ພຣະບັນຍັດສອງ 1:4 - ພຣະຄຳພີສັກສິ

⁴ ເຫດການ​ນີ້​ເກີດຂຶ້ນ​ຫລັງຈາກ​ທີ່​ອົງພຣະ​ຜູ້​ເປັນເຈົ້າ ໄດ້​ຊະນະ​ເຈົ້າສີໂຫນ ກະສັດ​ຊາວ​ອາໂມ ຜູ້​ທີ່​ໄດ້​ປົກຄອງ​ນະຄອນ​ເຮັດຊະໂບນ ແລະ​ເຈົ້າໂອກ​ກະສັດ​ຊາວ​ບາຊານ ຜູ້​ທີ່​ໄດ້​ປົກຄອງ​ນະຄອນ​ອັດຊະຕາໂຣດ​ແລະ​ເອັດເຣອີ.

ພຣະບັນຍັດສອງ 1:4 Jak'a apnaqawi uñst'ayäwi

ປະຖົມມະການ 14:5

ໃນ​ປີ​ທີ​ສິບສີ່ ເຄໂດລາໂອເມ​ພ້ອມ​ທັງ​ພັນທະມິດ​ໄດ້​ຍົກທັບ​ມາ​ປາບ ພວກ​ເຣຟາອີມ​ແຫ່ງ​ນະຄອນ​ອັດຊະຕາໂຣດ-ການາອີມ, ພວກ​ຊູຊິມ​ແຫ່ງ​ນະຄອນ​ຮາມ, ພວກ​ເອມິມ​ທີ່​ທົ່ງນາ​ຂອງ​ນະຄອນ​ກີຣິອາດທາອິມ,

ເນເຫມີຢາ 9:22

ພຣະອົງ​ໃຫ້​ພວກເພິ່ນ​ຊະນະ​ເໜືອ​ຊົນຊາດ​ກັບ​ອານາຈັກ ຄື​ດິນແດນ​ທີ່​ເປັນ​ຊາຍແດນ​ຂອງ​ພວກເພິ່ນ. ພວກເພິ່ນ​ຕີ​ຊະນະ​ເຮັດຊະໂບນ​ຂອງ​ເຈົ້າສີໂຫນ ແລະ​ບາຊານ​ທີ່​ເຈົ້າໂອກ​ຄອງ​ອຳນາດ.

ເພງ^ສັນລະເສີນ 135:11

ຄື​ເຈົ້າສີໂຫນ​ຜູ້​ເປັນ​ກະສັດ​ຂອງ​ຊາວ​ອາໂມ ເຈົ້າໂອກ​ກະສັດ​ແຫ່ງ​ບາຊານ ແລະ​ກະສັດ​ທຸກຄົນ​ໃນ​ການາອານ​ດ້ວຍ.

ພຣະບັນຍັດສອງ 1:5

ແມ່ນ​ໃນ​ຂະນະທີ່​ປະຊາຊົນ​ໄດ້​ອາໄສ​ຢູ່​ທີ່​ຟາກ​ຕາເວັນອອກ ຂອງ​ແມ່ນໍ້າ​ຈໍແດນ​ໃນ​ເຂດແດນ​ໂມອາບ​ນັ້ນ​ເອງ ທີ່​ໂມເຊ​ໄດ້​ຕັ້ງຕົ້ນ​ອະທິບາຍ​ກົດບັນຍັດ ແລະ​ຂໍ້ຄຳສັ່ງ​ຕ່າງໆ​ຂອງ​ພຣະເຈົ້າ. ເພິ່ນ​ໄດ້​ກ່າວ​ວ່າ,

ພຣະບັນຍັດສອງ 2:26

“ແລ້ວ​ຂ້າພະເຈົ້າ​ກໍ​ສົ່ງ​ຄະນະທູດ​ຈາກ​ຖິ່ນ​ແຫ້ງແລ້ງ​ກັນດານ​ເກເດໂມດ ໄປ​ຫາ​ເຈົ້າສີໂຫນ​ກະສັດ​ແຫ່ງ​ນະຄອນ​ເຮັດຊະໂບນ ພ້ອມ​ທັງ​ນຳ​ຂໍ້​ສະເໜີ​ສັນຕິພາບ ດັ່ງນີ້:

ພຣະບັນຍັດສອງ 3:1

“ຕໍ່ມາ ພວກເຮົາ​ໄດ້​ເດີນທາງ​ໄປ​ທີ່​ພາກ​ເໜືອ​ສູ່​ອານາເຂດ​ບາຊານ ແລະ​ເຈົ້າໂອກ​ໄດ້​ຍົກທັບ​ອອກ​ມາ​ສູ້ຮົບ​ພວກເຮົາ​ໃກ້​ກັບ​ເມືອງ​ເອັດເຣອີ.

ພຣະບັນຍັດສອງ 3:6

ພວກເຮົາ​ໄດ້​ທຳລາຍ​ໝົດ​ທຸກ​ເມືອງ ແລະ​ຂ້າ​ຊາວ​ເມືອງ​ທຸກຄົນ ບໍ່​ວ່າ​ຊາຍ​ແລະ​ຍິງ​ຕະຫລອດ​ທັງ​ເດັກນ້ອຍ ດັ່ງ​ທີ່​ພວກເຮົາ​ໄດ້​ເຮັດ​ໃນ​ເມືອງ​ຕ່າງໆ ຂອງ​ເຈົ້າສີໂຫນ​ແຫ່ງ​ນະຄອນ​ເຮັດຊະໂບນ.

ພຣະບັນຍັດສອງ 4:47

ພວກເຂົາ​ໄດ້​ຢຶດຄອງ​ດິນແດນ​ຂອງ​ເພິ່ນ ແລະ​ດິນແດນ​ຂອງ​ເຈົ້າໂອກ​ກະສັດ​ແຫ່ງ​ບາຊານ ແລະ​ກະສັດ​ຄົນ​ໜຶ່ງ​ອີກ​ຂອງ​ຊາວ​ອາໂມ ຜູ້​ທີ່​ໄດ້​ປົກຄອງ​ຢູ່​ທາງ​ຟາກ​ຕາເວັນອອກ​ຂອງ​ແມ່ນໍ້າ​ຈໍແດນ.