ປັນຍາຈານ 11:1 - ພຣະຄຳພີສັກສິ

¹ ຈົ່ງ​ລົງທຶນ​ຄ້າຂາຍ​ກັບ​ຕ່າງ​ປະເທດ ແລະ​ໃນ​ມື້​ໜຶ່ງ​ເຈົ້າ​ກໍ​ຈະ​ໄດ້​ກຳໄລ.

ປັນຍາຈານ 11:1 Jak'a apnaqawi uñst'ayäwi

ສຸພາສິດ 11:18

ຄົນ​ຊົ່ວຮ້າຍ​ບໍ່ໄດ້​ຮັບ​ສິ່ງໃດສິ່ງໜຶ່ງ​ເລີຍ, ແຕ່​ຄົນ​ທີ່​ຫວ່ານ​ຄວາມ​ຊອບທຳ ຍ່ອມ​ໄດ້​ຮັບ​ບຳເໜັດ​ເປັນ​ແນ່ແທ້.

ສຸພາສິດ 19:17

ໃຫ້ທານ​ແກ່​ຄົນທຸກ​ກໍ​ເທົ່າກັບ​ເອົາ​ໃຫ້​ພຣະເຈົ້າຢາເວ​ຢືມ ແລະ​ພຣະອົງ​ຈະ​ຈ່າຍ​ຄືນ​ໃຫ້​ແກ່​ຜູ້​ທີ່​ເຮັດ​ເຊັ່ນນັ້ນ.

ສຸພາສິດ 22:9

ຈົ່ງ​ແບ່ງ​ອາຫານ​ໃຫ້​ຄົນທຸກ​ດ້ວຍ​ໃຈ​ສັດທາ ແລະ​ພຣະພອນ​ກໍ​ຈະ​ເປັນ​ຂອງເຈົ້າ.

ປັນຍາຈານ 11:6

ຈົ່ງ​ປູກຝັງ​ໃນ​ຕອນເຊົ້າ​ແລະ​ໃນ​ຕອນແລງ​ດ້ວຍ. ເຈົ້າ​ບໍ່​ຮູ້​ດອກ​ວ່າ​ມັນ​ຈະ​ງອກງາມ​ໝົດ ຫລື​ຕົ້ນໜຶ່ງ​ຈະ​ດີກວ່າ​ຕົ້ນອື່ນ​ອີກ.

ປັນຍາຈານ 3:6

ພຣະອົງ​ຕັ້ງ​ເວລາ​ສຳລັບ​ພົບພໍ້ ແລະ​ເວລາ​ສຳລັບ​ສູນເສຍ​ໄປ ເວລາ​ສຳລັບ​ເກັບ​ຮັກສາ​ໄວ້ ແລະ​ເວລາ​ສຳລັບ​ໂຍນ​ຖິ້ມ​ໄປ

ເອຊາຢາ 32:20

ທຸກຄົນ​ຈະ​ມີ​ຄວາມສຸກ​ຫລາຍ​ສໍ່າໃດ ໃນ​ເມື່ອ​ຢູ່​ທີ່ນັ້ນ​ມີ​ນໍ້າ​ຢ່າງ​ສົມບູນ​ສຳລັບ​ເຄື່ອງປູກ​ຂອງຝັງ ແລະ​ມີ​ທົ່ງຫຍ້າ​ໃຫ້​ລໍ ແລະ​ຝູງແກະ​ກິນ​ຫຍ້າ​ຢ່າງ​ປອດໄພ.

ເອຊາຢາ 32:8

ແຕ່​ຄົນ​ທີ່​ມີ​ກຽດ​ກະທຳ​ຢ່າງ​ສັດຊື່ ແລະ​ຕັ້ງ​ໝັ້ນຄົງ​ຢູ່​ໃນ​ຄວາມ​ຖືກຕ້ອງ.

ລະບຽບ^ພວກເລວີ 19:25

ແຕ່​ໃນ​ປີ​ທີ​ຫ້າ ພວກເຈົ້າ​ກິນ​ໝາກໄມ້​ນັ້ນ​ໄດ້. ຖ້າ​ພວກເຈົ້າ​ປະຕິບັດ​ຕາມ​ສິ່ງ​ທັງໝົດ​ນີ້ ຕົ້ນໄມ້​ຂອງ​ພວກເຈົ້າ​ກໍ​ຈະ​ເກີດ​ໝາກ​ຢ່າງ​ຫລວງຫລາຍ. ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.

