ດານີເອນ 2:21 - ພຣະຄຳພີສັກສິ

²¹ ພຣະອົງ​ບັງຄັບ​ເວລາ​ແລະ​ລະດູການ ພຣະອົງ​ແຕ່ງຕັ້ງ​ກະສັດ​ແລະ​ປົດ​ກະສັດ​ລົງ; ແມ່ນ​ພຣະອົງ​ທີ່​ເປັນ​ຜູ້​ໂຜດ​ປະທານ ປັນຍາ​ແລະ​ຄວາມ​ເຂົ້າໃຈ​ໃຫ້​ແກ່​ມະນຸດ.

ດານີເອນ 2:21 Jak'a apnaqawi uñst'ayäwi

1 ກະສັດ 10:24

ທົ່ວ​ທັງ​ແຜ່ນດິນ​ໂລກ​ກໍ​ຢາກ​ມາ​ຟັງ​ສະຕິປັນຍາ​ທີ່​ພຣະເຈົ້າ​ໂຜດ​ໃຫ້​ເພິ່ນ​ນັ້ນ.

1 ກະສັດ 3:28

ເມື່ອ​ປະຊາຊົນ​ອິດສະຣາເອນ​ໄດ້ຍິນ​ຄຳ​ຕັດສິນ​ຂອງ​ກະສັດ​ໂຊໂລໂມນ​ແລ້ວ ພວກເຂົາ​ທຸກຄົນ​ຕ່າງ​ກໍ​ໃຫ້​ຄວາມນັບຖື​ຢ່າງ​ສູງສົ່ງ ແລະ​ຢ່າງ​ເຕັມຈິດ​ເຕັມໃຈ​ແກ່​ເພິ່ນ ເພາະ​ພວກເຂົາ​ຮູ້​ວ່າ ພຣະເຈົ້າ​ໃຫ້​ເພິ່ນ​ໄດ້​ຮັບ​ສະຕິປັນຍາ​ເພື່ອ​ຕັດສິນ​ຄະດີ​ຢ່າງ​ຍຸດຕິທຳ.

1 ກະສັດ 4:29

ພຣະເຈົ້າ​ໄດ້​ໂຜດ​ປະທານ​ສະຕິປັນຍາ​ກັບ​ຄວາມ​ເຂົ້າໃຈ​ຢ່າງ​ພິເສດ ແລະ​ຄວາມຮູ້​ຢ່າງ​ລົ້ນເຫລືອ​ໃຫ້​ແກ່​ກະສັດ​ໂຊໂລໂມນ.

1 ຂ່າວຄາວ 22:12

ແລະ​ຂໍ​ພຣະເຈົ້າຢາເວ​ໂຜດ​ໃຫ້​ເຈົ້າ​ມີ​ຄວາມ​ເຂົ້າໃຈ​ອັນ​ເລິກເຊິ່ງ ແລະ​ປະກອບ​ດ້ວຍ​ສະຕິປັນຍາ ແລະ​ຕັ້ງ​ເຈົ້າ​ໄວ້​ເພື່ອ​ປົກຄອງ​ຊາດ​ອິດສະຣາເອນ ແລະ​ໃຫ້​ເຈົ້າ​ຖື​ຮັກສາ​ກົດບັນຍັດ​ຂອງ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ.

1 ຂ່າວຄາວ 29:30

ບົດ​ບັນທຶກ​ນັ້ນ​ໄດ້​ບອກ​ເຖິງ​ການປົກຄອງ​ອຳນາດ ແລະ​ເຫດການ​ທີ່​ເກີດຂຶ້ນ​ແກ່​ເພິ່ນ, ແກ່​ຊາດ​ອິດສະຣາເອນ ແລະ​ແກ່​ອານາຈັກ​ທັງຫລາຍ​ທີ່​ຢູ່​ອ້ອມຮອບ​ນັ້ນ.

