ປັນຍາຈານ 1:9 - ພຣະຄຳພີສັກສິ

⁹ ສິ່ງ​ທີ່​ເກີດຂຶ້ນ​ແລ້ວ ກໍ​ຈະ​ເກີດຂຶ້ນ​ອີກ ສິ່ງ​ທີ່​ເຮັດ​ແລ້ວ ກໍ​ຈະ​ຕ້ອງ​ເຮັດ​ອີກ ບໍ່ມີ​ຫຍັງ​ໃໝ່​ຢູ່ໃຕ້​ດວງຕາເວັນ.

ປັນຍາຈານ 1:9 Jak'a apnaqawi uñst'ayäwi

ປັນຍາຈານ 1:10

ຄົນ​ອາດ​ເວົ້າ​ກັນ​ວ່າ, “ເບິ່ງແມ! ນີ້​ແມ່ນ​ສິ່ງ​ໃໝ່.” ບໍ່ແມ່ນ​ດອກ ຕາມ​ທີ່​ຈິງ​ແລ້ວ ທຸກສິ່ງ​ລ້ວນແຕ່​ເຄີຍ​ໄດ້​ເກີດຂຶ້ນ​ຕັ້ງ​ນານ​ມາ​ແລ້ວ​ທັງສິ້ນ ກ່ອນ​ທີ່​ເຮົາ​ໄດ້​ເກີດ​ມາ.

ປັນຍາຈານ 2:12

ໃນທີ່ສຸດ ກະສັດ​ຄົນ​ໜຶ່ງ​ກໍ​ເຮັດ​ໄດ້​ພຽງແຕ່​ສິ່ງ​ທີ່​ບັນດາ​ກະສັດ​ຄົນ​ກ່ອນໆ​ໄດ້​ເຮັດ​ມາ​ເທົ່ານັ້ນ. ສະນັ້ນ ຂ້າພະເຈົ້າ​ຈຶ່ງ​ຕັ້ງຕົ້ນ​ຄິດເຖິງ​ຄວາມໝາຍ​ຂອງ​ຄຳ​ວ່າ​ມີ​ປັນຍາ ລວມ​ທັງ​ຄຳ​ວ່າ​ເສຍ​ສະຕິ ແລະ​ຄຳ​ວ່າ​ໂງ່ຈ້າ​ນັ້ນ.

ປັນຍາຈານ 3:15

ສິ່ງໃດ​ກໍຕາມ​ທີ່​ເຄີຍ​ໄດ້​ເກີດຂຶ້ນ​ແລ້ວ ກໍ​ຈະ​ເກີດຂຶ້ນ​ໃນ​ເວລາ​ຕໍ່ມາ ແລະ​ໄດ້​ເກີດຂຶ້ນ​ມາ​ກ່ອນ​ແລ້ວ​ທັງສິ້ນ. ພຣະເຈົ້າ​ເຮັດ​ໃຫ້​ເຫດການ​ເຊັ່ນດຽວ​ກັນ​ນັ້ນ ເກີດຂຶ້ນ​ຊໍ້າແລ້ວ​ຊໍ້າອີກ.

ປັນຍາຈານ 6:10

ເຫດການ​ທັງຫລາຍ​ທີ່​ເກີດຂຶ້ນ​ດຽວນີ້ ແມ່ນ​ໄດ້​ຖືກ​ກຳນົດ​ໄວ້​ແລ້ວ​ແຕ່​ນານ ແລະ​ພວກເຮົາ​ທຸກຄົນ​ກໍ​ຮູ້​ວ່າ​ມະນຸດ ໂຕ້ຖຽງ​ກັບ​ຜູ້ໃດ​ຜູ້ໜຶ່ງ​ທີ່​ແຂງແຮງ​ກວ່າ​ຕົນ​ກໍ​ບໍ່ໄດ້.

ປັນຍາຈານ 7:10

ຢ່າ​ຖາມ​ເລີຍ​ວ່າ, “ເປັນຫຍັງ​ສະໄໝ​ກ່ອນ​ຈຶ່ງ​ດີກວ່າ​ສະໄໝ​ນີ້?” ມັນ​ບໍ່ແມ່ນ​ຄຳຖາມ​ທີ່​ສະຫລາດ.

