ດານີເອນ 12:3 - ພຣະຄຳພີສັກສິ

³ ພວກ​ຜູ້​ທີ່​ມີ​ປັນຍາ​ຈະ​ຮຸ່ງເຮືອງ​ເໝືອນ​ດວງດາວ​ສະຫວ່າງ​ສະໄຫວ​ທີ່​ເທິງ​ທ້ອງຟ້າ. ຜູ້​ທີ່​ສັ່ງສອນ​ຄົນ​ທັງຫລາຍ​ໃຫ້​ເຮັດ​ໃນ​ສິ່ງ​ທີ່​ຖືກຕ້ອງ​ກໍ​ຈະ​ຮຸ່ງເຮືອງ​ຕະຫລອດໄປ​ເໝືອນ​ດວງດາວ.

ດານີເອນ 12:3 Jak'a apnaqawi uñst'ayäwi

ອົບພະຍົບ 34:35

ແລະ​ພວກເຂົາ​ໄດ້​ເຫັນ​ໜ້າ​ຂອງ​ເພິ່ນ​ສ່ອງແສງ​ເຫລື້ອມ. ແລ້ວ​ໂມເຊ​ກໍ​ເອົາ​ຜ້າປົກ​ໜ້າ​ຕົນເອງ​ໄວ້​ເຊັ່ນ​ເຄີຍ ຈົນກວ່າ​ເພິ່ນ​ຈະ​ໄດ້​ເຂົ້າ​ໄປ​ພົບ​ພຣະເຈົ້າຢາເວ​ອີກ.

ສຸພາສິດ 11:30

ຄວາມ​ຊອບທຳ ໃຫ້​ມີ​ຊີວິດ​ສັນໃດ ຄວາມ​ຮຸນແຮງ ກໍ​ເອົາ​ຊີວິດ​ໄປ​ສັນນັ້ນ.

ສຸພາສິດ 3:35

ຄົນມີ​ປັນຍາ​ຈະ​ໄດ້​ຮັບ​ກຽດ​ເປັນ​ມໍຣະດົກ, ສ່ວນ​ຄົນ​ໂງ່ຈ້າ​ຈະ​ໄດ້​ຮັບ​ແຕ່​ຄວາມ​ອັບອາຍ​ຕື່ມ​ຂຶ້ນ.

ສຸພາສິດ 4:18

ທາງ​ຂອງ​ຄົນ​ຊອບທຳ​ເດີນ​ໄປ​ນັ້ນ​ເປັນ​ດັ່ງ​ຕາເວັນ​ຂຶ້ນ​ໃນ​ຍາມ​ເຊົ້າ ໂດຍ​ສ່ອງແສງ​ເຫລື້ອມໃສ​ຂຶ້ນ​ໄປ​ຈົນກວ່າ​ກາງເວັນ​ມາຮອດ.

ປັນຍາຈານ 12:9

ແຕ່​ຍ້ອນ​ວ່າ​ປັນຍາຈານ​ເປັນ​ຄົນມີ​ປັນຍາ ເພິ່ນ​ຈຶ່ງ​ສືບຕໍ່​ສອນ​ຄົນ​ເຖິງ​ສິ່ງ​ທີ່​ຕົນ​ໄດ້​ຮູ້. ເພິ່ນ​ໄດ້​ສຶກສາ​ສຸພາສິດ​ແລະ​ທົດລອງ​ເບິ່ງ​ຄວາມຈິງ​ຢ່າງ​ຖ້ວນຖີ່.

ເອຊາຢາ 53:11

ຫລັງຈາກ​ມີ​ຊີວິດ​ຢ່າງ​ທົນທຸກ​ທໍລະມານ ທ່ານ​ກໍ​ຈະ​ມີ​ຄວາມສຸກ​ຊົມຊື່ນ​ຍິນດີ​ອີກ; ທ່ານ​ຈະ​ຮູ້ວ່າ​ທ່ານ​ບໍ່ໄດ້​ທົນ​ທຸກຢ່າງ​ໄຮ້​ຜົນ ເປັນ​ຜູ້ຮັບໃຊ້​ອຸທິດຕົນ​ທີ່​ເຮົາ​ພໍໃຈ​ນຳ​ແທ້ໆ. ທ່ານ​ຈະ​ແບກ​ໂທດກຳ​ຂອງ​ຄົນ​ທັງຫລາຍ ເພື່ອ​ເຫັນ​ແກ່​ທ່ານ ເຮົາ​ຈະ​ຍົກໂທດ​ໃຫ້​ພວກເຂົາ.

