ພຣະບັນຍັດສອງ 7:3 - ພຣະຄຳພີສັກສິ

³ ຢ່າ​ໄດ້​ແຕ່ງງານ​ກັບ​ພວກເຂົາ ແລະ​ຢ່າ​ຍອມ​ໃຫ້​ລູກຫລານ​ຂອງ​ພວກເຈົ້າ ແຕ່ງງານ​ກັບ​ພວກເຂົາ

ພຣະບັນຍັດສອງ 7:3 Jak'a apnaqawi uñst'ayäwi

ປະຖົມມະການ 24:3

ຂ້ອຍ​ຢາກ​ໃຫ້​ເຈົ້າ​ສາບານ​ໃນ​ນາມ​ຂອງ​ພຣະເຈົ້າຢາເວ ພຣະເຈົ້າ​ແຫ່ງ​ສະຫວັນ​ແລະ​ແຜ່ນດິນ​ໂລກ​ວ່າ, ເຈົ້າ​ຈະ​ບໍ່​ຫາ​ເມຍ​ທີ່​ການາອານ​ນີ້​ໃຫ້​ລູກຊາຍ​ຂອງຂ້ອຍ.

1 ກະສັດ 11:2

ເພິ່ນ​ເອົາ​ຍິງ​ເຫຼົ່ານີ້​ມາ​ເປັນ​ເມຍ ແມ່ນ​ວ່າ​ພຣະເຈົ້າຢາເວ​ໄດ້​ສັ່ງ​ຊາວ​ອິດສະຣາເອນ​ບໍ່​ໃຫ້​ແຕ່ງງານ​ກັບ​ຍິງ​ເຫຼົ່ານີ້ ເພາະ​ພວກເຂົາ​ຈະ​ເຮັດ​ໃຫ້​ຊາວ​ອິດສະຣາເອນ​ສັດຊື່​ຕໍ່​ບັນດາ​ພະອື່ນ.

1 ກະສັດ 16:31

ການ​ທີ່​ເຮັດ​ບາບ​ດັ່ງ​ກະສັດ​ເຢໂຣໂບອາມ​ລູກຊາຍ​ຂອງ​ເນບັດ​ນັ້ນ​ຍັງ​ບໍ່​ພຽງພໍ; ເພິ່ນ​ໄດ້​ເຮັດ​ບາບ​ໄປ​ຫລາຍກວ່າ​ນັ້ນ​ອີກ ໂດຍ​ເອົາ​ນາງ​ເຢເຊເບນ​ມາ​ເປັນ​ເມຍ ນາງ​ເປັນ​ລູກສາວ​ຂອງ​ເອັດບາອານ​ກະສັດ​ແຫ່ງ​ຊີໂດນ ແລະ​ເພິ່ນ​ຂາບໄຫວ້​ພະບາອານ.

ເອຊະຣາ 10:3

ບັດນີ້ ພວກ​ຂ້ານ້ອຍ​ຕ້ອງ​ເຮັດ​ພັນທະສັນຍາ​ອັນ​ຈິງຈັງ​ຕໍ່​ພຣະເຈົ້າ​ຂອງ​ພວກ​ຂ້ານ້ອຍ​ວ່າ ພວກ​ຂ້ານ້ອຍ​ຈະ​ສົ່ງ​ຜູ້ຍິງ​ເຫຼົ່ານີ້​ກັບ​ພວກ​ລູກ​ໜີໄປ. ພວກ​ຂ້ານ້ອຍ​ຈະ​ຂໍ​ເຮັດ​ຕາມ​ທ່ານ​ແລະ​ຄົນອື່ນໆ ທີ່​ເຄົາຣົບ​ນັບຖື​ຄຳສັ່ງ​ຂອງ​ພຣະເຈົ້າ. ພວກ​ຂ້ານ້ອຍ​ຈະ​ເຮັດ​ຕາມ​ທີ່​ກົດບັນຍັດ​ກ່າວ​ໄວ້.

ເອຊະຣາ 9:12

ພວກເພິ່ນ​ໄດ້​ບອກ​ວ່າ, ພວກ​ຂ້ານ້ອຍ​ບໍ່​ຕ້ອງ​ແຕ່ງງານ​ກັບ​ຄົນ​ເຫຼົ່ານີ້​ເລີຍ ແລະ​ຢ່າ​ຊ່ວຍ​ພວກເຂົາ​ໃຫ້​ຈະເລີນ ຫລື​ປະສົບ​ຄວາມ​ສຳເລັດ​ແຕ່​ຢ່າງໃດ ຖ້າ​ພວກ​ຂ້ານ້ອຍ​ຢາກ​ມີ​ຄວາມ​ຊົມຊື່ນ​ໃນ​ດິນແດນ ແລະ​ຢາກ​ໃຫ້​ດິນແດນ​ນີ້​ຕົກທອດ​ໄປ​ເຖິງ​ພວກ​ລູກຫລານ​ຕະຫລອດໄປ.

ເນເຫມີຢາ 10:30

ພວກ​ຂ້ານ້ອຍ​ຈະ​ບໍ່​ແຕ່ງງານ​ກັບ​ຊາວ​ຕ່າງຊາດ​ທີ່​ອາໄສ​ຢູ່​ໃນ​ດິນແດນ​ຂອງ​ພວກ​ຂ້ານ້ອຍ​ນີ້.

ພວກ^ຜູ້ປົກຄອງ 14:3

ແຕ່​ພໍ່​ແມ່​ໄດ້​ຖາມ​ລາວ​ວ່າ, “ເປັນຫຍັງ​ລູກ​ຈຶ່ງ​ຢາກ​ໄປ​ເອົາ​ເມຍ​ຊາວ​ຟີລິດສະຕິນ ຄົນ​ບໍ່​ນັບຖື​ພຣະເຈົ້າ? ລູກ​ຊອກ​ຫາ​ຜູ້​ສາວ​ໃນ​ຕະກຸນ​ຂອງເຮົາ​ເອງ ໃນ​ທ່າມກາງ​ປະຊາຊົນ​ຂອງ​ພວກເຮົາ​ນີ້​ບໍ່ໄດ້​ຊັ້ນບໍ?” ແຕ່​ແຊມຊັນ​ຕອບ​ພໍ່​ວ່າ, “ລູກ​ພໍໃຈ​ນຳ​ນາງ​ແຕ່​ຄົນດຽວ ໄປ​ສູ່​ຂໍ​ນາງ​ໃຫ້​ລູກ​ແດ່.”