ມັດທາຍ 10:13

ຖ້າ​ໄທ​ເຮືອນ​ນັ້ນ​ສົມຄວນ​ຮັບ​ພຣະພອນ ກໍ​ຂໍ​ໃຫ້​ສັນຕິສຸກ​ຂອງ​ເຈົ້າ​ຢູ່​ນຳ​ເຮືອນ​ນັ້ນ, ແຕ່​ຖ້າ​ໄທ​ເຮືອນ​ນັ້ນ​ບໍ່​ສົມຄວນ​ຮັບ​ພຣະພອນ ກໍ​ໃຫ້​ສັນຕິສຸກ​ນັ້ນ​ກັບຄືນ​ມາ​ສູ່​ພວກເຈົ້າ.

ມັດທາຍ 10:42

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຖ້າ​ຜູ້ໃດ​ຈະ​ເອົາ​ນໍ້າ​ເຢັນ​ພຽງ​ຈອກ​ດຽວ ໃຫ້​ຜູ້​ຕໍ່າຕ້ອຍ​ທີ່ສຸດ​ໃນ​ຈຳພວກ​ນີ້​ດື່ມ ເພາະ​ເປັນ​ສິດ​ຂອງເຮົາ ຜູ້ນັ້ນ​ກໍ​ຈະ​ໄດ້​ຮັບ​ບຳເໜັດ​ຢ່າງ​ແນ່ນອນ.”

ມັດທາຍ 25:17

ຄົນ​ຮັບໃຊ້​ຜູ້​ທີ່​ໄດ້​ຮັບ​ເງິນ​ສອງ​ຕະລັນຕົນ ກໍໄດ້​ກຳໄລ​ເທົ່າ​ຕົວ​ເໝືອນກັນ.

ມັດທາຍ 25:40

ຈອມ​ກະສັດ​ຈະ​ຕອບ​ວ່າ, ‘ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ເມື່ອ​ພວກເຈົ້າ​ໄດ້​ເຮັດ​ສິ່ງ​ເຫຼົ່ານີ້ ແກ່​ຜູ້​ທີ່​ຕໍ່າຕ້ອຍ​ທີ່ສຸດ​ຄົນ​ໜຶ່ງ​ໃນ​ພວກ​ພີ່ນ້ອງ​ເຫຼົ່ານີ້​ຂອງເຮົາ, ພວກເຈົ້າ​ກໍໄດ້​ເຮັດ​ແກ່​ເຮົາ​ເໝືອນກັນ.’

ລູກາ 14:14

ແລ້ວ​ເຈົ້າ​ກໍ​ຈະ​ເປັນ​ສຸກ ເພາະ​ພວກເຂົາ​ບໍ່ມີ​ຫຍັງ​ຈະ​ຕອບ​ແທນ​ເຈົ້າ, ແຕ່​ພຣະເຈົ້າ​ຈະ​ຕອບ​ແທນ​ເຈົ້າ ເມື່ອ​ຄົນ​ຊອບທຳ​ເປັນ​ຄືນ​ມາ​ຈາກ​ຕາຍ.”

2 ໂກຣິນໂທ 9:6

ດັ່ງນີ້ແຫລະ ຄົນ​ທີ່​ຫວ່ານ​ພຽງ​ເລັກນ້ອຍ ກໍ​ເກັບກ່ຽວ​ໄດ້​ພຽງ​ເລັກນ້ອຍ ແລະ​ຄົນ​ທີ່​ຫວ່ານ​ຫລາຍ​ກໍ​ເກັບກ່ຽວ​ໄດ້​ຫລາຍ.

ເຮັບເຣີ 6:10

ເພາະວ່າ ພຣະເຈົ້າ​ບໍ່ໄດ້​ຊົງ​ອະຍຸດຕິທຳ ຊຶ່ງ​ຈະ​ຊົງ​ລືມ​ການງານ​ທີ່​ພວກເຈົ້າ​ໄດ້​ເຮັດ ແລະ​ຄວາມຮັກ​ທີ່​ພວກເຈົ້າ​ໄດ້​ສະແດງ​ຕໍ່​ພຣະນາມ​ຂອງ​ພຣະອົງ ຄື​ການ​ຮັບໃຊ້​ໄພ່ພົນ​ຂອງ​ພຣະອົງ ເໝືອນ​ດັ່ງ​ພວກເຈົ້າ​ຍັງ​ຮັບໃຊ້​ຢູ່.