ດານີເອນ 8:5 - ພຣະຄຳພີສັກສິ

⁵ ໃນ​ຂະນະທີ່​ຂ້າພະເຈົ້າ​ກຳລັງ​ຄິດເຖິງ​ສິ່ງ​ທີ່​ໄດ້​ເຫັນ​ຢູ່​ນັ້ນ ກໍ​ມີ​ແບ້​ໂຕໜຶ່ງ​ແລ່ນ​ໄວ​ທີ່ສຸດ​ຈົນ​ຕີນ​ຫວິດ​ດິນ ມາ​ຈາກ​ທິດ​ຕາເວັນຕົກ. ມັນ​ມີ​ເຂົາ​ສຳຄັນ​ເຂົາ​ໜຶ່ງ​ຢູ່​ລະຫວ່າງ​ຕາ​ສອງ​ເບື້ອງ.

ດານີເອນ 8:5 Jak'a apnaqawi uñst'ayäwi

ດານີເອນ 11:3

ແລ້ວ​ກໍ​ຈະ​ມີ​ກະສັດ​ຜູ້​ກ້າຫານ​ຄົນ​ໜຶ່ງ. ເພິ່ນ​ຈະ​ປົກຄອງ​ທົ່ວ​ຈັກກະພົບ​ໜຶ່ງ​ທີ່​ໃຫຍ່ ແລະ​ຈະ​ເຮັດ​ທຸກສິ່ງ​ຕາມ​ໃຈ​ປາຖະໜາ.

ດານີເອນ 2:32

ຫົວ​ຮູບ​ນີ້​ເປັນ​ຄຳ​ຢ່າງດີ​ທີ່ສຸດ ເອິກ​ແລະ​ແຂນ​ເປັນ​ເງິນ; ແອວ​ແລະ​ກະໂພກ​ເປັນ​ທອງສຳຣິດ

ດານີເອນ 2:39

ຕໍ່​ຈາກ​ທ່ານ​ໄປ​ຈະ​ມີ​ອານາຈັກ​ໜຶ່ງ​ອີກ ເປັນ​ອານາຈັກ​ທີ່​ນ້ອຍກວ່າ​ຂອງທ່ານ ແລະ​ຫລັງຈາກ​ນັ້ນ ແມ່ນ​ອານາຈັກ​ທີ​ສາມ ເປັນ​ອານາຈັກ​ທອງສຳຣິດ ຊຶ່ງ​ຈະ​ມີ​ອຳນາດ​ແຜ່​ອອກ​ໄປ​ທົ່ວໂລກ.

ດານີເອນ 7:6

ໃນ​ຂະນະທີ່​ຂ້າພະເຈົ້າ​ກຳລັງ​ຫລຽວເບິ່ງ​ຢູ່​ນັ້ນ ກໍ​ມີ​ສັດ​ອີກ​ໂຕໜຶ່ງ​ປາກົດ​ຂຶ້ນ​ມາ. ສັດ​ໂຕ​ນີ້​ເບິ່ງ​ຄ້າຍ​ຄື​ເສືອດາວ ແຕ່​ເທິງ​ຫລັງ​ມີ​ສີ່​ປີກ​ເໝືອນ​ປີກ​ນົກ ແລະ​ມີ​ສີ່​ຫົວ. ມັນ​ໄດ້​ຮັບ​ສິດ​ອຳນາດ​ແຫ່ງ​ການ​ເປັນໃຫຍ່.

ດານີເອນ 8:21

ສ່ວນ​ແບ້​ນັ້ນ​ໝາຍ​ເຖິງ​ອານາຈັກ​ກຣີກ ແລະ​ເຂົາ​ສຳຄັນ​ຢູ່​ລະຫວ່າງ​ຕາ​ຂອງ​ມັນ​ນັ້ນ ໝາຍ​ເຖິງ​ກະສັດ​ຄົນ​ທຳອິດ.

ດານີເອນ 8:6

ມັນ​ມາ​ຫາ​ແກະ​ໂຕ​ທີ່​ຂ້າພະເຈົ້າ​ໄດ້​ເຫັນ​ຢືນ​ຢູ່​ແຄມ​ແມ່ນໍ້າ​ນັ້ນ ແລະ​ແລ່ນ​ເຂົ້າ​ຊົນ​ແກະ​ໂຕ​ນັ້ນ​ຈົນ​ໝົດແຮງ​ຂອງມັນ.

ດານີເອນ 8:8

ຝ່າຍ​ແບ້​ກໍ​ຍິ່ງ​ມີ​ຄວາມ​ເຍີ້ຍິ່ງ​ຈອງຫອງ​ຫລາຍ​ຂຶ້ນ ແລ້ວ​ໃນ​ເວລາ​ທີ່​ມັນ​ມີ​ອຳນາດ​ແຂງ​ຫລາຍ​ນັ້ນ ເຂົາ​ຂອງ​ມັນ​ໄດ້​ຫັກ​ອອກ, ແຕ່​ມີ​ສີ່​ເຂົາ​ທີ່​ສຳຄັນ​ໄດ້​ປົ່ງ​ອອກ​ມາ​ແທນ ແຕ່ລະ​ເຂົາ​ກໍ​ຊີ້​ໄປ​ທິດທາງ​ຕ່າງກັນ.