ເອສະເທີ 1:13

ບັດນີ້ ເປັນ​ທຳນຽມ​ຂອງ​ກະສັດ ທີ່​ຈະ​ຕ້ອງ​ຖາມ​ຄວາມ​ເຫັນ​ຈາກ​ຜູ້ຊ່ຽວຊານ​ທາງດ້ານ​ກົດໝາຍ. ສະນັ້ນ ເພິ່ນ​ຈຶ່ງ​ໄດ້​ເອີ້ນ​ບັນດາ​ທີ່ປຶກສາ​ຂອງ​ເພິ່ນ​ມາ ແລະ​ຖາມ​ວ່າ​ຄວນ​ຈະ​ເຮັດ​ຢ່າງໃດ.

ພຣະທຳ​ໂຢບ 12:18

ພຣະອົງ​ປົດ​ບັນດາ​ກະສັດ​ລົງ​ຈາກ​ບັນລັງ ແລະ​ເຮັດ​ໃຫ້​ພວກເຂົາ​ຕົກເປັນ​ຊະເລີຍ​ທັງນັ້ນ;

ອົບພະຍົບ 31:3

ໃຫ້​ໄດ້​ຮັບ​ຣິດອຳນາດ​ຂອງເຮົາ. ເຮົາ​ໄດ້​ໃຫ້​ລາວ​ມີ​ສະຕິປັນຍາ, ຄວາມ​ເຂົ້າໃຈ ແລະ​ຄວາມ​ສາມາດ​ໃນ​ວິຊາການ​ດ້ານ​ສີລະປະກຳ​ທຸກໆ​ຢ່າງ

ອົບພະຍົບ 31:6

ເຮົາ​ໄດ້​ເລືອກ​ເອົາ​ໂອໂຮລີອາບ ລູກຊາຍ​ຂອງ​ອາຮີສາມັກ​ຈາກ​ເຜົ່າ​ດານ​ຄືກັນ ເພື່ອ​ໃຫ້​ເຮັດ​ວຽກ​ຮ່ວມ​ກັນ​ກັບ​ເບຊາເລນ. ເຮົາ​ໄດ້​ໃຫ້​ພວກ​ຊ່າງສີມື​ຄົນອື່ນໆ​ມີ​ສະຕິປັນຍາ​ຄືກັນ ເພື່ອ​ວ່າ​ພວກເຂົາ​ຈະ​ສາມາດ​ເຮັດ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ເຈົ້າ​ໃຫ້​ເຮັດ​ເຊັ່ນ:

ດານີເອນ 1:17

ພຣະເຈົ້າ​ໄດ້​ໃຫ້​ພວກ​ຊາຍໜຸ່ມ​ສີ່​ຄົນ​ນີ້ ມີ​ຄວາມຮູ້​ແລະ​ຄວາມ​ຊຳນິ​ຊຳນານ​ໃນ​ດ້ານ​ວັນນະຄະດີ​ແລະ​ມີ​ສະຕິປັນຍາ​ເປັນ​ຢ່າງດີ. ນອກຈາກນີ້ ພຣະອົງ​ຍັງ​ໄດ້​ໂຜດ​ໃຫ້​ດານີເອນ ຊຳນານ​ໃນ​ການ​ແປ​ນິມິດ​ແລະ​ແກ້​ຄວາມຝັນ​ຕ່າງໆ​ອີກ​ດ້ວຍ.

ດານີເອນ 10:1

ໃນ​ປີ​ທີ​ສາມ ທີ່​ເຈົ້າ​ໄຊຣັດ​ເປັນ​ກະສັດ​ແຫ່ງ​ເປີເຊຍ​ນັ້ນ ດານີເອນ​ໄດ້​ຮັບ​ຖ້ອຍຄຳ​ຈາກ​ພຣະເຈົ້າ​ທາງ​ນິມິດ (ດານີເອນ​ມີ​ຊື່​ໜຶ່ງ​ອີກ​ວ່າ​ເບັນເຕຊັດຊາເຣ). ຖ້ອຍຄຳ​ນັ້ນ​ເປັນ​ຄວາມຈິງ ແຕ່​ເຂົ້າໃຈ​ຍາກ​ທີ່ສຸດ. ຖ້ອຍຄຳ​ນີ້​ໄດ້​ຖືກ​ອະທິບາຍ​ໃຫ້​ລາວ​ຮູ້​ທາງ​ນິມິດ.

