ປັນຍາຈານ 1:11 - ພຣະຄຳພີສັກສິ

¹¹ ບໍ່ມີ​ຜູ້ໃດ​ຈື່​ໄດ້​ວ່າ ມີ​ຫຍັງ​ແດ່​ໄດ້​ເກີດຂຶ້ນ​ໃນ​ອະດີດ ແລະ​ບໍ່ມີ​ຜູ້ໃດ​ໃນ​ອະນາຄົດ​ຈະ​ຈື່ຈຳ​ໄດ້​ວ່າ ມີ​ຫຍັງ​ແດ່​ເກີດຂຶ້ນ​ລະຫວ່າງ​ຊ່ວງນີ້​ແລະ​ຊ່ວງ​ຕໍ່ໄປ.

ປັນຍາຈານ 1:11 Jak'a apnaqawi uñst'ayäwi

ເພງ^ສັນລະເສີນ 9:6

ສັດຕູ​ພວກ​ຂ້ານ້ອຍ​ໄດ້​ດັບ​ສິ້ນ​ຕະຫລອດໄປ ເມືອງ​ຂອງ​ເຂົາ​ຖືກ​ທຳລາຍ​ແລະ​ລືມໄລ​ໄປສິ້ນ.

ປັນຍາຈານ 1:10

ຄົນ​ອາດ​ເວົ້າ​ກັນ​ວ່າ, “ເບິ່ງແມ! ນີ້​ແມ່ນ​ສິ່ງ​ໃໝ່.” ບໍ່ແມ່ນ​ດອກ ຕາມ​ທີ່​ຈິງ​ແລ້ວ ທຸກສິ່ງ​ລ້ວນແຕ່​ເຄີຍ​ໄດ້​ເກີດຂຶ້ນ​ຕັ້ງ​ນານ​ມາ​ແລ້ວ​ທັງສິ້ນ ກ່ອນ​ທີ່​ເຮົາ​ໄດ້​ເກີດ​ມາ.

ປັນຍາຈານ 2:16

ບໍ່ມີ​ຜູ້ໃດ​ຈື່ຈຳ​ຄົນມີ​ປັນຍາ ແລະ​ບໍ່ມີ​ຜູ້ໃດ​ຈື່ຈຳ​ຄົນໂງ່ຈ້າ. ໃນ​ມື້​ທີ່​ຈະ​ມາ​ເຖິງ​ນັ້ນ ຄົນ​ຈະ​ລືມໄລ​ພວກເຂົາ​ໄປ​ໝົດ. ພວກເຮົາ​ທຸກຄົນ​ຕ້ອງ​ຕາຍ ຄື​ທັງ​ຄົນມີ​ປັນຍາ​ແລະ​ຄົນໂງ່ຈ້າ​ດ້ວຍ.

ປັນຍາຈານ 8:10

ແມ່ນແລ້ວ ຂ້າພະເຈົ້າ​ໄດ້​ເຫັນ​ພວກ​ຄົນຊົ່ວ​ຖືກ​ຝັງ​ໄວ້​ໃນ​ຂຸມຝັງສົບ, ແຕ່​ເວລາ​ກັບ​ຈາກ​ປ່າຊ້າ ຄົນ​ຕ່າງ​ກໍ​ຍົກຍ້ອງ​ພວກເຂົາ​ໃນ​ທຸກ​ເມືອງ ທີ່​ພວກເຂົາ​ໄດ້​ເຮັດ​ການຊົ່ວ​ນັ້ນ ຊ່າງ​ອະນິຈັງ​ແທ້.

ປັນຍາຈານ 9:5

ແມ່ນແລ້ວ ຜູ້​ທີ່​ມີ​ຊີວິດ​ຢູ່​ກໍ​ຮູ້​ວ່າ​ຕົນ​ຈະ​ຕາຍໄປ; ແຕ່​ຜູ້​ທີ່​ຕາຍໄປ​ແລ້ວ​ກໍ​ບໍ່​ຮູ້​ຫຍັງ​ເລີຍ. ພວກເຂົາ​ບໍ່ມີ​ບຳເໜັດ​ໃນ​ພາຍໜ້າ ພວກເຂົາ​ຖືກ​ລືມໄລ​ໄປ​ຢ່າງ​ໝົດສິ້ນ.

ເອຊາຢາ 42:9

ສິ່ງ​ທີ່​ເຮົາ​ໄດ້​ກ່າວ​ໄວ້​ດຽວນີ້​ກາຍ​ເກີດ​ເປັນຈິງ ບັດນີ້ ເຮົາ​ຈະ​ໃຫ້​ຮູ້​ສິ່ງ​ໃໝ່ໆ​ກ່ອນ​ທີ່​ຈະ​ເກີດຂຶ້ນ.”