ເຢເຣມີຢາ 23:22

ຖ້າ​ພວກເຂົາ​ຮູ້​ຄວາມ​ນຶກຄິດ​ອັນ​ລຶກລັບ​ຂອງເຮົາ​ແລ້ວ ພວກເຂົາ​ກໍ​ຄວນ​ປະກາດ​ຖ້ອຍຄຳ​ຂອງເຮົາ​ໃຫ້​ປະຊາຊົນ​ຂອງເຮົາ​ຟັງ ແລະ​ນຳພາ​ພວກເຂົາ​ໃຫ້​ປະຖິ້ມ​ການ​ດຳລົງ​ຊີວິດ​ອັນ​ບໍ່​ດີ​ແລະ​ຊົ່ວຊ້າ ທີ່​ພວກເຂົາ​ເຮັດ​ຢູ່​ນັ້ນ.”

ດານີເອນ 11:33

ພວກ​ຜູ້ນຳ​ທີ່​ມີ​ປັນຍາ​ຈະ​ແບ່ງປັນ​ຄວາມຮູ້ ໃຫ້​ແກ່​ຄົນອື່ນ​ຫລາຍ​ຄົນ, ແຕ່​ໃນ​ຊົ່ວ​ເວລາ​ໜຶ່ງ ພວກເຂົາ​ບາງຄົນ​ຈະ​ຖືກ​ຂ້າ​ໃນ​ສະໜາມຮົບ ແລະ​ຖືກ​ເຜົາ​ໃຫ້​ຕາຍ ບາງຄົນ​ກໍ​ຈະ​ຖືກ​ປຸ້ນ ແລະ​ຖືກ​ຈັບ​ໄປ​ເປັນ​ຊະເລີຍ.

ດານີເອນ 11:35

ຜູ້ນຳ​ທີ່​ມີ​ປັນຍາ​ເຫຼົ່ານີ້​ບາງຄົນ​ຈະ​ຖືກ​ຂ້າ, ແຕ່​ຜົນ​ທີ່​ຕາມ​ມາ​ນັ້ນ ກໍ​ເພື່ອ​ປະຊາຊົນ​ຈະ​ໄດ້​ຖືກ​ຊຳລະ​ລ້າງ​ໃຫ້​ບໍຣິສຸດ. ການ​ນີ້​ຈະ​ມີ​ສືບ​ຕໍ່ໄປ ຈົນເຖິງ​ເວລາ​ແຫ່ງ​ການ​ສິ້ນສຸດ​ທີ່​ພຣະເຈົ້າ​ໄດ້​ກຳນົດ​ໄວ້.

ດານີເອນ 12:10

ຫລາຍ​ຄົນ​ຈະ​ຖືກ​ຊຳລະ​ໃຫ້​ບໍຣິສຸດ. ພວກ​ທີ່​ຊົ່ວຊ້າ​ທັງຫລາຍ​ຈະ​ບໍ່​ເຂົ້າໃຈ ແຕ່​ພວກເຂົາ​ຈະ​ເປັນ​ຄົນຊົ່ວ​ຢູ່​ຕໍ່ໄປ; ມີ​ແຕ່​ພວກ​ມີ​ປັນຍາ​ເທົ່ານັ້ນ ທີ່​ຈະ​ເຂົ້າໃຈ.

ມັດທາຍ 13:43

ແລ້ວ​ພວກ​ທີ່​ຊອບທຳ ກໍ​ຈະ​ຮຸ່ງເຮືອງ​ດັ່ງ​ດວງ​ຕາເວັນ ໃນ​ຣາຊອານາຈັກ​ແຫ່ງ​ພຣະບິດາ​ຂອງ​ພວກເຂົາ, ຜູ້ໃດ​ມີ​ຫູຟັງ ຈົ່ງ​ຟັງ​ເອົາ.”

