ​ບອກ​ໃຫ້​ມະນຸດ​ຄືນ​ໄປ​ສູ່​ບ່ອນ​ທີ່​ເຂົາ​ມາ ແລະ​ປ່ຽນ​ມະນຸດ​ໃຫ້​ກັບຄືນ​ເປັນ​ຂີ້ຝຸ່ນ​ດິນ​ອີກ.

ເອຊາຢາ 57:16

ເຮົາ​ໄດ້​ໃຫ້​ຊີວິດ​ແກ່​ປະຊາຊົນ​ຂອງເຮົາ ແລະ​ເຮົາ​ຈະ​ບໍ່​ສືບຕໍ່​ກ່າວຫາ​ຫລື​ໂກດຮ້າຍ​ພວກເຂົາ​ຕະຫລອດໄປ.

ເຢເຣມີຢາ 38:16

ດັ່ງນັ້ນ ກະສັດ​ເຊເດກີຢາ​ຈຶ່ງ​ສັນຍາ​ກັບ​ຂ້າພະເຈົ້າ​ເປັນ​ທາງ​ລັບ​ວ່າ, “ເຮົາ​ຂໍ​ສາບານ​ໂດຍ​ພຣະເຈົ້າຢາເວ​ອົງ​ຊົງ​ພຣະຊົນຢູ່ ຄື​ພຣະເຈົ້າ​ອົງ​ໃຫ້​ຊີວິດ​ແກ່​ພວກເຮົາ​ວ່າ ເຮົາ​ຈະ​ບໍ່​ລົງໂທດ​ເຈົ້າ​ໃຫ້​ເຖິງ​ຕາຍ ຫລື​ຈະ​ບໍ່​ມອບ​ເຈົ້າ​ໄວ້​ໃນ​ກຳມື​ຂອງ​ຄົນ​ທີ່​ຢາກ​ຈະ​ຂ້າ​ເຈົ້າ.”

ດານີເອນ 12:2

ຫລາຍ​ຄົນ​ໃນ​ພວກ​ເຫຼົ່ານີ້​ທີ່​ຕາຍໄປ​ແລ້ວ ຈະ​ມີ​ຊີວິດ​ອີກ ຄື​ບາງຄົນ​ຈະ​ມີ​ຄວາມ​ພໍອົກພໍໃຈ​ກັບ​ຊີວິດ​ອັນ​ຕະຫລອດໄປ​ເປັນນິດ; ບາງຄົນ​ຈະ​ທົນ​ທຸກຢ່າງ​ອັບອາຍ​ຕະຫລອດໄປ.

ເຊກາຣີຢາ 12:1

ຕໍ່ໄປນີ້​ແມ່ນ​ຖ້ອຍຄຳ​ທີ່​ມາ​ຈາກ​ພຣະເຈົ້າຢາເວ ເຖິງ​ຊາດ​ອິດສະຣາເອນ: ພຣະເຈົ້າຢາເວ​ອົງ​ໄດ້​ກາງ​ຈັກກະວານ​ອອກ ໄດ້​ນິຣະມິດ​ສ້າງ​ແຜ່ນດິນ​ໂລກ ແລະ​ໄດ້​ໃຫ້​ຊີວິດ​ແກ່​ມວນ​ມະນຸດ. ພຣະອົງ​ກ່າວ​ວ່າ,

ຈົດບັນຊີ 16:22

ແຕ່​ໂມເຊ​ແລະ​ອາໂຣນ​ຂາບລົງ​ດິນ ທູນ​ວ່າ, “ໂອ ຂ້າແດ່​ພຣະເຈົ້າ ອົງ​ເປັນ​ພຣະເຈົ້າ​ແຫ່ງ​ຈິດວິນຍານ​ທັງໝົດ​ຂອງ​ມະນຸດ. ເມື່ອ​ຄົນ​ຜູ້​ດຽວ​ເຮັດ​ບາບ ພຣະອົງ​ຈະ​ໂກດຮ້າຍ​ຊຸມຊົນ​ທັງໝົດ​ຫລື?”

ຈົດບັນຊີ 27:16

“ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຈິດວິນຍານ​ທັງໝົດ​ຂອງ​ມະນຸດ ຂໍ​ພຣະອົງ​ຈົ່ງ​ໄດ້​ແຕ່ງຕັ້ງ​ຊາຍ​ຜູ້ໃດ​ຜູ້ໜຶ່ງ​ທີ່​ສາມາດ​ນຳພາ​ປະຊາຊົນ

ລູກາ 23:46

ພຣະເຢຊູເຈົ້າ​ຮ້ອງ​ຂຶ້ນ​ດ້ວຍ​ສຽງດັງ​ວ່າ, “ພຣະບິດາເຈົ້າ​ເອີຍ ລູກ​ຂໍ​ມອບ​ຈິດ​ວິນຍານ​ຂອງ​ລູກ ໄວ້​ໃນ​ກຳມື​ຂອງ​ພຣະອົງ.” ແລ້ວ​ພຣະອົງ​ກໍ​ຊົງ​ສິ້ນພຣະຊົນ.

ກິດຈະການ 7:59

ພວກເຂົາ​ພາກັນ​ສືບຕໍ່​ແກວ່ງ​ກ້ອນຫີນ​ໃສ່​ຊະເຕຟາໂນ ຂະນະທີ່​ເພິ່ນ​ກຳລັງ​ພາວັນນາ​ອະທິຖານ​ວ່າ, “ຂ້າແດ່​ອົງ​ພຣະເຢຊູເຈົ້າ ຂໍໂຜດ​ຮັບ​ເອົາ​ຈິດ​ວິນຍານ​ຂອງ​ຂ້ານ້ອຍ​ໄວ້​ດ້ວຍ​ເຖີດ.”

ເຮັບເຣີ 12:23

ໄດ້​ມາ​ເຖິງ​ທີ່​ຊຸມນຸມ​ກັນ​ຂອງ​ບັນດາ​ລູກກົກ ຜູ້​ທີ່​ມີ​ຄວາມ​ຊົມຊື່ນ​ຍິນດີ ຊຶ່ງ​ຊື່​ຂອງ​ພວກເຂົາ​ໄດ້​ບັນທຶກ​ໄວ້​ໃນ​ສະຫວັນ​ແລ້ວ, ໄດ້​ມາ​ເຖິງ​ພຣະເຈົ້າ​ຜູ້​ພິພາກສາ​ມະນຸດ​ທຸກຄົນ ແລະ​ມາ​ເຖິງ​ຈິດ​ວິນຍານ​ຂອງ​ບັນດາ​ຄົນ​ຊອບທຳ ຜູ້​ເຖິງ​ທີ່​ສຳເລັດ​ແລ້ວ.

ເຮັບເຣີ 12:9

ອີກ​ປະການ​ໜຶ່ງ ເຮົາ​ທັງຫລາຍ​ມີ​ພໍ່​ເປັນ​ມະນຸດ​ທີ່​ໄດ້​ຕີສອນ​ພວກເຮົາ ແລະ​ພວກເຮົາ​ກໍ​ນັບຖື​ພໍ່​ນັ້ນ. ຫລາຍກວ່າ​ນັ້ນ​ອີກ ພວກເຮົາ​ຄວນ​ຢູ່​ໃຕ້​ບັງຄັບ​ຂອງ​ພຣະບິດາເຈົ້າ​ແຫ່ງ​ບັນດາ​ວິນຍານ​ຈິດ ແລະ​ມີ​ຊີວິດ​ບໍ່ແມ່ນ​ບໍ?