ດານີເອນ 11:8 - ພຣະຄຳພີສັກສິ

⁸ ລາວ​ຈະ​ເອົາ​ຮູບເຄົາຣົບ​ຂອງ​ພວກເຂົາ ພ້ອມ​ດ້ວຍ​ສິ່ງຂອງ​ທີ່​ເຮັດ​ດ້ວຍ​ເງິນ​ດ້ວຍ​ຄຳ ແລະ​ຂົນ​ທັງໝົດ​ໄປ​ປະເທດ​ເອຢິບ. ຫລັງຈາກ​ນັ້ນ​ຈະ​ມີ​ຄວາມ​ສະຫງົບສຸກ​ຢູ່​ຫລາຍ​ປີ

ດານີເອນ 11:8 Jak'a apnaqawi uñst'ayäwi

ປະຖົມມະການ 31:30

ຂ້ອຍ​ຮູ້​ວ່າ​ເຈົ້າ​ປົບໜີ ເພາະ​ຢາກ​ກັບ​ເມືອ​ບ້ານ​ແຮງ, ແຕ່​ເປັນຫຍັງ ເຈົ້າ​ຈຶ່ງ​ເອົາ​ຮູບເຄົາຣົບ​ປະຈຳ​ຄອບຄົວ​ຂອງຂ້ອຍ​ມາ​ນຳ.”

2 ຊາມູເອນ 5:21

ເມື່ອ​ພວກ​ຟີລິດສະຕິນ​ປົບໜີໄປ​ນັ້ນ ພວກເຂົາ​ໄດ້​ປະ​ບັນດາ​ຮູບເຄົາຣົບ​ຂອງ​ພວກເຂົາ​ໄວ້. ກະສັດ​ດາວິດ​ກັບ​ທະຫານ​ຂອງ​ເພິ່ນ​ຈຶ່ງ​ຂົນ​ເອົາ​ຮູບເຄົາຣົບ​ເຫຼົ່ານັ້ນ​ໄປ.

ອົບພະຍົບ 12:12

ໃນ​ຄືນ​ນັ້ນ ເຮົາ​ຈະ​ຜ່ານ​ດິນແດນ​ປະເທດ​ເອຢິບ​ໄປ ເພື່ອ​ຂ້າ​ລູກຊາຍກົກ​ຂອງ​ມະນຸດ ແລະ​ລູກ​ສັດ​ໂຕ​ເຖິກ​ຫົວປີ​ທຸກໆ​ໂຕ ແລະ​ເພື່ອ​ລົງໂທດ​ບັນດາ​ພະ​ທັງໝົດ​ຂອງ​ຊາວ​ເອຢິບ. ເຮົາ​ແມ່ນ​ພຣະເຈົ້າຢາເວ.

ເອຊາຢາ 2:16

ພຣະອົງ​ຈະ​ເຮັດ​ໃຫ້​ແມ່ນແຕ່​ເຮືອໃຫຍ່​ແລະ​ງາມ​ທີ່ສຸດ​ຈົມ.

ເອຊາຢາ 37:19

ທັງ​ໄດ້​ຈູດ​ບັນດາ​ພະ​ຂອງ​ພວກເຂົາ​ຖິ້ມ​ຊຶ່ງ​ບໍ່ແມ່ນ​ພຣະ​ແທ້, ແຕ່​ເປັນ​ພຽງ​ຮູບ​ໄມ້ ແລະ​ຫີນ​ທີ່​ມື​ມະນຸດ​ໄດ້​ເຮັດ​ຂຶ້ນ​ເທົ່ານັ້ນ.

ເຢເຣມີຢາ 46:25

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ ກ່າວ​ວ່າ, “ເຮົາ​ຈະ​ລົງໂທດ​ອາໂມນ ພະ​ຂອງ​ເມືອງ​ເທເບ​ພ້ອມ​ກັບ​ເອຢິບ​ຕະຫລອດ​ທັງ​ພວກ​ພະ ແລະ​ບັນດາ​ກະສັດ​ດ້ວຍ. ເຮົາ​ກຳລັງ​ຈະ​ເອົາ​ກະສັດ​ເອຢິບ ແລະ​ໝົດ​ທຸກຄົນ​ທີ່​ໄວ້ວາງໃຈ​ໃນ​ລາວ,

ດານີເອນ 10:3

ຂ້າພະເຈົ້າ​ບໍ່ໄດ້​ກິນ​ອາຫານ​ແຊບ ຫລື​ຊີ້ນ​ໃດໆ ບໍ່ໄດ້​ດື່ມ​ເຫຼົ້າ​ອະງຸ່ນ ຫລື​ບໍ່ໄດ້​ຫວີຜົມ​ຈົນກວ່າ​ສາມ​ອາທິດ​ໄດ້​ຜ່ານ​ພົ້ນ​ໄປ.

