ປັນຍາຈານ 11:5 - ພຣະຄຳພີສັກສິ

⁵ ພຣະເຈົ້າ​ໄດ້​ສ້າງ​ສັບພະທຸກສິ່ງ ແລະ​ເຈົ້າ​ບໍ່​ຮູ້​ວ່າ​ຊີວິດ​ເລີ່ມ​ປະກອບ​ຂຶ້ນ​ຢູ່​ໃນ​ແມ່ຍິງ​ທີ່​ຕັ້ງທ້ອງ​ຢ່າງໃດ ສິ່ງ​ທີ່​ພຣະອົງ​ດຳເນີນການ ເຈົ້າ​ກໍ​ແຮ່ງ​ເຂົ້າໃຈ​ບໍ່ໄດ້.

ປັນຍາຈານ 11:5 Jak'a apnaqawi uñst'ayäwi

ພຣະທຳ​ໂຢບ 37:23

ອຳນາດ​ຂອງ​ພຣະເຈົ້າ​ນັ້ນ​ແສນ​ຍິ່ງໃຫຍ່​ຫລາຍ ຊຶ່ງ​ພວກເຮົາ​ເຂົ້າ​ມາ​ໃກ້ຊິດ​ພຣະອົງ​ບໍ່ໄດ້; ພຣະອົງ​ຊົງ​ຍຸດຕິທຳ​ແທ້​ແລະ​ທ່ຽງທຳ​ຍິ່ງໃຫຍ່ ພຣະອົງ​ໄດ້​ເຮັດ​ກັບ​ມະນຸດ​ໂດຍ​ສິ່ງ​ເຫຼົ່ານີ້​ແຫລະ.

ພຣະທຳ​ໂຢບ 38:4

ເມື່ອ​ເຮົາ​ສ້າງ​ຈັກກະວານ​ນັ້ນ ເຈົ້າ​ຢູ່​ບ່ອນ​ນັ້ນ​ບໍ? ຖ້າ​ເຈົ້າ​ຮູ້​ຫລວງຫລາຍ ຈົ່ງ​ບອກ​ເຮົາ​ມາ​ເບິ່ງ.

ພຣະທຳ​ໂຢບ 5:9

ພວກເຮົາ​ເຂົ້າໃຈ​ບໍ່ໄດ້​ສິ່ງ​ຍິ່ງໃຫຍ່​ທີ່​ພຣະອົງ​ກະທຳ ແລະ​ການ​ອັດສະຈັນ​ອັນ​ບໍ່ມີ​ທີ່​ສິ້ນສຸດ​ເປັນ​ນັ້ນ.

ເພງ^ສັນລະເສີນ 104:24

ຂ້າແດ່​ພຣະເຈົ້າຢາເວ ພຣະອົງ​ໄດ້​ສ້າງ​ຫລາຍ​ສິ່ງ​ຫລາຍແນວ ພຣະອົງ​ໄດ້​ສ້າງ​ສັບພະທຸກສິ່ງ​ໃນ​ຈັກກະວານ​ນີ້. ພຣະອົງ​ໄດ້​ສ້າງ​ສິ່ງ​ເຫຼົ່ານີ້​ຢ່າງ​ສະຫລາດ ແຜ່ນດິນ​ໂລກ​ກໍ​ເຕັມ​ດ້ວຍ​ສິ່ງ​ທີ່​ພຣະອົງ​ໄດ້​ສ້າງ.

ເພງ^ສັນລະເສີນ 40:5

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ພຣະອົງ​ໄດ້​ຊົງ​ກະທຳ​ຫລາຍ​ຢ່າງ​ສຳລັບ​ພວກ​ຂ້ານ້ອຍ ບໍ່ມີ​ຜູ້ໃດ​ຄື​ພຣະອົງ​ທີ່​ເຮັດ​ສິ່ງ​ອັດສະຈັນ​ໃຫ້​ໄດ້​ເຫັນ ຊຶ່ງ​ມີ​ຫລາຍ​ຢ່າງ​ຈົນ​ຂ້ານ້ອຍ​ບໍ່​ສາມາດ​ກ່າວ​ໝົດ​ເພາະ​ມີ​ຫລາຍ​ແທ້ໆ.

ເພງ^ສັນລະເສີນ 92:5

ຂ້າແດ່​ພຣະເຈົ້າຢາເວ ກິດຈະການ​ຂອງ​ພຣະອົງ​ຍິ່ງໃຫຍ່ ຄວາມ​ນຶກຄິດ​ຂອງ​ພຣະອົງ​ກໍ​ເລິກ​ສຸດ​ຍອດ.

ປັນຍາຈານ 1:13

ຂ້າພະເຈົ້າ​ໄດ້​ຕັ້ງໃຈ​ພິຈາລະນາ​ແລະ​ສຶກສາ​ເບິ່ງ ສິ່ງ​ທັງໝົດ​ທີ່​ໄດ້​ເກີດຂຶ້ນ​ໃນ​ໂລກນີ້. ພຣະເຈົ້າ​ໄດ້​ກຳນົດ​ຊາຕາກຳ​ອັນ​ແສນ​ລຳບາກ​ເໜືອ​ມະນຸດ.

ປັນຍາຈານ 1:6

ລົມ​ພັດ​ໄປ​ທາງ​ທິດໃຕ້ ລົມ​ພັດ​ໄປ​ທາງ​ທິດເໜືອ ລົມ​ພັດ​ຜ່ານ​ໄປ ແລະ​ພັດ​ຜ່ານ​ມາ ແລ້ວ​ກໍ​ເລີ່ມ​ພັດ​ໄປ​ຈາກ​ທິດ​ເກົ່າ​ອີກ.

