ດານີເອນ 8:3 - ພຣະຄຳພີສັກສິ

³ ແລະ​ຂ້າພະເຈົ້າ​ໄດ້​ເງີຍໜ້າ​ຂຶ້ນ ແລະ​ໄດ້ເຫັນ​ແກະເຖິກ​ໂຕໜຶ່ງ​ທີ່​ມີ​ເຂົາ​ສອງ​ເຂົາ ເຂົາ​ທັງສອງ​ສູງ; ແຕ່​ເຂົາໜຶ່ງ​ສູງກວ່າ​ອີກ​ເຂົາໜຶ່ງ ແລະ​ເຂົາ​ທີ່​ສູງ​ນັ້ນ​ປົ່ງ​ມາ​ຕາມຫຼັງ.

ດານີເອນ 8:3 Jak'a apnaqawi uñst'ayäwi

1 ຂ່າວຄາວ 21:16

ກະສັດ​ດາວິດ​ໄດ້​ຫລຽວຂື້ນ ແລະ​ໄດ້ເຫັນ​ເທວະດາ​ຂອງ​ພຣະເຈົ້າຢາເວ​ຕົນ​ນັ້ນ​ຢືນ​ຢູ່​ໃນ​ກາງ​ອາກາດ ໂດຍ​ຖື​ດາບ​ຢູ່​ໃນ​ມື​ຕຽມພ້ອມ​ທີ່​ຈະ​ທຳລາຍ​ນະຄອນ​ເຢຣູຊາເລັມ. ແລ້ວ​ກະສັດ​ດາວິດ ແລະ​ບັນດາ​ຜູ້ນຳ​ປະຊາຊົນ ທຸກຄົນ​ລ້ວນແຕ່​ໃສ່​ເຄື່ອງ​ທີ່​ເຮັດ​ດ້ວຍ​ຜ້າ​ກະສອບ​ເຂົ້າ ໄດ້​ຂາບລົງ​ດິນ.

ເອຊະຣາ 1:2

“ຕໍ່ໄປນີ້​ແມ່ນ​ຄຳສັ່ງ​ຂອງ​ກະສັດ​ໄຊຣັດ ຈັກກະພັດ​ແຫ່ງ​ເປີເຊຍ. ພຣະເຈົ້າຢາເວ ພຣະເຈົ້າ​ແຫ່ງ​ສະຫວັນ ໄດ້​ໃຫ້​ຂ້າພະເຈົ້າ​ປົກຄອງ​ອານາຈັກ​ທັງໝົດ​ທົ່ວທັງ​ແຜ່ນດິນ​ໂລກ ແລະ​ໃຫ້​ຂ້າພະເຈົ້າ​ຮັບຜິດຊອບ​ສ້າງ​ວິຫານ​ຫລັງ​ໜຶ່ງ​ຂຶ້ນ​ໃຫ້​ພຣະອົງ​ທີ່​ນະຄອນ​ເຢຣູຊາເລັມ​ໃນ​ຢູດາຍ.

ເອຊະຣາ 4:5

ພວກເຂົາ​ຍັງ​ໄດ້​ໃຫ້​ສິນບົນ​ແກ່​ພວກ​ຂ້າຣາຊການ​ເປີເຊຍ ເພື່ອ​ໃຫ້​ດຳເນີນການ​ຕໍ່ຕ້ານ​ພວກ​ຢິວ. ພວກເຂົາ​ສືບຕໍ່​ເຮັດ​ຢູ່​ຢ່າງນີ້ ຕະຫລອດ​ຣາຊການ​ຂອງ​ກະສັດ​ໄຊຣັດ​ແຫ່ງ​ເປີເຊຍ ຈົນເຖິງ​ຣາຊການ​ຂອງ​ກະສັດ​ດາຣິອຸດ ແຫ່ງ​ເປີເຊຍ.

ເອສະເທີ 1:3

ໃນ​ຣາຊການ​ປີ​ທີ​ສາມ ເພິ່ນ​ໄດ້​ຈັດ​ງານ​ກິນລ້ຽງ​ຢ່າງ​ໃຫຍ່ໂຕ​ຂຶ້ນ ສຳລັບ​ບັນດາ​ຂ້າຣາຊການ​ແລະ​ພວກ​ບໍລິຫານງານ​ທັງໝົດ​ຂອງ​ເພິ່ນ. ກອງທັບ​ຂອງ​ເປີເຊຍ​ແລະ​ເມເດຍ​ກໍ​ຢູ່​ໃນ​ທີ່ນັ້ນ ຕະຫລອດ​ທັງ​ບັນດາ​ຜູ້​ປົກຄອງ​ແຂວງ ແລະ​ພວກ​ຂຸນນາງ​ປະຈຳ​ແຂວງ​ຕ່າງໆ.