ດານີເອນ 11:9

ແລ້ວ​ກະສັດ​ແຫ່ງ​ຊີເຣຍ​ກໍ​ຈະ​ຍົກທັບ​ເຂົ້າ​ໂຈມຕີ​ປະເທດ​ເອຢິບ, ແຕ່​ຈະ​ຖືກ​ກອງທັບ​ເອຢິບ​ຕີ​ໂຕ້ຕອບ​ຈົນ​ພ່າຍແພ້​ໄປ.

ໂຮເສອາ 13:15

ເຖິງ​ແມ່ນ​ຊາດ​ອິດສະຣາເອນ​ອອກ​ດອກ ຮຸ່ງເຮືອງ​ຂຶ້ນ​ດັ່ງ​ຕົ້ນຫຍ້າ ເຮົາ​ກໍ​ຈະ​ສົ່ງ​ລົມ​ຮ້ອນ​ຈາກ​ທິດ​ຕາເວັນອອກ ພັດ​ມາ​ຈາກ​ຖິ່ນ​ແຫ້ງແລ້ງ​ກັນດານ; ລົມ​ນີ້​ຈະ​ເຮັດ​ໃຫ້​ນໍ້າພຸ​ແລະ​ນໍ້າສ້າງ​ຂອງ​ພວກເຂົາ​ແຫ້ງ​ລົງ. ມັນ​ຈະ​ພັດ​ເອົາ​ທຸກສິ່ງ​ທີ່​ມີຄ່າ​ໄປ.

ໂຮເສອາ 8:6

ນາຍຊ່າງ​ຊາວ​ອິດສະຣາເອນ​ໄດ້​ສ້າງ​ຮູບເຄົາຣົບ ຮູບ​ນັ້ນ​ບໍ່ແມ່ນ​ພຣະເຈົ້າ ງົວ​ຄຳ​ທີ່​ຊາວ​ຊາມາເຣຍ​ຂາບໄຫວ້​ຈະ​ຖືກ​ທຳລາຍ​ໃຫ້​ໝຸ່ນ​ທະລາຍ​ໄປ.

ຈົດບັນຊີ 33:4

ໃນຂະນະທີ່​ກຳລັງ​ຝັງສົບ​ລູກຊາຍ​ຫົວປີ​ຂອງ​ພວກເຂົາ​ທີ່​ພຣະເຈົ້າຢາເວ​ໄດ້​ລົງໂທດ​ເຖິງ​ຕາຍ ພຣະເຈົ້າຢາເວ​ໄດ້​ສຳແດງ​ໃຫ້​ເຫັນ​ເຖິງ​ຣິດອຳນາດ​ອັນ​ຍິ່ງໃຫຍ່ ທີ່​ພຣະອົງ​ມີ​ເໜືອ​ພະ​ທັງຫລາຍ​ຂອງ​ພວກເຂົາ.

ພຣະບັນຍັດສອງ 12:3

ຈົ່ງ​ມ້າງ​ແທ່ນບູຊາ ແລະ​ທັບ​ເສົາ​ຫີນ​ສັກສິດ​ໃຫ້​ແຕກ​ເປັນ​ປ່ຽງໆ. ຈົ່ງ​ເຜົາ​ສັນຍາລັກ​ຂອງ​ເຈົ້າແມ່​ອາເຊຣາ ແລະ​ຕັດ​ຮູບເຄົາຣົບ​ຖິ້ມ​ເປັນ​ທ່ອນໆ ເພື່ອ​ວ່າ​ສະຖານທີ່​ເຫຼົ່ານັ້ນ​ຈະ​ບໍ່​ເປັນ​ທີ່​ຂາບໄຫວ້​ອີກ​ຕໍ່ໄປ.

ພວກ^ຜູ້ປົກຄອງ 18:24

ມີກາ​ຖາມ​ຄືນ​ວ່າ, “ພວກທ່ານ​ຖາມ​ວ່າ ‘ມີ​ເລື່ອງ​ຫຍັງ?’ ໝາຍຄວາມວ່າ​ຢ່າງ​ໃດ? ພວກທ່ານ​ເອົາ​ປະໂຣຫິດ​ແລະ​ຮູບ​ພະ​ຊຶ່ງ​ຂ້ອຍ​ໄດ້​ສ້າງ​ນັ້ນ​ໜີ​ມາ​ໝົດ ມີ​ຫຍັງ​ເຫຼືອ​ໄວ້​ໃຫ້​ຂ້ອຍ​ແດ່?”