ດານີເອນ 11:6

ຫລັງຈາກ​ນັ້ນ​ມາ​ຫລາຍ​ປີ ກະສັດ​ແຫ່ງ​ເອຢິບ​ຈະ​ໃຫ້​ລູກສາວ​ຂອງຕົນ ແຕ່ງງານ​ກັບ​ກະສັດ​ແຫ່ງ​ຊີເຣຍ​ເພື່ອ​ເປັນ​ພັນທະມິດ​ກັນ. ແຕ່​ພັນທະມິດ​ຈະ​ຢູ່​ບໍ່ໄດ້​ເຫິງ​ເພາະ​ນາງ​ພ້ອມ​ທັງ​ຜົວ, ທັງ​ລູກ, ແລະ​ພວກ​ຄົນ​ຮັບໃຊ້​ທີ່​ໄປ​ກັບ​ນາງ​ນັ້ນ​ຈະ​ຖືກ​ຂ້າ​ໝົດ.

ດານີເອນ 2:20

“ພຣະອົງ​ຊົງ​ພຣະ​ປັນຍາ ແລະ​ຊົງ​ເດຊານຸພາບ ຂໍ​ສັນລະເສີນ​ພຣະນາມ​ຂອງ​ພຣະເຈົ້າ​ຕະຫລອດໄປ​ເປັນນິດ

ດານີເອນ 2:23

ຂ້າແດ່​ພຣະເຈົ້າ​ແຫ່ງ​ບັນພະບຸລຸດ​ຂອງ​ຂ້ານ້ອຍ​ເອີຍ ຂໍ​ສັນລະເສີນ​ແລະ​ຍ້ອງຍໍ​ໃຫ້ກຽດ​ພຣະອົງ. ພຣະອົງ​ໄດ້​ປະທານ​ໃຫ້​ຂ້ານ້ອຍ​ມີ​ປັນຍາ ພ້ອມທັງ​ໃຫ້​ກຳລັງ​ແກ່​ຂ້ານ້ອຍ​ດ້ວຍ; ພຣະອົງ​ຕອບ​ສິ່ງ​ທີ່​ຂ້ານ້ອຍ​ພາວັນນາ​ອະທິຖານ​ຂໍ ບອກ​ຄຳຕອບ​ແກ່​ພວກ​ຂ້ານ້ອຍ​ໃຫ້​ກະສັດ​ໄດ້​ຮູ້.”

ດານີເອນ 2:9

ທີ່​ຈະ​ລົງໂທດ​ພວກເຈົ້າ​ຢ່າງ​ດຽວກັນ ຖ້າ​ບໍ່​ບອກ​ຄວາມຝັນ​ໃຫ້​ເຮົາ​ຮູ້ຈັກ. ພວກເຈົ້າ​ຕົກລົງ​ກັນ​ຕົວະ​ເຮົາ ໂດຍ​ຫວັງວ່າ​ສິ່ງ​ຕ່າງໆ​ຈະ​ປ່ຽນ​ໄປ​ຕາມ​ກາລະ​ເວລາ. ຈົ່ງ​ເລົ່າ​ຄວາມຝັນ​ໃຫ້​ເຮົາ​ຮູ້​ສາ ແລ້ວ​ເຮົາ​ກໍ​ຈະ​ຮູ້ວ່າ​ພວກເຈົ້າ​ແກ້​ຄວາມຝັນ​ນັ້ນ​ໄດ້.”

ດານີເອນ 4:14

ເທວະດາ​ຕົນ​ນີ້​ໄດ້​ປະກາດ​ດ້ວຍ​ສຽງດັງ​ວ່າ, ‘ຈົ່ງ​ບັກ​ຕົ້ນໄມ້ ແລະ​ຮານ​ງ່າ​ຂອງ​ມັນ​ຖິ້ມ; ລິ​ໃບ​ຂອງມັນ ແລະ​ເຮັດ​ໃຫ້​ໝາກ​ຂອງມັນ​ຟົ້ງ​ກະຈັດ​ກະຈາຍ​ໄປ ຈົ່ງ​ໄລ່​ຝູງ​ສັດປ່າ​ໃຫ້​ໜີ​ອອກ​ຈາກ​ຮົ່ມ​ຂອງມັນ ແລະ​ຝູງນົກ​ໃຫ້​ໜີ​ຈາກ​ງ່າ​ຂອງມັນ.

