ດານີເອນ 8:10 - ພຣະຄຳພີສັກສິ

¹⁰ ມັນ​ແຂງແຮງ​ພໍ​ທີ່​ຈະ​ໂຈມຕີ​ກອງທັບ​ແຫ່ງ​ຟ້າສະຫວັນ ຄື​ຕາເວັນ, ເດືອນ, ດວງດາວ​ຕ່າງໆ​ນັ້ນ​ເອງ; ແລະ​ມັນ​ໄດ້​ໂຍນ​ດວງດາວ​ບາງ​ກຸ່ມ​ເຫຼົ່ານັ້ນ ລົງ​ມາ​ສູ່​ດິນ​ແລ້ວ​ຢຽບ​ຖິ້ມ.

ດານີເອນ 8:10 Jak'a apnaqawi uñst'ayäwi

ເອຊາຢາ 14:13

ເຈົ້າ​ໄດ້​ເວົ້າ​ໃນໃຈ​ວ່າ, “ຂ້ອຍ​ຈະ​ຂຶ້ນ​ໄປ​ສະຫວັນ ແລະ​ຕັ້ງ​ບັນລັງ​ຂອງ​ຂ້ອຍ​ໄວ້​ໃນ​ທີ່​ສູງສຸດ​ເໜືອ​ດວງດາວ​ຕ່າງໆ. ຂ້ອຍ​ຈະ​ຕ້ອງ​ນັ່ງ​ດັ່ງ​ກະສັດ​ເທິງ​ພູ​ທາງ​ທິດເໜືອ ບ່ອນ​ທີ່​ພະ​ທັງຫລາຍ​ຊຸມນຸມ​ກັນ​ຢູ່​ນັ້ນ.

ເຢເຣມີຢາ 48:26

ພຣະເຈົ້າຢາເວ​ກ່າວ​ວ່າ, “ຈົ່ງ​ເຮັດ​ໃຫ້​ໂມອາບ​ມືນເມົາ​ເພາະ​ໄດ້​ກະບົດ​ຕໍ່​ເຮົາ. ໂມອາບ​ຈະ​ເກືອກກົ້ວ​ຢູ່​ໃນ​ຮາກ​ຂອງຕົນເອງ ແລະ​ປະຊາຊົນ​ຈະ​ຫົວ​ເຍາະເຍີ້ຍ.

ດານີເອນ 11:28

ກະສັດ​ແຫ່ງ​ຊີເຣຍ​ຈະ​ກັບຄືນ​ເມືອ​ບ້ານເມືອງ​ຂອງຕົນ ພ້ອມ​ດ້ວຍ​ສິ່ງຂອງ​ທີ່​ຕົນ​ຢຶດ​ໄດ້​ທັງໝົດ ຕັ້ງໃຈ​ທີ່​ຈະ​ທຳລາຍ​ພັນທະສັນຍາ​ແຫ່ງ​ໄພ່ພົນ​ຂອງ​ພຣະເຈົ້າ. ລາວ​ຈະ​ເຮັດ​ຕາມໃຈ ແລ້ວ​ຄືນ​ໄປ​ສູ່​ດິນແດນ​ຂອງຕົນ.

ດານີເອນ 11:30

ຊາວ​ໂຣມ​ຈະ​ມາ​ທາງ​ເຮືອ ແລະ​ຂັດຂວາງ​ລາວ​ໄວ້ ແລະ​ລາວ​ຈະ​ຢ້ານກົວ. ແລ້ວ​ລາວ​ກໍ​ຈະ​ກັບຄືນ​ໄປ​ດ້ວຍ​ຄວາມ​ຄຽດແຄ້ນ ແລະ​ຈະ​ວາງແຜນ​ທຳລາຍ​ພັນທະສັນຍາ​ແຫ່ງ​ໄພ່ພົນ​ຂອງ​ພຣະເຈົ້າ. ລາວ​ຈະ​ເຮັດ​ຕາມ​ຄຳແນະນຳ​ຂອງ​ພວກ​ທີ່​ປະຖິ້ມ​ພັນທະສັນຍາ.

ດານີເອນ 7:7

ໃນ​ຂະນະທີ່ ຂ້າພະເຈົ້າ​ກຳລັງ​ເຝົ້າເບິ່ງ​ຢູ່​ນັ້ນ ກໍ​ມີ​ສັດ​ໂຕ​ທີ​ສີ່​ປາກົດ​ຂຶ້ນ​ມາ. ມັນ​ມີ​ອຳນາດ​ຫລາຍ​ທັງ​ເປັນ​ຕາຢ້ານ ແລະ​ຮ້າຍກາດ. ດ້ວຍ​ແຂ້ວ​ເຫຼັກ​ຂະໜາດ​ໃຫຍ່​ນັ້ນ ມັນ​ໄດ້​ຫຍໍ້າ​ກິນ​ສິ່ງ​ທີ່​ເປັນ​ເຫຍື່ອ​ຂອງ​ມັນ ແລະ​ທັງ​ຢຽບຢໍ່າ​ຖິ້ມ. ມັນ​ມີ​ສິບ​ເຂົາ​ແລະ​ບໍ່​ເໝືອນ​ກັບ​ສັດ​ອື່ນໆ.

ດານີເອນ 8:7

ສ່ວນ​ຂ້າພະເຈົ້າ​ກໍ​ຊອມເບິ່ງ​ມັນ​ຊົນ​ແກະ​ໂຕ​ນີ້​ຢູ່. ແບ້​ໂຫດຮ້າຍ​ຫລາຍ ແລະ​ທຸ້ມ​ແຮງ​ທັງໝົດ​ຊົນ​ແກະ ຈົນ​ເຂົາ​ທັງສອງ​ຂອງ​ແກະ​ຫັກ​ໄປ. ຝ່າຍ​ແກະ​ບໍ່ມີ​ແຮງ​ຕ້ານທານ​ມັນ​ໄດ້. ມັນ​ຖືກ​ແບ້​ຊິດ​ລົ້ມລົງ​ດິນ ແລະ​ຖືກ​ຢຽບຢໍ່າ ແລະ​ບໍ່ມີ​ຜູ້ໃດ​ຊ່ວຍ​ແກະ​ໃຫ້​ພົ້ນ​ໄດ້.

ພຣະນິມິດ 12:4

ຫາງ​ພະຍານາກ ໄດ້​ຟາດ​ດວງດາວ​ໃນ​ທ້ອງຟ້າ ໜຶ່ງ​ສ່ວນ​ສາມ​ລົງ​ໃສ່​ແຜ່ນດິນ​ໂລກ ແລະ​ພະຍານາກ​ໂຕ​ນັ້ນ ຢືນ​ຢູ່​ຕໍ່ໜ້າ​ຜູ້​ທີ່​ກຳລັງ​ຈະ​ເກີດ​ລູກ ເພື່ອ​ຈະ​ກິນ​ລູກ​ນັ້ນ​ເມື່ອ​ເກີດ​ແລ້ວ.