ປັນຍາຈານ 10:2 - ພຣະຄຳພີສັກສິ

² ຄົນມີ​ປັນຍາ​ເຮັດ​ສິ່ງ​ທີ່​ຖືກຕ້ອງ ແລະ​ຄົນໂງ່ຈ້າ​ເຮັດ​ສິ່ງ​ທີ່​ຜິດ ເລື່ອງນີ້​ເປັນ​ຂອງ​ທຳມະດາ.

ປັນຍາຈານ 10:2 Jak'a apnaqawi uñst'ayäwi

ສຸພາສິດ 14:8

ປັນຍາ​ຂອງ​ຄົນ​ຮອບຄອບ​ແມ່ນ​ເຂົ້າໃຈ​ທາງເດີນ​ຂອງຕົນ, ແຕ່​ຄວາມ​ໂງ່ຈ້າ​ຂອງ​ຄົນ​ເບົາປັນຍາ ຄິດ​ເອົາເອງ​ວ່າ​ຕົນ​ຮູ້ຈັກ​ທຸກຢ່າງ.

ສຸພາສິດ 15:7

ສົບປາກ​ຂອງ​ຄົນ​ມີ​ປັນຍາ​ກະຈາຍ​ຄວາມຮູ້, ແຕ່​ຄົນ​ໂງ່ຈ້າ​ບໍ່​ເປັນ​ເຊັ່ນນັ້ນ.

ສຸພາສິດ 17:16

ເປັນຫຍັງ​ຄົນໂງ່ຈ້າ​ຈຶ່ງ​ມີ​ເງິນ​ໃນ​ມື​ເພື່ອ​ຊື້​ປັນຍາ ໃນ​ເມື່ອ​ເຂົາ​ບໍ່ມີ​ໃຈ​ຢາກໄດ້.

ປັນຍາຈານ 10:10

ຖ້າ​ຂວານ​ຂອງ​ເຈົ້າ​ປູ້ ແລະ​ບໍ່​ຝົນ​ໃຫ້​ຄົມ ເຈົ້າ​ຈະ​ຕ້ອງ​ໃຊ້​ແຮງ​ຫລາຍ​ເມື່ອ​ເຈົ້າ​ຟັນ​ໄມ້. ສະນັ້ນ ປັນຍາ​ຈຶ່ງ​ເປັນ​ບໍ່ເກີດ​ແຫ່ງ​ຄວາມ​ສຳເລັດ.

ປັນຍາຈານ 10:14

ຄົນໂງ່ຈ້າ​ນັ້ນ​ເວົ້າ​ບໍ່​ຮູ້ຈັກ​ສຸດ. ບໍ່ມີ​ຜູ້ໃດ​ຮູ້​ສິ່ງ​ທີ່​ຈະ​ເກີດຂຶ້ນ​ໃນ​ຂັ້ນ​ຕໍ່ໄປ ແລະ​ບໍ່ມີ​ຜູ້ໃດ​ບອກ​ພວກເຮົາ​ໄດ້​ວ່າ ຈະ​ມີ​ຫຍັງ​ເກີດຂຶ້ນ​ຕາມ​ມາ ຫລັງຈາກ​ທີ່​ພວກເຮົາ​ຕາຍໄປ​ແລ້ວ.

ປັນຍາຈານ 9:10

ບໍ່​ວ່າ​ຈະ​ເຮັດ​ສິ່ງໃດ​ກໍຕາມ ຈົ່ງ​ເຮັດ​ສິ່ງ​ນັ້ນ​ຢ່າງ​ເຕັມ​ກຳລັງ ເພາະ​ໃນ​ແດນ​ຂອງ​ຄົນຕາຍ​ນັ້ນ​ຈະ​ບໍ່ມີ​ການກະທຳ, ບໍ່ມີ​ຄວາມຄິດ, ບໍ່ມີ​ຄວາມຮູ້, ບໍ່ມີ​ປັນຍາ​ໃດໆ ແລະ​ໃນ​ບ່ອນນັ້ນແຫລະ​ທີ່​ພວກເຈົ້າ​ຈະ​ໄປ.

ມັດທາຍ 25:33

ພຣະອົງ​ຈະ​ຈັດ​ໃຫ້​ຝູງແກະ​ຢູ່​ເບື້ອງ​ຂວາ​ຂອງ​ພຣະອົງ, ແຕ່​ຝູງແບ້​ນັ້ນ​ຈະ​ຈັດ​ໃຫ້​ຢູ່​ເບື້ອງຊ້າຍ.

ມັດທາຍ 6:33

ແຕ່​ກ່ອນ​ອື່ນ​ໝົດ ເຈົ້າ​ທັງຫລາຍ​ຈົ່ງ​ສະແຫວງ​ຫາ​ຣາຊອານາຈັກ​ຂອງ​ພຣະເຈົ້າ ແລະ​ຄວາມ​ຊອບທຳ​ຂອງ​ພຣະອົງ ແລ້ວ​ພຣະອົງ​ຈະ​ຊົງ​ເພີ່ມເຕີມ​ສິ່ງ​ທັງປວງ​ເຫຼົ່ານີ້​ໃຫ້​ແກ່​ພວກເຈົ້າ.

ໂກໂລຊາຍ 3:1

ຖ້າ​ເຈົ້າ​ທັງຫລາຍ​ຮັບ​ການ​ຊົງ​ບັນດານ​ໃຫ້​ຄືນ​ມາ​ດ້ວຍ​ກັນ​ກັບ​ພຣະຄຣິດ​ແລ້ວ ກໍ​ຈົ່ງ​ສະແຫວງ​ຫາ​ສິ່ງ​ຊຶ່ງ​ຢູ່​ເບື້ອງ​ເທິງ ຄື​ບ່ອນ​ທີ່​ພຣະຄຣິດ​ຊົງ​ສະຖິດ​ຢູ່ ຊົງ​ປະທັບ​ເບື້ອງ​ຂວາ​ຂອງ​ພຣະເຈົ້າ.