ປັນຍາຈານ 1:1 - ພຣະຄຳພີສັກສິ

¹ ຕໍ່ໄປນີ້ ແມ່ນ​ຄຳເວົ້າ​ຂອງ​ປັນຍາຈານ​ລູກຊາຍ​ຂອງ​ເຈົ້າ​ດາວິດ ຜູ້​ທີ່​ໄດ້​ເປັນ​ກະສັດ​ຢູ່​ໃນ​ນະຄອນ​ເຢຣູຊາເລັມ.

ປັນຍາຈານ 1:1 Jak'a apnaqawi uñst'ayäwi

2 ຂ່າວຄາວ 9:30

ໂຊໂລໂມນ​ໄດ້​ປົກຄອງ​ຢູ່​ທີ່​ນະຄອນ​ເຢຣູຊາເລັມ​ທົ່ວ​ອິດສະຣາເອນ​ເປັນ​ເວລາ​ສີ່ສິບ​ປີ.

ເນເຫມີຢາ 6:7

ເຂົາ​ເວົ້າ​ວ່າ, ‘ທ່ານ​ໄດ້​ຈັດ​ໃຫ້​ມີ​ຜູ້ທຳນວາຍ​ບາງຄົນ ປະກາດ​ຢູ່​ທີ່​ນະຄອນ​ເຢຣູຊາເລັມ​ວ່າ​ທ່ານ​ແມ່ນ​ກະສັດ​ແຫ່ງ​ຢູດາຍ.’ ພະຣາຊາ​ຈະ​ຕ້ອງ​ຮູ້ຈັກ​ເລື່ອງ​ນີ້​ແນ່ນອນ; ສະນັ້ນ ຂ້າພະເຈົ້າ​ຈຶ່ງ​ຂໍ​ແນະນຳ​ໃຫ້​ທ່ານ ແລະ​ຂ້າພະເຈົ້າ​ມາ​ພົບ​ກັນ ເພື່ອ​ປຶກສາ​ຫາລື​ເຖິງ​ສະຖານະການ​ນີ້.”

ເພງ^ສັນລະເສີນ 40:9

ຂ້າແດ່​ພຣະເຈົ້າຢາເວ ໃນ​ທີ່​ຊຸມນຸມຊົນ​ຂອງ​ພຣະອົງ ຂ້ານ້ອຍ​ໄດ້​ບອກ​ຂ່າວ​ດີ​ເລື່ອງ​ການ​ຊ່ວຍກູ້. ຂ້ານ້ອຍ​ຈະ​ສືບຕໍ່​ບອກ​ຂ່າວ​ນີ້ ພຣະອົງ​ກໍ​ຮູ້ຈັກ​ດີ​ວ່າ​ຂ້ານ້ອຍ​ຈະ​ບໍ່​ມິດງຽບ.

ສຸພາສິດ 1:1

ສຸພາສິດ​ເຫຼົ່ານີ້​ເປັນ​ຄຳເວົ້າ​ຂອງ​ເຈົ້າໂຊໂລໂມນ ກະສັດ​ແຫ່ງ​ຊາດ​ອິດສະຣາເອນ​ລູກຊາຍ​ຂອງ​ດາວິດ.

ສຸພາສິດ 31:31

ສິ່ງ​ທັງໝົດ​ທີ່​ນາງ​ໄດ້​ເຮັດ​ນັ້ນ ກໍ​ເປັນ​ທີ່​ໄວ້ວາງໃຈ ນາງ​ສົມຄວນ​ໄດ້​ຮັບ​ຄວາມນັບຖື​ຈາກ​ທຸກໆຄົນ.

ປັນຍາຈານ 1:12

ຂ້າພະເຈົ້າ​ຄື​ປັນຍາຈານ ເຄີຍ​ເປັນ​ກະສັດ​ຂອງ​ຊາດ​ອິດສະຣາເອນ ແລະ​ໄດ້​ປົກຄອງ​ຢູ່​ໃນ​ນະຄອນ​ເຢຣູຊາເລັມ.

ປັນຍາຈານ 7:27

ແມ່ນແລ້ວ ປັນຍາຈານ​ກ່າວ​ຈາ ຂ້າພະເຈົ້າ​ໄດ້​ຄົ້ນພົບ​ເລື່ອງນີ້ ເທື່ອລະ​ເລັກ​ລະໜ້ອຍ​ໃນ​ຂະນະທີ່​ຂ້າພະເຈົ້າ​ກຳລັງ​ຊອກຫາ​ຄຳຕອບ.

ເອຊາຢາ 61:1

ພຣະວິນຍານ​ຂອງ​ພຣະເຈົ້າຢາເວ ອົງພຣະ​ຜູ້​ເປັນເຈົ້າ​ໄດ້​ສະຖິດ​ກັບ​ເຮົາ. ເພາະ​ພຣະເຈົ້າຢາເວ​ໄດ້​ຫົດສົງ​ແຕ່ງຕັ້ງ​ເຮົາ​ໄວ້ ເພື່ອ​ນຳ​ເອົາ​ຂ່າວ​ປະເສີດ​ໄປ​ສູ່​ຜູ້​ຍາກຈົນ ເພື່ອ​ປິ່ນປົວ​ຄົນ​ລະທົມ​ໃຈ​ແລະ​ຊອກຊໍ້າ ເພື່ອ​ປະກາດ​ການ​ປົດປ່ອຍ​ແກ່​ຊະເລີຍເສິກ ແລະ​ເສລີພາບ​ແກ່​ຜູ້​ທີ່​ຖືກ​ຂັງ​ຄຸກ.

ໂຢນາ 3:2

ວ່າ, “ຈົ່ງ​ໄປ​ທີ່​ນີເນເວ​ເມືອງ​ໃຫຍ່ ແລະ​ປະກາດ​ຖ້ອຍຄຳ​ທີ່​ເຮົາ​ໄດ້​ມອບ​ໃຫ້​ເຈົ້າ​ນັ້ນ​ແກ່​ປະຊາຊົນ.”

2 ເປໂຕ 2:5

ພຣະເຈົ້າ​ບໍ່ໄດ້​ຊົງ​ຍົກເວັ້ນ​ມະນຸດສະໂລກ​ຄາວ​ບູຮານ ແຕ່​ໄດ້​ຮັກສາ​ໂນອາ​ຜູ້​ປະກາດ​ຄວາມ​ຊອບທຳ ກັບ​ຄົນອື່ນ​ອີກ​ເຈັດ​ຄົນ ເມື່ອ​ພຣະອົງ​ໄດ້​ຊົງ​ບັນດານ​ໃຫ້​ນໍ້າ​ຖ້ວມ​ໂລກ ຂອງ​ຄົນ​ບໍ່​ນັບຖື​ພຣະເຈົ້າ.