ດານີເອນ 2:42 - ພຣະຄຳພີສັກສິ

⁴² ນີ້ວຕີນ​ສ່ວນ​ໜຶ່ງ​ເປັນ​ເຫຼັກ ແລະ​ສ່ວນ​ໜຶ່ງ​ອີກ​ເປັນ​ດິນ​ໜຽວ​ນັ້ນ ໝາຍຄວາມວ່າ​ອານາຈັກ​ຈະ​ມີ​ບາງສ່ວນ​ທີ່​ແຂງແຮງ ແລະ​ບາງສ່ວນ​ທີ່​ອ່ອນແອ.

ດານີເອນ 2:42 Jak'a apnaqawi uñst'ayäwi

ດານີເອນ 2:41

ທ່ານ​ຍັງ​ເຫັນ​ອີກ​ວ່າ ຕີນ​ແລະ​ນີ້ວ​ຕີນ​ສ່ວນ​ໜຶ່ງ​ເປັນ​ດິນ​ໜຽວ ແລະ​ອີກ​ສ່ວນ​ໜຶ່ງ​ເປັນ​ເຫຼັກ. ນີ້​ໝາຍຄວາມວ່າ​ຈະ​ເປັນ​ອານາຈັກ​ທີ່​ແຕກແຍກ. ມັນ​ຈະ​ມີ​ຄວາມແຂງ​ຂອງ​ເຫຼັກ​ປົນ​ຢູ່ ເພາະ​ມີ​ເຫຼັກ​ປະສົມ​ຢູ່​ກັບ​ດິນ​ໜຽວ.

ດານີເອນ 2:43

ທ່ານ​ຍັງ​ເຫັນ​ເຫຼັກ​ປະສົມ​ດິນ​ໜຽວ. ນີ້​ໝາຍຄວາມວ່າ​ພວກ​ຜູ້ປົກຄອງ​ອານາຈັກ​ນັ້ນ ຈະ​ຫາ​ທາງ​ລວບລວມ​ຄອບຄົວ​ທັງໝົດ​ຂອງ​ພວກເຂົາ​ເຂົ້າ​ກັນ​ດ້ວຍ​ການ​ແຕ່ງງານ; ແຕ່​ພວກເຂົາ​ບໍ່​ສາມາດ​ເຮັດ​ໄດ້ ເໝືອນກັນ​ກັບ​ເຫຼັກ​ບໍ່​ສາມາດ​ປະສົມ​ກັບ​ດິນ​ໜຽວ​ໄດ້.

ດານີເອນ 7:24

ສິບ​ເຂົາ​ນັ້ນ​ແມ່ນ​ກະສັດ​ສິບ​ຄົນ​ທີ່​ຈະ​ປົກຄອງ​ຈັກກະພົບ​ນັ້ນ. ແລ້ວ​ຈະ​ມີ​ກະສັດ​ອີກ​ອົງ​ໜຶ່ງ​ປາກົດ​ຕົວ​ຂຶ້ນ; ກະສັດ​ຄົນ​ນີ້​ຈະ​ແຕກຕ່າງ​ຈາກ​ກະສັດ​ຄົນ​ກ່ອນ​ຫລາຍ ແລະ​ເພິ່ນ​ຈະ​ໂຄ່ນລົ້ມ​ກະສັດ​ສາມ​ຄົນ​ນັ້ນ​ເສຍ.

ພຣະນິມິດ 13:1

ແລ້ວ​ຂ້າພະເຈົ້າ​ກໍໄດ້​ເຫັນ​ສັດຮ້າຍ​ໂຕໜຶ່ງ ຂຶ້ນ​ມາ​ຈາກ​ທະເລ ມັນ​ມີ​ສິບ​ເຂົາ​ກັບ​ເຈັດ​ຫົວ ແລະ​ຢູ່​ເທິງ​ແຕ່ລະ​ເຂົາ​ມີ​ມົງກຸດ​ອັນ​ໜຶ່ງ ແລະ​ຢູ່​ເທິງ​ແຕ່ລະ​ຫົວ​ມີ​ຊື່​ເປັນ​ຄຳ​ໝິ່ນປະໝາດ​ພຣະເຈົ້າ.