ເອຊາຢາ 43:19

ຈົ່ງ​ເຝົ້າເບິ່ງ​ສິ່ງ​ໃໝ່ໆ​ທີ່​ກຳລັງ​ຈະ​ເກີດ​ມີ​ມາ ບັດນີ້ ພວກເຈົ້າ​ເບິ່ງເຫັນ​ເພາະ​ກຳລັງ​ຈະ​ເກີດຂຶ້ນ. ເຮົາ​ຈະ​ເຮັດ​ທາງ​ຜ່ານ​ຖິ່ນ​ແຫ້ງແລ້ງ​ກັນດານ ແລະ​ໃຫ້​ມີ​ແມ່ນໍ້າ​ຫ້ວຍ​ໄຫລ​ສຳລັບ​ພວກເຈົ້າ​ໃນ​ທີ່ນັ້ນ.

ເຢເຣມີຢາ 31:22

ພວກເຈົ້າ​ຍັງ​ຈະ​ລັ່ງເລ​ໃຈ​ຢູ່​ອີກ​ດົນ​ປານໃດ​ນໍ? ຜູ້ຍິງ​ທີ່​ບໍ່​ສັດຊື່​ເອີຍ ເວລາ​ຕັດສິນໃຈ​ມາຮອດ​ແລ້ວ. ພຣະເຈົ້າຢາເວ​ໄດ້​ສ້າງ​ບາງ​ສິ່ງ​ໃໝ່ໆ​ໃຫ້​ແຕກຕ່າງ​ອອກ​ໄປ ຄື​ແມ່ຍິງ​ສາມາດ​ປ້ອງກັນ​ຜູ້ຊາຍ​ໄດ້.”

2 ເປໂຕ 2:1

ບັນດາ​ຜູ້​ປະກາດ​ພຣະທຳ​ປອມ ໄດ້​ເກີດ​ມີ​ຂຶ້ນ​ໃນ​ທ່າມກາງ​ໄພ່ພົນ​ຂອງ​ພຣະເຈົ້າ​ໃນ​ເມື່ອ​ກ່ອນ​ສັນໃດ ກໍ​ຈະ​ມີ​ຄູສອນ​ປອມ​ເກີດຂຶ້ນ​ໃນ​ທ່າມກາງ​ພວກເຈົ້າ​ສັນນັ້ນ ພວກເຂົາ​ຈະ​ນຳ​ເອົາ​ຄຳສອນ​ບໍ່​ຈິງ ທີ່​ເປັນ​ການ​ທຳລາຍ​ມາ​ສິດສອນ ຈົນເຖິງ​ກັບ​ປະຕິເສດ​ພຣະອົງ ຜູ້​ຊົງ​ເປັນ​ພຣະເຈົ້າ​ທີ່​ໄດ້​ໄຖ່​ພວກເຂົາ​ໄວ້ ຊຶ່ງ​ຈະ​ນຳ​ຄວາມ​ຈິບຫາຍ​ມາ​ເຖິງ​ຕົວ​ພວກເຂົາ​ໂດຍ​ໄວ.

ພຣະນິມິດ 21:1

ແລ້ວ​ຂ້າພະເຈົ້າ​ກໍໄດ້​ເຫັນ​ສະຫວັນ​ໃໝ່​ແລະ​ແຜ່ນດິນ​ໂລກ​ໃໝ່ ເພາະວ່າ​ສະຫວັນ​ເດີມ​ແລະ​ແຜ່ນດິນ​ໂລກ​ເດີມ​ນັ້ນ ກໍ​ໄດ້​ລ່ວງ​ໄປ​ແລ້ວ ແລະ​ທະເລ​ກໍ​ບໍ່ມີ​ເໝືອນກັນ.

ພຣະນິມິດ 21:5

ພຣະອົງ​ຜູ້​ຊົງ​ປະທັບ​ເທິງ​ພຣະ​ຣາຊບັນລັງ ໄດ້​ຊົງ​ກ່າວ​ວ່າ, “ເບິ່ງແມ! ເຮົາ​ໄດ້​ສ້າງ​ທຸກສິ່ງ​ທັງປວງ​ຂຶ້ນ​ໃໝ່.” ແລະ​ພຣະອົງ​ຊົງ​ກ່າວ​ອີກ​ວ່າ, “ຈົ່ງ​ຂຽນ​ໄວ້ ເພາະວ່າ​ຖ້ອຍຄຳ​ເຫຼົ່ານີ້​ແມ່ນ​ສັດຊື່​ແລະ​ທ່ຽງແທ້.”