ດານີເອນ 6:12 - ພຣະຄຳພີສັກສິ

¹² ພວກເຂົາ​ທັງໝົດ​ຈຶ່ງ​ໄປ​ຫາ​ກະສັດ ແລະ​ຟ້ອງ​ດານີເອນ​ວ່າ, “ຂ້າແດ່​ພະຣາຊາ ທ່ານ​ໄດ້​ເຊັນ​ຊື່​ລົງ​ໃນ​ໜັງສື​ຄຳສັ່ງ​ແລ້ວ​ວ່າ​ໃນ​ລະຫວ່າງ​ສາມສິບ​ວັນ​ຕໍ່ໄປ ຖ້າ​ບຸກຄົນ​ໜຶ່ງ​ຄົນໃດ ພາວັນນາ​ອະທິຖານ​ຂໍ​ສິ່ງໜຶ່ງ​ສິ່ງໃດ​ຈາກ​ພຣະ ຫລື​ຄົນ​ໃດໆ​ເວັ້ນໄວ້​ແຕ່​ຂໍ​ຈາກ​ທ່ານ ບຸກຄົນ​ນັ້ນ​ກໍ​ຈະ​ຕ້ອງ​ຖືກ​ໂຍນ​ເຂົ້າ​ໄປ​ໃນ​ຖໍ້າ​ສິງ.” ກະສັດ​ຈຶ່ງ​ຕອບ​ວ່າ, “ແມ່ນແລ້ວ ເປັນ​ຄຳສັ່ງ​ທີ່​ເດັດຂາດ ເປັນ​ກົດໝາຍ​ຂອງ​ເມເດຍ ແລະ​ເປີເຊຍ​ຊຶ່ງ​ຖືກ​ປ່ຽນແປງ​ບໍ່ໄດ້.”

ດານີເອນ 6:12 Jak'a apnaqawi uñst'ayäwi

ເອສະເທີ 1:19

ຂ້າແດ່​ພະຣາຊາ ຖ້າ​ທ່ານ​ພໍໃຈ ຂໍ​ຈົ່ງ​ອອກ​ດຳລັດ​ປະກາດ​ເປັນ​ທາງການ​ວ່າ ຣາຊີນີ​ວາຊະຕີ​ຈະ​ເຂົ້າ​ມາ​ຫາ​ກະສັດ​ບໍ່ໄດ້​ອີກ​ຕໍ່ໄປ. ຈົ່ງ​ຂຽນ​ຄຳ​ປະກາດ​ນີ້​ໄວ້​ໃນ​ກົດໝາຍ​ຂອງ​ເປີເຊຍ​ແລະ​ເມເດຍ ເພື່ອ​ວ່າ​ຈະ​ບໍ່ມີ​ການ​ລົບລ້າງ​ໄດ້​ຈັກເທື່ອ. ແລ້ວ​ໃຫ້​ຍົກ​ຕຳແໜ່ງ​ຣາຊີນີ​ແກ່​ຍິງ​ອື່ນ​ທີ່​ດີກວ່າ​ນາງ.

ດານີເອນ 6:15

ແລ້ວ​ຊາຍ​ເຫຼົ່ານັ້ນ​ກໍ​ກັບ​ມາ​ຫາ​ກະສັດ ແລະ​ເວົ້າ​ຕໍ່​ເພິ່ນ​ວ່າ, “ພະຣາຊາ​ກໍ​ຮູ້​ຢູ່​ວ່າ​ຕາມ​ກົດໝາຍ​ຂອງ​ເມເດຍ ແລະ​ເປີເຊຍ​ນັ້ນ ບໍ່ມີ​ຄຳສັ່ງ​ໃດໆ​ທີ່​ພະຣາຊາ​ປະກາດ​ອອກ​ໄປ​ແລ້ວ​ຖືກ​ປ່ຽນແປງ​ໄດ້.”

ດານີເອນ 6:8

ສະນັ້ນ ຂໍ​ໃຫ້​ພະຣາຊາ​ອອກ​ຄຳສັ່ງ​ນີ້​ແລະ​ເຊັນ​ຊື່​ລົງ​ໃນ​ໜັງສື​ໝາຍສຳຄັນ ເພື່ອ​ຈະ​ໄດ້​ນຳ​ອອກ​ໄປ​ໃຊ້​ບັງຄັບ​ເປັນ​ກົດໝາຍ​ຂອງ​ເມເດຍ​ແລະ​ເປີເຊຍ ຊຶ່ງ​ເປັນ​ກົດໝາຍ​ທີ່​ປ່ຽນແປງ​ບໍ່ໄດ້.”

ກິດຈະການ 16:19

ເມື່ອ​ພວກ​ນາຍ​ຂອງ​ຍິງ​ນີ້​ເຫັນ​ວ່າ ພວກ​ຕົນ​ໝົດ​ຫວັງ​ທີ່​ຈະ​ໄດ້​ເງິນ​ໂດຍ​ວິທີ​ນີ້​ແລ້ວ ພວກເຂົາ​ກໍ​ຈັບ​ໂປໂລ​ກັບ​ຊີລາ ແລະ​ລາກ​ພວກເພິ່ນ​ເຂົ້າ​ໄປ​ຫາ​ຜູ້ປົກຄອງ​ໃນ​ທີ່​ຊຸມນຸມ.

ກິດຈະການ 16:24

ເມື່ອ​ໄດ້​ຮັບ​ຄຳສັ່ງ​ຢ່າງ​ນີ້​ແລ້ວ ເຈົ້າໜ້າທີ່​ກໍ​ຂັງ​ທ່ານ​ທັງສອງ​ໄວ້​ໃນ​ຫ້ອງ​ຊັ້ນ​ໃນ ແລະ​ເອົາ​ຕີນ​ໃສ່​ຂື່​ໄມ້​ໃຫ້​ແໜ້ນ.