ມັດທາຍ 19:28

ພຣະເຢຊູເຈົ້າ​ຊົງ​ຕອບ​ພວກ​ສາວົກ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ເມື່ອ​ບຸດ​ມະນຸດ​ນັ່ງ​ເທິງ​ບັນລັງ​ອັນ​ຮຸ່ງເຮືອງ​ຂອງຕົນ​ໃນ​ໂລກ​ໃໝ່​ແລ້ວ ພວກເຈົ້າ​ຜູ້​ຕາມ​ເຮົາ​ມາ​ກໍ​ຈະ​ໄດ້​ນັ່ງ​ເທິງ​ບັນລັງ​ສິບສອງ​ບ່ອນ ເພື່ອ​ພິພາກສາ​ພວກ​ອິດສະຣາເອນ​ສິບສອງ​ຕະກຸນ​ເໝືອນກັນ.

ມັດທາຍ 24:45

“ເຫດສະນັ້ນ ແມ່ນ​ຜູ້ໃດ​ທີ່​ເປັນ​ຄົນ​ຮັບໃຊ້​ສັດຊື່​ແລະ​ສະຫລາດ? ກໍ​ແມ່ນ​ຜູ້​ທີ່​ນາຍ​ຂອງຕົນ​ມອບ​ໃຫ້​ຮັບຜິດຊອບ​ຄົນ​ຮັບໃຊ້​ຜູ້​ອື່ນໆ ເພື່ອ​ແຈກ​ອາຫານ​ໃຫ້​ພວກເຂົາ​ຕາມ​ເວລາ.

ໂຢຮັນ 4:36

ຜູ້​ທີ່​ກ່ຽວເຂົ້າ​ກໍ​ກຳລັງ​ຮັບ​ຄ່າຈ້າງ ແລະ​ຮວບຮວມ​ເອົາ​ຜົນລະປູກ​ໄວ້​ສຳລັບ​ຊີວິດ​ນິຣັນດອນ ເພື່ອ​ທັງ​ຜູ້​ຫວ່ານ ແລະ​ຜູ້​ເກັບກ່ຽວ​ຈະ​ຊົມຊື່ນ​ຍິນດີ​ນຳກັນ.

ໂຢຮັນ 5:35

ໂຢຮັນ​ເປັນ​ດັ່ງ​ໂຄມໄຟ​ທີ່​ໃຕ້​ສ່ອງ​ແສງ​ສະຫວ່າງ​ຢູ່ ເຈົ້າ​ທັງຫລາຍ​ໄດ້​ຊື່ນຊົມ​ຍິນດີ​ກັບ​ແສງ​ສະຫວ່າງ​ຂອງ​ລາວ​ນັ້ນ​ພຽງ​ຊົ່ວຄາວ.

ກິດຈະການ 13:1

ຄາວນັ້ນ ໃນ​ຄຣິສຕະຈັກ​ທີ່​ເມືອງ​ອັນຕີໂອເຂຍ ມີ​ບາງຄົນ​ເປັນ​ຜູ້ທຳນວາຍ ແລະ​ອາຈານ ຄື​ບາຣະນາບາ, ຊີໂມນ​ຜູ້​ທີ່​ຄົນ​ເອີ້ນ​ວ່າ ນີເກີ, ລູກີໂອ​ຊາວ​ເມືອງ​ກີເຣເນ, ມານາເອນ ຜູ້​ທີ່​ໄດ້​ຮັບ​ການ​ລ້ຽງດູ​ເຕີບ​ໃຫຍ່​ຂຶ້ນ​ດ້ວຍ​ກັນ​ກັບ​ເຮໂຣດ ຜູ້​ປົກຄອງ ແລະ​ໂຊໂລ.

1 ໂກຣິນໂທ 3:10

ໂດຍ​ພຣະຄຸນ​ທີ່​ພຣະເຈົ້າ​ໄດ້​ຊົງ​ໂຜດ​ປະທານ​ໃຫ້​ແກ່​ເຮົາ​ນັ້ນ, ເຮົາ​ໄດ້​ວາງ​ຮາກ​ລົງ​ເໝືອນ​ນາຍຊ່າງ​ຜູ້​ຊຳນານ ແລະ​ຄົນອື່ນ​ກໍ​ມາ​ກໍ່​ຂຶ້ນ​ເທິງ​ຮາກຖານ​ນັ້ນ, ແຕ່​ທຸກຄົນ ຈົ່ງ​ລະວັງ​ໃຫ້​ດີ​ວ່າ​ຈະ​ກໍ່​ຂຶ້ນ​ຢ່າງ​ໃດ.