ດານີເອນ 4:17

ນີ້​ແຫຼະ​ຄື​ຄຳ​ຕັດສິນ​ຂອງ​ຝູງ​ເທວະດາ​ຜູ້​ອາລັກຂາ​ນັ້ນ. ສະນັ້ນ ຈົ່ງ​ໃຫ້​ຄົນ​ທັງປວງ​ທຸກທີ່​ທຸກບ່ອນ​ຮູ້​ວ່າ ພຣະເຈົ້າ​ອົງ​ສູງສຸດ​ມີ​ອຳນາດ​ເໜືອ​ອານາຈັກ​ຂອງ​ມະນຸດ ແລະ​ໃຫ້​ຮູ້ວ່າ​ພຣະອົງ​ສາມາດ​ມອບ​ອານາຈັກ​ເຫຼົ່ານີ້​ໃຫ້​ຜູ້ໃດ​ຜູ້ໜຶ່ງ​ຕາມ​ທີ່​ພຣະອົງ​ເລືອກ​ເອົາ​ກໍໄດ້ ເຖິງແມ່ນ​ວ່າ​ເປັນ​ຜູ້​ຕໍ່າຕ້ອຍ​ທີ່ສຸດ​ກໍຕາມ.”’

ດານີເອນ 4:22

ຂ້າແດ່​ພະຣາຊາ ຕົ້ນໄມ້​ນັ້ນ​ແມ່ນ​ທ່ານເອງ ຄື​ຜູ້​ທີ່​ຍິ່ງໃຫຍ່​ແລະ​ເຂັ້ມແຂງ. ຄວາມ​ຍິ່ງໃຫຍ່​ຂອງທ່ານ​ສູງ​ຈຸ​ຟ້າ ແລະ​ອຳນາດ​ຂອງທ່ານ​ກໍ​ແຜ່​ອອກ​ໄປ​ທົ່ວໂລກ.

ດານີເອນ 4:32

ເຈົ້າ​ຈະ​ຖືກ​ຂັບໄລ່​ອອກ​ໄປ​ຈາກ​ສັງຄົມ​ມະນຸດ ແລະ​ຈະ​ອາໄສ​ຢູ່​ກັບ​ພວກ​ສັດປ່າ ເຈົ້າ​ຈະ​ກິນ​ຫຍ້າ​ເໝືອນ​ງົວ​ເປັນ​ເວລາ​ເຈັດ​ປີ. ຈົນກວ່າ​ເຈົ້າ​ຈະ​ຍອມຮັບ​ວ່າ​ພຣະເຈົ້າ​ອົງ​ສູງສຸດ​ມີ​ອຳນາດ​ເໜືອ​ອານາຈັກ​ທັງຫລາຍ​ຂອງ​ມະນຸດ ແລະ​ຮູ້​ວ່າ​ພຣະອົງ​ມອບ​ອານາຈັກ​ເຫຼົ່ານີ້​ໃຫ້​ຜູ້ໃດ​ຜູ້ໜຶ່ງ​ກໍໄດ້ ຕາມ​ທີ່​ພຣະອົງ​ເລືອກ​ເອົາ.”

ດານີເອນ 7:25

ເພິ່ນ​ຈະ​ເວົ້າ​ຕໍ່ສູ້​ພຣະເຈົ້າ​ອົງ​ສູງສຸດ ແລະ​ຈະ​ຂົ່ມເຫັງ​ປະຊາຊົນ​ຂອງ​ພຣະເຈົ້າ. ເພິ່ນ​ຈະ​ພະຍາຍາມ​ປ່ຽນແປງ​ກົດໝາຍ ແລະ​ວັນ​ສະຫລອງ​ຕ່າງໆ​ທາງ​ສາສະໜາ ແລະ​ປະຊາຊົນ​ຂອງ​ພຣະເຈົ້າ​ຈະ​ຢູ່​ໃຕ້​ອຳນາດ​ຂອງ​ເພິ່ນ​ເປັນ​ເວລາ​ສາມ​ປີ​ເຄິ່ງ.