ເອຊາຢາ 13:17

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເຮົາ​ກຳລັງ​ປຸກ​ປັ່ນ​ຊາວ​ເມເດັດ ໃຫ້​ໂຈມຕີ​ນະຄອນ​ບາບີໂລນ. ພວກເຂົາ​ບໍ່​ວົນ​ນຳ​ເງິນ ແລະ​ບໍ່​ໄຝ່ຝັນ​ນຳ​ຄຳ.

ເອຊາຢາ 21:2

ຂ້າພະເຈົ້າ​ໄດ້​ເຫັນ​ນິມິດ​ຂອງ​ເຫດການ​ທີ່​ໂຫດຮ້າຍ ຄື​ນິມິດ​ຂອງ​ການ​ທໍລະຍົດ ແລະ​ການທຳລາຍ. ກອງທັບ​ຂອງ​ເອລາມ​ເອີຍ ຈົ່ງ​ໂຈມຕີ​ເຖີດ ກອງທັບ​ຂອງ​ມີເດຍ​ເອີຍ ຈົ່ງ​ປິດລ້ອມ​ເມືອງ​ທັງຫລາຍ​ໄວ້​ເຖີດ ພຣະເຈົ້າ​ໄດ້​ກະທຳ​ໃຫ້​ຄວາມ​ທົນທຸກ ຊຶ່ງ​ນະຄອນ​ບາບີໂລນ​ໄດ້​ສ້າງ​ຂຶ້ນ​ນັ້ນ​ສິ້ນສຸດ​ລົງ​ແລ້ວ.

ເອຊາຢາ 44:28

ເຮົາ​ສັ່ງ​ໄຊຣັດ​ວ່າ, ‘ເຈົ້າ​ຄື​ຜູ້​ທີ່​ຈະ​ປົກຄອງ​ໃຫ້​ເຮົາ ເຈົ້າ​ຈະ​ເຮັດ​ແຕ່​ສິ່ງ​ທີ່​ເຮົາ​ຕ້ອງການ​ໃຫ້​ເຮັດ​ເທົ່ານັ້ນ: ເຈົ້າ​ຈະ​ສັ່ງ​ໃຫ້​ສ້າງ​ນະຄອນ​ເຢຣູຊາເລັມ​ຂຶ້ນ​ໃໝ່ ຮາກຖານ​ພຣະວິຫານ​ກໍ​ຈະ​ຖືກ​ວາງ​ໄວ້​ຄືກັນ.”’

ເຢເຣມີຢາ 51:11

ພຣະເຈົ້າຢາເວ​ໄດ້​ກຸກກວນ​ພວກ​ກະສັດ​ແຫ່ງ​ເມເດຍ ເພາະ​ພຣະອົງ​ຕັ້ງໃຈ​ຈະ​ທຳລາຍ​ບາບີໂລນ. ດ້ວຍ​ວິທີ​ນີ້ແຫຼະ ພຣະເຈົ້າຢາເວ​ຈະ​ໄດ້​ແກ້ແຄ້ນ​ຄືນ​ຍ້ອນ​ພຣະວິຫານ​ຂອງ​ພຣະອົງ​ຖືກ​ທຳລາຍ. ບັນດາ​ນາຍ​ທະຫານ​ທີ່​ບັນຊາການ​ໂຈມຕີ​ສັ່ງ​ວ່າ, “ຝົນ​ລູກສອນ​ໃຫ້​ແຫລມ ຈົ່ງ​ຕຽມ​ໂລ້​ໄວ້​ໃຫ້​ພ້ອມ

ດານີເອນ 10:5

ຂ້າພະເຈົ້າ​ເງີຍໜ້າ​ຂຶ້ນ​ເຫັນ​ຊາຍ​ຜູ້ໜຶ່ງ​ທີ່​ນຸ່ງ​ເຄື່ອງ​ອັນ​ສະຫງ່າງາມ ແລະ​ຂັດ​ສາຍ​ແອວ​ຄຳ​ຈາກ​ອູຟາດ.