ປັນຍາຈານ 11:4

ຖ້າ​ເຈົ້າ​ລໍຖ້າ​ໃຫ້​ລົມ​ແລະ​ອາກາດ​ເໝາະ​ກ່ອນ ເຈົ້າ​ກໍ​ຈະ​ບໍ່ໄດ້​ປູກຝັງ​ແລະ​ໄດ້​ເກັບກ່ຽວ​ຫຍັງ​ຈັກເທື່ອ.

ປັນຍາຈານ 3:10

ຂ້າພະເຈົ້າ​ຮູ້ຈັກ​ພາລະ​ອັນ​ໜັກໜ່ວງ​ທີ່​ພຣະເຈົ້າ​ວາງ​ໄວ້​ເທິງ​ມະນຸດ.

ປັນຍາຈານ 3:11

ພຣະອົງ​ໄດ້​ຕັ້ງ​ເວລາ​ອັນ​ເໝາະສົມ​ໄວ້​ສຳລັບ​ທຸກສິ່ງ. ພຣະອົງ​ຢາກ​ໃຫ້​ມະນຸດ​ຮູ້ຈັກ​ອະດີດ ແລະ​ອະນາຄົດ, ແຕ່​ມະນຸດ​ເຂົ້າໃຈ​ບໍ່ໄດ້​ຢ່າງ​ເຕັມປ່ຽມ​ຕໍ່​ສິ່ງ​ທີ່​ພຣະອົງ​ໄດ້​ຊົງ​ກະທຳ ຕັ້ງແຕ່​ອະດີດຕະການ​ເຖິງ​ອະວະສານ.

ປັນຍາຈານ 7:24

ຜູ້ໃດ​ແດ່​ຄົ້ນພົບ​ຄວາມໝາຍ​ຂອງ​ຊີວິດ​ໄດ້? ຊ່າງ​ເລິກ​ເກີນໄປ​ສຳລັບ​ພວກເຮົາ ແລະ​ຊ່າງ​ຍາກ​ເກີນກວ່າ​ທີ່​ພວກເຮົາ​ຈະ​ເຂົ້າໃຈ​ໄດ້.

ປັນຍາຈານ 8:17

ແລະ​ບໍ່​ສາມາດ​ເຂົ້າໃຈ​ສິ່ງ​ທີ່​ພຣະເຈົ້າ​ກຳລັງ​ກະທຳການ​ນັ້ນ​ໄດ້​ຈັກເທື່ອ. ເຖິງ​ແມ່ນ​ວ່າ​ເຂົາ​ອົດສາ​ພະຍາຍາມ​ຄົ້ນຫາ​ຈັກ​ພຽງໃດ​ກໍຕາມ ເຂົາ​ກໍ​ຈະ​ພົບ​ບໍ່ໄດ້​ຈັກເທື່ອ. ຄົນມີ​ປັນຍາ​ອາດ​ອວດຕົວ​ວ່າ​ຮູ້, ແຕ່​ວ່າ​ພວກເຂົາ​ບໍ່​ຮູ້.

ເອຊາຢາ 40:28

ພວກເຈົ້າ​ຕັ້ງ​ບໍ່​ຮູ້ ພວກເຈົ້າ​ບໍ່ໄດ້ຍິນ​ບໍ? ພຣະເຈົ້າຢາເວ​ຄື​ພຣະເຈົ້າ​ເປັນ​ຢູ່​ສືບໄປ​ເປັນນິດ; ພຣະອົງ​ເປັນ​ຜູ້​ສ້າງ​ສັບພະທຸກສິ່ງ​ຢູ່​ໃນ​ໂລກ​ເຮົາ ພຣະອົງ​ບໍ່ເຄີຍ​ກ່າວ​ວ່າ​ພຣະອົງ​ອ່ອນແຮງ​ຈັກເທື່ອ ຫລື​ພຣະອົງ​ອິດເມື່ອຍ​ແຕ່​ປະການ​ໃດ​ເລີຍ ບໍ່ມີ​ຜູ້ໃດ​ເຂົ້າໃຈ​ຄວາມຄິດ​ຂອງ​ພຣະອົງ​ໄດ້.

ໂຢຮັນ 3:8

ລົມ​ຢາກ​ພັດ​ໄປ​ທິດ​ໃດ​ກໍ​ພັດ​ໄປ​ທິດ​ນັ້ນ, ເຈົ້າ​ໄດ້ຍິນ​ສຽງ​ຂອງ​ມັນ ແຕ່​ເຈົ້າ​ບໍ່​ຮູ້​ວ່າ​ມັນ​ພັດ​ມາ​ຈາກ​ໃສ ແລະ​ພັດ​ໄປ​ທາງ​ໃດ ທຸກຄົນ​ທີ່​ເກີດ​ມາ​ຈາກ​ພຣະວິນຍານ ກໍ​ເປັນ​ດັ່ງນັ້ນແຫລະ.”

ໂຣມ 11:33

ຄວາມ​ຮັ່ງມີ​ຂອງ​ພຣະເຈົ້າ​ກໍ​ມີ​ຢ່າງ​ລົ້ນເຫລືອ ແລະ​ພຣະ​ສະຕິປັນຍາ ທັງ​ຄວາມ​ຮອບຮູ້​ຂອງ​ພຣະອົງ​ກໍ​ແສນ​ເລີດລໍ້າ ການ​ຕັດສິນ​ຂອງ​ພຣະອົງ ກໍ​ເຫຼືອ​ທີ່​ຈະ​ເຂົ້າໃຈ​ໄດ້ ແລະ​ວິທີ​ທາງ​ຂອງ​ພຣະອົງ ກໍ​ເຫຼືອ​ວິໄສ​ທີ່​ຈະ​ຄົ້ນຄວ້າ​ໄດ້.