ລູກາ 21:15

ເພາະ​ເຮົາ​ຈະ​ໃຫ້​ພວກເຈົ້າ​ມີ​ຖ້ອຍຄຳ ແລະ​ສະຕິປັນຍາ ຊຶ່ງ​ພວກ​ຜູ້​ຂັດຂວາງ​ຕໍ່ສູ້​ຈະ​ບໍ່​ສາມາດ​ໂຕ້ຕອບ ຫລື​ໂຕ້ແຍ້ງ​ພວກເຈົ້າ​ໄດ້.

ໂຣມ 13:1

ທຸກຄົນ​ຕ້ອງ​ຍອມ​ຢູ່​ໃຕ້​ອຳນາດ​ການ​ປົກຄອງ ເພາະວ່າ​ບໍ່ມີ​ອຳນາດ​ໃດ ທີ່​ບໍ່ໄດ້​ມາ​ຈາກ​ພຣະເຈົ້າ ແລະ​ຜູ້​ທີ່​ມີ​ອຳນາດ​ນັ້ນ ກໍ​ແມ່ນ​ພຣະເຈົ້າ​ເທົ່ານັ້ນ​ທີ່​ຊົງ​ແຕ່ງຕັ້ງ​ຂຶ້ນ.

1 ໂກຣິນໂທ 1:30

ໂດຍ​ພຣະອົງ​ນັ້ນ, ເຈົ້າ​ທັງຫລາຍ​ຈຶ່ງ​ຢູ່​ໃນ​ພຣະຄຣິດເຈົ້າ​ເຢຊູ, ຜູ້​ຊົງ​ເປັນ​ປັນຍາ​ຈາກ​ພຣະເຈົ້າ ແລະ​ຊົງ​ເປັນ​ຜູ້​ເຮັດ​ໃຫ້​ເຮົາ​ຊອບທຳ ແລະ​ຊົງ​ຊຳລະ​ເຮົາ​ໃຫ້​ເປັນ​ໄພ່ພົນ​ຜູ້​ບໍຣິສຸດ​ຂອງ​ພຣະເຈົ້າ ແລະ​ຊົງ​ໄຖ່​ເຮົາ​ໃຫ້​ພົ້ນ.

ຢາໂກໂບ 1:17

ຂອງ​ປະທານ​ອັນ​ດີ​ທຸກຢ່າງ ແລະ​ຂອງຂວັນ​ອັນ​ດີເລີດ​ທຸກຢ່າງ ຍ່ອມ​ມາ​ຈາກ​ທາງ​ເທິງ ແລະ​ລົງ​ມາ​ຈາກ​ພຣະບິດາເຈົ້າ​ແຫ່ງ​ບັນດາ​ດວງ​ສະຫວ່າງ. ໃນ​ພຣະບິດາເຈົ້າ​ນັ້ນ ບໍ່ມີ​ການ​ປ່ຽນແປງ ແລະ​ບໍ່ມີ​ເງົາ​ເນື່ອງ​ຈາກ​ການ​ຊົງ​ໝູນວຽນ.

ຢາໂກໂບ 1:5

ແຕ່​ຖ້າ​ຄົນ​ໃດ​ໃນ​ພວກເຈົ້າ​ຂາດ​ສະຕິປັນຍາ ກໍ​ໃຫ້​ຜູ້ນັ້ນ​ທູນຂໍ​ຈາກ​ພຣະເຈົ້າ ຜູ້​ຊົງ​ໂຜດ​ປະທານ​ໃຫ້​ແກ່​ຄົນ​ທັງປວງ​ດ້ວຍ​ພຣະ​ກະລຸນາ ບໍ່​ຊົງ​ກ່າວ​ຕິ ແລະ​ຜູ້ນັ້ນ​ກໍ​ຈະ​ໄດ້​ຮັບ​ສິ່ງ​ທີ່​ທູນຂໍ.

ພຣະນິມິດ 19:16

ຕາມ​ເສື້ອຄຸມ​ແລະ​ຕາມ​ກົກຂາ​ຂອງ​ພຣະອົງ ໄດ້​ມີ​ຊື່​ຂຽນ​ໄວ້​ວ່າ, “ຈອມ​ກະສັດ.” ແລະ “ຈອມ​ເຈົ້ານາຍ.”