ດານີເອນ 2:39

ຕໍ່​ຈາກ​ທ່ານ​ໄປ​ຈະ​ມີ​ອານາຈັກ​ໜຶ່ງ​ອີກ ເປັນ​ອານາຈັກ​ທີ່​ນ້ອຍກວ່າ​ຂອງທ່ານ ແລະ​ຫລັງຈາກ​ນັ້ນ ແມ່ນ​ອານາຈັກ​ທີ​ສາມ ເປັນ​ອານາຈັກ​ທອງສຳຣິດ ຊຶ່ງ​ຈະ​ມີ​ອຳນາດ​ແຜ່​ອອກ​ໄປ​ທົ່ວໂລກ.

ດານີເອນ 5:31

ດາຣິອຸດ​ຄົນ​ເມເດຍ​ຜູ້​ມີ​ອາຍຸ​ປະມານ​ຫົກສິບສອງ​ປີ ໄດ້​ຢຶດ​ອຳນາດ​ປົກຄອງ​ອານາຈັກ.

ດານີເອນ 6:28

ຕໍ່ມາ ດານີເອນ​ໄດ້​ຮັບ​ຕຳແໜ່ງ​ອັນ​ສຳຄັນ​ຫລາຍ ໃນ​ຣາຊການ​ຂອງ​ກະສັດ​ດາຣິອຸດ ແລະ​ໃນ​ຣາຊການ​ຂອງ​ກະສັດ​ໄຊຣັດ​ຄົນ​ເປີເຊຍ.

ດານີເອນ 7:5

ສັດ​ໂຕ​ທີ​ສອງ​ເບິ່ງ​ຄ້າຍ​ຄື​ໝີ ທີ່​ກຳລັງ​ຢືນ​ຢູ່​ດ້ວຍ​ຂາ​ຫລັງ​ຂອງ​ມັນ. ປາກ​ມັນ​ຄາບ​ກະດູກ​ສາມ​ຊີກ​ໄວ້ ແລະ​ມີ​ສຽງ​ໜຶ່ງ​ບອກ​ມັນ​ວ່າ, “ຈົ່ງ​ກິນ​ຊີ້ນ​ຕໍ່ໄປ​ໃຫ້​ຫລາຍໆ.”

ດານີເອນ 8:2

ໃນ​ນິມິດ​ນັ້ນ ຂ້າພະເຈົ້າ​ເຫັນ​ໃນທັນໃດ​ວ່າ​ຕົນເອງ​ຢູ່​ໃນ​ເມືອງ​ຊູຊາ ເປັນ​ເມືອງ​ທີ່​ມີ​ກຳແພງ​ອ້ອມຮອບ​ໃນ​ແຂວງ​ເອລາມ. ຂ້າພະເຈົ້າ​ກຳລັງ​ຢືນ​ຢູ່​ໃກ້​ແມ່ນໍ້າ​ອູລາຍ

ດານີເອນ 8:20

ສ່ວນ​ແກະ​ທີ່​ມີ​ສອງ​ເຂົາ ຊຶ່ງ​ເຈົ້າ​ເຫັນ​ນັ້ນ ໝາຍເຖິງ​ອານາຈັກ​ເມເດຍ ແລະ​ເປີເຊຍ.

ເຊກາຣີຢາ 1:18

ໃນ​ນິມິດ​ຢ່າງ​ອື່ນ​ອີກ ຂ້າພະເຈົ້າ​ໄດ້​ເຫັນ​ເຂົາ​ສີ່​ເຂົາ.

ເຊກາຣີຢາ 2:1

ໃນ​ນິມິດ​ຢ່າງ​ອື່ນ​ອີກ ຂ້າພະເຈົ້າ​ໄດ້​ເຫັນ​ຊາຍ​ຄົນ​ໜຶ່ງ​ຖື​ເຊືອກແທກ​ໃນ​ມື.

ເຊກາຣີຢາ 5:1

ຂ້າພະເຈົ້າ​ໄດ້​ຫລຽວເບິ່ງ​ອີກ ແລະ​ໃນ​ເທື່ອ​ນີ້​ຂ້າພະເຈົ້າ​ເຫັນ​ໜັງສື​ມ້ວນ ປິວໄປ​ໃນ​ອາກາດ.

ເຊກາຣີຢາ 5:5

ເທວະດາ​ຕົນ​ນັ້ນ​ໄດ້​ປາກົດ​ຕໍ່​ຂ້າພະເຈົ້າ​ອີກ ແລະ​ກ່າວ​ວ່າ, “ເບິ່ງແມ! ສິ່ງ​ໜຶ່ງ​ອີກ​ກຳລັງ​ມາ.”

