ດານີເອນ 5:8 - ພຣະຄຳພີສັກສິ

⁸ ບັນດາ​ທີ່ປຶກສາ​ປະຈຳ​ກະສັດ​ໄດ້​ກ້າວ​ອອກ​ມາ​ຂ້າງໜ້າ, ແຕ່​ບໍ່ມີ​ຜູ້ໃດ​ອ່ານ​ຄຳ​ຂຽນ ຫລື​ບອກ​ຄວາມໝາຍ​ແກ່​ກະສັດ​ໄດ້.

ດານີເອນ 5:8 Jak'a apnaqawi uñst'ayäwi

ປະຖົມມະການ 41:8

ໃນ​ຕອນເຊົ້າ​ຂອງ​ມື້​ນັ້ນ ເພິ່ນ​ວຸ້ນວາຍ​ໃຈ​ຫລາຍ. ສະນັ້ນ ເພິ່ນ​ຈຶ່ງ​ສັ່ງ​ຄົນ​ໃຫ້​ໄປ​ເຊີນ​ໝໍ​ດູ ໝໍ​ມໍ ແລະ​ນັກປາດ​ໃນ​ປະເທດ​ເອຢິບ​ມາ. ກະສັດ​ໄດ້​ເລົ່າ​ຄວາມຝັນ​ໃຫ້​ຄົນ​ເຫຼົ່ານັ້ນ​ຟັງ ແຕ່​ບໍ່ມີ​ຜູ້ໃດ​ສາມາດ​ແກ້​ຄວາມຝັນ​ໃຫ້​ເພິ່ນ​ໄດ້.

ເອຊາຢາ 47:9

ແຕ່​ພຽງ​ບຶດດຽວ​ເທົ່ານັ້ນ ພຽງແຕ່​ໃນ​ມື້ດຽວ ເຫດການ​ເຫຼົ່ານີ້​ທັງສອງ​ກໍ​ຈະ​ເກີດຂຶ້ນ: ເຖິງ​ວ່າ​ຈະ​ໃຊ້​ເວດມົນ​ຄາຖາ​ທັງໝົດ​ກໍຕາມ ເຈົ້າ​ກໍ​ຈະ​ສູນເສຍ​ຜົວ ແລະ​ລູກ​ຂອງເຈົ້າ.

ເຢເຣມີຢາ 50:35

ພຣະເຈົ້າຢາເວ​ກ່າວ​ວ່າ, “ບາບີໂລນ​ຕາຍ ປະຊາຊົນ​ຕາຍ ນັກປົກຄອງ ແລະ​ນັກປາດ​ດ້ວຍ.

ດານີເອນ 2:27

ດານີເອນ​ຕອບ​ວ່າ, “ຂ້າແດ່​ພະຣາຊາ ບໍ່ມີ​ໝໍຜີ, ໝໍມົນ, ໝໍມໍ, ຫລື​ໝໍໂຫນ​ຜູ້ໃດ​ດອກ ທີ່​ບອກ​ຄວາມ​ເລິກລັບ​ນີ້​ໄດ້.

ດານີເອນ 4:18

ກະສັດ​ເນບູ​ກາດເນັດຊາ​ໄດ້​ກ່າວ​ຕໍ່ໄປ​ວ່າ, “ຄວາມຝັນ​ຂອງເຮົາ​ເປັນ​ດັ່ງນີ້ແຫຼະ ເບັນເຕຊັດຊາເຣ​ເອີຍ ບັດນີ້​ຈົ່ງ​ແກ້​ຄວາມຝັນ​ນີ້​ໃຫ້​ເຮົາ​ແດ່. ບໍ່ມີ​ທີ່ປຶກສາ​ປະຈຳ​ວັງ​ຂອງເຮົາ​ຄົນໃດ​ແກ້​ໄດ້, ແຕ່​ເຈົ້າ​ແກ້​ໄດ້ ເພາະ​ວິນຍານ​ຂອງ​ບັນດາ​ພະ​ບໍຣິສຸດ ສະຖິດ​ຢູ່​ນຳ​ເຈົ້າ.”

ດານີເອນ 4:4

ເຮົາ​ຢູ່​ຢ່າງ​ສະຫງົບສຸກ​ໃນ​ວັງ​ຂອງເຮົາ ທັງ​ມີ​ຄວາມສຸກ​ດ້ວຍ​ຊັບສົມບັດ​ອັນ​ຫລວງຫລາຍ.

ດານີເອນ 4:7

ແລ້ວ​ພວກ​ໝໍ​ທັງໝົດ​ຄື: ໝໍມໍ, ໝໍມົນ, ໝໍຜີ ແລະ​ໝໍໂຫນ ກໍໄດ້​ເຂົ້າ​ມາ​ພົບ​ເຮົາ; ເຮົາ​ໄດ້​ເລົ່າ​ຄວາມຝັນ​ໃຫ້​ພວກເຂົາ​ຮູ້, ແຕ່​ພວກເຂົາ​ບໍ່​ສາມາດ​ແກ້​ໄດ້.

ດານີເອນ 5:15

ເຮົາ​ໄດ້​ເອີ້ນ​ເອົາ​ພວກ​ທີ່ປຶກສາ ແລະ​ພວກ​ໝໍມົນ​ເຂົ້າ​ມາ​ອ່ານ ແລະ​ແປ​ຄວາມໝາຍ​ຂອງ​ຄຳ​ຂຽນ​ນີ້, ແຕ່​ພວກເຂົາ​ຄົ້ນຄວ້າ​ຕີ​ຄວາມໝາຍ​ບໍ່ໄດ້.