ເອເຟໂຊ 4:11

ຂອງ​ພຣະ​ຣາຊທານ​ຂອງ​ພຣະອົງ ກໍ​ຄື​ໃຫ້​ບາງຄົນ​ເປັນ​ອັກຄະສາວົກ, ບາງຄົນ​ເປັນ​ຜູ້​ປະກາດ​ພຣະທຳ, ບາງຄົນ​ເປັນ​ຜູ້​ປະກາດ​ຂ່າວປະເສີດ, ບາງຄົນ​ເປັນ​ສິດຍາພິບານ ແລະ ຄູ​ສາສະໜາ.

ເຮັບເຣີ 5:12

ເຖິງ​ແມ່ນ​ວ່າ​ຂະນະ​ນີ້ ເຈົ້າ​ທັງຫລາຍ​ຄວນ​ຈະ​ເປັນ​ຄູ​ໄດ້​ແຕ່​ດົນ​ແລ້ວ​ກໍດີ ແຕ່​ພວກເຈົ້າ​ກໍ​ຍັງ​ຕ້ອງການ​ໃຫ້​ຄົນອື່ນ​ສອນ​ຫລັກ​ທຳ​ເບື້ອງ​ຕົ້ນ ແຫ່ງ​ພຣະທຳ​ຂອງ​ພຣະເຈົ້າ​ແກ່​ພວກເຈົ້າ​ອີກ. ເຈົ້າ​ທັງຫລາຍ​ກັບ​ກາຍເປັນ​ຄົນ​ຕ້ອງການ​ນໍ້ານົມ​ບໍ່ແມ່ນ​ອາຫານ​ແຂງ.

2 ເປໂຕ 3:15

ຈົ່ງ​ຖື​ວ່າ​ການ​ທີ່​ອົງພຣະ​ຜູ້​ເປັນເຈົ້າ​ຂອງ​ພວກເຮົາ​ທັງຫລາຍ ຊົງ​ອົດກັ້ນ​ພຣະໄທ​ໄວ້​ດົນນານ​ນັ້ນ ກໍ​ເພື່ອ​ໂຜດ​ພວກເຮົາ​ໃຫ້​ລອດພົ້ນ ເໝືອນ​ດັ່ງ​ໂປໂລ​ນ້ອງ​ທີ່ຮັກ​ຂອງເຮົາ ໄດ້​ຂຽນ​ຈົດໝາຍ​ເຖິງ​ເຈົ້າ​ທັງຫລາຍ ຕາມ​ສະຕິປັນຍາ​ທີ່​ໄດ້​ຊົງ​ປະທານ​ແກ່​ເພິ່ນ​ນັ້ນ.

ພຣະນິມິດ 1:20

ນີ້​ແມ່ນ​ຄວາມ​ເລິກລັບ​ຂອງ​ດາວ​ທັງ​ເຈັດ ທີ່​ເຈົ້າ​ເຫັນ​ຢູ່​ໃນ​ມື​ຂວາ​ຂອງເຮົາ ແລະ​ຄັນ​ຕະກຽງ​ຄຳ​ທັງ​ເຈັດ​ນັ້ນ ກໍ​ຄື​ດາວ​ເຈັດ​ດວງ​ນັ້ນ ໄດ້​ແກ່​ເທວະດາ​ແຫ່ງ​ຄຣິສຕະຈັກ​ທັງ​ເຈັດ ແລະ​ຄັນ​ຕະກຽງ​ຄຳ​ເຈັດ​ອັນ ໄດ້​ແກ່​ຄຣິສຕະຈັກ​ທັງ​ເຈັດ.”

ພວກ^ຜູ້ປົກຄອງ 5:31

“ຂ້າແດ່ ພຣະເຈົ້າຢາເວ ຂໍ​ໃຫ້​ເຫຼົ່າ​ສັດຕູ​ຂອງ​ພຣະອົງ ຕາຍໄປ​ດັ່ງນີ້​ເທາະ ແຕ່​ຂໍ​ໃຫ້​ຜູ້​ເຂົ້າ​ສະໜິດ​ກັບ​ພຣະອົງ ສ່ອງແຈ້ງ​ດັ່ງ​ຕາເວັນ​ຂຶ້ນ​ແດ່ທ້ອນ.” ຕໍ່ມາ ປະເທດຊາດ​ບ້ານ​ເມືອງ​ກໍ​ມີ​ຄວາມ​ສະຫງົບສຸກ​ເປັນ​ເວລາ​ສີ່ສິບ​ປີ.