ເຊກາຣີຢາ 5:9

ຂ້າພະເຈົ້າ​ຈຶ່ງ​ເງີຍໜ້າ​ຂຶ້ນ ແລະ​ເຫັນ​ຍິງ​ສອງ​ຄົນ​ບິນ​ມາ​ທາງ​ຂ້າພະເຈົ້າ ດ້ວຍ​ປີກ​ອັນ​ມີ​ກຳລັງ​ຫລາຍ​ເໝືອນ​ດັ່ງ​ນົກ​ຍາງ. ຍິງ​ທັງສອງ​ໄດ້​ຍົກ​ກະຕ່າ​ນັ້ນ​ຂຶ້ນ​ແລະ​ບິນ​ໜີໄປ.

ເຊກາຣີຢາ 6:1

ຂ້າພະເຈົ້າ​ໄດ້​ເຫັນ​ນິມິດ​ຢ່າງ​ອື່ນ​ອີກ. ເທື່ອ​ນີ້​ຂ້າພະເຈົ້າ​ໄດ້​ເຫັນ​ລົດຮົບ​ສີ່​ຄັນ ກຳລັງ​ອອກ​ມາ​ຈາກ​ພູເຂົາ​ສອງ​ໜ່ວຍ​ທີ່​ເປັນ​ທອງສຳຣິດ.

ຈົດບັນຊີ 24:2

ແລະ​ເຫັນ​ປະຊາຊົນ​ອິດສະຣາເອນ​ຕັ້ງ​ຄ້າຍພັກ​ຢູ່​ຕາມ​ເຜົ່າ​ຂອງຕົນ. ພຣະວິນຍານ​ຂອງ​ພຣະເຈົ້າ​ໄດ້​ຄວບຄຸມ​ລາວ

ໂຢຊວຍ 5:13

ເມື່ອ​ໂຢຊວຍ​ຢູ່​ໃກ້​ກັບ​ເມືອງ​ເຢຣິໂກ ໃນທັນໃດ ເພິ່ນ​ກໍໄດ້​ເຫັນ​ຊາຍ​ຄົນໜຶ່ງ​ພວມ​ຖື​ດາບ​ຢືນ​ຢູ່​ຕໍ່ໜ້າ​ເພິ່ນ. ໂຢຊວຍ​ຈຶ່ງ​ຫຍັບ​ເຂົ້າ​ໄປ​ໃກ້ ແລະ​ຖາມ​ຊາຍ​ຄົນ​ນັ້ນ​ວ່າ, “ທ່ານ​ເປັນ​ຝ່າຍເຮົາ​ຫລື​ຝ່າຍ​ສັດຕູ?”

ພຣະນິມິດ 13:11

ແລ້ວ​ຂ້າພະເຈົ້າ​ໄດ້​ເຫັນ​ສັດຮ້າຍ​ອີກ​ໂຕໜຶ່ງ ຂຶ້ນ​ມາ​ຈາກ​ພື້ນດິນ ມັນ​ມີ​ສອງ​ເຂົາ​ເໝືອນ​ເຂົາ​ແກະນ້ອຍ ມັນ​ເວົ້າ​ເໝືອນ​ພະຍານາກ.

ພຣະນິມິດ 5:6

ແລ້ວ​ຂ້າພະເຈົ້າ​ກໍໄດ້​ເຫັນ​ພຣະ​ເມສານ້ອຍ ຢືນ​ຢູ່​ທ່າມກາງ​ບັນລັງ​ອ້ອມຮອບ​ດ້ວຍ​ສິ່ງທີ່ມີ​ຊີວິດ​ທັງ​ສີ່​ຕົນ​ແລະ​ພວກ​ອາວຸໂສ. ພຣະ​ເມສານ້ອຍ​ນີ້​ເບິ່ງ​ຄື​ວ່າ​ໄດ້​ຖືກ​ຂ້າ​ແລ້ວ. ພຣະ​ເມສານ້ອຍ​ນັ້ນ ມີ​ເຂົາ​ເຈັດ​ອັນ ມີ​ຕາ​ເຈັດ​ໜ່ວຍ ຊຶ່ງ​ເປັນ​ວິນຍານ​ທັງ​ເຈັດ​ຂອງ​ພຣະເຈົ້າ ທີ່​ຊົງ​ໃຊ້​ໃຫ້​ອອກ​ໄປ​ທົ່ວ​ແຜ່ນດິນ​ໂລກ.